ಇಬ್ರಿಯ 11:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಕಾಕದ್ಯಾಮ ತೆ ಶಾಶ್ವತ ಥಯಲ ಅಸ್ತಿವಾರೊ ರ‍್ಹಯಲ ಗಾಮನೆ ಕದ್ಯಾಮ ಕ್ಹುದಾ ಕರಲ ಗಾಮನೆ ಕ್ಹಾಮೊ ದೆಕ್ತೊತೊ.

ಇಬ್ರಿಯ 11:10 ပူးပေါင်းရင်းမြစ်များ

ಯೊಹಾನ 14:2

ಮಾರಾ ಬಾನಾ ಘರಮಾ ಘನ್ನಾ ಖೊಲಿಯೊ ಛೆ. ತೆ ನೈ ರ‍್ಹಯಲ ರ‍್ಹವತ್ತೊ, ಮಿ ಗೈನ ತ್ಯಾ ಜ಼ಗಾ ತಯ್ಯಾರ ಕರುಸ ಕೈನ ಕತೊ ನ್ಹೊತೊ.

2 ಕೊರಿಂಥ 5:1

ಜಿಮಿನಪರ ಅಪೆ ರ‍್ಹಯಲ ಗುಡಾರ ಕದ್ಯಾಮ ಅಪ್ನು ಅಂಗ ನಾಶ ಥಾವಸ ಕೈನ ಹಮೊನೆ ಗ್ವತ್ತ ಛೆ ತೆ ನೈಸೊ ತೆ ಥಾತಾಮಾ ಅಪೊನೆ ರ‍್ಹವಾನಾ ಹುತಿ ಕ್ಹುದಾ ಅಪೊನೆ ಯಕ್ಕ ಘರ ದಿವಸ. ತೆ ಮನಕ್ಹೊ ಭಾಂದಲ ಘರ ನ್ಹವೈ. ತೆ ಪರಲೊಕಮಾ ರ‍್ಹಯಲ ಹಮೆಶಾನು ಘರ ವ್ಹೈ.

ಫಿಲಿಪ್ಪಿ 3:20

ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.

ಇಬ್ರಿಯ 11:16

ತೆನೈಸೊ ಚೊ಼ಕು ರ‍್ಹಯಲ ಸ್ವರ್ಗನಾ ಹುತಿ ಕೈದಾಡಾತಾ. ತಿನಾಹುತಿ ಕ್ಹುದಾ ತಿನೆ ತ್ಯುನೊ ಕ್ಹುದಾ ವ್ಹೈ ಕೈನ ಸರಮ್ಯಾವಾಚಿ ತ್ಯುನಾ ಹುತಿ ಯಕ್ಕ ಗಾಮ ತಯ್ಯಾರ ಕರ‍್ಯೊ.

ಇಬ್ರಿಯ 12:22

ತೆನೈಸೊ ತುಮೆ ಚಿಯೊನ್ ಡೊಂಗರನೆ, ಜ಼ಲಮ ರುಪಮಾ ರ‍್ಹಯಲ ಕ್ಹುದಾನು ಗಾಮ ಥಯಲ ಪರಲೊಕನಾ ಯೆರುಸಲೆಮನೆ, ಉತ್ಸವ ಸಂಘಮಾ ಮಳಲ ಕೊಟಿ-ಕೊಟಿ ದೆವದುತೊ ಕನ,

ಇಬ್ರಿಯ 12:28

ತಿನಾಹುತಿ ಕುನ್ನಜ಼ ಹಲ್ಲಾಡಲ ನೈ ಥಯಲ ರಾಜ್ಯ ಪಡ್ದಿಲಿವಾಲಾ ಥಯಲ ಅಪೆ ಕೃತಜ್ಞನಾವಾಲಾ ಥೈನ, ತಿನೆ ಪಸದ ಆಯಲ ಆರಾಧನಾನೆ ಭಕ್ತಿಕ್ಹು ವರಿ ಭುಚ಼ಕಕ್ಹು ಕರಿಯೆ;

ಇಬ್ರಿಯ 13:14

ಕಾಕದ್ಯಾಮ ಎ ದುನಿಯಾಮಾ ಹಮೆಶಾ ರ‍್ಹವಾನು ಗಾಮ ಅಪೊನೆ ನತ್ತಿ. ಭವಿಷ್ಯಮಾ ಆವಾನಾ ಗಾಮನೆ ಅಗಾ ದೆಕ್ತಾ ಛೆ.

ಇಬ್ರಿಯ 3:4

ಹರ ಯಕ್ಕ ಘರ ಕುನ್ನಯಕ್ಕ ಭಾಂದಲ ರ‍್ಹವಸ. ತೆನೈಸೊ ಕ್ಹುದಾಜ಼ ಕ್ಹಾರು ಭಂದಲವಾಲೊ ವ್ಹೈ.

ಪ್ರಕಟನೆ 21:2

ಪರಿಶುದ್ಧ ಗಾಮ ಸ್ವರಗತು ಕ್ಹುದಾಕಂತು ಉತ್ರಿನ ಅವಾನು ಮಿ ದೆಕ್ಯೊ. ತೆ ಪರಿಶುದ್ಧ ಗಾಮಜ಼ ನೌ ಯೆರುಸೆಲೆಮ ವ್ಹೈ. ನೌರಿ ತಿನಿ ನೌರಾನಾ ಹುತಿ ತೆ ತಯ್ಯಾರ ಥಯಲ ಲಿಂಗತ ತಿನೆ ತಯ್ಯಾರ ಕರ‍್ಯಾತಾ.