ಇಬ್ರಿಯ 10:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಯೆಸು ಕ್ರಿಸ್ತ ಯಕ್ಕಸಲ ತಿನು ಅಂಗ ಬಲಿ ದಿನ ಕ್ಹುದಾನಿ ಚಿತ್ತ ಪುರಾ ಕರಲ ಹುತಿಜ಼ ಅಪೆ ಶುದ್ಧ ಥಯಲವಾಲಾ ಥಯಾ.

ಇಬ್ರಿಯ 10:10 ပူးပေါင်းရင်းမြစ်များ

ಯೊಹಾನ 17:19

ಇವ್ನೆ ಕ್ಹರಿಮಾಜ಼ ತಾರಿ ಸೆವೆನೆ ಒಪ್ಸಿನ ದಿವ್ ಕೈನ ಮನೆ ಮಿಜ಼ ತುನೆ ಒಪ್ಸಿನ ದಿದ್ಯೊಸ.

ಯೊಹಾನ 19:34

ತೆನೈಸೊ ಸೈನಿಕೊಮಾನೊ ಯಕ್ಲೊ ತಿನಿ ಬರ್ಚಿಕ್ಹು ಯೆಸುನಾ ಪಾಖಳಿಮಾ ಚೊಟ್ಯೊ. ಪಾಖಳಿಮಾತು ರಗತ ವರಿ ಪಾನಿ ಭಾರು ಐಯು.

ಯೊಹಾನ 6:51

ಸ್ವರ್ಗತೊ ಉತ್ರಿನ ಆಯಲ ಜ಼ಲಮ ರ‍್ಹಯಲ ರೊಕ್ಲೊ ಮಿಜ಼ ವ್ಹೈ. ಎ ರೊಕ್ಲೊ ಖಾವಾಲೊ ಹಮೆಶಾಬಿ ಜಿವ್ತೊ ರ‍್ಹವಸ. ಎ ರೊಕ್ಲೊಜ ಮಾರು ಅಂಗ ವ್ಹೈ. ಎ ದುನಿಯಾನೆ ದ್ಯುಸ ಕಾಕದ್ಯಾಮ‍ ತ್ಯುನೆ ಜಿವ್ತಾ ರ‍್ಹೌ.

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

ಇಬ್ರಿಯ 10:12

ತೆನೈಸೊ ಕ್ರಿಸ್ತ ಪಾಪೊನಾ ಹುತಿ ಹಮೆಶಾಬಿ ಯಕ್ಕಜ಼ ತರಾನಿ ಬಲಿ ಚಡಾಯೆಲ ಪರ ಕ್ಹುದಾನಾ ಬಾಜು಼ಮಾ ಬೈಟ್ಯೊ.

ಇಬ್ರಿಯ 10:14

ತೆ ಶುದ್ಧ ಥಾವಾಲಾವೊನೆ ಯಕ್ಕಜ಼ ಸೆಮ ಹಮೆಶಾಬಿ ಪರಿಪುರ್ಣ ಕರ‍್ಯೊಸ.

ಇಬ್ರಿಯ 10:20

ತಿನಾ ಮುಲಕ ಘನು ಪರಿಶುದ್ಧ ರ‍್ಹಯಲ ಜ಼ಗಾ ಜಾ಼ವಾನೆ ಅಪೊನೆ ಭರೊಕ್ಹೊ ಮಳೊಸ

ಇಬ್ರಿಯ 10:29

ತಿಮ್ಮ ರ‍್ಹತಾಮಾ, ಕ್ಹುದಾನಾ ದಿಕ್ರಾನೆ ಕ್ಹುಂದಿನ, ತಿನಾಕ್ಹು ತೆ ಶುದ್ಧ ಕರಲಿನ ಒಂಡಬಡಿಕೆನಾ ರಗತನೆ ಅಶುದ್ಧ ವ್ಹೈ ಕೈನ, ಕ್ಹುದಾನಿ ಮರಗಾ ರ‍್ಹಯಲ ವರಾನೆ ಆತ್ಮಾನೆ ಠುಕ್ರಾವಸ ಸು, ಹಜು಼ನ ಕೆವಾ ಖತರನಾಕ ಶಿಕ್ಷಾನೆ ಗುರಿ ಥಾವಸ ಕೈನ ತ್ಯುಮೆಜ ವಿಚಾರ ಕರಿನ ದೆಕೊ?

ಇಬ್ರಿಯ 10:5

ತಿನಾಹುತಿ ಕ್ರಿಸ್ತ ಭುಲೊಕಮಾ ಆತಾಮಾ, (ಕ್ಹುದಾ) ಬಲಿಯೊನು ಕಾಣಿಕೆ ತುನೆ ಪಸಂದ ನ್ಹೊತು, ತೆನೈಸೊ ಮನೆ ಯಕ್ಕ ಅಂಗ ತಯ್ಯಾರ ಕರಿನ ದಿದ್ಯೊಸ,

ಇಬ್ರಿಯ 13:12

ತಿನಾ ಲಿಂಗತ ಯೆಸುಬಿ ಸ್ವಂತ ರಗತಕ್ಹು ತಿನಾ ಮನಕ್ಹೊನೆ ಶುದ್ಧ ಕರಾನಾ ಹುತಿ ಗಾಮನಾ ಭಾರೊ ಮರ‍್ಯೊ.

ಇಬ್ರಿಯ 2:11

ಮನಕ್ಹೊನೆ ಪರಿಶುದ್ಧ ಕರಾಲೊ ಯೆಸು ವರಿ ತಿನಾ ಮುಕಾಂತರ ಪರಿಶುದ್ಧ ಥಾವಾಲಾ ಮನಕ್ಹೊ ಯಕ್ಕಜ಼ ಘರವಾಲಾ ವ್ಹೈ. ತಿನಾಹುತಿ ತೆ ಮನಕ್ಹೊನೆ ಭಾಯೊ, ಭೆನೊ ಕವಾನೆ ತೆ ಸರಮಾಯೊ ನೈ.

ಇಬ್ರಿಯ 2:14

ಬಚ್ಚಾ ಕಿಮ್ಮ ಅಂಗ ಹೊಂದ್ಯಾಸ ತಿನಾಹುತಿ ಯೆಸು ಸ್ವಾಮಿಬಿ ತ್ಯುನಾ ಲಿಂಗತ ಥಯೊ ತೆ ಮೌತನಾ ಮುಕಾಂತರ ಕದ್ಯಾಮ ಮೌತನಾ ಅದಿಕಾರಿ ರ‍್ಹಯಲ ಸೈತಾನನೆ ನಾಶ ಕರಾನಾ ಹುತಿ

ಇಬ್ರಿಯ 5:7

ಕ್ರಿಸ್ತ ಭುಲೊಕಮಾ ಜಿವನಾ ಕರತಾಮಾ, ಕ್ಹುದಾಕನ ಪ್ರಾಥನಾ ಕರಿನ ಮದತ ಮಾಂಗಿಲಿದ್ಯೊ. ತೆ ಘನ್ನೊ ಹಲಬ್ತೊ ಜೊ಼ರ ರೊತೊ ಕ್ಹುದಾಕನ ಪ್ರಾರ್ಥನಾ ಕರ‍್ಯೊ. ತಿನೆ ಮೌತಮಾತೊ ವಚಾ಼ಡ ಕೈನ ತಿನಾಹುತಿ ತೆ ಕ್ಹುದಾನಾ ಚಿತ್ತ ಲಿಂಗತ ತೆ ಕ್ಹಾರು ಕರಲವಾಲೊ ಥಯೊ. ವರಿ ಸ್ವಭಾವಕ್ಹು ವ್ಹಂದ್ಯೊ. ತಿನಾಹುತಿ ಕ್ಹುದಾ ತಿನಾ ಪ್ರಾರ್ಥನಾನೆ ಜವಾಬ ದಿದ್ಯೊ.

ಇಬ್ರಿಯ 7:27

ತೆ ಬಿಜಾ಼ ಯಾಜಕ ಲಿಂಗತ ನವ್ಹೈ. ತ್ಯುನೆ ಥಯಾಮ ಹರಯಕ್ಕ ದಿನ್ನೆ ಬಲಿ ಚಡೌ. ತ್ಯುನೆ ತ್ಯುನಾ ಸ್ವಂತ ಪಾಪೊನಾ ಹುತಿ ಬಲಿ ಚಡಾಯಲ್ಪರ ಬಿಜಾ಼ವೊನಾ ಹುತಿ ಚಡೌ. ತೆನೈಸೊ ಕ್ರಿಸ್ತ ತಿಮ್ಮ ಕರ‍್ತೊ ನೈ. ತೆ ತಿನೆಜ಼ ಬಲಿ ಚ಼ಡೈನ ಯಕ್ಕ ಸಲಾ ಕಾಮ ಕರಿನ ಮುಗ್ಸಿಪಾಡ್ಯೊ.

ಇಬ್ರಿಯ 9:12

ತೆ ಯಕ್ಕಜ಼ ಯಕ್ಕ ಸಲಾ ಮ್ಹೊಟಿ ಪವಿತ್ರ ಜ಼ಗಾನೆ ಪ್ರವೆಶ ಕರ‍್ಯೊ. ತೆ ಗಾಯಿಯೊನೆ ವರಿ ಬೈಲನಾ ಬಕ್ರಾನಾ ಬಚ್ಚಾವೊನೊ ರಗತ ನೈ ಲಿನ ತಿನಾ ಸ್ವಂತ ರಗತಕ್ಹು ಮಹಾ ಪವಿತ್ರ ಜ಼ಗಾಕನ ಐನ ಹಮೊನೆ ಹಮೆಶಾ ಸ್ವಾತಂತ್ರ ಲಿನ ಐನ ದಿದ್ಯೊ.

ಇಬ್ರಿಯ 9:14

ಹಮೆಶಾಬಿ ರ‍್ಹಯಲ ಆತ್ಮಾ ತಿನಾಕ್ಹು ತೆಜ಼ ಕಯೊಜ಼ ದೊಶ ನೈಸೊ ಕ್ಹುದಾನೆ ತಿನಾಕ್ಹು ತಿನೆ ಚ಼ಡಾಯಲ ಕ್ರಿಸ್ತನು ರಗತ ಕೆಕ್ಲುಕಿ ಘನ್ನು, ಅಪೊನೆ ನೈ ಜು ರ‍್ಹಯಲ ಕಾಮೊಕ್ಹು ಛೊಡೈನ, ಅಪೆ ಜು ರ‍್ಹಯಲ ಕ್ಹುದಾನೆ ಆರಾಧನಾ ಕರಾಲಾ ಲಿಂಗತ ಅಪ್ನಾ ಮನಸನೆ ಶುದ್ಧ ಕರಸ ನೈ. ಅಪ್ನಾ ಮನಸೊ ಪರಿಶುದ್ಧ ಥಾವಸ.

ಇಬ್ರಿಯ 9:26

ತಿಮ್ಮಜ ಸಮರ್ಪಿತ ಕರಾನೆ ಚಾ಼ಯೆ ಥಯಲ ಪಮಾಫ ತೆ ದುನಿಯಾತೊ ಕೆಕ್ಲಿ ಸಲಾ ತ್ರಾಸ ಕ್ಹಾವಾನೆ ಥಾತುತು. ತೆನೈಸೊ ಯಕ್ಕ ಸಲಾ, ದುನಿಯಾ ಕ್ಹರೆಲಕ್ಕಾ, ತೆ ಪಾಪ ಪರಿಹಾರ ಕರಾನಾ ಉದ್ದೆಶಕ್ಹು ತಿನಾಕ್ಹು ತೆಜ಼ ಯಜ್ಞ ಕರಿಲಿವಾನಾ ಹುತಿ ಪ್ರತ್ಯಕ್ಷ ಥಯೊ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

1 ಪೆತ್ರಾ 2:24

ಕ್ರಿಸ್ತ ಅಪ್ನಾ ಪಾಪೊ ತಿನಾ ಅಂಗಪರ ಉಚೈಲಿನ ಶಿಲುಬಿರ ಚ಼ಡ್ಯೊ. ಅಪೆ ಪಾಪನಾ ಹುತಿ ಜಿವ್ತಾ ರ‍್ಹಯಾವಾಚಿ಼. ಕ್ಹರಿಕ್ಹು ಜಿವ್ತಾ ರ‍್ಹೌ ಕೈನ ಮನಸ ವ್ಹತ್ತು. ತಿನಾ (ಕ್ರಿಸ್ತನಾ) ದುಕೊಕ್ಹು ತುಮೊನೆ ಅರಾಮ ಥಯು.

1 ಪೆತ್ರಾ 3:18

ತುಮಾರಾ ಪಾಪೊನಾ ಹುತಿ ಕ್ರಿಸ್ತ ಯಕ್ಕಸಲಾ ತ್ರಾಸ ಖೈನ ಮರ‍್ಯೊ ಕ್ಹರಿಕ್ಹು ರ‍್ಹಯಲ ತೆ ಅಪರಾದಿಯೊನಾ ಹುತಿ ಜ಼ಲಮ ದಿದ್ಯೊ. ತುಮೊನೆ ಕ್ಹಾರಾವೊನೆ ಕ್ಹುದಾ ಕನ ಚ಼ಲಾವಾನಾಹುತಿ ತೆ ತಿಮ್ಮ ಕರ‍್ಯೊ. ತಿನೊ ಅಂಗ ಖಲಾಸ ಕರಾಯಾ. ತೆನೈಸೊ ತೆ ಆತ್ಮಾನಿ ಸಂಭದಮಾ ಜಿವ್ತೊ ಥಯೊ.

1 ಯೊಹಾನ 5:6

ಕಾಕದ್ಯಾಮ ಯೆಸು ಕ್ರಿಸ್ತ ಪಾನಿಕ್ಹು ರಗತಕ್ಹು ಸಾಕ್ಷಿ ಹೊಂದವಾಲೊ ವ್ಹೈ. ಪಾನಿಕ್ಹು ಯಕ್ಕಜ಼ ನೈ ರಗತಕ್ಹು ಸಾಕ್ಷಿ ಹೊಂದಲವಾಲೊ ವ್ಹೈ. ಆತ್ಮಾ ಸಾಕ್ಷಿ ದಿವಸ ಕಾಕದ್ಯಾಮ ತೆ ಆತ್ಮಾ ಕ್ಹರಿನಿ ಆತ್ಮಾ ವ್ಹೈ.