ಗಲಾತ್ಯ 6:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಭಾಯೊ ವರಿ ಭೆನೊ, ತುಮಾರಿ ಸಬೆಮಾ ಕುನಬಿ ತಪ್ಪ ಕರ‍್ಯಾಮಾ, ಆತ್ಮಿಕ ಥಯಲ ವಾಲಾ ತುಮೆ ತಿಕನ ಗೈನ ಮಯಾಕ್ಹು ಗೈನ ತಿನೆ ತಿದ್ದಿನ ಕರೆಟ್ಟ ಕರೊ. ತೆನೈಸೊ ಹುಷಾರಮಾ ರ‍್ಹವೊ! ತುಮೆಬಿ ಶೊದನೆಮಾ ಪಡಾನೆ ಸಾದ್ಯೆ ಛೆ.

ಗಲಾತ್ಯ 6:1 ပူးပေါင်းရင်းမြစ်များ

ಮತ್ತಾಯ 11:29

ಮಾರಿ ನೊಗನೆ ಖಾಂದೊ ದಿನ ಮಾರಾಕ್ಹು ಶಿಕ್ಕೊ. ಮಿ ಸಾತ್ವಿಕ ದಿನ ರ‍್ಹಯಲಕ್ಹು ತುಮೆ ತುಮಾರಿ ಆತ್ಮಾವೊನೆ ಸಮಾಧಾನ ದೆಕೊಶಿ.

ಮತ್ತಾಯ 26:69

ತೆಳಾಮಾ ಪೆತ್ರಾ ಭಾರೊ ಅಂಗ್ಳಾಮಾ ಬೈಟ್ಯೊತೊ. ತ್ಯಾ ಯಕ್ಕ ದಾಸಿ ತಿಕನ ಐನ, ತುಬಿ ಗಲಿಲಾಯಮಾ ಯೆಸುನಾ ಕ್ಹಾತೆ ರ‍್ಹಯಲವಾಲೊ ವ್ಹೈನೈ ಕತಾಮಾ.

ಮತ್ತಾಯ 26:75

ಪೆತ್ರಾನೆ ಯೆಸು, ಕುಕ್ಡೊ ಬಾಂಗ ಲಿವಾತಿ ಪೈಲಾಜ಼ ತನ್ನ ಸಲಾ ಮನೆ ಇನ್ಕಾರ ಕರಿನ ಕಸಿ ಕೈನ ಕದಲ ವಾತನೆ ಸ್ಹೆಂ ಕರಲಿನ ಭಾರಾ ಗೈನ ಘನ್ನೊ ದುಖ ಪಡ್ದಿನ ರೊಯೊ.

ಮತ್ತಾಯ 9:13

ತುಮೆ ಜಾ಼ವೊ, ‘ಮನಿ ಬಲಿ ನಕೊ, ಮರ್ಗಾ ಚಾ಼ಯೆ’ ಕೈನ ಪವಿತ್ರ ಗ್ರಂಥಮಾ ಬರದಲ ವಾಕ್ಯಾನು ಮತಲಬ ಶಿಕ್ಕಿಲಿವೊ. ಮಿ ನಿತಿವಂತವಾಲಾವೊನೆ ಬಲಾವೊನೆ ನತ್ತಿ ಆಯೊ, ಪಾಪಿಯೊನೆ ಬಲಾವಾನೆ ಆಯೊಸ” ಕೈನ ಕದ್ಯೊ.

ರೊಮಾಪೂರ 14:1

ಬರೊಕ್ಹಾಮಾ ಕಮ್ಜೊ಼ರ ರ‍್ಹಯಲ ಮನಕ್ಹನೆ ತುಮಾರಾ ಕ್ಹಾತೆ ಮಳೈ ಲಿವೊ ತಿವ್ನಾ ಸ್ವಂತ ವಿಷಯಮಾ ತಿನಾ ಕ್ಹಾತೆ ವಾಗ್ವಾದ ಕರೊ ನಕೊ.

ರೊಮಾಪೂರ 15:1

ತಿನಾಹುತಿ ಬರೊಕ್ಹಾಮಾ ಕಮಿ ರ‍್ಹಯಲ ವಾಲಾವೊನೆ ಕಮಜೊ಼ರ ರ‍್ಹಯಲ ಮನಕ್ಹೊನೆ ಅಪೆ ತಡ್ದಿಲ್ಯು. ಅಪೆ ಕ್ಹಾಲಿ ಅಪ್ನು ಯಕ್ಕಜ಼ ಚೊ಼ಕು ದೆಕಿಲ್ಯು ನೈ.

ರೊಮಾಪೂರ 8:6

ಯಕ್ಲಾನಿ ವಿಚಾರ ತಿನಾ ಪಾಪನಾ ಸ್ವಭಾವ ಲಿಂಗತ ರ‍್ಹಯುಮ ತಿನೆ ಆತ್ಮಿಕ ಮೌತ ಥಾವಸ. ತೆನೈಸೊ ಯಕ್ಲಾನಿ ವಿಚಾರ ಪವಿತ್ರ ಆತ್ಮಾನಾ ಹತ್ಮಾ ರ‍್ಹಯಲ ರ‍್ಹಯುಮ, ತಿನಾಮಾ ಜ಼ಲಮ ಸಮಾದಾನ ರ‍್ಹವಸ.

1 ಕೊರಿಂಥ 10:12

ತಿನಾಹುತಿ ಚೊ಼ಕಿ ತರಾ ಛೆ ಕೈನ ಕೈಲಿವಾಲಾ, ಠೊಕರ ಲಾಗಿನ ಪಡೆ ನೈಸೊ ಹುಶಾರಕ್ಹು ರ‍್ಹೆ.

1 ಕೊರಿಂಥ 14:37

ತುಮೊಮಾ ಕುನ್ನತಬಿ ಯಕ್ಲೊ ತೆ ಕ್ಹುದಾನಿ ವಾಕ್ಯಾ ಕವಾಲೊ ನೈತೊ ಪವಿತ್ರ ಆತ್ಮಾನಿ ಪ್ರೆರಣೆ ವ್ಹಂದಿಲಿದಲವಾಲೊ ಕೈನ ತಿಳ್ದಿಲಿದಲ ರ‍್ಹಯೊಮ, ಮಿ ತುಮೊನೆ ಬರ್ದಲ ಕ್ಹಾರು ಪ್ರಭುನಿ ಆಗನ್ಯಾ ವ್ಹೈ ಕೈನ ಚೊ಼ಕಿ ತರಾ ತಿಳ್ದಿಲಿವೊ.

1 ಕೊರಿಂಥ 2:15

ಕ್ಹುದಾನಿ ಆತ್ಮಾ ವ್ಹಂದಿಲಿದಲವಾಲೊ ಕ್ಹಾರು ಪೈಸ್ಲೊ ಕರಿನ ತಿಳ್ದಿಲಿವಸ. ತೆನೈಸೊ ತಿನೆಕುನ್ನ ವಿಚಾರ ಕರಿನ ತಿಳ್ಸಾವಾನಿ ಜ಼ರುರತ ನತ್ತಿ.

1 ಕೊರಿಂಥ 3:1

ಇನಾಹುತಿ ಮಾರಾ ಭಾಯೊ ಭೆನೊ, ಮಿ ಆತ್ಮಿಕ ಮನಕ್ಹೊನಾ ಕ್ಹಾತೆ ಬೊಲಲ ಲಿಂಗತ ಪೈಲಾ ತುಮಾರಾ ಕ್ಹಾತೆ ಬೊಲಾನೆ ಥಯು ನೈ. ದುನಿಯಾನಾ ಮನಕ್ಹೊ ಕ್ರಿಸ್ತಮಾ ನ್ಹಾನಾ ಬಚ಼್ಚಾ ರ‍್ಹಯಲವಾಲಾವೊನಾ ಕ್ಹಾತೆ ಬೊಲಲ ಲಿಂಗತ ಮಿ ತುಮಾರಾ ಕ್ಹಾತೆ ಬೊಲು ಲಾಗ್ಯು.

1 ಕೊರಿಂಥ 4:21

ತುಮೆ ಕಯು ಪಸಂದ ಕರೊಶಿ? ಮಿ ಲಾಕಡಿ ಲಿನ ಔ ಸು? ತೆನೈಸೊ ಮಯಾ ವರಿ ಶಾಂತಕ್ಹು ಔ ಸು?

1 ಕೊರಿಂಥ 7:5

ತಿನಾಹುತಿ ಮಾಟಿ ಬೈಕೊ ಯಕ್ಕನೆ ಯಕ್ಕ ದಾಂಪತ್ಯನಾ ಕಾಮೊ ಕರಾನೆ ಇನ್ಕಾರು ನೈ. ಧ್ಯಾನ, ಪ್ರಾಥನಾ ಕರಾಮಾ, ದಕ್ಹಿಯೆಳ ಯಕ್ಕನೆ ಯಕ್ಲಾ ದುರ ರ‍್ಹೆ ಸಕಸ, ತೆನೈಸೊ ತಿನೆ ಯಕ್ಕನೆ ಯಕ್ಕ ವಪ್ಪಗಿ ರ‍್ಹೌ. ತೆ ಥಯಲ ಪರ ಯಕ್ಕ ಥೌ. ನೈ ಥಯಾರೆ, ತುಮೊಮಾ ಹೊಂದಾಣಕಿ ನೈ ರ‍್ಹಯಲ ದೆಕಿನ ಸೈತಾನ ಶೊದನೆಮಾ ಪಾಡಸಕಸ.

2 ಕೊರಿಂಥ 10:1

ಪೌಲ ಲಿಂಗತ ಮಿ ಕ್ರಿಸ್ತ ಮಯಾ ಮರಗ ತುಮ ಮಾಂಗ ಸುಜ಼. ಮಿ ತಾರ ರ‍್ಹ ದಿನ ಕೈನ ರ‍್ಹ. ತುಮ ದುರ ರ‍್ಹ ಟೈಮ ದಿನ ಕೈನ ರ‍್ಹ ಕೈನ ದಕ್ಹ ಮನಕ್ಹೊ ಕತಾತಾ.

2 ಕೊರಿಂಥ 2:7

ಹಮ್ನಾ ತುಮೆ ತಿನೆ ತಿನೆ ಶಿಕ್ಷಾ ದಿದ್ಯಾವಾಚಿ ತಿನೆ ಮಾಫಕರೊ, ತಿನೆ ಮಯಾ ಕರೊ. ನೈತೊ ತೆ ಘನ್ನೊ ದುಖಮಾ ಡುಬಿ ಜಾ಼ವಸ.

2 ಕೊರಿಂಥ 2:8

ತಿನಾಹುತಿ ತಿನೆ ತುಮೆ ಮಯಾ ದೆಕಾಡು ಕೈನ ಮಾಂಗಿಲ್ಯುಸ.

ಗಲಾತ್ಯ 5:23

ಸಾದುತ್ವ ಅಪ್ನಾಕ್ಹು ಅಪೊನೆ ಹತೊಟಿಮಾ ಮ್ಹೆಲ್ಲಿವಾನು. ಇವ್ನೊನೆ ತಪ್ಪ ವ್ಹೈ ಕೈನ ಕಯುಜ಼ ಧರಮಶಾಸ್ತ್ರ ಕತು ನೈ.

ಗಲಾತ್ಯ 6:18

ಮಾರಾ ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಕೃಪಾ ತುಮಾರಾ ಆತ್ಮಾನಾ ಕ್ಹಾತೆ ರ‍್ಹವಾದೆ ಆಮೆನ್.

1 ಥೆಸಲೊನಿಕ 4:1

ಲಾಸ್ಟಮಾ ಕವಾನು ಸು ವ್ಹೈ ಕದ್ಯಾಮ ಭಾಯೊ ವರಿ ಭೆನೊ, ಹಮ್ನಾ ತುಮೊನೆ ಬಿಜಿ಼ಯೊ ದಕ್ಹಿಯೊ ವಿಚಾರೊ ತಿಳಸುಸ. ಕ್ಹುದಾನೆ ಕಿಮ ಮೆಚ಼ಸಾನೆ ಜಿವ್ನಾ ಕರು ಕೈನ ತುಮೊನೆ ಶಿಕ್ಲಾಯಾಸ. ತುಮೆ ತಿನಾಲಿಂಗತಜ಼ ಜಿವ್ನಾ ಕರಾಡಾಸ. ತಿನಾಲಿಂಗತಜ಼ ಹಜು಼ನ ಹೆಚ್ಕಿ ನಜಿ಼ಕ ರ‍್ಹೈನ ಜಿವ್ನಾ ಕರು ಕೈನ ಹಮೆ ತುಮ್ನೊನೆ ಯೆಸುನಾ ನಾಮಪರ ಮಾಂಗಿಲಿಯೆಸ ವರಿ ಪ್ರೊತ್ಸಾಹ ಕರಿಯೆಸ.

2 ಥೆಸಲೊನಿಕ 3:15

ತೆನೈಸೊ ತಿನೆ ದುಷ್ಮನ ವ್ಹೈ ಕೈನ ತಿಳದ್ಯಾವಾಚಿ ಕ್ರಿಸ್ತಮಾ ರ‍್ಹಯಲ ಭೈ ವ್ಹೈ ಕೈನ ಗ್ಯಾನ ಕವೊ.

2 ತಿಮೊತಿ 2:25

ತು ತಾರಾ ಕ್ಹಾತೆ ನೈ ಮಳಾನಾ ಮನಕ್ಹೊನೆಬಿ ಚೊ಼ಕಾ ತರಾ ಉಪದೆಶ ಕರು. ತ್ಯುನೆ ಕ್ಹರಿನೆ ಒಪ್ಪಿಲಿವಾವರಕ್ಹು ಕ್ಹುದಾ ತ್ಯುನಾ ಮನಸ್ಸೊನೆ ಬದಲಸ್ತೊ.

ಇಬ್ರಿಯ 12:13

ತುಮೆ ಚೊ಼ಕಿ ರ‍್ಹಯಲ ವಾಟಮಾ ಜಿವ್ನಾ ಕರ‍್ತಾ ರ‍್ಹಯಾಮ ರಕ್ಷಣೆ ಮಳಸ ವರಿ ತುಮೊನೆ ಹಾಳ ಕರಾನು ರ‍್ಹಯಲ ತುಮಾರಿ ಕಮ್ಜೊ಼ರಿನೆ ಥಾತು ನೈ.

ಇಬ್ರಿಯ 13:3

ಜೆಲಮಾ ರ‍್ಹಯಲ ಮನಕ್ಹೊನೆ ಶೆಂ ಕರಿಲಿವೊ. ತುಮೆ ತ್ಯುನಾ ಕ್ಹಾತೆ ರ‍್ಹೈನ ಜೆಲಮಾ ರ‍್ಹಯಲವಾಲಾ ವ್ಹೈ ಕೈನ, ತ್ಯುನೊನೆ ಥಯಲ ಶರಿರನು ತ್ರಾಸ ತುಮೊನೆಬಿ ಥಯುಸ ಕೈನ ತಿಳ್ದಿನ, ತ್ಯುನೊನೆ ಶೆಂ ಕರಿಲಿವೊ.

ಯಾಕೊಬ 3:13

ಅಪ್ನಾಮಾ ಶಾಣ್ಯೊ ವರಿ ಗ್ಯಾನಿ ಕುನ್ನ ವ್ಹೈ? ಕುನ್ನಬಿ ರ‍್ಹಯಾಮ ತೆ ತಿನಾ ಚಾಳಿಯೊಕ್ಹು ದೆಕಾಡಾದೆ. ಸಮಾದಾನ ಶಾಂತಿಕ್ಹು ನ್ಹಾನೊ ಥೈನ ಜಾ಼ವಾನುಜ಼ ಶಾಣ್ಯಾನಿ ಚಾಳಿ ವ್ಹೈ.

ಯಾಕೊಬ 3:2

ಅಪೆ ಕ್ಹಾರಾ ಜ಼ನಾ ಘನ್ನಾ ವಿಶಯಮಾ ತಪ್ಪ ಕರಾಲಾ ಥಯಾಸ. ಯಕ್ಲೊ ವಾತಮಾ ತಪ್ಪ ಕರ‍್ಯಾವಾಚಿ ನೈ ಚಾ಼ಲ್ಯೊಮ ತೆ ಕ್ಹಾರಿ ತರಾಮಾ ಚೊ಼ಕೊ ರ‍್ಹಯಲವಾಲೊ ತಿನಿ ಪುರಾ ಅಂಗನೆ ಹತೊಟಿಮಾ ಮುಕ್ಕಿಲಿವಾನೆ ಯೊಗ್ಯ ಥಯೊಸ.

1 ಪೆತ್ರಾ 3:15

ತ್ಯುನಾ ಧಮ್ಕಿಯೊನೆ ಬುಚ್ಕ್ಯಾ ಬಗರ ತುಮಾರಾ ಮನಸೊಮಾ ಕ್ರಿಸ್ತಜ಼ ಪ್ರಭು ಥೈನ ರ‍್ಹವಾದೆ. ತುಮೊಮಾ ಯಕ್ಕ ಆಸನೆ ಸು ಆದಾರ ಛೆ ಕೈನ ತುಮೊನೆ ಪುಚ್ಚಾ಼ಲಾ ಹರಿಯಕ್ಕಲಾನೆ ಜವಾಬ ದಿವಾನೆ ಕೆಳಾಮಾಬಿ ತಯಾರ ಥೈನ ರ‍್ಹವೊ. ತೆನೈಸೊ ಸಾತ್ವಿಕತೆಕ್ಹು ಮರಯಾದಿಕ್ಹು ತ್ಯುನೊನೆ ಜವಾಬ ದಿವೊ.

1 ಯೊಹಾನ 5:16

ತುಮಾರಾಮಾ ಕುನಬಿ ಯಕ್ಕ ವಿಸ್ವಾಸಿ ತಿನಾ ಬಾ ಮೌಥ ನೈಸೊ ಪಾಪ ದೆಕಿನ ತೆ ಕ್ಹುದಾ ಕನ ಮಾಂಗಿಲಿವಾದೆ ತೆಳಾಮಾ ಕ್ಹುದಾ ಮೌತ ನೈಸೊ ಪಾಪ ಕರಾವಾಲಾವೊನೆ ಜ಼ಲಮ ದಿವಸ. ಮೌತ ರ‍್ಹಯಲ ಪಾಪ ಛೆ ತೆ ಪಾಪನಾ ವಿಷಯಮ್ಮಾ ತೆ ಮಾಂಗಿಲ್ಯು ಮಿ ನೈ ಕತೊ.