ಇಬ್ರಿಯ 13:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಜೆಲಮಾ ರ‍್ಹಯಲ ಮನಕ್ಹೊನೆ ಶೆಂ ಕರಿಲಿವೊ. ತುಮೆ ತ್ಯುನಾ ಕ್ಹಾತೆ ರ‍್ಹೈನ ಜೆಲಮಾ ರ‍್ಹಯಲವಾಲಾ ವ್ಹೈ ಕೈನ, ತ್ಯುನೊನೆ ಥಯಲ ಶರಿರನು ತ್ರಾಸ ತುಮೊನೆಬಿ ಥಯುಸ ಕೈನ ತಿಳ್ದಿನ, ತ್ಯುನೊನೆ ಶೆಂ ಕರಿಲಿವೊ.

ಇಬ್ರಿಯ 13:3 ပူးပေါင်းရင်းမြစ်များ

ಮತ್ತಾಯ 25:36

ವಣ್ಣಾ ನೈಸೊವಾಲೊ ವ್ಹತೊ ತುಮೆ ಮನೆ ವಣ್ಣಾ ಘಾಲ್ಲಿವಾನೆ ದಿದ್ಯಾ. ಮಿ ಅರಾಮ ನೈಸೊ ವ್ಹತೊ ಮನೆ ತುಮೆ ಜ಼ತ್ತನ ಕರ‍್ಯಾ, ಮಿ ಜೆಲ್ಮಾ ವ್ಹತೊ, ತುಮೆ ಮನೆ ದೆಕಾನೆ ಆಯಾ, ಕೈನ ಕವಸ.

ಮತ್ತಾಯ 25:43

ಪರದೆಶಿ ವ್ಹತೊ ಮನೆ ತುನೆ ಆಸ್ರೊ ಕರ‍್ಯಾ ನೈ; ವಣ್ಣಾ ನೈಸೊವಾಲೊ ವ್ಹತೊ ಮನೆ ಘಾಲ್ಲಿವಾನೆ ವಣ್ಣಾ ದಿದ್ಯಾ ನೈ. ಅರಾಮ ನೈಸೊ ವ್ಹತೊ, ವರಿ ಜೆಲ್ಮಾ ವ್ಹತೊ, ಮನೆ ತುಮೆ ಜ಼ತ್ತನ ಕರಾನೆ ಆಯಾ ನೈ ಕೈನ ಕವಸ.

ಅಪೊಸ್ತಲೊ 24:23

ತೆ ಥಯಲ್ಪರ ಪೌಲಾನೆ ಕಾವಲಮಾ ಮ್ಹೆಲು ಕೈನ, ಆದರೆ ಕಟ್ಟು ನಿಟ್ಟ ನಕೊ ಚಾ಼ಯೆ ಕೈನ, ತಿನೆ ರ‍್ಹಯೆಲ ದೊಸ್ತೊನೆ ತಿನೆ ಉಪಚಾರ ಕರಾನು, ಅಡ್ಡಿಕರು ನೈ ಕೈನ ಶತಾದಿಪತಿನೆ ಅಪ್ಪಣೆ ಕರ‍್ಯಾ.

ಅಪೊಸ್ತಲೊ 27:3

ಮರ್ನಾ ದಿನ್ನೆ ಹಮೆ ಸಿದೊನ ಗಾಮೆ ಆಯಾ. ಜೊಲಿಯಸ ಪೌಲಾನೆ ಮರಗತೊತೊ. ದೊಸ್ತೊನೆ ಗೈನ ಮಳಾನಾ ಹುತಿ ತೆ ಪೌಲಾನೆ ಅನುಮತಿ ದೆತೊತೊ. ದೊಸ್ತೊ ಪೌಲಾನೆ ಚಾ಼ಯೆ ಥಯಲ ಕ್ಹಾರುಜ಼ ದೆತಾತಾ.

ರೊಮಾಪೂರ 12:15

ಖುಶಿ ಥಾವಾಲಾವೊನಾ ಕ್ಹಾತೆ ಖುಶಿ ಥಾವೊ. ದುಖ ಥಾವಾಲಾವೊನಾ ಕ್ಹಾತೆ ದುಖ ಥಾವೊ.

1 ಕೊರಿಂಥ 12:26

ಯಕ್ಕ ಅಂಗನಾ ಭಾಗನೆ ದುಕ್ಕ ಥಯುಮ, ಕ್ಹಾರಾ ಅಂಗನಾ ಭಾಗೊ ತಿನಾ ಕ್ಹಾತೆ ದುಕ್ಕ ಖಾವಸ. ಯಕ್ಕ ಅಂಗನಾ ಭಾಗನೆ ಖುಶಿ ಥಯುಮ, ಉಗ್ರಲ ಕ್ಹಾರಾ ಅಂಗನಾ ಭಾಗೊ ತಿನಾ ಕ್ಹಾತೆ ಮಳಿನ ಖುಶಿ ಕರಸ.

ಎಫೆಸ 4:1

ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.

ಕೊಲೆಸ್ಸೆ 4:18

ಆ ಕ್ಹಾರೊ ಪೌಲ ಥಯಲ ಮಿಜ಼ ಮಾರಾ ಹತೆ ಲಿಕ್ಯೊಸ. ಮಿ ಜೆಲಮಾ ಶೆ ಕವಾನು ತುಮೊನೆ ಶೆ ರ‍್ಹವಾದೆ. ಕೃಪೆ ತುಮಾರಾ ಕ್ಹಾತೆ ರ‍್ಹವಾದೆ.

ಇಬ್ರಿಯ 10:34

ತುಮೆ ಜೆಲಮಾ ರ‍್ಹಯಲವಾಲಾವೊನೆ ಮರಗಾ ದೆಕಾಡೊ ತುಮಾರಾ ಹುತಿ ಚೊ಼ಕು ಘಟ್ಟ ರ‍್ಹಯಲ ರ‍್ಹವಾನಿ ಆಸ್ತಿ ಛೆ ಕೈನ ಚೊ಼ಕಿತರಾ ತಿಳ್ದಿನ ತುಮಾರಿ ಆಸ್ತಿ ಉದಾಳಿವಾಲಾವೊನೆ ಕ್ಹುಶಿಕ್ಹು ಛೊಡಿನ ದಿದ್ಯಾಸ.

ಇಬ್ರಿಯ 11:37

ದಕ್ಹಾ ಮನಕ್ಹೊನೆ ದಗ್ಡಾ ಮಾರಿನ ಖಲಾಸ ಕರ‍್ಯಾ. ದಕ್ಹಾ ಜ಼ನಾವೊನೆ ಖರಗಸ ಲಿನ ಕಾಟಿನ ಬೆ ತುಕ್ಡಾ ಕರ‍್ಯಾ. ದಕ್ಹಾ ಜ಼ನಾವೊನೆ ತಲ್ವಾರಕ್ಹು ಖಲಾಸ ಕರ‍್ಯಾ. ಇವ್ನೊಮಾ ದಕ್ಹಾಜ಼಼ನಾ ಬಕ್ರಾವೊನು ವರಿ ಬಕ್ರಾವೊನಾ ಬಚ್ಚಾ಼ವೊನಾ ಚಾ಼ಮ್ಡಾನಾ ವಣ್ಣಾ ಘಾಲ್ಲಿಲಿದ್ಯಾತಾ. ದಕ್ಹಾಜ಼಼ನಾ ಗರಿಬೊ ವ್ಹತ್ತಾ; ತ್ರಾಸಮಾ ರ‍್ಹಯಾತಬಿ ವರಿ ಮನಕ್ಹೊ ಕರಾನಾ ತ್ರಾಸಮಾ ಪಡ್ಯಾ.

1 ಪೆತ್ರಾ 3:8

ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.