ಇಬ್ರಿಯ 4:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ರಕ್ಷಣೆನಿ ವಾಟನಾ ಹುತಿ ತ್ಯುನೊನೆ ತಿಳಸಾಯಲ ಲಿಂಗತ ಅಪೊನೆಬಿ ತಿಳಸ್ಯಾ. ತ್ಯುನೆ ತೆ ಬೊಧನೆ ಐಕ್ಯಾತಬಿ ತ್ಯುನೊನೆ ಉಪಯೊಗ ಥೈಯು ನೈ. ಕಾಕದ್ಯಾಮ ತ್ಯುನೆ ತಿನೆ ಬರೊಕ್ಹಾಕ್ಹು ಸ್ವಿಕಾರ ಕರ‍್ಯಾ ನೈ.

ಇಬ್ರಿಯ 4:2 ပူးပေါင်းရင်းမြစ်များ

ಅಪೊಸ್ತಲೊ 13:46

ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!

ಅಪೊಸ್ತಲೊ 3:26

ಕ್ಹುದಾ ತಿನಾ ಖಾಸ ಸೆವಕನೆ ಮೌತಮಾತೊ ಉಟಾಡಿನ ಪೈಲಾ ತುಮೊಕನ ವಳಾಯೊ. ತುಮೊನೆ ಆಶಿರ್ವಾದ ದಿವಾನಾ ಹುತಿ ಕ್ಹುದಾ ಯೆಸುನೆ ವಳಾಯೊ. ತೆ ತುಮೊನೆ ತುಮಾರಾ ಕೆಟ್ಟಕಾಮೊಕ್ಹು ದುರ ಕರಿನ ಆಶಿರ್ವಾದ ಕರಸ"

ರೊಮಾಪೂರ 2:25

ತು ಧರಮಶಾಸ್ತ್ರ ಲಿಂಗತ ಚಾ಼ಲ್ಯೊ ಕದ್ಯಾಮ ತು ಕರಿಲಿದಲ ಸುನ್ನತಿನೆ ಮತ್ಲಬ ಛೆ. ತೆನೈಸೊ ತು ಧರಮಶಾಸ್ತ್ರನೆ ದಾಟಿನ ಗಯೊಮ ತುನೆ ಸುನ್ನತಿ ನತ್ತಿ ಥೈ ಕೈನ ವ್ಹೈ.

ರೊಮಾಪೂರ 3:3

ದಕ್ಹಾ ಯೆಹುದಿಯೊನಾ ಮನಕ್ಹೊ ಕ್ಹುದಾನೊ ಬರೊಕ್ಹೊ ಮ್ಹೆಲ್ಲಿದ್ಯಾನೈತೊ ಸು ಥಯು? ಇನು ಮತ್ಲಬ ಕ್ಹುದಾ ಬರೊಕ್ಹೊ ನೈಸೊ ರ‍್ಹವಸ ಸು?

1 ಕೊರಿಂಥ 13:3

ಮಿ ಮಕನ ರ‍್ಹವಾನು ಹರಯಕ್ಕ ಮನಕ್ಹೊನೆ ಖಾವಾನೆ ದೆ ಸಕುಸ. ಹೆಮ್ಮೆ ಪಡ್ದಿಲಿವಾನೆ ಮಿ ಮಾರು ಅಂಗಜ಼ ವಪ್ಸಿನ ದೆ ಸಕುಸ. ತೆನೈಸೊ ಎ ಕಾಮೊ ಕ್ಹಾರಾ ಕರ‍್ಯಾ ತಬಿ ಮಯಾ ನೈ ರ‍್ಹೈಮ, ಮನೆ ಸುಜ಼ ಉಪಯೊಗ ನತ್ತಿ.

ಗಲಾತ್ಯ 3:2

ಎ ಯಕ್ಕ ವಿಷಯ ಮನೆ ಕವೊ. ತುಮೆ ಪವಿತ್ರ ಆತ್ಮಾನೆ ವ್ಹಂದೊಲಿದಲ ಕಿಮ ವ್ಹೈ? ಧರಮಶಾಸ್ತ್ರಮಾ ರ‍್ಹಯಲ ತಿಮ್ಮ ಕರಲ ಹುತಿ ವ್ಹಂದ್ಯಾಸು? ನತ್ತಿ. ಸುವಾರ್ತೆ ಐಕಿನ ತಿಮಾ ಬರೊಕ್ಹೊ ಮ್ಹೆಲಿನ ಪವಿತ್ರ ಆತ್ಮಾ ವ್ಹಂದಿಲಿದ್ಯಾಸ.

ಗಲಾತ್ಯ 3:8

ಕ್ಹುದಾ ಯಹುದ್ಯೊ ನೈ ರ‍್ಹಯಲವಾಲಾ ತ್ಯುನೊ ಬರೊಕ್ಹಾನಾ ಹುತಿ ನಿತಿವಂತವಾಲಾ ವ್ಹೈ ಕೈನ ಕರಸ" ಅಬ್ರಹಾಮ, ತಾರಾಕ್ಹು ಕ್ಹುದಾ ಜಿಮಿನಪರ ರ‍್ಹಯಲ ಕ್ಹಾರಾ ಮನಕ್ಹೊನೆ ಆಶಿರ್ವಾದ ದಿವಸ" ಕವಾನಿ ಸುವಾರ್ತೆ ತಿನೆ ಪೈಲಾಜ಼ ಕದ್ಯಾತಾ ಕೈನ ಪವಿತ್ರ ಗ್ರಂಥ ಕವಸ. (ಆದಿಕಾಂಡ 12-3)

ಗಲಾತ್ಯ 4:13

ಪೈಲಾ ತುಮೆ ಮನೆ ಘನ್ನಾ ಚೊ಼ಕಾ ವ್ಹತ್ತಾ. ಮಿ ತುಮೊಕನ ಪಸ್ಟ ಆಯಲ ಮಿ ಅರಾಮ ಥಾವಾನಾ ಹುತಿ ಆಯಲ ವ್ಹೈಕೈನ ತುಮೊನೆ ಗ್ವತ್ತ ಛೆ. ಮಿ ತುಮೊನೆ ಸುವಾರ್ತೆ ಕದಲ ತೆಳಾಮಾಜ಼ ವ್ಹೈ.

1 ಥೆಸಲೊನಿಕ 1:5

ಹಮೆ ತುಮೊಕನ ಸುವಾರ್ತೆ ಲಾಯಾ ತೆ ಕ್ಹಾಲಿ ವಾತೊ ನ್ಹವೈ. ತಾಕತಕ್ಹು ವರಿ ವರಿ ಪವಿತ್ರ ಆತ್ಮಾನಾ ಕ್ಹಾತೆ ಲಾಯಾಸ. ಇಮಾ ಕ್ಹಾರು ಕ್ಹರಿ ಛೆ. ಎನೈಸೊ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ತುಮಾರಾ ಹುತಿ ಕಿಮ ಜಿವ್ನಾ ಕರ‍್ಯಾ ತುಮೆ ತಿಳ್ದಿಲಿದ್ಯಾಸ. ಎ ಕ್ಹಾರು ತುಮಾರಾ ಚೊ಼ಕಾನಾ ಹುತಿ ಥಯುಸ.

1 ಥೆಸಲೊನಿಕ 2:13

ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.

1 ತಿಮೊತಿ 4:8

ಶಾರಿರಿಕ ವ್ಯಾಯಾಮಕ್ಹು ಅಪ್ನೊನೆ ದಕ್ಹಿ ರಿತಿಮಾ ತುಮೊನೆ ಆಸ್ರೊ ಥಾವಸ. ತೆನೈಸೊ ಕ್ಹುದಾನಿ ಸೆವೆ ಕರಾನು ತುಮೊನೆ ಕ್ಹಾರಿ ತರಾ ಆಸ್ರೊ ಥಾವಸ. ಕ್ಹುದಾನಿ ಸೆವೆ ಕ್ಹಾರಾ ಲೊಕಮಾ ಆಶಿರ್ವಾದ ಥೈನ ರ‍್ಹವಸ. ಕಾಕದ್ಯಾಮ ಹಮ್ನಾನೊ ಟೈಮ್ಮ ವರಿ ಆವಾನೊ ಕಾಲಮ್ಮಾ ದಿದೆಲ ವಾಗ್ದಾನ ಮಳಲಿದ್ಯುಸ.

ಇಬ್ರಿಯ 11:6

ಬರೊಕ್ಹೊ ನೈಸೊ ಕ್ಹುದಾನೆ ಮೆಚಸಾನೆ ಥಾತು ನೈ. ಕ್ಹುದಾಕನ ಆವಾಲಾ ಕುನಬಿ ರ‍್ಹೈನೆಕಾ, ಕ್ಹುದಾ ಛೆ ಕೈನ ಮನಸೆ ಹುಡಕಾಲಾ ಮನಕ್ಹೊನೆ ತೆ ಪ್ರತಿ ಫಲ ದಿವಸ ಕವಾನು ಬರೊಕ್ಹೊ ಕರು.

ಇಬ್ರಿಯ 3:12

ಭಾಯೊ ಭೆನೊ, ಜುತೊ ರ‍್ಹಯಲ ಕ್ಹುದಾಕ್ಹು ತುಮೊನೆ ದುರ ಕರಾನು ಕಯುಜ಼ ಪಾಪ ವರಿ ಬರೊಕ್ಹೊ ನೈ ರ‍್ಹವಾನು ಸುಜ಼ ತುಮಾರಾ ಮನಸೊಮಾ ಕಿನಾಮಾಜ಼ ರ‍್ಹಯಾ ಬಗರ ಹುಶಾರ ರ‍್ಹವೊ.

ಇಬ್ರಿಯ 4:6

ತಿನಾಹುತಿ ಕ್ಹುದಾ ದಕ್ಹಾ ಜ಼ನಾವೊನೆ ತಿನಾ ಸಮಾಧಾನಮಾ ಮಳಾನೆ ಮೌಕೊ ದಿದ್ಯೊಸ. ಪೈಲಾ ಸುವಾರ್ತೆ ಐಕಲವಾಲಾ ತಿನಾ ಲಿಂಗತ ನೈ ಚಾ಼ಲಲ ಹುತಿ ತಿಪರ ನೈ ಬರೊಕ್ಹೊ ಕರಲಹುತಿ ತಿನಾ ಸಮಾಧಾನಮಾ ಮಳ್ಯಾ ನೈ.

ಯಾಕೊಬ 1:21

ತಿನಾಹುತಿ ಕ್ಹಾರಾ ಕೆಟ್ಟ ಕಾಮೊ ರ‍್ಹೈನಕಾ ಕ್ಹಾರಾ ಮೊಸನಾ ಕಾಮೊ ರ‍್ಹೈನಕಾ ಛೊಡಿನ ಅಪ್ನಾ ಮನಸೊಮಾ ಬೆರ ಘಾಲಲ ಕ್ಹುದಾನಿ ವಾಕ್ಯ ಘನ್ನಾ ಚೊ಼ಕಾ ಮನಸಕ್ಹು ವಪ್ಪಿಲಿವೊ. ತೆ ತುಮಾರಾ ಆತ್ಮಾವೊನೆ ವಚಾ಼ಡಾಯಕ್ಲಿ ತಾಕತವರ ಛೆ.

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.