ಗಲಾತ್ಯ 4:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ಹಮ್ನಾತೊ ಕ್ಹರಿನಾ ಕ್ಹುದಾನೆ ತಿಳ್ದಿಲಿದ್ಯಾಸ. ಕ್ಹರಿ ಕೌ ಕದ್ಯಾಮ, ತಾರಾ ಹುತಿ ತಿಳ್ದಿಲಿದಲವಾಲೊ ಕ್ಹುದಾಜ಼ ವ್ಹೈ. ಇಮ್ಮ ರ‍್ಹತಾಮಾ ಪೈಲಾ ತುಮೆ ಕರತಾ ರ‍್ಹಯಲ ತಾಕತ ನೈಸೊ ಕಾಮೆ ನೈ ಆವಾನು ರ‍್ಹಯಲ ನಿಯೊಮೊನೆ ತುಮೆ ಕಾ ಪಾಚಾ಼ ಫರಿನ ದೆಕು? ತೆವಾವೊನೆ ವರಿ ತುಮೆ ಗುಲಾಮೊ ಥೌ ಕೈನ ಛೆಸು?

ಗಲಾತ್ಯ 4:9 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಲುಕ ಬರ್ದಲ ಸುವಾರ್ತಾ 5:38

ಮನಕ್ಹೊ ನೌ ದ್ರಾಕ್ಷಿಯೊನು ರಕ್ಹ ನೈಯೊ ಚ಼ಾಮ್ಡಾವೊನಿ ಕೈಚಿಲಾವೊಮಾ ಭರಿನ ಮ್ಹೆಲಸ.

ಯೊಹಾನ 10:14

"ಮಿ ಚೊ಼ಕೊ ಕುರಬುರ‍್ಯೊ ವ್ಹೈ. ತಿಮ್ಮ ಮಿ ಮನೆ ಬಾ ತಿಳ್ದಿಲಿದ್ಯೊಸ ತಿಮ್ಮ ಬಾನೆ ಮಿ ತಿಳ್ದಿಲಿದ್ಯೊಸ. ತಿನಾ ಲಿಂಗತಜ ಮಿ ಮಾರಾ ಬಕ್ರಾವೊನೆ ವಳಕುಸ ವರಿ ತೆ ಮನೆ ವಳಕಸ. ವರಿ ಮಿ ಮಾರಾ ಬಕ್ರಾವೊನಾ ಹುತಿ ಜ಼ಲಮ ದಿವಾನೆ ತಯ್ಯಾರ ಛೆ.

ಯೊಹಾನ 10:27

ಮಾರಾ ಬಕ್ರಾ ಮಾರಿ ಆವಾಜನೆ ಐಕಸ. ಮಿ ತ್ಯುನೊನೆ ತಿಳ್ದಿಲಿದ್ಯೊಸ ವರಿ ತೆ ಬಕ್ರಾ ಮಾರಾ ಪಾಚಾ಼ ಆವಸ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ರೊಮಾಪೂರ 8:29

ಕ್ಹುದಾ ಪೈಲಾತೊಜ಼ ತೆ ಭಾಯೊನೆ ಇನಿಲಿದ್ಯೊತೊ ವರಿ ತೆ ಮನಕ್ಹೊ ಇನಾ ದಿಕ್ರಾನಾ ಲಿಂಗತ ರ‍್ಹೌ ಕೈನ ಫೈಸಲೊ ಕರ‍್ಯೊ. ಇಮ್ಮ ರ‍್ಹತಾಮಾ, ಬರೊಕ್ಹಾಮಾ ರ‍್ಹಯಲವಾಲಾವೊಮಾ ತಿನೊ ದಿಕ್ಕರೊಜ಼ ಮ್ಹೊಟೊ ವ್ಹೈ.

ರೊಮಾಪೂರ 8:3

ಧರಮಶಾಸ್ತ್ರ ತಾಕತ ನೈಸೊ ವ್ಹತ್ತು. ಕಾಕದ್ಯಾಮ ಅಪ್ನಾ ಮಾನವ ಸ್ವಭಾವನಿಯೊ ಚಾಳಿಯೊಜ಼ ತಿನೆ ತಾಕತ ನೈಸೊ ಕರ‍್ಯು. ಇಮ್ಮ ರ‍್ಹತಾಮಾ, ಧರಮಶಾಸ್ತ್ರ ನೈ ಕರಾನು ಕ್ಹುದಾ ಕರ‍್ಯೊ. ಕ್ಹುದಾ ತಿನಾ ಸ್ವಂತ ದಿಕ್ಕರಾನೆಜ಼ ಪಾಪನಾ ಚಾಳಿಯೊನಾ ಮನಕ್ಹನಾ ಚಾಳಿಯೊಮಾ ಪಾಪನೆ ಪ್ರಾಯಶ್ಚಿತ ಥೈನ ವಳೈನ ದಿದ್ಯೊ. ತಿನಾಹುತಿ ಕ್ಹುದಾ ಪಾಪನೆ ಮೌತನೊ ಫೈಸಲೊ ದಿವಾನೆ ಮನಕ್ಹನಾ ಚಾಳಿಯೊನೆ ಉಪಯೊಗ ಕರ‍್ಯೊ.

1 ಕೊರಿಂಥ 13:12

ತುಮೊನೆಬಿ ಎ ಲಾಗು ಥಾವಸ. ಅರ್ಖಾಮಾ ಖಾಲಿ ಭೌಲು ದಿಕ್ಹೆಲಿಂಗತ ಹಮ್ನಾ ಅಪೆ ದೆಕಾಡಾಸ. ತೆನೈಸೊ ಅಗಲ್ಯಾ ಕಾಲಮಾ ಅಪೆ ಖಾಮಾಜ಼ ದಿಕ್ಹೆಸ. ಹಮ್ನಾ ಮನೆ ತಿಳದಲ ಖಾಲಿ ಯಕ್ಕ ಭಾಗ ತೆಕ್ಲುಜ಼ ವ್ಹೈ, ತೆನೈಸೊ ತೆ ಕಾಲಮಾ ಕ್ಹುದಾ ಮನೆ ತಿಳ್ದಿಲಿದಲ ಲಿಂಗತ ಮಿ ಪುರಾಜ಼ ತಿಳ್ದಿಲ್ಯುಸ.

1 ಕೊರಿಂಥ 15:34

ಗೌರ ಕರಿನ ವಿಚಾರ ಕರೊ! ನಿತಿವಂತವಾಲಾ ಥೈನ ಹುಶಾರಕ್ಹು ರ‍್ಹವೊ. ಪಾಪ ಕರೊ ನಕೊ. ದಕ್ಹಾ ಜ಼ನಾವೊನೆ ಕ್ಹುದಾನಾ ಹುತಿ ಗ್ಯಾನಜ಼ ನತ್ತಿ; ತುಮೊನೆ ಸರಮ ಔಜ಼ ಕೈನ ಎ ಕವಾಡ್ಯೊಸ.

1 ಕೊರಿಂಥ 8:3

ತೆನೈಸೊ ಕ್ಹುದಾನೆ ಮಯಾ ಕರಾಲಾವೊನೆ ಕ್ಹುದಾ ವಳಕಸ.

2 ಕೊರಿಂಥ 11:20

ದೆಕಾಡಲ ಮರ್ಗ ಹುತ ಹುತಿ ನೈ ತುಮ ಕವಾನಿ ಆಸ ಕರುಸ ತುಮ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

ಗಲಾತ್ಯ 3:3

ಕ್ರಿಸ್ತಮಾಜ಼ ತುಮಾರಿ ಜಿವ್ನಾ ಪವಿತ್ರ ಆತ್ಮಾನಾ ಕ್ಹಾತೆ ಶುರು ಕರ‍್ಯಾಸ. ಹಮ್ನಾ ತಿನೆ ತುಮಾರಿ ಸ್ವಂತ ತಾಕತ್ನಾ ಕ್ಹಾತೆ ಅಗು ಜಾ಼ವಾನೆ ಕೊಶಿಶ ಕರೊಶಿ ಸು? ತೆ ಗ್ಯಾನ ನೈಸೊವ್ಹೈ.

ಗಲಾತ್ಯ 4:3

ತಿನಾ ನಿಂಗಜ಼ ಅಪೆಬಿ ಪೈಲಾ ಬಚ್ಚಾ಼ವೊ ಲಿಂಗತ ಛೆ. ಎ ಜಗತ್ಮಾ ಉಪಯೊಗ ನೈಸೊ ನಿಯಮೊನೆ ಅಪೆ ಗುಲಾಮೊ ಥಯಾಸ.

ಎಫೆಸ 1:17

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಕ್ಹುದಾ ಮಹಿಮಾನೊ ಸ್ವರುಪ ಥಯಲ ಬಾ ಥಯಲವಾಲಾನೆ ಮಿ ಹಮೆಶಾಬಿ ಪ್ರಾಥನಾ ಕರುಸ ಕ್ಹುದಾನಿ ಗ್ಯಾನಕ್ಹು ಕದ್ಯಾಮ ತೆ ತುಮೊನೆ ತಿಳಸಾಯಲ ಗ್ಯಾನಕ್ಹು ತುಮೊನೆ ಗ್ಯಾನಿ ಕರಾನಿ ಆತ್ಮಾ ತೆ ತುಮೊನೆ ದಿವಾದೆ ಕೈನ ಮಿ ಪ್ರಾಥನಾ ಕರುಸ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

ಇಬ್ರಿಯ 7:18

ಜುನ್ನಾ ನಿಯಮೊ ದುರ್ಬಲ ಕೆಟ್ಟ ಕಾಮೊ ಥಯಲಕ್ಹು ರದ್ದ ಥಯು.

2 ಪೆತ್ರಾ 2:20

ಎ ಜಗತ್ಮಾನಾ ಕೆಟ್ಟ ಕಾಮೊಕ್ಹು ತೆ ಮನಕ್ಹೊನೆ ವಚಾ಼ಡ್ಯಾ. ಅಪ್ನೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನೆ ತಿಳದಿಲಿವಾನಾಹುತಿ ತ್ಯುನೊನೆ ಬಿಡುಗಡೆ ಥೈ. ತೆನೈಸೊ ತೆ ಮನಕ್ಹೊ ತ್ಯುನಾ ಪಾಚ಼ಲ್ಯಾ ಸಂಗತಿಯೊನೆ ಪಾಚಾ಼ ಫರಿನ ಗಯಾಮಾ ವರಿ ತೆ ತ್ಯುನೊನೆ ಹತೊಟಿಮಾ ಮ್ಹೆಲ್ಲಿದಲ ರ‍್ಹಯಾಮ ತ್ಯುನೆ ಪೈಲಾತಿಬಿ ಘನ್ನಾ ಕೆಟ್ಟ ಥೈ ಜಾ಼ವಸ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.