ಗಲಾತ್ಯ 3:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆ ಇಪರ ಬರೊಕ್ಹೊ ಕರಲ ಹುತಿ ಆಶಿರ್ವಾದ ಮಳಿ. ಎಜ಼ ನಿಯಮೊ ಹಜು಼ನಬಿ ಲಾಗು ಥಾವಸ. ತಿನೆ ಆಶಿರ್ವಾದ ಮಳಲ ಲಿಂಗತಜ಼ ಅಬ್ರಹಾಮನಾ ಕ್ಹಾತೆ ಬರೊಕ್ಹೊ ಮ್ಹೆಲಲ ಕ್ಹಾರಾ ಮನಕ್ಹೊನೆಬಿ ಆಶಿರ್ವಾದ ಮಳಸ. (ಧರ್ಮೊಪದೆಶಕಾಂಡ 27-26)

ಗಲಾತ್ಯ 3:9 ပူးပေါင်းရင်းမြစ်များ

ರೊಮಾಪೂರ 4:11

ಕ್ಹುದಾ ತಿನೆ ವಪ್ಪಿಲಿದ್ಯೊಸ ಕೈನ ದೆಕಾಡಾನಾ ಹುತಿ ಅಬ್ರಹಾಮ ಪಾಚಾ಼ತು ಸುನ್ನತಿ ಕರೈಲಿದ್ಯೊ. ಅಬ್ರಹಾಮ ಸುನ್ನತಿ ಕರೈಲಿವಾತಿ ಅಗ್ದುರಜ಼ ಬರೊಕ್ಹಾನಾ ಮುಲಕ ನಿತಿವಂತವಾಲೊ ವ್ಹತ್ತೊ. ತಿನಾಹುತಿ ಅಬ್ರಹಾಮ ಕ್ಹುದಾನೆ ಬರೊಕ್ಹೊ ಕರಾಲಾ ಕ್ಹಾರಾವೊನೆ ಆತ್ಮಿಕ ಬಾ ಥಯೊಸ ವರಿ ತ್ಯುನೆ ಸುನ್ನತಿ ನೈ ಕರೈಲಿ ತುಬಿ ತ್ಯುನೊಕ್ಹು ನ್ಯಾಯಮಾ ಸ್ವಿಕಾರ ಕರೈಲಿದಲವಾಲಾ ವ್ಹೈ.

ರೊಮಾಪೂರ 4:16

ತಿನಾಹುತಿ ಮನಕ್ಹೊ ಬರೊಕ್ಹೊನಾ ಮುಲಕ ವಾಗ್ದಾನ ಹೊಂದಿಲಿವಸ. ವಾತೊ ಫ್ರಿಮಾ ಮಳು ಕೈನ ವರಿ ಗಿಫ್ಟ ರ‍್ಹೌ ಕೈನ ಇಮ್ಮ ಥಯು. ವಾಗ್ದಾನ ಫ್ರಿನಿ ಗಿಫ್ಟ ರ‍್ಹಯ್ಯೊಮ, ಅಬ್ರಹಾಮನಾ ಮನಕ್ಹೊ ತೆ ವಾತೊ ಹೊಂದಿಲಿವಸ. ಎ ವಾಗ್ದಾನ ಮೊಶೆನಾ ಧರಮಶಾಸ್ತ್ರನೆ ಅಧಿನ ಥೈನ ಜಿವ್ನಾ ಕರತಾ ರ‍್ಹಯಲ ಮನಕ್ಹೊನೆ ಯಕ್ಕಜ಼ ನ್ಹವೈ, ಅಬ್ರಹಾಮ ಲಿಂಗತ ಬರೊಕ್ಹಾಮಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಹುತಿ ವ್ಹೈ. ಅಬ್ರಹಾಮ ಅಪೊನೆ ಕ್ಹಾರಾವೊನೆ ಮುಲ ಪಿತೃ ಥಯೊಸ.

ರೊಮಾಪೂರ 4:24

ತೆ ಅಪ್ನಾ ಹುತಿಬಿ ಬರ್ದಲ ವ್ಹೈ. ಅಪೆ ಬರೊಕ್ಹೊ ಕರಿಯೆಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಲ ವಾಲಾನೆ ಅಪೆ ಬರೊಕ್ಹೊ ಮ್ಹೆಲಿಯೆಸ.

ಗಲಾತ್ಯ 3:14

ಕ್ಹಾರಾ ಮನಕ್ಹೊನೆ ಕ್ಹುದಾನೊ ಆಶಿರ್ವಾದ ಮಳುಕೈನ ಕ್ರಿಸ್ತ ಇಮ್ಮ ಕರ‍್ಯೊ. ಎ ಆಶಿರ್ವಾದ ಕ್ಹುದಾ ಅಬ್ರಹಾಮನೆ ವಾತ ದಿದ್ಯೊತೊ. ಎ ಆಶಿರ್ವಾದ ಯೆಸು ಕ್ರಿಸ್ತನಾ ಮುಲಕ ಆವಸ. ಕ್ಹುದಾ ವಾತದಿದಲ ಪವಿತ್ರ ಆತ್ಮಾನೆ ಅಪೆ ಹೊಂದಿಲಿವಾಹುತಿ ಯೆಸು ಮರ‍್ಯೊ. ಬರೊಕ್ಹೊ ಮ್ಹೆಲಾನಾಹುತಿ ಅಪೆ ಎ ವಾತ ಪಡ್ದಿಲಿವಸ.

ಗಲಾತ್ಯ 3:29

ತುಮೆ ಕ್ರಿಸ್ತವಾಲಾ ಥಯಾಸ. ತಿನಾಹುತಿ ತುಮೆ ಅಬ್ರಹಾಮನಾ ಸಂತಾನವಾಲಾ ವ್ಹೈ. ಕ್ಹುದಾ ತಿನೆ ಕರಲ ವಾಗ್ದಾನ ಲಿಂಗತ ತುಮೆ ಕ್ಹಾರಾ ಕ್ಹುದಾನಿ ಆಶಿರ್ವಾದ ಪಡ್ದಿಲಿವೊಸಿ.

ಗಲಾತ್ಯ 4:28

ಅಬ್ರಹಾನೊ ಯಕ್ಲೊ ದಿಕ್ರೊ ಮನಕ್ಹಮಾ ಹುಟ್ಟಲ ಲಿಂಗತ ಹುಟ್ಯೊ. ಅಬ್ರಹಾಮನೊ ಬಿಜೆಕ್ಲೊ ದಿಕ್ರೊ ಕ್ಹುದಾನಿ ವಾಗ್ದಾನನೊ ಫ್ಹಲ ಥೈನ ಕ್ಹುದಾನಿ ಆತ್ಮಾನಿ ತಾಕತ ಕ್ಹು ಹುಟ್ಯೊ. ಮಾರಾ ಭಾಯೊ ಭೆನೊ, ತುಮೆಬಿ ಇಸಾಕ ಲಿಂಗತ ವಾಗ್ದಾನನಾ ಬಚ್ಚಾ಼ ಥಯಾಸ. ಮನಕ್ಹನಿ ರಿತಿಮಾ ಹುಟ್ಟಲ ಪಟ್ಟೊ ವರಿ ಯಕ್ಲಾನೆ ತ್ರಾಸ ಕರ‍್ಯೊ. ಎಜ಼ ಹಜು಼ನಿಬಿ ಚಾ಼ಲಾಡ್ಯುಸ.