ಇಬ್ರಿಯ 10:30 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁰ ಮುಯ್ಯಿನೆ ಮುಯ್ಯಿ ಫೆಡಾನು ಮಾರು ಕಾಮ ವ್ಹೈ, ಮಿಜ಼ ಪ್ರತಿಫಲ ದಿವಾಲೊ ವ್ಹೈ ಕೈನ ಕದಲವಾಲಾನೆ ವಳಕೆಸ. ತೆನೈಸೊ ಕರ್ತಾ ತಿನಾ ಮನಕ್ಹೊನೆ ಫೈಸಲೊ ಕರಸ ಕೈನ ಕದ್ಯೊಸ.

ಇಬ್ರಿಯ 10:30 ပူးပေါင်းရင်းမြစ်များ

ರೊಮಾಪೂರ 12:19

ಮಾರಾ ಮಯಾನ ದೊಸ್ತೊ, ತುಮೊನೆ ಕೆಟ್ಟ ಕರಾನಾ ಮನಕ್ಹೊನೆ ಬದಲೊ ಲಿವಾನೆ ಕೊಶಿಶ ಕರೊ ನಕೊ. ತೆನೈಸೊ ಕ್ಹುದಾ ತಿನಾ ಶಿಟ್ಟನೆ ವಪ್ಸಿನ ದಿವೊ. ಮಿಜ಼ ಶಿಕ್ಷಾ ದಿವಾಲೊ ವ್ಹೈ. ಮಿಜ಼ ಮನಕ್ಹೊನೆ ಬದ್ಲೊಲಿವಾಲೊ ವ್ಹೈ ವರಿ ಮಿಜ಼ ಪ್ರತಿ ಫಲ ದಿವಾಲೊ ವ್ಹೈ ಕೈನ ಪ್ರಭು ಕವಸ" ಕೈನ ಪವಿತ್ರ ಗ್ರಂಥಮಾ ಬರ್ದಲ ಛೆ.

2 ಕೊರಿಂಥ 5:10

ಅಪೆ ಕ್ಹಾರಾ ನ್ಯಾಯ ವಿಚಾರಣೆನಾ ಹುತಿ ಕ್ರಿಸ್ತನಾ ಕ್ಹಾಮಾ ಹುಬ್ರೌ. ಹರಿಯಕ್ಲೊ ದುನಿಯಾನಿ ಅಂಗಮಾ ರ‍್ಹತಾಮಾ ಕರಲ ಚೊ಼ಕಾನಾ ಹುತಿ ವರಿ ಕೆಟ್ಟನಾ ಹುತಿ ರ‍್ಹೈನೆಕಾ ತಿನೊ ಪ್ರತಿಫಲ ಹೊಂದಸ.

ರೊಮಾಪೂರ 13:4

ಕಾಕದ್ಯಾಮ ಅದಿಕಾರಿಯೊ ತುಮಾರಾ ಚೊ಼ಕಾನಾ ಹುತಿಜ಼ ನೆಮ್ಸಲ ಕ್ಹುದಾನೊ ಸೆವಕ ವ್ಹೈ. ತೆನೈಸೊ ತುಮೆ ಕೆಟ್ಟಜ಼ ಕರ‍್ಯಾಮ ಭುಚ್ಕುಜ಼. ತುಮೊನೆ ಶಿಕ್ಷಾ ದಿವಾನೆ ತಿನೆ ಅದಿಕಾರ ಛೆ. ತೆ ಅದಿಕಾರ ಉಪಯೊಗ ಕರಸ. ಅದಿಕಾರಿ ಕೆಟ್ಟ ರ‍್ಹಯಲ ಕರಾಲೊ ಮನಕ್ಹೊನೆ ಶಿಕ್ಷಾ ದಿವಾನಾ ಹುತಿ ನೆಮ್ಸಲ ಕ್ಹುದಾನೊ ಸೆವಕ ಥಯೊಸ.