ಗಲಾತ್ಯ 6:3 - ಕ್ಹುದಾನಿ ಕ್ಹರಿನಿ ವಾಕ್ಯಾ

³ ಕಾಕದ್ಯಾಮ ಕಯೊಬಿ ತೆ ಮ್ಹೊಟೊ ನೈ ರ‍್ಹಯೊತಬಿ ತಿನಾಕ್ಹು ತೆ ಮ್ಹೊಟೊ ವ್ಹೈ ಕೈನ ಕೈಲಿದಲ ರ‍್ಹಯೊಮ ತೆ ತಿನೆಜ಼ ಮೊಸಕರಲಿವಸ. ಯಕ್ಲೊ ತಿನೆ ಬಿಜೆ಼ಕ್ಲಾನಾ ಕ್ಹಾತೆ ಹೊಲ್ಸಿಲ್ಯು ನೈ.

ಗಲಾತ್ಯ 6:3 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 18:11

ತೆಳಾಮಾ ಫರಿಸಾಯರವಾಲೊ ಭು ಭಾಡೊಲಿವಾಲಾನೆ ದೆಕಿನ ದುರ ಹುಬ್ರೈನ ಅಮ್ಮ ಪ್ರಾಥನಾ ಕರ‍್ಯೊ. ಕ್ಹುದಾ, ಮಿ ಬಿಜಾ಼ವೊ ಲಿಂಗತ ಭು ಭಾಡೊಲಿವಾಲೊ ನ್ಹವೈ. ಮೊಸ ಕರಾಲೊ ನ್ಹವೈ, ವೈಭಿಚಾರ ಕರಾಲೊ ನ್ಹವೈ. ತಿನಾ ಹುತಿ ಮಿ ತುನೆ ಸ್ತೊತ್ರಾ ಕೌಸ,

ಅಪೊಸ್ತಲೊ 5:36

ಇನಾಹುತಿ ಪೈಲಾ ಥೈಯಲ ಕವಾಲೊ ಯಕ್ಲೊ ಉಟಿನ ತೆ ಯಕ್ಲೊ ಮಹಾಪುರುಷ ಕವಾನು ಕಲಿದ್ಯೊ. ತಿನಾ ಪಮಾಫ ಕಮ್ಸೆ ಕಮ್ಮ ಕ್ಹೊ ಮನಕ್ಹೊ ಮಳೆಲಿದ್ಯಾ,ತೆ ಮಾರಿ ಪಡ್ಯಾ,ವರಿ ತಿನೆ ನಂಬಾವಾವೊನೆ ಇಕ್ಹರಿನ ನೈಸೊವಾಲಾ ಥಯಾ.

ರೊಮಾಪೂರ 12:16

ತುಮೆ ಯಕ್ಕನೆ ಯಕ್ಕ ಸಮಾಧಾನಕ್ಹು ಮಳಿನ ರ‍್ಹವೊ. ಸೊಕ್ಕಕ ಕರೊ ನಕೊ. ತೆನೈಸೊ ದಿನಕ್ಹು ತೆ ಕಾಮೊ ಕರೊ. ಸಮಾಜಮಾ ಕಿನೆ ನೈ ಚಾ಼ಯೆ ಥಯಲವಾಲಾ ಮನಕ್ಹೊನಾ ಕ್ಹಾತೆ ದೊಸ್ತಿ ಕರಿನ ರ‍್ಹವಾನೆ ಆಸ ಕರೊ. ತುಮೊನೆ ತುಮೆಜ಼, ಶಾಣ್ಯಾ ವ್ಹೈ ಕೈನ ತಿಳ್ದಿಲಿವೊ ನಕೊ.

ರೊಮಾಪೂರ 12:3

ಕ್ಹುದಾ ಮನೆ ಖಾಸ ಯಕ್ಕ ವರಾ ದಿದ್ಯೊಸ. ತಿನಾಹುತಿಜ಼, ತುಮೊಮಾ ರ‍್ಹಯಲ ಹರ ಯಕ್ಕಲಾವೊನೆ ಎ ಸಂಗತಿಯೊ ತಿಳ್ಸಾವಾಡ್ಯೊಸ. ತುಮೆ ತುಮಾರಾ ಔಕಾತತಿಬಿ ಘನ್ನು ತುಮಾರಾ ವಿಷಯಮಾ ತಿಳ್ದಿಲಿವೊ ನಕೊ. ತುಮೆ ತುಮಾರಿ ವಿಷಯಮಾ ಸು ತಿಳ್ದಿಲಿದ್ಯಾತಬಿ ತೆ ವಿಚಾರ ತುಮಾರಿ ಔಕಾತನೆ ಕರೆಟ್ಟ ರ‍್ಹೌ. ಕ್ಹುದಾ ತುಮೊನೆ ಕೆಕ್ಲೊ ಬರೊಕ್ಹೊ ದಿದ್ಯೊಸ ತೆ ಬರೊಕ್ಹಾ ಲಿಂಗತಜ಼ ತುಮಾರಿ ವಿಷಯಮಾ ತಿಳ್ದಿಲಿವೊ.

1 ಕೊರಿಂಥ 13:2

ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.

1 ಕೊರಿಂಥ 3:18

ತುಮೊನೆ ತುಮೆಜ಼ ಮೊಸ ಕರಿಲಿವೊ ನಕೊ. ತುಮೊಮಾ ರ‍್ಹಯಲವಾಲೊ ಕುನ್ ತುಬಿ ತೆ ಎ ದುನಿಯಾಮಾ ಗ್ಯಾನಿ ವ್ಹೈ ಕವಾಲೊ ತೆ ಪಿಸಾಳೊ ಥೌಜ಼. ತೆಳಾಮಾ ತೆ ಮನಕ್ಹ ಕ್ಹರಿಮಾಜ಼ ಗ್ಯಾನಿ ಥಾವಸ.

1 ಕೊರಿಂಥ 8:2

ಕುನ್ ತಬಿ ತಿನೆ ಗ್ವತ್ತ ಛೆ ಕೈನ ಹೆಮ್ಮೆ ಪಡ್ದಿಲಿವಾಲೊ ರ‍್ಹಯಮ ತೆ ತಿಳ್ದಿಲಿವಾನು ತೆ ಚೊ಼ಕಿ ತರಾ ತಿಳ್ದಿಲಿದಲ ನೈ ರ‍್ಹತೊ.

2 ಕೊರಿಂಥ 12:11

ಇಮ್ಮ ಕ್ಹುದಾನಿ ಸುವಾರ್ತೆ ವರಾ ಕದ್ಯೊ. ನೈ ತುಮ ಖಾಸ ನೈ ಕರಾ ಮಿ ತಗ್ಗಿನ ಕೈನ ತೆ ತಪ್ಪ ವ್ಹೈ ಕೈನ ನೈ ಮದತ ತುಮ ಕರಾ ಸು?

2 ಕೊರಿಂಥ 3:5

ಹಮೊಕ್ಹುಜ಼ ಸುಬಿ ಥಯುಸ ಕವಾನೆ ಅಕ್ಲಾ ಹಮೆ ಲಾಯಕ ನತ್ತಿ. ಹಮೊನೆ ಯೊಗ್ಯತೆ ಆಯಲ ಕ್ಹುದಾಕ್ಹುಜ಼ ವ್ಹೈ.

ಗಲಾತ್ಯ 2:6

ತಿನಾಹುತಿ ಮಿ ಬೊದನೆ ಕರಾನು ಸುವಾರತೆನೆ ತ್ಯುನೆ ಸುಜ಼ ಮಳಾಯಾ ನೈ. ತ್ಯುನೆ ಮ್ಹೊಟಾ ರ‍್ಹಯಾತಬಿ ಮ್ಹೊಟಾ ಥೈನ ನ್ಹೊತಾಸು ತೆ ಮನೆ ಖಾಸ ನ್ಹವೈ. ಕ್ಹುದಾನೆ ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.

2 ತಿಮೊತಿ 3:13

ಕೆಟ್ಟ ಮನಕ್ಹೊ ವರಿ ಸುಳ್ಳ ಬೊಧಕೊ ಬಿಜಾ಼ವೊನೆ ಮೊಸ ಕರತಾ ತ್ಯುನೊನೆಬಿ ಮೊಸ ಕರ‍್ಲೆತಾ ದಿನ್ನತಾ ದಿನ್ನೆ ಕಿಳಮಟ್ಟೆ ಉತರತಾ ಜಾ಼ವಸ.

ಯಾಕೊಬ 1:22

ಕ್ಹುದಾನಿ ವಾಕ್ಯನಾ ಲಿಂಗತ ಚಾ಼ಲಾಲಾ ಥೈನ ರ‍್ಹವೊ, ತೆ ಕ್ಹಾಲಿ ಐಕಾಲಾ ಯಕ್ಕಜ಼ ರ‍್ಹೈನ ತುಮೊನೆ ತುಮೆಜ಼ ಮೊಸ ಕರಲಿವೊ ನಕೊ.

ಯಾಕೊಬ 1:26

ತಿನೆ ತೆ ಚೊ಼ಕೊ ಭಕ್ತ ವ್ಹೈ ಕೈನ ಕವೈಲಿವಾಲೊ ಕಯೊಬಿ ತಿನಿ ಜಿಬ್ಬ ತಿನಾ ಹತೊಟಿಮಾ ಮುಕ್ಕಿಲಿದ್ಯಾ ಬಗರ ತಿನಾ ಮನಸನೆ ಮೊಸ ಕರಲೆತೊ ರ‍್ಹಯಾಮ ತಿನಿ ಭಕ್ತಿ ಶಾನಾ ಕಾಮನಿ ನವೈ.

1 ಯೊಹಾನ 1:8

ಅಪೊಮಾ ಪಾಪ ನತ್ತಿ ಕೈನ ಕೈಲಿದ್ಯಾಮ, ಅಪೊನೆ ಅಪೆಜ಼ ಮೊಸ ಕರಲಿವಾಲಾ ಥಯಾಸ. ವರಿ ಅಪೊಮಾ ಕ್ಹರಿ ನತ್ತಿ.