ಇಬ್ರಿಯ 13:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ದೊಕ್ಡಾನಾ ಉಪ್ಪರ ತುಮೊನೆ ರ‍್ಹಯಲ ಆಸಕ್ಹು ದುರ ರ‍್ಹವೊ. ತುಮೊನೆ ರ‍್ಹಯಲ ತೆಕ್ಲಾಮಾ ತ್ರಪ್ತಿಕ್ಹು ರ‍್ಹವೊ. ಮಿ ತುಮೊನೆ ಕೆಳಾಮಾಜ಼ ಹತ್ತ ನೈ ಛೊಡತೊ, ಕೆಳಾಮಾಜ಼ ಛೊಡತೊ ನೈ ಕೈನ ಕ್ಹುದಾಜ಼ ಕದ್ಯೊಸ.

ಇಬ್ರಿಯ 13:5 ပူးပေါင်းရင်းမြစ်များ

ಮತ್ತಾಯ 6:19

ತುಮಾರಾ ಹುತಿ ಎ ಜಿಮಿನಪರ ಆಸ್ತಿ ಕರಿಲಿವೊ ನಕೊ.ತೆ ಕ್ಹಾರು ನುಶಿ ಲಾಗಿನ ಹಾಳ ಥಾವಸ. ಚ್ವಟ್ಟಾ ತುಮಾರಾ ಘರಪರ ಡೊಳೊ ಮ್ಹೆಲಿನ ತುಮೊಕನ ರ‍್ಹವಾನು ಕಾಳ್ಳಿವಸ.

ಮತ್ತಾಯ 6:25

ತಿನಾಹುತಿ ತುಮಾರಾ ಜಲಮನೆ ಚಾ಼ಯೆ ಥಯಲ ಅನ್ನನಾ ಹುತಿ ರ‍್ಹವಾದೆ ಅಂಗನೆ ಚಾ಼ಯೆ ಥಯಲ ವಣ್ಣಾನಾ ಹುತಿ ರ‍್ಹವಾದೆ ತುಮೆ ಚಿಂತಾ ಕರು ನೈ. ಜ಼ಲಮ ಅನ್ನತಿಬಿ ಅಂಗ ವಣ್ಣಾತಿಬಿ ಘನ್ನು ಖಾಸ ವ್ಹೈ ಕೈನ ಮಿ ತುಮೊನೆ ಕೌಸ.

ಮತ್ತಾಯ 6:34

ತಿಕ್ಹುನೆ ವಂತ್ತಾನಾ ಹುತಿ ಚಿಂತ್ತಾ ಕರೊ ನಕೊ. ಹರ ದಿನ್ನ ತಿನುಜ ರ‍್ಹಯಲ ಕ್ಯಕ್ಲಾಕಿ ತ್ರಾಸೊ ಹೊಂದಲ ರ‍್ಹವಸ. ವಂತ್ತಾಬಿ ತಿನುಜ ರ‍್ಹಯಲ ಚಿಂತ್ತಾ ಹೊದಲ ರ‍್ಹವಸ.

ಮಾರ್ಕ 7:22

ಸುಳಿತನಾ ಹಾದರತನಾ ದೊಕಡಾವೊಪರ ಆಸ ಕೆಡತನಾ ಮೊಸ ಸಂಗಟ ಘಾಲ್ಲಿವಾನು ಗಾಳೊ ದಿವಾನು ಸೊಕ್ಕಕ ಸುಳ್ಳ ಬೊಲಾನು.

ಲುಕ ಬರ್ದಲ ಸುವಾರ್ತಾ 3:14

ವರಿ ದಕ್ಹಾ ಸ್ಯೆನಿಕೊ ಯೊಹಾನಕನ ಐನ, ಹಮಾರಾ ಹುತಿ ಸು ಕಸಿ? ಹಮೆ ಸುಕರಿಯೆ? ಕೈನ ಪುಚ್ಯಾ. ಯೊಹಾನ ತ್ಯುನೊನೆ "ತುಮೆ ಕಿನೆಜ಼಼ ಭುಚ್ಕಾ಼ಡಿನ ದೊಕ್ಡಾ ಕಾಳ್ಳಿವೊನಕೊ, ಕಿಪರಜ಼ ಸುಳ್ಳ ಸಾಕ್ಷಿ ಕವೊ ನಕೊ. ತುಮಾರಾ ಪಗಾರಮಾ ಖುಶಿ ರಹೊ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 8:14

ಕಾಟಾವೊನಿಯೊ ಕಂಟಿಯೊಮಾ ಪಡಲ ಬಿಯ್ಯಾ ಕದ್ಯಾಮ. ತ್ಯುನೆ ತ್ಯವಾ ಮನಕ್ಹೊ ವ್ಹೈ. ದಕ್ಹಾ ಮನಕ್ಹೊ ಕ್ಹುದಾನಿಯೊ ವಾತೊ ಐಕಿಸ ವರಿ ಇವ್ನೆ ಜಗತಿನಿ ಸುಖಮಾ ವರಿ ಚಿಂತಾಮಾ, ಸೌಕಾರನಿ ಆಸಮಾ ಆಸ್ತಿನಾ ಹುತಿ ತ್ಯುನೆ ತಿನೆಜ಼ ಹೆಚ್ಕಿ ಟೈಮ ದಿನ್ನ ತ್ಯುನೆ ಬೆಳತ್ತಾ ನೈ; ತ್ಯುನೆ ಚೊ಼ಕು ಫಲ ದೆತಾ ನೈ.

ರೊಮಾಪೂರ 1:29

ತ್ಯುನೊಮಾ ಹರಿ ಯಕ್ಕ ತರಾನಾ ಪಾಪೊ, ದುಷ್ಟತನಾ, ಸ್ವಾರ್ಥ, ಶಿಟ್ಟ, ಸಂಗಟ ಘಾಲ್ಲಿವಾನು, ಖಲಾಸ ಕರಾನು ಲಡೈ ಕಾಡಾನು, ಸುಳ್ಳ ಬೊಲಾನು ವರಿ ಕೆಟ್ಟ ವಿಚಾರೊ ಎ ಕ್ಹಾರು ಭರಿ ಗಯೊಸ. ಯಕ್ಕಲಾಪರ ಯಕ್ಲೊ ಚಾ಼ಡಿ ಕವಸ;

1 ಕೊರಿಂಥ 5:11

ತೆನೈಸೊ ಕುನ್ ಕ್ರಿಸ್ತಮಾನೊ ಭೈ ವ್ಹೈ ಕೈನ ಕವೈಲಿನ, ಅಂಗನು ಪಾಪ ಕರಾಲಾ ಮನಕ್ಹೊ, ಸ್ವಾರಥಿಯೊ, ಮೊಸ ಕರಾಲಾ, ಮುರತಿಯೊನೆ ಪುಜಾ ಕರಾಲಾ, ಬಿಜಾ಼ ಮನಕ್ಹೊನಾ ಹುತಿ ಕೆಟ್ಟ ಬೊಲಾಲಾ, ಪಿದೊಡಾ, ರ‍್ಹಯಲ ಇವ್ನಿ ಸವಾಸ ತುಮೆ ಕರು ನೈ ವರಿ ತಿನಾ ಕ್ಹಾತೆ ಬೈಟಿನ ಕ್ಹೌಬಿ ನೈ. ಎಜ಼ ಮಾರಾ ಪತ್ರನು ಉದ್ದೆಶ ವ್ಹೈ.

1 ಕೊರಿಂಥ 6:10

ಚ್ವಟ್ಟಾ, ಲೊಭಿಯೊ, ಪಿದೊಡಾ, ಬಿಜಾ಼ವೊನು ಬೊಲಾಲಾ, ಮೊಸ ಕರಾಲಾ- ಇವ್ನೆ ಕುನ್ನಜ಼ ಕ್ಹುದಾನಿ ರಾಜ್ಯನೆ ಯೊಗ್ಯ ನ್ಹವೈ.

2 ಕೊರಿಂಥ 4:9

ಅಪೆ ತ್ರಾಸಮಾ ಪಡ್ಯಾ. ಕ್ಹುದಾ ಅಪೊನೆ ಢಕಲ್ಯೊ ನೈ. ದಕ್ಹಿಯೆಳ ಅಪೊನೆ ತ್ರಾಸ ಥಯು. ವರಿಬಿ ಅಪೆ ನಾಶ ಥಯಾನೈ.

ಎಫೆಸ 5:3

ತೆನೈಸೊ ತುಮಾರಾ ವಚ್ಮಾ ಅಂಗನು ಪಾಪ ರ‍್ಹೌ ನೈ. ಕಯಾ ತರಾನು ಕೆಟ್ಟ ರ‍್ಹವಾದೆ ಮಿ ಕವಾನು ರ‍್ಹವಾದೆ ರ‍್ಹೌ ನೈ. ಕಾಕದ್ಯಾಮ ತೆ ಕ್ಹುದಾನಾ ಪರಿಶುದ್ಧ ಮನಕ್ಹೊನೆ ಚಾ಼ಯೆ ಥಯಲ ನ್ಹವ್ಹೈ.

ಎಫೆಸ 5:5

ಎ ತುಮೊನೆ ಚೊ಼ಕಿ ತರಾ ಗ್ವತ್ತ ರ‍್ಹವಾದೆ; ಅಂಗನಾ ಪಾಪೊ ಕರಾಲಾವೊನೆ, ಕೆಟ್ಟ ಕಾಮೊ ಕರಾಲಾವೊನೆ, ಮಿ ಕವಾಲಾವೊನೆ, ಕೆಟ್ಟ ಆಸ ಕರಾಲಾ, ಕ್ರಿಸ್ತನಾ ವರಿ ಕ್ಹುದಾನಾ ರಾಜ್ಯಮಾ ಜ಼ಗಾಜ಼ ನತ್ತಿ. ಮಿ ಕವಾನು ಮುರತಿಯೊನೆ ಆರಾಧನಾ ಕರಲ ಲಿಂಗತ ಸೆಮ ಛೆ.

ಕೊಲೆಸ್ಸೆ 3:5

ತಿನಾಹುತಿ ತುಮಾರಾಮಾ ರ‍್ಹಯಲ ಲೊಕಿನಿ ಆಸ ಕದ್ಯಾಮ, ಜಾರತ್ವ,

1 ತಿಮೊತಿ 3:3

ತೆ ಪಿವಾನೆ ಆಸ ರ‍್ಹೌನೈ. ವರಿ ತ್ರಾಸ ಕರಾಲೊ ರ‍್ಹೌನೈ. ತೆ ಶಾಂತಿ ಸಮಾಧಾನವಾಲೊ ರ‍್ಹೌ; ದೊಕ್ಡಾವೊಪರ ಆಸ ರ‍್ಹೌನೈ.

2 ಪೆತ್ರಾ 2:14

ತ್ಯುನೆ ಜಾರತ್ವಕ್ಹು ಭರಲ ವರಿ ಡೊಳಾ ಕರಾನಾ ಪಾಪೊ ನೈ ಛೊಡಲಹುತಿ

2 ಪೆತ್ರಾ 2:3

ಸುಳ್ಳ ಭೊದೊಕೊನೆ ಚಾ಼ಯೆಥಯಲ ಕ್ಹಾಲಿ ತುಮಾರಾ ದೊಕ್ಡಾ ವ್ಹೈ. ತಿನಾಹುತಿ ಕ್ಹರಿ ರ‍್ಹಯಲ ವಾತ ನೈ ಕೈನ ತುಮೊನೆ ಉಪಯೊಗ ಕರಲಿವಸ. ತೆನೈಸೊ ಘನ್ನಾ ದಿನ್ತೊತಿಬಿ ತೆ ಸುಳ್ಳ ಭೊದೊಕೊನಾ ವಿರುದ್ದ ಫೈಸಲೊ ತೈಯ್ಯಾರ ಥಯೊಸ. ತ್ಯುನೆ ಹಾಳ ಥಾವಾಲಾನಾ ಹತೆ (ಕ್ಹುದಾ) ತ್ಯುನೆ ಚು಼ಕೈಲಿವಾನೆ ಥಾತು ನೈ.

ಯುದ ಬರ್ದಲ ಪತ್ರ 1:11

ತ್ಯುನೊನೆ ಕೆಟ್ಟ ಪರಸ್ತಿಥಿ ಆವಸ. ಎ ಮನಕ್ಹೊ ಕಾಯಿನ ಚಾ಼ಲಲ ವಾಟ್ಮಾಜ಼ ಚಾ಼ಲಸ. ತ್ಯುನೆ ಆಸ್ತಿ ಗಳ್ಸಾನಾ ಹುತಿ ಬಿಳಾಮನನಿ ವಾಟ್ಮಾ ಚಾ಼ಲಾನೆ ತ್ಯುನಾಕ್ಹು ತ್ಯುನೊನೆ ವಪ್ಸಿನ ದಿದ್ಯಾಸ. ಕೊರಹನ ಕರಲಲಿಂಗತಜ಼ ಕ್ಹುದಾನಾ ವಿರುದ್ದ ಹೊರಾಡ್ಯಾಡ್ಯಾಸ. ತ್ಯುನೆ ಕ್ಹಾರಾ ಕೊರಹಲಿಂಗತ ಹಾಳಥಾವಸ.