ಇಬ್ರಿಯ 12:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಯೆಸುನಾ ಹುತಿ ತುಮೆ ವಿಚಾರ ಕರೊ. ಪಾಪಮಾಜ಼ ರ‍್ಹಯಲ ಮನಕ್ಹೊ ತಿನಾ ವಿರುದ್ದ ಕೆಟ್ಟ ಕರ‍್ತಾಮಾ ತೆ ದಡ್ದಿಲಿನ ವ್ಹತ್ತೊ. ತಿನಾಲಿಂಗತಜ಼ ತುಮೆಬಿ ತಡ್ದಿಲಿನ ರ‍್ಹೌ ವರಿ ಧೈರ್ಯ ಛೊಡು ನೈ.

ಇಬ್ರಿಯ 12:3 ပူးပေါင်းရင်းမြစ်များ

ಮತ್ತಾಯ 11:19

ಮನಕ್ಹನೊ ದಿಕ್ರೊ ಆಯೊ. ತೆ ಬಿಜಾ಼ ಮನಕ್ಹೊ ಲಿಂಗತ ಅನ್ನ ಖಾವಸ; ವರಿ ದ್ರಾಕ್ಷಿಯೊನು ರಕ್ಹ ಪಿವಸ. ತೆನೈಸೊ ಮನಕ್ಹೊ, ‘ತಿನೆ ದೆಕೊ! ತೆ ಮ್ಹೊಟಿ ಕುಡಿವಾಲೊ ವ್ಹೈ, ತೆ ಪಿದೊಡೊ ವ್ಹೈ, ಭು ಭಾಡೊ ಲಿವಾಲಾ ವರಿ ಪಾಪಿಯೊ ತಿನಾ ದೊಸ್ತೊ ವ್ಹೈ’ ಕೈನ ಕವಸ. ತೆನೈಸೊ ತ್ಯುನು ಗ್ಯಾನ ತ್ಯುನೆ ಕರಾನಾ ಕಾಮೊಕ್ಹು ದೆಕಾಡಿನ ದಿವಸ.

ಮತ್ತಾಯ 12:24

ಮನಕ್ಹೊ ಎ ಕ್ಹಾರು ಬೊಲ್ಲಿವಾನು ಐಕಲ ಪರಿಸಾಯರೊ, ಯೆಸು ಬೆಲ್ಜೆಬೊಲನಾ ತಾಕತಕ್ಹು ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವಸ. ಬೆಲ್ಜೆಬೊಲ ಭುತ್ಡಾವೊನೊ ಅಧಿಪತಿ ವ್ಹೈ” ಕದ್ಯಾ.

ಮತ್ತಾಯ 15:2

"ತಾರಾ ಶಿಷ್ಯಾ ಶಾನಾ ಮನಕ್ಹೊ ಕರಲ ಪದ್ದತನೆ ಕಾ ದಾಟಿನ ಜಾ಼ವಸ? ತ್ಯುನೆ ಖಾತಾಮಾ ತ್ಯುನಾ ಹತೊ ಧ್ವಯಿಲೆತಾ ನೈ ಕಾ? ಕೈನ ಪುಚ್ಯಾ.

ಮತ್ತಾಯ 21:23

ತೆ ಥಯಲ್ಪರ ಯೆಸು ಯೆಸು ದೆವಾಲಯಮಾ ಐನ ಭೊದನೆ ಕರ್ತಾಮಾ ಖಾಸ ಯಾಜಕೊ ಮನಕ್ಹೊನಾ ಮ್ಹೊಟಾ ತಿಕನ ಐನ, ತುಮೆ ಕಯಾ ಅದಿಕಾರಕ್ಹು ಎ ಕ್ಹಾರು ಕರಾಡ್ಯೊಸ? ಆ ಅದಿಕಾರ ತುನೆ ದಿದಲವಾಲೊ ಕುನ್ನ ವ್ಹೈ? ಕೈನ ಪುಚ್ಯಾ.

ಮತ್ತಾಯ 21:46

ತೆನೈಸೊ ತ್ಯುನೆ ತಿನೆ ಬಂದಿ ಕರಾನಾಹುತಿ ಕೊಶಿಶ ಕರ‍್ಯಾತುಬಿ ಮನಕ್ಹೊ ತಿನೆ ಪ್ರವಾದಿ ವ್ಹೈ ಕೈನ ತಿಳದಿಲಿದಲ ಹುತಿ ಮನಕ್ಹೊನಾಹುತಿ ಭುಚಕ್ಯಾ.

ಮತ್ತಾಯ 22:15

ತೆ ಥಯಲ್ಪರ ಫರಿಸಾಯರೊ ಗೈನ ಯೆಸುನೆ ವಾತೊಮಾ ಕಿಮ್ಮ ಧರಿಯೆ ಕೈನ ವಿಚಾರ ಕರ್ತಾ

ಲುಕ ಬರ್ದಲ ಸುವಾರ್ತಾ 14:1

ಯಕ್ಕ ಸಬ್ಬತದಿನಮಾ ಯೆಸು ಖಾಸ ಫರಿಸಾಯನಾ ಘರಮಾ ಖಾವಾನೆ ಗಯೊ. ತ್ಯಾ ರ‍್ಹಯಲ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ.

ಲುಕ ಬರ್ದಲ ಸುವಾರ್ತಾ 15:2

ತೆಳಾಮಾ ಫರಿಸಾಯರೊ ವರಿ ಶಾಸ್ತ್ರಿಯೊ"ದೆಕೊ! ಎ ಮನಕ್ಹ (ಯೆಸು) ಪಾಪಿಯೊನೆ ಬಲೈನ ತ್ಯುನಾ ಕ್ಹಾತೆ ಮಳಿನ ಅನ್ನ ಖಾವಾಡ್ಯೊಸ"ಕತಾ ಯೆಸುಪರ ಗುಣ ಗುಟ್ಟಾಡ್ಯಾತಾ.

ಲುಕ ಬರ್ದಲ ಸುವಾರ್ತಾ 16:14

ತೆಳಾಮಾ ಫರಿಸಾಯರೊ ಎ ಕ್ಹಾರು ಐಕಾಡ್ಯಾತಾ. ಫರಿಸಾಯರೊ ದೊಕಡಾವೊಪರ ಆಸ ರ‍್ಹಯಲ ವಾಲಾ ವ್ಹತ್ತಾ ತಿನಾಹುತಿ ತ್ಯುನೆ ಯೆಸುನೆ ಕದ್ರಾಯಾ.

ಲುಕ ಬರ್ದಲ ಸುವಾರ್ತಾ 2:34

ಪಾಚಲ್ತೊ ಸಿಮೊನ ಆಶಿರ್ವಾದ ದಿನ್ನ ಮರಿಯಳನೆ "ದೆಕ ಎ ಪಟ್ಟಾನಾ ಹುತಿ ಇಸ್ರಾಯಲನಾ ಘನ್ನಾ ಜ಼ನಾ ಪಡಸ ಘನ್ನಾ ಜ಼ನಾ ಉಟಸ. ದಕ್ಹಾ ಜ಼ನಾ ತಿನೆ ನೈ ವಪ್ಪಿಲೆತಾ. ಎ ಕ್ಹುದಾಕಂತೊ ಆಯೊಸ ಕವಾನು ವಳಕ ಥಾವಸ.

ಲುಕ ಬರ್ದಲ ಸುವಾರ್ತಾ 5:21

ತ್ಯಾ ರ‍್ಹಯಲವಾಲಾ ಶಾಸ್ತ್ರಿಯೊ ಫರಿಸಾಯರೊ. ತೆ ಐಕಿನ "ಎ ಕ್ಹುದಾನಾ ವಿರುದ್ದ ಬೊಲಾಲೊ ಕುನ್ನ ವ್ಹೈ? ಕ್ಹುದಾನೆ ಯಕ್ಲಾನೆಜ಼ ಪಾಪ ಮಾಫ ಕರಾನೆ ಥಾವಸ "ಕೈನ ತ್ಯುನೊ ತ್ಯುನೊಮಾಜ಼ ವಿಚಾರ ಕರಲಿವಾಡ್ಯಾತಾ.

ಯೊಹಾನ 10:20

ತ್ಯುನೊಮಾ ಘನ್ನಾ ಜ಼ನಾ"ತಿನಾಮಾ ಭುತಡು ಛೆ. ಎ ಪಿಸಾಳೊ ಛೆ. ತಿನು ಕಾ ಐಕಾಡಾಸ? ಕೈನ ಕದ್ಯಾ.

ಯೊಹಾನ 18:22

ಯೆಸು ಇಮ್ಮ ಕದಲ ಬರೊಬ್ಬರ, ತ್ಯಾ ಹುಬ್ರಯಲ ಕೈದಾಲಾವೊಮಾನೊ ಯಕ್ಲೊ ಯೆಸುನೆ ಛಕ್ಕಡ ಮಾರಿನ"ತು ಖಾಸ ಯಾಜಕನಾ ಕ್ಹಾತೆ ತಿಮ್ಮ ಬೊಲಾನೆ ಕಕ್ಲಿ ಧೈರ್ಯ ಛೆ" ಕದ್ಯೊ

ಯೊಹಾನ 5:16

ತಿನಾಹುತಿ ತ್ಯುನೆ ಯೆಸು ಎ ಕಾಮೊ ಸಬ್ಬತ ದಿನ್ನೊಮಾ ಕರಲಹುತಿ ತ್ಯುನೆ ತಿನೆ ತ್ರಾಸ ಕರಾನು ಶುರು ಕರ‍್ಯಾ.

ಯೊಹಾನ 7:12

ತ್ಯಾ ಮನಕ್ಹೊನು ಮ್ಹೊಟು ಗುಂಪ ವ್ಹತ್ತು. ತೆ ಮನಕ್ಹೊಮಾ ಘನ್ನಾ ಜ಼ನಾ ಯೆಸುನಾ ಹುತಿ ಯಕ್ಕನೆ ಯಕ್ಕ ಕುಚು-ಕುಚು ಬೊಲ್ಲಿವಾಡ್ಯಾತಾ" ತೆ ಚೊ಼ಕೊ ವ್ಹೈ" ಕೈನ ದಕ್ಹಾ ಜ಼ನಾ ಕದ್ಯಾ. ಬಿಜಾ಼ ದಕ್ಹಾ ಜ಼ನಾ"ನ್ಹವೈ, ತೆ ಮನಕ್ಹೊನೆ ಮೊಸ ಕರಾಡ್ಯೊಸ" ಕೈನ ಕವಾಡಾತಾ.

ಯೊಹಾನ 8:13

ಫರಿಸಾಯರೊ ಯೆಸುನೆ"ತು ತಾರಾ ಹುತಿ ಸಾಕ್ಷಿ ದಿವಾಡೊಸ. ತೆನೈಸೊ ಎ ಸಾಕ್ಷಿ ಕ್ಹರಿ ನ್ಹವೈ" ಕೈನ ಕದ್ಯಾ.

ಯೊಹಾನ 8:52

ಯೆಹುದಿಯೊ ತಿನೆ"ಕ್ಹರಿಮಾಬಿ ತಾರಾಮಾ ಕೆಟ್ಟ ಆತ್ಮಾ ಛೆ ಕೈನ ಹಮ್ನಾ ಹಮೊನೆ ಗ್ವತ್ತ ಥಯು! ಅಬ್ರಹಾಮಬಿ ಮರ‍್ಯೊ ವರಿ ಪ್ರವಾದಿಯೊಬಿ ಮರಿಗಯಾ ತೆನೈಸೊ ವರಿಬಿ "ಮಾರಿ ಉಪದೆಶನೆ ವಿಧೆಯ ಥಾವಾಲೊ ಕೆಳಾಮಾಜ ಮರ್ತೊಜ ನೈ ಕೈನ ತು ಕವಾಡ್ಯೊಸ.

ಯೊಹಾನ 8:59

ಎ ಐಕಲ ಬರೊಬ್ಬರ ಮನಕ್ಹೊ ತಿನೆ ನಾಕಾನೆ ದಗ್ಡಾ ಲಿದ್ಯಾ. ತೆನೈಸೊ ಯೆಸು ದಡಿ ರ‍್ಹೈನ ದೆವಾಲಯಮಾತೊ ಗೈಪಡ್ಯೊ.

ಯೊಹಾನ 9:40

ಯೆಸುನಾ ಕ್ಹಾತೆ ರ‍್ಹಯಲ ದಕ್ಹಾ ಫರಿಸಾಯರೊ ಎ ಐಕಿನ"ಕ್ಹರಿಮಾಜ಼ ತು ಹಮೆಬಿ ಕುಡ್ಡಾ ವ್ಹೈ ಕೈನ ಕವಾಡ್ಯೊಸ ಸು? ಕೈನ ಸವಾಲ ಕರ‍್ಯಾ.

1 ಕೊರಿಂಥ 15:58

ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.

2 ಕೊರಿಂಥ 4:1

ತಿನಾಹುತಿ ಕ್ಹುದಾ ತಿನಿ ಮರ್ಗಾಕ್ಹು ಎ ಸೆವಾ ದಿದ್ಯೊಸ. ತಿನಾಹುತಿ ಅಪೆ ಬುಚಕ್ತಾ ನೈ.

2 ಕೊರಿಂಥ 4:16

ತಿನಾಹುತಿ ಅಪೆ ಬಲಹಿನ ಥೈನ ರ‍್ಹತಾನೈ. ಅಪ್ನು ಭಾರಲ್ಯು ಅಂಗನೆ ವೈಸ ಥಾವಸ ವರಿ ಬಲಹಿನ ಥಾವಸ ಅಪ್ನು ಅಂತರ್ಯ ದಿನ್ನೆ ದಿನ್ನೆ ನೌ ಥಾವಸ.

ಗಲಾತ್ಯ 6:9

ಅಪೆ ಚೊ಼ಕಾ ಕಾಮೊ ಕರಾಮಾ ಬೆಜ್ಜಾರ ಥೌ ನೈ. ಕರೆಟ್ಟ ಟೈಮಮಾ ಅಪೆ ಹಮೆಶಾನು ಜ಼ಲಮ ಪಡ್ದಿಲಿವಸ. ತಿನಾಹುತಿ ಚೊ಼ಕಾ ಕಾಮೊ ಕರಾನು ಛೊಡುನೈ.

2 ಥೆಸಲೊನಿಕ 3:13

ಹಮಾರಾ ಭಾಯೊ ಭೆನೊ, ಚೊ಼ಕು ಕರಾಮಾ ಕೆಳಾಮಾಜ಼ ಬೆಜ್ಜಾರ ಥಾವೊ ನಕೊ.

ಇಬ್ರಿಯ 12:2

ಅಪೆ ಹಮೆಶಾಬಿ ಯೆಸುನೆಜ಼ ಮಾದರಿ ಕರಿನ ಮ್ಹೆಲ್ಲಿದಲ ರ‍್ಹೌ. ಅಪೊನೆ ಬರೊಕ್ಹೊ ದಿವಾಲೊ ಪುರಾ ಕರಾಲೊ ತೆಜ಼ ವ್ಹೈ. ತೆ ತಿನಾ ಕ್ಹಾಮಾ ಮ್ಹೆಲಲ ಖುಶಿಕ್ಹು ಮರ್ಯಾದಿ ಅಲಕ್ಶ ಕರಿನ ಶಿಲುಬೆನು ಮರಣ ತಡ್ದಿಲಿದ್ಯೊ. ಹಮ್ನಾ ತೆ ಕ್ಹುದಾನಾ ಸಿಂಹಾಸನನಾ ಶಿದಾ ಹತ ಬಗಲ ಬೈಟ್ಯೊಸ.

ಇಬ್ರಿಯ 12:5

ತುಮೆ ಕ್ಹುದಾನಾ ಬಚ್ಚಾ಼ ಥಯಾಸ. ತೆ ತುಮೊನೆ ಸಮಾದಾನಿಯೊ ವಾತೊ ಕವಸ. ತುಮೆ ತೆ ವಾತೊ ಇಕ್ಹರ‍್ಯಾಸ;

ಇಬ್ರಿಯ 3:1

ತಿನಾಹುತಿ ಮಾರಾ ಭಾಯೊ ಭೆನೊ, ಪರಿಶುದ್ಧ ರ‍್ಹವಾನಾ ಹುತಿ ಕ್ಹುದಾಕ್ಹು ಬಲೈ ಲಿದಲವಾಲಾ ಥಯಲ ತುಮೆ ಯೆಸುನಾ ಹುತಿಜ಼ ವಿಚಾರ ಕರೊ. ಕ್ಹುದಾ ತಿನೆ ಅಪೊಕನ ವಳಾಯೊ. ತೆ ಅಪೆ ಬರೊಕ್ಹೊ ಮ್ಹೆಲಲ ಖಾಸ ಯಾಜಕ ವ್ಹೈ.

1 ಪೆತ್ರಾ 2:23

ಮನಕ್ಹೊ ಕ್ರಿಸ್ತನೆ ಗಾಳೊ ದಿದ್ಯಾತಬಿ ತ್ಯುನೊನೆ ತೆ ಗಾಳೊ ದಿದ್ಯೊ ನೈ. ತೆ ತ್ರಾಸ ಖಾದ್ಯೊತಬಿ ಮನಕ್ಹೊನೆ ಭುಚ್ಕಾ಼ಡ್ಯೊ ನೈ. ತೆ ತಿನು ಕಾಮ ಕ್ಹುದಾಪರ ಛೊಡ್ಯೊ. ಕ್ಹರಿನೊ ಫೈಸಲೊ ಕರಾಲೊ ಕ್ಹುದಾ ಯಕ್ಕಲೊಜ಼ ವ್ಹೈ.

ಪ್ರಕಟನೆ 2:3

ತು ತಡ್ದಿಲಿನ ಹಮೆಶಾಬಿ ಕೊಶಿಶ ಕರಾಡ್ಯೊಸ. ಮಾರಾ ನಾಮನಾ ಹುತಿ ತ್ರಾಸನೆ ಧೈರ್ಯಕ್ಹು ತಡ್ದಿಲಿದ್ಯೊ.