ಇಬ್ರಿಯ 12:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ತಿನಾಹುತಿ ಅಪ್ನಾ ಸುತ್ತೆಬಿ ಬರೊಕ್ಹಾಮಾ ರ‍್ಹಯಲ ಘನ್ನಾ ಮನಕ್ಹೊ ಛೆ. ಬರೊಕ್ಹೊ ಸು ವ್ಹೈ ಕವಾನು ತಿನಿ ಜಿವಿತನಿ ಸಾಕ್ಷಿಜ಼ ಕವಸ. ತಿನಾಹುತಿ ಅಪೆ ತ್ಯುನಾ ಲಿಂಗತಜ಼ ರ‍್ಹೌ. ಅಪ್ನಾ ಕ್ಹಾಮಿ ರ‍್ಹಯಲ ಗುರಿ ಮುಟ್ಟಾನೆ ನ್ಹಾಟು ವರಿ ಅಪ್ನಿ ಕೊಶಿಶ ಹುಬ್ರಾಡು ನೈ. ಅಪೊನೆ ತರಬಾನಾ ಕ್ಹಾರಿಯೊ ಸಂಗತಿಯೊ ಅಪ್ನಾ ಜಿವಿತಮಾತು ಕಾಡಿಪಾಡು. ಅಪೊನೆ ಆಸಾನಕ್ಹು ಧರ್ಲಿವಾನಾ ಪಾಪಕ್ಹು ಛೊ಼ಡೈಲ್ಯು.

ಇಬ್ರಿಯ 12:1 ပူးပေါင်းရင်းမြစ်များ

ಮತ್ತಾಯ 10:22

ತುಮೆ ಮಾರಾ ಪಾಚಾ಼ ಆವಾಕ್ಹು ಕ್ಹಾರಾ ಮನಕ್ಹೊ ತುಮೊನೆ ದ್ವೆಶ ಕರಸ. ತೆನೈಸೊ ಲಾಸ್ಟ ಲಕ್ಕಾ ತಡ್ದಿಲಿವಾಲೊ ರಕ್ಷಣೆ ವ್ಹಂದಿಲಿವಸ.

ಮತ್ತಾಯ 24:13

ವರಿಬಿ ಲಾಸ್ಟಲಕ್ಕಾ ತಡ್ದಿಲಿವಾಲೊ ರಕ್ಷಣೆ ಹೊಂದಿಲಿವಸ.

ಮಾರ್ಕ 10:50

ತೆ ತಿಪರ ವಳ್ಳಿದಲ ಪ್ಹಡಕು ನಾಕಿನ ಗಪ್ನೆ ಉಟಿನ ಯೆಸುಕನ ಆಯೊ.

ಲುಕ ಬರ್ದಲ ಸುವಾರ್ತಾ 12:15

ತೆ ಥಯಲಪರ ಯೆಸು ತ್ಯಾ ರ‍್ಹಯಲ ಮನಕ್ಹೊನೆ "ಹುಶಾರ, ಕೈಬಿ ಆಸನೆ ಸ್ವಾರಥಮಾ ಪಡೆನೈಸೊ ಜಾ಼ಗಾ ರ‍್ಹವೊ. ಕಾಕದ್ಯಾಮ ಯಕ್ಲಾನೆ ಕೆಕ್ಕಲಿಬಿ ಆಸ್ತಿ ರ‍್ಹೈತಬಿ ತೆ ಆಸ್ತಿಕ್ಹು ತೆ ಮನಕ್ಹನೊ ಜ಼ಲಮ ನೈ ವಚಾ಼ಡಿಲೆತೊ "ಕದ್ಯೊ.

ಲುಕ ಬರ್ದಲ ಸುವಾರ್ತಾ 16:28

ಮಾರಾ ಪಾಂಚ಼ ಭಾಯೊ ಛೆ ತ್ಯುನೆ ಮಿ ತ್ರಾಸ ಖಾವಾನ ಜ಼ಗಾ ಆವಾನು ನಕೊ, ಕೈನ ತ್ಯುನೊನೆ ಹುಶಾರ ಕರಾದೆ ಕದ್ಯೊ.

ಲುಕ ಬರ್ದಲ ಸುವಾರ್ತಾ 21:34

"ತುಮೆ ಹುಶಾರ ರ‍್ಹವೊ! ಖಾವಾಮಾ ಪಿನ ನಶಾಮಾ ದುನಿಯಾನಿ ಚಿಂತಾಮಾ ಡುಬಿಜಾ಼ವೊನಕೊ ತುಮೆ ತುಮಾರು ಮನಸ ಘಟ್ಟ ಕರಲಿದಲ ಟೈಮಾಜ಼ ಲಾಸ್ಟನೊ ದಿನ್ನ ಭೆಗಿನ ಐ ಜಾ಼ವಸ.

ಯೊಹಾನ 3:32

ತೆ ದೆಕಲ ಕ್ಹಾರಾನಾ ಹುತಿ ವರಿ ಐಕಲ ಕ್ಹಾರಾನಾ ಹುತಿ ಸಾಕ್ಷಿ ದಿವಸ. ತೆನೈಸೊ ತಿನಿ ಸಾಕ್ಷಿನೆ ಮನಕ್ಹೊ ಸ್ವಿಕಾರ ನೈ ಕರ‍್ತಾ.

ಯೊಹಾನ 4:39

ತೆ ಗಾಮನಾ ಘನ್ನಾ ಸಮಾರ್ಯಾವಾಲಾ ಮನಕ್ಹೊ ಯೆಸುನೆ ನಂಬ್ಯಾತಾ. ಕಾಕದ್ಯಾಮ ತೆ ಬಾಕ್ಡಿ ತಿನಾಹುತಿ ತ್ಯುನೊನೆ"ಮಿ ಕರಲ ತೆಕ್ಲುಬಿ ಮನೆ ತೆ ಕದ್ಯೊತೊ" ಕೈನ ಕದಿತಿ.

ಯೊಹಾನ 4:44

ಪ್ರವಾದಿನೆ ತಿನಾ ಸ್ವಂತ ಗಾಮ್ಮಾ ಮರ್ಯಾದಿ ನತ್ತಿ ಖುದ್ದನಾ ಹುತಿ ಯೆಸುಜ ಕದ್ಯೊ.

ರೊಮಾಪೂರ 12:12

ತುಮೊನೆ ನಿರಿಕ್ಷೆ ರ‍್ಹವಾಕ್ಹು ಖುಶಿ ರ‍್ಹವೊ. ತುಮೊನೆ ತ್ರಾಸ ರ‍್ಹತಾಮಾ ತಡ್ದಿಲಿನ ರ‍್ಹವೊ. ಕ್ಹಾರಾ ಟೈಮಮಾ ಪ್ರಾಥನಾ ಕರೊ.

ರೊಮಾಪೂರ 2:7

ದಕ್ಹಾ ಮನಕ್ಹೊ ಮಹಿಮಾನಾ ಹುತಿ, ಮರಯಾದಿನಾ ಹುತಿ ವರಿ ತ್ಯುನು ಹಮೆಶಾನು ಜ಼ಲಮ ರ‍್ಹೌ ಕೈನ ಕೆಳಾಮಾಬಿ ಚೊ಼ಕಾ ಕಾಮೊ ಕರತಾ ಜಿವ್ನಾ ಕರಸ. ಕ್ಹುದಾ ತೆ ಮನಕ್ಹೊನೆ ಹಮೆಶಾನೊ ಜ಼ಲಮ ದಿವಸ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಗಲಾತ್ಯ 2:2

ಮಿ ಜೌ಼ಸ ಕೈನ ಕ್ಹುದಾ ಮನೆ ಕದಲ ಹುತಿ ವಿಸ್ವಾಸಿಯೊಪರ ಮ್ಹೊಟಾ ರ‍್ಹಯಲ ವಾಲಾ ತೆ ಮನಕ್ಹೊಕನ ಗಯೊ. ಹಮೆ ಯಕ್ಲಾಜ಼ ರ‍್ಹತಾಮಾ, ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನಿ ಸುವಾರ್ತೆ ಇವ್ನೊನೆ ಕದ್ಯೊ. ಮಿ ಪೈಲಾ ಕರಲ ಸೆವೆ ವರಿ ಹಮ್ನಾ ಕರಾನಿ ಸೆವೆ ಹಾಳ ಥೌ ನೈ ಕವಾನಾ ಉದ್ದೆಶಕ್ಹು ಇವ್ನೊನೆ ಕಳಲ ಲಿಂಗತ ಮಾರಿ ಸೆವೆನಾ ಹುತಿ ಕದ್ಯೊ.

ಗಲಾತ್ಯ 5:7

ತುಮೆ ಚೊ಼ಕಿತರಾ ಚಾ಼ಲಿಲಿನ ಚಾ಼ಲ್ಯಾಸ. ತುಮೆ ಕ್ಹರಿನೆ ವಿಧೆಯ ಥಯಾಸ. ಕ್ಹರಿನಿ ವಾಟ ಕರುನೈ ಕೈನ ತುಮೊನೆ ವತ್ತಾಯ ಕರಲವಾಲಾ ಕುನ ವ್ಹೈ?

ಎಫೆಸ 4:25

ತಿನಾಹುತಿ ತುಮೆ ಸುಳ್ಳ ಬೊಲ್ಯಾವಾಚಿ ಯಕನೆ ಯಕ್ಕ ಕೆಳಾಮಾಬಿ ಕ್ಹರಿಜ಼ ಕವೊ. ಕಾಕದ್ಯಾಮ ಅಪೆ ಕ್ಹಾರಾ ಯಕ್ಕಜ಼ ಅಂಗನೆ ಮಳಲ ಭಾಗೊ ವ್ಹೈ.

ಫಿಲಿಪ್ಪಿ 1:30

ಇಮ್ಮ ತಮೆ ಮಾರಾಮ್ಮಾ ದಿಕ್ಹೆಲ ವರಿ ಮಾರಾ ಹುತಿ ಪುಚಾನು ತೆ ಹೊರಾಟ ತಮನೊನೆ ಬಿ ಥಾವಾಸ.

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

2 ತಿಮೊತಿ 2:4

ಸೈನಿಕ ತಿನಾ ಸೈನ್ಯಾದಿಕಾರಿನೆ ಪಸಂದ ಔ ಕೈನ ಆಸ ಕರಸ. ತಿನಾಹುತಿ ತೆ ಸೈನಿಕ ಲೊಕ ವ್ಯವಹಾರಮಾ ಅಟಕ್ಯಾವಾಚಿ ಹುಶಾರಮಾ ರ‍್ಹವಸ.

2 ತಿಮೊತಿ 4:7

ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.

ಇಬ್ರಿಯ 6:15

ಅಬ್ರಹಾಮ ಎ ವಾತ ಪುರಾ ಥಾಯೆಲಕ್ಕಾ ತಡ್ದಿಲಿನ ರ‍್ಹಯೊ. ಪಾಚಲ್ತೊ ಕ್ಹುದಾನಿ ವಾಗ್ದಾನನು ಫಲ ಮಳ್ಯು.

ಯಾಕೊಬ 1:3

ಕಾಕದ್ಯಾಮ ತುಮಾರಾ ಬರೊಕ್ಹಾನೆ ಥಾವಾನಿ ಪರಿಕ್ಷಾ ತುಮೊಮಾ ತಾಳ್ಮೆ ಹುಟ್ಸಾವಸ ಕೈನ ತುಮೆ ತಿಳಿದಿಲಿವೊ.

1 ಪೆತ್ರಾ 2:1

ತಿನಾಹುತಿ ಬಿಜಾ಼ ಮನಕ್ಹೊನೆ ಕೆಟ್ಟ ಕರೊನಕೊ. ಸುಳ್ಳ ಬೊಲೊ ನಕೊ, ಮೊಸಕರೊ ನಕೊ, ಸಂಗಟ ಘಾಲ್ಲಿವೊನಕೊ, ಮನಕ್ಹೊನಾ ಹುತಿ ಕೆಟ್ಟವಾತೊ ಬೊಲೊ ನಕೊ. ಎ ಕ್ಹಾರು ತುಮಾರಿ ಜಿವಿತಮಾತಾ ಭಾರಾ ಘಾಲೊ.

1 ಪೆತ್ರಾ 4:2

ತಿನಾಹುತಿ ಎ ಜಗತ್ಮಾ ಮನಕ್ಹೊನಿ ಮರ್ಜಿ ಲಿಂಗತ ಕೆಟ್ಟ ಕಾಮೊ ಕರ‍್ಯಾವಾಚಿ, ಕ್ಹುದಾನಿ ಮರ್ಜಿ ಲಿಂಗತ ಕಾಮೊ ಕರತಾ ಜಿವ್ನಾ ಕರತಾ ತುಮಾರಾ ಕ್ಹು ತುಮೆ ತಾಕತ ಭರಲಿವೊ.

1 ಪೆತ್ರಾ 5:1

ತುಮಾರಿ ಸಬೆಮಾ ಮ್ಹೊಟಾ ರ‍್ಹಯಲವಾಲಾವೊನಾ ಮಿ ದಕ್ಹಿಯೊ ವಾತೊ ಕೌ ಕೈನ ಛೆ. ಮಿ ಯಕ್ಲೊ ಮ್ಹೊಟೊ ಥಯೊಸ. ಮಿ ಕ್ರಿಸ್ತನೆ ತ್ರಾಸ ದಿವಾನು ಡೊಳೆ ದೆಕ್ಯೊಸ. ಹಮೊನೆ ದಿಕ್ಹಾನಾ ಟೈಮ್ಮಾ ಮಿ ತಿಮಾ ಭಾಗಿದಾರ ಥಯೊಸ.

1 ಪೆತ್ರಾ 5:12

ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.

2 ಪೆತ್ರಾ 1:6

ಗ್ಯಾನನೆ ದಮೆ ದಮೆನೆ ತಾಳ್ಮೆ ತಾಳ್ಮೆನೆ ಕ್ಹುದಾನೆ ಸೆವಾ

ಪ್ರಕಟನೆ 1:9

ಯೊಹಾನ ಕವಾಲೊ ಮಿ ಕ್ರಿಸ್ತಮಾ ತುಮಾರೊ ಭೈ ವ್ಹೈ. ಅಪೆ ಕ್ಹಾರಾ ಮಳಿನ ಯೆಸುನಾ ಹುತಿ ತ್ರಾಸಮಾ ರಾಜ್ಯಮಾ ತಡ್ದಿಲಿವಾಮಾ ವಾಟೊಲಿವಾಲಾ ಥಯಾಸ. ಮಿ ಕ್ಹುದಾನಿ ವಾಕ್ಯಾಮಾ ಯೆಸುನಿ ಸಾಕ್ಷಿಮಾ ರ‍್ಹಯಲ ಹುತಿ ಪತ್ಮೊಸ ಕವಾನಿ ಜ಼ಗಾಮಾ ವ್ಹತ್ತೊ.

ಪ್ರಕಟನೆ 13:10

ಜೆಲ್ಮಾ ನಿಂಜಾ಼ವಾಲೊ ತಿನೆಜ಼ ಜೆಲ್ಮಾ ನಿಂಜಾ಼ವಸ ತಲ್ವಾರಕ್ಹು ಖಲಾಸ ಖಲಾಸ ಕರಾಲೊ ತಲ್ವಾರ ಕ್ಹು ಖಲಾಸ ಥಾವಸ. ತಿನಾಹುತಿ ಕ್ಹುದಾನಾ ಮನಕ್ಹೊ ತಡ್ದಿಲಿನ ಬರೊಕ್ಹಾಮಾ ರ‍್ಹೌ.

ಪ್ರಕಟನೆ 22:16

‘ಯೆಸು ಕವಾಲೊ ಮಿಜ಼, ಮಾರಿ ಸಭೆನೆ ಉಪಯೊಗ ಥಾವಾನು ಎ ಸಂಗತಿಯಯೊನಾ ಹುತಿ ಸಾಕ್ಷಿ ಕವಾನಾ ಹುತಿ ಮಾರಾ ದುತನೆ ಮೊಕಲ್ಯೊ. ದಾವಿದನಾ ಘರ್ದಾನಾಮಾ ಹುಟ್ಟಲವಾಲೊ ಉಜಾಲು ಥೈನ ರ‍್ಹಯೊಸ"

ಪ್ರಕಟನೆ 3:10

ತು ಮಾರಿ ಆಗನ್ಯಾ ಸಮಾದಾನಕ್ಹು ವರಿ ತಡ್ದಿಲಿನ ಚಾ಼ಲ್ಯೊ. ತಿನಾಹುತಿ ಆ ಜಗತ್ನೆ ಆವಾನಿ ಸಂಕಟಕ್ಹು ಮಿ ತುನೆ ವಚಾ಼ಡುಸ. ಜಿಮಿನಪರ ರ‍್ಹಯಲ ಮನಕ್ಹೊ ಕ್ಹಾರಾ ಎ ಶೊದನೆಮಾ ಪಡಸ.