ಇಬ್ರಿಯ 1:14 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁴ ತೆ ದೆವದುತೊ ಕ್ಹಾರಾ ಕ್ಹುದಾನಿ ಸೆವಾ ಕರಾಲಾ ಆತ್ಮಾ ವ್ಹೈ ವರಿ ರಕ್ಷಣೆ ಹೊಂದಾಲಾ ಮನಕ್ಹೊನಿ ಮದತ ಕರಾನೆ ವಳಾಯಲವಾಲಾ ವ್ಹೈ.

ಇಬ್ರಿಯ 1:14 ပူးပေါင်းရင်းမြစ်များ

ಮತ್ತಾಯ 1:20

ತೆ ಎ ವಿಚಾರ ಕರಾನಾ ಟೈಮಮಾ ಪ್ರಭುನೊ ಧುತ ಕ್ಹಪನಮಾ ದಿಕ್ಹಿನ ಎ ಯೊಸೆಫ, ದಾವಿದನಾ ಖಾಂದಾನವಾಲಾ, ತಾರಿ ಬೈಕೊ ಥಯಲ ಮರಿಯಳನೆ ಹಿವಾ ಕರಿಲಿವಾನೆ ಬುಚ್ಕುನಕೊ. ತೆ ಪೆಟೆ ರ‍್ಹಯಲ ಪವಿತ್ರಾತ್ಮಾಕ್ಹುಜ ವ್ಹೈ.

ಮತ್ತಾಯ 13:41

ಮನಕ್ಹನೊ ದಿಕ್ರೊ ತಿನಾ ದುತೊನೆ ಮೊಕ್ಲಸ.ತ್ಯುನೆ ತಿನಾ ರಾಜ್ಯಮಾ ಪಾಪನೆ ಕಾರಣಥಯಲವಾಲಾ ಕ್ಹಾರಾ ಅಧರ್ಮಿಯೊನೆ ಮಳೈನ ಆಗನಿ ಇರಮಾ ಘಾಲಿಪಾಡಸ.

ಮತ್ತಾಯ 18:10

ಆ ನ್ಹಾನಾವೊಮಾ ಯಕ್ಲೊಬಿ ರ‍ಹೈತಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾ ಕದ್ಯಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನೊ ಬಾನೂ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.

ಮತ್ತಾಯ 2:13

ಗ್ಯಾನಿಯೊ ಫರಿನ ಗಯೆಲ್ಪರ ಪ್ರಭುನೊ ದುತ ಯೊಸೆಫನೆ ಕ್ಹಪನ್ಮಾ ದಿಕ್ಹಿನಿ, ಉಟ್ಟ! ಬಚ್ಚಾನೆ ವರಿ ತಿನಿ ಯಾನೆ ಬಲೈಲಿನ ಇಜಿಪ್ಟನೆ ನ್ಹಾಟಿನ ಜಾ. ಹೆರೊದ ಬಚ್ಚಾನೆ ಹುಡ್ಕಾನು ಶುರು ಕರಸ. ತೆ ಬಚ್ಚಾನೆ ಕ್ಹಲಾಸ ಕರು ಕೈನ ಕೈಲಿದ್ಯೊಸ. ‘ಸುಜ ಕೆಟ್ಟ ನತ್ತಿ’ ಕೈನ ಮಿ ತುನೆ ಕದೆ ಲಕ್ಕಾ ತು ಇಜಿಪ್ಟಮಾ ರ‍್ಹೈನ” ಕೀನ ಕದ್ಯೊ.

ಮತ್ತಾಯ 24:31

ತೆ ತಿನಾ ದುತೊನೆ ಪೊಂಗಾವೊನಿ ಮ್ಹೊಟಿ ಅವಾಜ಼ನಾ ಕ್ಹಾತೆ ಮೊಕ್ಲಸ. ತ್ಯುನೆ ತೆ ಇನಿಲಿದಲವಾಲಾವೊನೆ ಹಬಾಳನಾ ಯಕ್ಕ ಬಗಲ್ತೊ ಚಾ಼ರೆ ದಿಕ್ಕ ಬಗಲ್ತೊ ಮಳಾವಸ.

ಮತ್ತಾಯ 25:34

ತೆಳಾಮಾ ರಾಜೊ಼ ತಿನಾ ಶಿದಾ ಬಗಲ ರ‍್ಹಯಲವಾಲಾವೊನೆ, ಮಾರಾ ಬಾನೊ ಆಶಿರ್ವಾದ ಹೊಂದಲವಾಲಾ ಆವೊ, ಲೊಕಾಧಿತೊ ತುಮಾರಾ ಹುತಿ ತಯ್ಯಾರ ಕರಲ ರಾಜ್ಯ ತುಮಾರಾ ಹತ್ಮಾ ಪಡ್ದಿಲಿವೊ.

ಮತ್ತಾಯ 4:11

ತಿನಾಹು ಸೈತಾನ ತಿನೆ ಛೊಡಿನ ಗೈ ಪಡ್ಯೊ ತೆಳಾಮಾ ದಕ್ಹಾ ದೆವದುತೊ ಐನ ತಿನೆ ಉಪಚಾರ ಕರ‍್ಯಾ

ಮಾರ್ಕ 10:17

ಯೆಸು ವಾಟ ಧರಿನ ಜಾ಼ತಾಮಾ ಯಕ್ಲೊ ನ್ಹಾಟತೊ ತಿನಾ ಕ್ಹಾಮೊ ಐನ ಉಂದಾಗುಡಗಾ ಘಾಲ್ಲಿನ ಚೊ಼ಕಾ ಭೊದಕ ಮನೆ ಹಮೆಶಾನೊ ಜ಼ಲಮ ಮಳು ಕದ್ಯಾಮ ಮಿ ಸುಕರು ಕೈನ ಯೆಸುನೆ ಪುಚ಼ತಾಮಾ,

ಲುಕ ಬರ್ದಲ ಸುವಾರ್ತಾ 1:19

ತೆಳಾಮಾ ತೆ ದೆವದುತ "ಮಾರು ನಾಮ ಗಬ್ರಿಯೆಲ ವ್ಹೈ. ಮಿ ಕ್ಹುದಾ ಕನ ರ‍್ಹವಾಲೊ ವ್ಹೈ. ವರಿ ಮಿ ಕ್ಹುದಾನಿಯೊ ವಾತೊ (ಸಂದೆಶ) ಮನಕ್ಹೊಕನ ಕವಾಲೊ ವ್ಹೈ, ವರಿ ಎ ಚೊ಼ಕಿ ವಾತ ಕವಾನಾ ಹುತಿ ಕ್ಹುದಾ ಮನೆ ತುಕನ ಮೊಕ್ಕಲ್ಯೊಸ.

ಲುಕ ಬರ್ದಲ ಸುವಾರ್ತಾ 1:23

ಜಕರಿಯಾ ಯಾಜಕನಿ ಸೆವೆನಾ ದಿನೊ ಮುಗ್ದಲಪರ ತೆ ತಿನಾ ಘರೆ ಗೈಪಡ್ಯೊ.

ಲುಕ ಬರ್ದಲ ಸುವಾರ್ತಾ 16:22

"ದಕ್ಹಾ ದಿನ್ನ ಥಯಲಪರ ಲಾಜ಼ರ ಮರಯೊ. ಸ್ವರಗನಾ ದುತೊ ಐನ ತೆ ಲಾಜ಼ರನೆ ಅಬ್ರಹಾಮಕನ ಲಿನಗಯಾ, ಯಕ್ಕ ದಿನ್ನ ತೆ ಸೌಕಾರಬಿ ಮರಯೊ. ತಿನೆ ಮಜಾ಼ರಮಾ ಬುಜ್ಜಾ಼.

ಲುಕ ಬರ್ದಲ ಸುವಾರ್ತಾ 2:13

ಗಪಕ್ಕಕನೆ ಸ್ವರಗಲೊಕಾನಾ ದೆವದುತೊನು ಗುಂಪ ಐನ ತೆ ಪೈಲಾ ಆಯಲ ದುತನಾ ಕ್ಹಾತೆ ಮಳಿನ ತ್ಯುನೆ ಕ್ಹುದಾನೆ ಸ್ತುತಿ ಕರ‍್ಯಾ.

ಲುಕ ಬರ್ದಲ ಸುವಾರ್ತಾ 2:9

ಕ್ಹುದಾನೊ ಯಕ್ಲೊ ದುತ ತ್ಯುನೊಕನ ಆಯೊ. ತೆಳಾಮಾ ಕ್ಹುದಾನಿ ಮಹಿಮಾನು ತ್ಯುನಾ ಸುತ್ತ-ಮುತ್ತ ಉಜಾಲು ಥಯು. ತ್ಯುನೆ ಘನ್ನಾ ಭುಚ್ಕ್ಕಯಾ.

ಅಪೊಸ್ತಲೊ 11:22

ಅಂತಿಯೊಕ್ಯಮಾ ರ‍್ಹಯಲ ಎ ನವಾ ವಿಶ್ವಾಸಿಯೊನಾ ಹುತಿ ಯೆರುಸಲೆಮನೆ ಸಬೆವಾಲಾವೊನೆ ಗ್ವತ್ತ ಥಯು. ತಿನಾಹುತಿ ಜೆರುಸಲೆಮನಾ ವಿಶ್ವಾಸಿಯೊ ಬಾರ್ನಬನೆ ಅಂತಿಯೊಕ್ಯನೆ ವಳಾಯಾ.

ಅಪೊಸ್ತಲೊ 12:23

ಹೆರೊದ ಎ ಹೊಗಳಿಕೆ ತೆಜ಼ ಸ್ವಿಕಾರ ಕರಿಲಿದ್ಯೊ. ಕ್ಹುದಾನೆ ಮಹಿಮೆ ಕರ‍್ಯೊ ನೈ. ತಿನಾಹುತಿ ತೆಜ಼ ಕ್ಷಣಮಾ, ಪ್ರಭುನೊ ಯಕ್ಕ ದುತ ತಿನೆ ರೊಗ ಲಾಯೊ. ತಿನಾ ಅಂಗನಾ ಮ್ಹೈನಾ ಭಾಗನೆ ಕಿಡಾ ಖಾದಲಕ್ಹು ತೆ ಮರಿ ಗಯೊ.

ಅಪೊಸ್ತಲೊ 12:7

ಅಚಾನಕ ಪ್ರಭುನೊ ದುತ ಯಕ್ಲೊ ತ್ಯಾ ಹುಬ್ರಯೊ. ಉಜಾಲು ಖೊಲಿಮಾ ದಿಕ್ಹ್ಯು. ಕ್ಹುದಾನು ದುತ ಪೆತ್ರಾನಿ ಪಾಕ್ಹಳಿನೆ ಧರಿನ ತಿನೆ ಉಟಾಡಿನ "ಭರ್ನೆ ಉಟ್ಟ" ಕದ್ಯೊ. ತೆಳಾಮಾಜ಼ ಕಾಕ್ಹಳಿಯೊ ಪೆತ್ರಾನಾ ಹತೊಮಾತಾ ತುಟಿನ ಪಡ್ಯಾ.

ಅಪೊಸ್ತಲೊ 13:2

ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ.

ಅಪೊಸ್ತಲೊ 16:26

ಯಕ್ಕದುಮ್ಮ ಮ್ಹೊಟು ಭುಕಂಪ ಥೈಯು; ಜೆಲನಾ ಗೊಡಿಯೊ ಹಲ್ಲಿಯೊ. ತೆಳಾಮಾಜ಼ ಬಾಕಲೊ ಕ್ಹುಲಿ ಗಯಾ, ಕ್ಹಾರಾವೊನಾ ಬೆಡಿಯೊ ಚ್ಹುಟಿ ಗಯಾ.

ಅಪೊಸ್ತಲೊ 27:23

ಕಾಕದ್ಯಾಮ ಮಿ ಕಿನೊ ವ್ಹೈ ಕೈನ, ಕಿನೆ ಸ್ತುತಿ ಕರಶಿ ತೆ ಕ್ಹುದಾಕ್ಹು ಆಯೆಲ ಯಕ್ಕ ದುತ ಗಯೆಲ ರಾತ್ತಮ್ಮಾ ಮಾರಾಕ್ಹಾತೆ ಹುಬರೈನ

ಅಪೊಸ್ತಲೊ 5:19

ತೆನೈಸೊ ಕರ್ತಾನೊ ದುತ ರಾತೆ ಜೆಲನಾ ಬಾಕ್ಲೊ ಖುಲ್ಲಾ ಕರಿನ ತ್ಯುನೊನೆ ಭಾರೊ ಬಲೈಲೈನ,

ರೊಮಾಪೂರ 11:14

ಮಿ ಮಾರಾ ಸ್ವಂತ ಮನಕ್ಹೊಮಾ ಅಸೈ ಕರಿನ ತ್ಯುನೊಮಾ ದಕ್ಹಾಜ಼಼ನಾ ತುಬಿ ರಕ್ಷಣೆ ಹೊಂದಿಲಿವಾ ವರಕ್ಹು ಕರುಸ ಕೈನ ಆಸ ಮನೆ ಛೆ.

ರೊಮಾಪೂರ 13:6

ಎ ಕಾರಣಕ್ಹು ತುಮೆ ಭು ಭಾಡೊಬಿ ದಿವೊಸಿ. ತೆ ಅದಿಕಾರಿಯೊ ಕ್ಹುದಾನಾ ಹುತಿ ಕಾಮ ಕರಾಲಾ ಥಯಾಸ.

ರೊಮಾಪೂರ 15:16

ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ

ರೊಮಾಪೂರ 15:27

ಮೆಕೆದೊನಿಯಾ ವರಿ ಅಖಾಯಾಮಾ ರ‍್ಹಯಲ ವಿಸ್ವಾಸಿಯೊ ತ್ಯಾನಾ ಗರಿಬ ಮನಕ್ಹೊನೆ ಕ್ಹುಶಿಕ್ಹು ದೊಕ್ಡಾವೊಕ್ಹು ಸಹಾಯಾ ಕರ‍್ಯಾಸ. ಮೆಕೆದೊನಿಮಾನಾ ವರಿ ಅಖಾಯಾಮಾನಾ ವಿಶ್ವಾಸಿಯೊ ತ್ಯುನಾ ಮನ್ಸೆಜ಼ ಎ ಕಾಮೊ ಕರ‍್ಯಾ. ತೆ ತ್ಯುನು ಕರ್ತವ್ಯ ವ್ಹೈ. ಯಹುದ್ಯೊ ನೈ ರ‍್ಹಯಲ ತ್ಯುನೆ ಆತ್ಮಿಕಾಮನಾ ರ‍್ಹಯಲ ಆಶಿರ್ವಾದೊ ಪಾಲ ಹೊಂದಿಲಿದಲ ಹುತಿ ತ್ಯುನೆ ತ್ಯುನೊಕನ ರ‍್ಹಯಲ್ಮಾ ದಿನ್ನ ತ್ಯುನೆ ತೆ ಆಶಿರ್ವಾದೊ ಹೊಂದಿಲಿದ್ಯಾಸ.

ರೊಮಾಪೂರ 8:17

ಅಪೆ ಕ್ಹುದಾನಾ ಬಚ್ಚಾ಼ ಥಯಾಮ, ಹೊ ಕ್ಹುದಾನೆ ವಾರಸ್ದಾರ ಥಯಾಸ. ವರಿ ಕ್ರಿಸ್ತನಾ ಕ್ಹಾತೆ ಛೆ, ಇಮ್ಮ ಥಯುಮ, ಕ್ರಿಸ್ತನಾ ಕ್ಹಾತೆ ಅಪೆ ವಾರಸ್ದಾರ ಥಯಾಸ. ತಿನಿ ಮಹಿಮಾಮಾ ವಾಟೊಲಿವಾ ವ್ಹೈ.

1 ಕೊರಿಂಥ 1:21

ಎ ಕ್ಹುದಾನಿ ಗ್ಯಾನನಿ ವಿಚಾರ ಅಮ ವ್ಹತ್ತು. ದುನಿಯಾ ತಿನಿ ಸ್ವಂತ ಗ್ಯಾನನಾ ಮುಲಕ ಕ್ಹುದಾನೆ ತಿಳ್ದಿಲಿದಿ ನ್ಹೊತಿ. ತಿನಾಹುತಿ ಪಿಸಾಳಾ ಲಿಂಗತ ದಿಕ್ಹಾನು ಸಂದೆಶನಾ ಮುಲಕ ಬರೊಕ್ಹೊ ಕರಾಲಾವೊನೆ ವಚಾ಼ಡಾನು ಕ್ಹುದಾನೆ ಚೊ಼ಕು ಲಾಗ್ಯು.

2 ಕೊರಿಂಥ 9:12

ಕಿಮ ಕದ್ಯಾಮ ಎ ತುಮ ಘನ್ನ ಸೆವ ವಳಕ ಪವಿತ್ರ ರ‍್ಹಯಲ ಮನಕ್ಹೊ ಚಾ಼ಯೆ ಕ್ಹಾರ ಛೆ ಕೈನ ಯಕ್ ನೈಸೊ ಘನ್ನ ಮನಕ್ಹೊ ಕ್ಹುದಾನಿ ಸ್ತುತ ಐನ.

ಗಲಾತ್ಯ 3:29

ತುಮೆ ಕ್ರಿಸ್ತವಾಲಾ ಥಯಾಸ. ತಿನಾಹುತಿ ತುಮೆ ಅಬ್ರಹಾಮನಾ ಸಂತಾನವಾಲಾ ವ್ಹೈ. ಕ್ಹುದಾ ತಿನೆ ಕರಲ ವಾಗ್ದಾನ ಲಿಂಗತ ತುಮೆ ಕ್ಹಾರಾ ಕ್ಹುದಾನಿ ಆಶಿರ್ವಾದ ಪಡ್ದಿಲಿವೊಸಿ.

ಗಲಾತ್ಯ 3:7

ತಿನಾಹುತಿ ಬರೊಕ್ಹೊ ರ‍್ಹಯಲವಾಲಾ ಮನಕ್ಹೊ ಅಬ್ರಹಾಮನಾ "ಕ್ಹರಿನಾ ಬಚ್ಚಾ಼ ವ್ಹೈ "ಕವಾನು ತುಮೊನೆ ಗ್ವತ್ತ ರ‍್ಹೌ.

ಗಲಾತ್ಯ 3:9

ತೆ ಇಪರ ಬರೊಕ್ಹೊ ಕರಲ ಹುತಿ ಆಶಿರ್ವಾದ ಮಳಿ. ಎಜ಼ ನಿಯಮೊ ಹಜು಼ನಬಿ ಲಾಗು ಥಾವಸ. ತಿನೆ ಆಶಿರ್ವಾದ ಮಳಲ ಲಿಂಗತಜ಼ ಅಬ್ರಹಾಮನಾ ಕ್ಹಾತೆ ಬರೊಕ್ಹೊ ಮ್ಹೆಲಲ ಕ್ಹಾರಾ ಮನಕ್ಹೊನೆಬಿ ಆಶಿರ್ವಾದ ಮಳಸ. (ಧರ್ಮೊಪದೆಶಕಾಂಡ 27-26)

ಎಫೆಸ 3:6

ಎ ತೆ ದಡಿನೆ ರ‍್ಹಯಲ ಕ್ಹರಿ; ಯಹುದ್ಯೊ ನೈಸೊವಾಲಾ ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ರ‍್ಹವಾಲಾ ಥೈನ ಯೆಹುದಿಯೊನಾ ಕ್ಹಾತೆ ಯಕ್ಕಜ಼ ಅಂಗ ರ‍್ಹಯಲವಾಲಾ ವಾಗ್ದಾನಮಾ ಪಾಲ ಲಿವಾಲಾ ಥಯಾಸ.

ಫಿಲಿಪ್ಪಿ 2:17

ತಮಾರೊ ಭರೊಕ್ಹೊ ಕವಾನು ಯಜ್ಞ ಕ್ಹುದಾನೆ ಚ಼ಡಾವಾನು ಸೆವಾಮ್ಮಾ ಮಿಜ಼ ಬಲಿಥೈನ ಅರ್ಪಿತ ಥೈವು ಕೈನ ಮನೆ ಖುಶಿ ವ್ಹೈ,ತಮಾರಾ ಕ್ಹಾತೆಬಿ ಷಿ ಕರುಸ,

ಫಿಲಿಪ್ಪಿ 2:25

ಮಾರು ಕಮಿ ನಿಗಾನೆ ತಮ್ಮೆ ವಳಾಯೆಲ ಮಾರಾ ಭಾಯೊ ಮಾರಾ ಕ್ಹಾತೆ ರ‍್ಹಯಲ ಸೆವಕೊ ಸಹಸೆನಾನಿ ಥಯಲ ಎಪಫ್ರೊದಿತನೆ ತಮನೊ ಕನ ವಳಾವಾನು ಅವಶಕ್ಯ ವ್ಹೈ ಕೈನ ಮಿ ವಿಚಾರ ಕರ‍್ಯೊಸ.

2 ಥೆಸಲೊನಿಕ 1:7

ತೆ ತ್ರಾಸಮಾ ಪಡಲ ತುಮೊನೆ ವರಿ ಹಮೊನೆ ಸಮಾದಾನ ದಿವಸ. ಪ್ರಭು ಥಯಲ ಯೆಸು ತಿನಾ ದುತೊನಾ ಕ್ಹಾತೆ ಸ್ವರಗತೊ ಆತಾಮಾ ಎ ಸಮಾದಾನ ದಿವಸ.

ತಿತನೆ 3:7

ತಿನಾಹುತಿ ಕ್ಹುದಾ ತಿನಿ ಕೃಪಾಕ್ಹು ಅಪೊನೆ ನಿತಿವಾಲಾ ಕರ‍್ಯೊಸ. ಅಪೊನೆ ಹಮೆಶಾನೊ ಜ಼ಲಮ ಮಳು ಕೈನ ತೆ ಅಪೊನೆ ದಿದ್ಯೊ. ತೆಜ಼ ಅಪ್ನಿ ಆಸ ವ್ಹೈ.

ಇಬ್ರಿಯ 10:11

ತೆನೈಸೊ ಹರಯಕ್ಲೊ ಯಾಜಕ ದಿನೆಬಿ ಸೆವೆ ಕರತೊ ಕೆಳಾಮ್ಮಾಜ ಪಾಪ ನೈ ಕಡಾವಾನು, ಯಕ್ಕ ತರಾನಾ ಬಲಿಯೊ ಹಗ್ಲೆಲಾ ಚಡಾತೊ ಹುಬ್ರಯೊಸ.

ಇಬ್ರಿಯ 2:3

ಅಪೊನೆ ದಿದಲ ಎ ಖಾಸ ರಕ್ಷಣೆ ಅಪೆ ಧ್ಯಾನ ನೈ ದಿದ್ಯಾಮ ಅಪೊನೆ ಶಿಕ್ಷಾ ಮಳಸ. ಆ ಪೈಲಾಜ಼ ಕರ್ತಾ ಕದಲ ಛೆ ವರಿ ತಿಕ್ಹು ಐಕಲವಾಲಾ ರಕ್ಷಣೆನಾ ಹುತಿ ಅಪೊನೆ ಹಜು಼ ಘಟ್ಟ್ಟ ಕರ್‍ಯಾಸ.

ಇಬ್ರಿಯ 5:9

ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ.

ಇಬ್ರಿಯ 6:12

ತುಮೆ ಸೊಮಾರಿಯೊ ಥೈನ ರ‍್ಹೌ ನೈ ಕೈನ ಹಮಾರಿ ಆಸ ನ್ಹವೈ. ಕ್ಹುದಾನಿ ವಾಗ್ದಾನನಿ ಫಲ ಲಿವಾಲಾ ಮನಕ್ಹೊ ಲಿಂಗತ ತುಮೆ ರ‍್ಹೌ ಕೈನ ಹಮಾರಿ ಆಸ ವ್ಹೈ. ತೆ ಮನಕ್ಹೊನೆ ಬರೊಕ್ಹೊ ವರಿ ತಡ್ದಿಲಿವಾನು ರ‍್ಹಯಲ ಹುತಿ ತ್ಯುನೆ ಕ್ಹುದಾನಿ ವಾಗ್ದಾನನಾ ಲಿಂಗತ ಫಲ ಪಡ್ದಿಲಿದ್ಯಾ.

ಇಬ್ರಿಯ 6:17

ತೆ ಕರಲ ವಾಗ್ದಾನನೆ ಸ್ವಿಕಾರ ಕರಾಲಾವೊನೆ, ಕ್ಹುದಾ ತಿನಾ ಉದ್ದೆಶನೆ ಕೆಳಾಮಾಜ಼ ಬದಲತೊ ನೈ ಕೈನ ಸ್ಪಶ್ಟ ಕವಾನೆ ಆಸ ಕರ‍್ಯೊ; ತಿನಾಹುತಿ ತೆ ಪ್ರತಿಜ್ಞೆನೆ ವಾಗ್ದಾನಮಾ ಮಳಾಯೊ.

ಇಬ್ರಿಯ 8:6

ಎಜ಼ ತರಾಮಾ ಯೆಸು ತಿನಾ ಮನಕ್ಹೊನಾ ಹುತಿ ಕ್ಹುದಾಕಂತು ಲಾಯಲ ನವೊ ವಡಂಬಡಿಕೆ ಜುನ್ನಾತಿ ಚೊ಼ಕು ಛೆ. ಚೊ಼ಕಾ ಸಂಗತಿಯೊನಾ ವಾಗ್ದಾನನಾ ಆಧಾರನಾ ಉಪ್ಪರ ನವೊ ವಡಂಬಡಿಕೆ ಚಾ಼ಲು ಥಯುಸ. ತೆನೈಸೊ ಯೆಸುನೆ ದಿದಲ ಕಾಮೊ ತೆ ಯಾಜಕೊನೆ ದಿದಲ ಕಾಮತುಬಿ ಕೆಕ್ಲು ಮಹತ್ವ ಥಯುಸ.

ಇಬ್ರಿಯ 9:28

ತಿಮ್ಮಜ ಕ್ರಿಸ್ತಬಿ ಘನ್ನಾ ಮನಕ್ಹನಾ ಪಾಪೊನೆ ಉಚೈಲಿವಾನಾಹುತಿ ಯಕ್ಕ ಸಲಾ ಸಮರ್ಪಿತ ಥಯೊ. ತೆ ಬೆವಾ ಸಲಾ ಪ್ರತ್ಯಕ್ಷ ಥಾವಾನು ಪಾಪ ಪರಿಹಾರ ಕರಾನಾಹುತಿ ನವ್ಹೈ ತಿನೆ ನಿರಿಕ್ಷೆ ಕರಾಲಾವೊನೆ ರಕ್ಷಣೆ ದಿವಾನಾ ಹುತಿ ವ್ಹೈ.

ಯಾಕೊಬ 2:5

ಮಾರಾ ಮಯಾನಾ ಭಾಯೊ ಭೆನೊ, ಐಕೊ ಕ್ಹುದಾ ಆ ದುನಿಯಾಮಾ ರ‍್ಹಯಲ ಗರಿಬೊನೆ ಬರೊಕ್ಹಾಮಾ ಸೌಕಾರ ವರಿ ತಿನೆ ಮಯಾ ಕರಾಲಾವಾಲಾವೊನೆ ತೆ ಕದಲ ತಿಮ್ಮ ತಿನಾ ರಾಜ್ಯಮಾ ಕೆಳಾಮಾಬಿ ರ‍್ಹವಾನೆ ಇನಿಲಿದ್ಯೊಸ ಸು ನೈ?

1 ಪೆತ್ರಾ 1:12

ತೆ ಪ್ರವಾದಿಯೊ ಕರಲ ಸೆವಾ ತುಮಾರಾ ಹೊರತಾಗಿ ತಿವ್ನಾ ಹುತಿ ನ್ಹವೈ. ತ್ಯುನೊನೆ ಗ್ವತ್ತ ಥಯು. ಹಮ್ನಾ ತುಮೆ ಐಕಲ ಸಂಗತಿಯೊ ತ್ಯುನೆ ಕತಾಮಾ ತ್ಯುನೆ ತುಮಾರಿ ಸೆವೆ ಕರಾಡಾತಾ. ಸ್ವರಗಾತಾ ಮೊಕ್ಲಲ ಪವಿತ್ರ ಆತ್ಮಾ ಆಸ್ರಾಕ್ಹು ಸುವಾರ್ತೆ ಕದಲ ವಾಲಾಜ಼ ಎ ಸಂಗತಿಯೊ ಕದ್ಯಾ. ತ್ಯುನೊನೆ ತೀಳಸಲ ಸಂಗತಿಯೊನಾ ಹುತಿ ತಿಳದಿಲಿವಾಹುತಿ ದೆವ ದುತೊ ಕೈದಾಡ್ಯಾಸ.

1 ಪೆತ್ರಾ 1:4

ಕ್ಹುದಾ ತಿನಾ ಬಚ್ಚಾವೊನೆ ದಿವಾನೊ ಆಶಿರ್ವಾದಮಾ ಆಸ ಛೆ. ತೆ ತುಮಾರಾ ಹುತಿ ಪರಲೊಕಮಾ ಮುಕ್ಕಲ ಛೆ. ತೆ ಹಾಳ ನೈ ಥಾತು ವರಿ ನಾಶ ಥಾತು ನೈ. ತಿನಿ ಸುಂದರ್ತಾ ಜವೈಲೆತು ನೈ.

1 ಪೆತ್ರಾ 3:7

ದಾಣ್ಗಾವೊ, ಇನಾಲಿಂಗತಜ಼ ತುಮೆ ತುಮಾರಿ ಬೈಕೊವೊನೆ ಕಳೈಲಿನ ತುನಾ ಕ್ಹಾತೆ ಜಿವ್ನಾ ಕರು. ತುಮೆ ತುಮಾರಿ ಬೈಕೊವೊನೆ ಮರ್ಯಾದಿ ದ್ಯು. ತ್ಯುನೆ ತುಮೊತಿ ತಾಕತ ಕಮ ರ‍್ಹಯಲವಾಲಿಯೊ ವ್ಹೈ. ತೆನೈಸೊ ಕ್ಹುದಾ ತುಮೊನೆ ದಿವಾನೊ ಆಶಿರವಾದಜ಼ ಕದ್ಯಾಮ ಕ್ಹರಿನೊ ಜ಼ಲಮ ದಿವಾನು ಮರಗಾ ತುಮಾರಿ ಬೈಕೊವೊನೆಬಿ ದಿವಸ. ತುಮೆ ಅಮ ಜಿವ್ನಾ ಕರತಾ ರ‍್ಹಯಾಮ ಪ್ರಾಥನಾ ಕರಾನೆ ತುಮೊನೆ ಅಡು ಥಾತು ನೈ.

ಯುದ ಬರ್ದಲ ಪತ್ರ 1:14

ಆದಾಮತೊ ಕ್ಹಾತ್ವಾ ಮಾತಾನೊ ರ‍್ಹಯಲ ಹನೊಕ ಎ ಮನಕ್ಹೊನಾ ಹುತಿ ಅಮ್ಮ ಕದ್ಯೊಸ; "ದೆಕೊ, ಲಾಕೊಶಿ ತಿನಾ ಪರಿಶುದ್ಧ ದುತೊನಾ ಕ್ಹಾತೆ ಆವಾಡ್ಯೊಸ.

ಪ್ರಕಟನೆ 5:6

ಪಾಚಲ್ತೊ ಸಿಂಹಾಸನನಾ ವರಿ ಚಾರ ಜಿವಿಮೊ ವಚ್ಮಾ ಯಕ್ಕ ಬಕ್ರಾನಾ ಬಚ್ಚಾ಼ನೆ ಮಿ ದೆಕ್ಯೊ. ಮ್ಹೊಟಾಬಿ ತೆ ಬಕ್ರಾನಾ ಬಚ್ಚಾ಼ನಾ ಆಗಪಾಚಾ಼ ವ್ಹತ್ತಾ. ತೆ ಬಕ್ರಾನು ಬಚ್ಚು಼ ಖಲಾಸ ಕರಲ ಲಿಂಗತ ವ್ಹತ್ತು. ತಿನೆ ಕ್ಹಾತ ಶಿಂಗಡಾ ಕ್ಹಾತ ಡೊಳಾ ವ್ಹತ್ತಾ. ತೆ ಎ ದುನಿಯಾನೆ ವಳಾಯಲ ಕ್ಹುದಾನಾ ಕ್ಹಾತ ಆತ್ಮಾ ವ್ಹತ್ತಾ.