ಗಲಾತ್ಯ 2:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ಖತ್ನಾ ಥಯಲವಾಲವೊನೆ ಅಪೊಸ್ತಲ ಕವಾನು ನಾಮ ಚಾ಼ಲಾನಾ ಹುತಿ ಪೆತ್ರಾನೆ ಕದಲವಾಲೊ ಬಿಜಾ಼ ಮನಕ್ಹೊನೆ ಕವಾನಾಹುತಿ ಮನೆ ಕದ್ಯೊ.

ಗಲಾತ್ಯ 2:7 ပူးပေါင်းရင်းမြစ်များ

ಅಪೊಸ್ತಲೊ 15:12

ತೆಳಾಮಾ ಕ್ಹಾರಿ ಸಭಾ ಗಪ ವ್ಹತ್ತಿ. ತ್ಯುನೆ ಪೌಲಾ ವರಿ ಬಾರ್ನಬನೆ ಕಾನ ದಿನ್ನ ಐಕ್ಯಾ. ಯೆಹುದಿ ನೈಸೊ ಮನಕ್ಹೊನಾ ವಚಾಮಾ ಕ್ಹುದಾ ತಿನಾ ಮುಕಾಂತರ ಕರಲ ಕ್ಹಾರಾ ಅದ್ಭುತ ಕಾಮೊ ವರಿ ಸುಚಕ ಕಾಮೊನಾ ಹುತಿ ಪೌಲಾ ಬಾರ್ನಬ ಕದ್ಯಾ.

ಅಪೊಸ್ತಲೊ 18:6

ತ್ಯುನೆ ಎದುರಿಸಿನ ದೊಶ ದಿನ ತೆ ತಿನಾ ವಣ್ಣಾ ಝಾಡ್ಸಿನ ತ್ಯುನೊನೆ ತುಮೆ ಹಾಳ ಥಾವಾನೆ ತುಮೆಜ಼ ಕಾರಣ ವ್ಹೈ. ಮಿ ಶುದ್ಧ ವ್ಹೈ. ಮಿ ಆಜ಼ತೊಜ಼ ಬಿಜಾ಼ ಮನಕ್ಹೊಕನ ಜೌ಼ಸ. ಕೈನ,

ಅಪೊಸ್ತಲೊ 28:28

ತಿನಾಹುತಿ ಪೌಲಾ ಥಯಲ ತೆ ಕ್ಹುದಾಕ್ಹು ರಕ್ಷಣೆ ಬಿಜಾ಼ ಮನಕ್ಹೊ ಕೈನ ವಳಾಯೊ ಕೈನ ತಮನೊನೆ ಚೊ಼ಕಿ ತಂಗ ಗೊತ್ತ ರ‍್ಹವಾದೆ; ತ್ಯುನೆ ತಬಿ ಐಕಸ ಕೈನ ಕದ್ಯೊ.

ಅಪೊಸ್ತಲೊ 9:15

ತೆನೈಸೊ ಕರ್ತಾ ತಿನೆ, ತು ಜಾ಼; ಮ್ಹೊಟಾ ಕಾಮನಾ ಹುತಿ ಮಿ ಸೌಲಾನೆ ಇನಿಲಿದ್ಯೊಸ. ತೆ ಮಾರಾ ಹುತಿ ರಾಜಾ಼ವೊನೆ ಯಹುದಿಯೊನೆ ವರಿ ಬಿಜಾ಼-ಬಿಜಾ಼ ಮನಕ್ಹೊವೊನೆಬಿ ತಿಳಸು ಕೈನ ಛೆ.

ರೊಮಾಪೂರ 1:5

ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.

ರೊಮಾಪೂರ 11:13

ಹಮ್ನಾ ಮಿ ಯಹುದ್ಯೊ ನೈ ರಹೆಲ ಮನಕ್ಹೊನಾ ಕ್ಹಾತೆ ಬೊಲಾಡೊಸ. ಮಿ ತ್ಯುನೊನೆ ಅಪೊಸ್ತಲ ಥಯೊಸ. ತಿನಾಹುತಿ ಮಿ ಆ ಕಾಮ ಮಾರಾ ಹತೆ ಥಯಲ ತೆಕ್ಲು ಚೊ಼ಕಿ ತರಾ ಕರುಸ.

1 ಕೊರಿಂಥ 9:17

ಮಿ ಸ್ವಂತ ಇಷ್ಟಾಕ್ಹು ಎ ಕಾಮ ಕರ‍ಲ ರ‍್ಹವತ್ತೊ ಕರೆಟ್ಟ ಇನಾಮ ದಿದ್ಯಾ. ತೆನೈಸೊ ಎ ಕಾಮ ಮನೆ ದಿದಲ ವ್ಹೈ ತಿನಾಹುತಿ ಕರತವ್ಯಕ್ಹು ಕರಾಡ್ಯೊಸ.

ಗಲಾತ್ಯ 1:16

ತಿನಾ ದಿಕ್ರಾನಾ ಹುತಿ ರ‍್ಹಯಲ ಸುವಾರ್ತೆ ವಿಶ್ವಾಸ ನೈ ರ‍್ಹಯಲ ಮನಕ್ಹೊನೆ ಕೌ ಕೈನ ಕ್ಹುದಾನಿ ಚಿತ್ತ ವ್ಹತ್ತಿ. ತಿನಾಹುತಿ ಕ್ಹುದಾ ತಿನಾ ದಿಕ್ರಾನೆ ಮನೆ ದೆಕಾಡ್ಯೊ. ತೆ ಮನೆ ಬಲಾತಾಮಾ ಮಿ ಕಿನೆಜ಼಼ ಪುಚ್ಯೊ ನೈ.

ಗಲಾತ್ಯ 1:18

ತನ್ನ ವರಕ್ಹಪರ ಪೆತ್ರಾನೆ ಮಳಾನಾ ಹುತಿ ಜೆರುಸೆಲಿಮೆ ಗಯೊ. ತಿನಾ ಕ್ಹಾತೆ 15 ದಿನ್ನ ಲಕ್ಕಾ ವ್ಹತ್ತೊ.

ಗಲಾತ್ಯ 1:6

ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.

ಗಲಾತ್ಯ 2:11

ಪೆತ್ರಾ ಅಂತಿಯೊಕ್ಯನೆ ಆಯಲ ಟೈಮ್ಮಾ, ತೆ ತಪ್ಪ ಕರಲವಾಲೊ ವ್ಹೈ ಕೈನ ಕರೆಟ್ಟ ದಿಕ್ಹಲ ಹುತಿ ಮಿ ತಿನೆ ಕ್ಹಾಮೊ ಹುಬ್ರೈನ ತು ಕರಾನು ತಪ್ಪ ವ್ಹೈ ಕೈನ ಕದ್ಯೊ.

ಗಲಾತ್ಯ 2:14

ತೆ ಯಹುದಿಯೊನೆ ಚಾಳಿ ಮಿ ವಳಕ್ಯೊ. ತ್ಯುನೆ ಕ್ಹರಿನಿ ಸುವಾರ್ತೆ ಐಕಿನ ಚಾ಼ಲ್ಯಾವಾಚಿ ದೆಕಿನ ತ್ಯಾ ರ‍್ಹಯಲ ಕ್ಹಾರಾ ಯಹುದಿಯೊನೆ ಐಕು ಡೊಳಾ ದಿಕ್ಹಾವರಕ್ಹಾ ಮಿ ಪೆತ್ರಾನೆ"ತು ಯಹುದ್ಯೊವಾಲೊ ವ್ಹೈ. ತೆನೈಸೊ ತು ಯಹುದ್ಯೊ ರ‍್ಹಯಲ ಲಿಂಗತ ನತ್ತಿ. ತು ಯಹುದ್ಯೊ ನೈರ‍್ಹಯಲವಾಲಾವೊ ಲಿಂಗತ ಜಿವ್ನಾ ಕರಾಡ್ಯೊಸ. ಇಮ್ಮ ರ‍್ಹಯುಮ ತು ಯಹುದ್ಯೊ ನೈ ರ‍್ಹಯಲಾವೊನಾ ಕ್ಹಾಮೊ ಯಹುದ್ಯೊ ಲಿಂಗತ ಜಿವ್ನಾ ಕರತಾ ರ‍್ಹೌ ಕೈನ ಮನಕ್ಹೊನೆ ವತ್ತಾಯ ಕರಾನು ಕಾ? ಕೈನ ಕದ್ಯೊ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.

1 ಥೆಸಲೊನಿಕ 2:4

ಹಮೆ ಸುವಾರ್ತೆ ತಿಳ್ಸಿಯೆಸ. ಕಾಕದ್ಯಾಮ ಕ್ಹುದಾ ಹಮೊನೆ ಪರಿಕ್ಷಾ ಕರ‍್ಯೊಸ ವರಿ ಸುವಾರ್ತೆ ಕವಾಹುತಿ ಹಮೊನೆ ದಿದ್ಯೊಸ. ತಿನಾಹುತಿ ಮನಕ್ಹೊನೆ ಮೆಚ್ಚಿಸಾನು ಛೊಡಿನ ಅಪ್ನೊ ಮನಸ ಪರಿಕ್ಷಾ ಕರಾಲೊ ಕ್ಹುದಾನೆಜ಼ ಮೆಚ್ಚಿಸಾನೆ ಕೊಶಿಶ ಕರಿಯೆಸ.

1 ತಿಮೊತಿ 1:11

ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.

1 ತಿಮೊತಿ 2:7

ತಿನಾ ಹುತಿ ಸುವಾರ್ತೆ ಕವಾನಾ ಹುತಿ ಅಪೊಸ್ತಲೊ ಥಾವಾಹುತಿ ಯಹುದ್ಯೊ ನೈರ‍್ಹಯಲ ಮನಕ್ಹೊನೆ ಸುವಾರ್ತೆ ಕವಾಹುತಿ ಮನೆ ಇನಿಲಿದ್ಯೊ. ಎ ಕ್ಹರಿ ವ್ಹೈ ಎ ವಾತ ಸುಳ್ಳ ನ್ಹವೈ. ಕ್ಹರಿ ವಳಕಾದೆ ಕೈನ ಬರೊಕ್ಹೊ ಕರು ಕೈನ ಮಿ ತ್ಯುನೊನೆ ಸುವಾರ್ತೆ ಕದ್ಯೊ.

2 ತಿಮೊತಿ 1:11

ತೆ ಸುವಾರ್ತೆನಾ ಹುತಿ ಮನೆ ಅಪೊಸ್ತಲ ಥೈನ ಮಾಸ್ತರ ಥೈನ ಇನಿಲಿದ್ಯೊ.

2 ಪೆತ್ರಾ 3:15

ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.