ಇಬ್ರಿಯ 4:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ತಿನಾಹುತಿ ಅಗಾ ಪಾಚಾ಼ ಕರ‍್ಯಾವಾಚಿ ತಿನಿ ಕೃಪಾ ಕವಾನಿ ಸಿಂಹಾಸನನಾ ನಜಿಕ ಧೈರ್ಯಕ್ಹು ಐಯೆ. ಅಪೊನೆ ಜರುರತ ರ‍್ಹತಾಮಾ ಅಪೊನೆ ಚಾ಼ಯೆ ಥಯಲ ಮದತ ಅಪೆ ತ್ಯಾ ಕೃಪಾ ವರಿ ಮರಗಾ ವ್ಹಂದಿಲಿಯೆಸ.

ಇಬ್ರಿಯ 4:16 ပူးပေါင်းရင်းမြစ်များ

ಎಫೆಸ 2:18

ಹೊ, ಕ್ರಿಸ್ತನಾ ಮುಲಕ ಅಪೆ ಕ್ಹಾರಾ ಯಕ್ಲಾನಾ ಆತ್ಮಾಕ್ಹು ಅಪ್ನೊ ಬಾ ಥಯಲ ಕ್ಹುದಾ ಕನ ಆವಾನೆ ಶಕ್ತ ಥಯಾಸ.

ಎಫೆಸ 3:12

ಅಪೆ ಕ್ರಿಸ್ತಮಾ ರ‍್ಹವಾನಾ ಬರೊಕ್ಹಾನಾ ಮುಲಕ ಕ್ಹುದಾ ಕನ ಸ್ವಾತಂತ್ರ ಕ್ಹು ವರಿ ಭೆವಾಚಿ ಜಾ಼ವಾನೆ ಸಾಧ್ಯ ಥಯು.

ಇಬ್ರಿಯ 13:6

ತಿನಾಹುತಿ, ಕರ್ತಾ ಮಾರೊ ಸಹಾಯಕ ವ್ಹೈ ಮಿ ಭುಚ಼ಕ್ತೊ ನೈ, ಮನಕ್ಹ ಮನೆ ಸು ಕರಸ? ಕೈನ ಅಪೆ ಧೈರ್ಯಕ್ಹು ಕೆ ಸಕೆಸ.

ಇಬ್ರಿಯ 3:6

ಕ್ರಿಸ್ತತಬಿ ದಿಕ್ರೊ ಥೈನ ಕ್ಹುದಾನಾ ಘರಮಾ ಅದಿಕಾರ ಚಲಾವಾಲೊ ವ್ಹೈ. ವಿಶ್ವಾಸಿಯೊ ಥಯಲ ಅಪೆ ಅಪೊನೆ ರ‍್ಹಯಲ ಬರೊಕ್ಹೊ ವರಿ ವಿಶ್ವಾಸ ತಿಪರ ಮ್ಹೆಲಿನ ಲಾಸ್ಟ ಲಕ್ಕಾ ಘಟ್ಟ್ಟ ಹುಬ್ರಯಾರೆ ಅಪೆ ತಿನು ಘರ ಥಯೆಸ.

ಇಬ್ರಿಯ 7:19

ಮೊಶೆನೊ ಧರಮಶಾಸ್ತ್ರ ಸುಜ಼ ಸಿದ್ದ ಲಯು ನೈ. ಹಮ್ನಾ ಅಪೊನೆ ಚೊ಼ಕೊ ರ‍್ಹಯಲ ಯಕ್ಕ ಆಸ ದಿವಾಲಗಾಡ್ಯಾ. ಆ ಆಸ ಅಪೊನೆ ಕ್ಹುದಾನಾ ನಜಿಕ ಲಿಂಜಾ಼ವಸ.

ಇಬ್ರಿಯ 7:25

ತಿನಾಹುತಿ ತಿನಾ ಮುಲಕ ಕ್ಹುದಾಕನ ಆವಾಲಾ ಮನಕ್ಹೊನೆ ಯೆಸು ಕೆಳಾಮಾಬಿ ರಕ್ಷಾಕರಸ. ಕಾಕದ್ಯಾಮ ತೆ ಹಮೆಶಾಬಿ ಜ್ಯುತು ರ‍್ಹವಾಲೊ ಥಯೊಸ ವರಿ ಮನಕ್ಹೊ ಕ್ಹುದಾನಿ ಸನ್ನಿಧಿನೆ ಆಯಾಮ ಮನಕ್ಹೊನೆ ಮದತ ಕರಾನೆ ಸಿದ್ದ ಥಯೊಸ.

ಇಬ್ರಿಯ 9:5

ತಿನಾ ಉಪ್ಪರ ಕೃಪಾ ಸನನೆ ಝಾಕಾನು ತೆಜಸನಾ ಕೆರುಬಿಯೊ ವ್ಹತ್ತಾ. ತೆ ಹಮ್ನಾ ಯಕ್ಕ ಯಕ್ಕ ಕವಾನೆ ಸಾದ್ಯನತ್ತಿ.

1 ಪೆತ್ರಾ 2:10

ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.