ಗಲಾತ್ಯ 2:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ತೆನೈಸೊ ತ್ಯುನೆ ಆಸ ಕರಲ ಕಯುಜ಼ ಹಮೆ ಯಕ್ಕ ಕ್ಷಣಬಿ ಮೌಕೊ ದಿದ್ಯಾ ನೈ. ಸುವಾರ್ತೆಮಾ ರ‍್ಹಯಲ ಕ್ಹರಿ ತುಮೊಮಾ ಘಟ್ಟ ಥೈನ ರ‍್ಹೌ ಕೈನಜ಼ ಹಮಾರಿ ಆಸ ವ್ಹತ್ತಿ.

ಗಲಾತ್ಯ 2:5 ပူးပေါင်းရင်းမြစ်များ

ಅಪೊಸ್ತಲೊ 15:2

ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.

ಗಲಾತ್ಯ 1:6

ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.

ಗಲಾತ್ಯ 2:14

ತೆ ಯಹುದಿಯೊನೆ ಚಾಳಿ ಮಿ ವಳಕ್ಯೊ. ತ್ಯುನೆ ಕ್ಹರಿನಿ ಸುವಾರ್ತೆ ಐಕಿನ ಚಾ಼ಲ್ಯಾವಾಚಿ ದೆಕಿನ ತ್ಯಾ ರ‍್ಹಯಲ ಕ್ಹಾರಾ ಯಹುದಿಯೊನೆ ಐಕು ಡೊಳಾ ದಿಕ್ಹಾವರಕ್ಹಾ ಮಿ ಪೆತ್ರಾನೆ"ತು ಯಹುದ್ಯೊವಾಲೊ ವ್ಹೈ. ತೆನೈಸೊ ತು ಯಹುದ್ಯೊ ರ‍್ಹಯಲ ಲಿಂಗತ ನತ್ತಿ. ತು ಯಹುದ್ಯೊ ನೈರ‍್ಹಯಲವಾಲಾವೊ ಲಿಂಗತ ಜಿವ್ನಾ ಕರಾಡ್ಯೊಸ. ಇಮ್ಮ ರ‍್ಹಯುಮ ತು ಯಹುದ್ಯೊ ನೈ ರ‍್ಹಯಲಾವೊನಾ ಕ್ಹಾಮೊ ಯಹುದ್ಯೊ ಲಿಂಗತ ಜಿವ್ನಾ ಕರತಾ ರ‍್ಹೌ ಕೈನ ಮನಕ್ಹೊನೆ ವತ್ತಾಯ ಕರಾನು ಕಾ? ಕೈನ ಕದ್ಯೊ.

ಗಲಾತ್ಯ 4:16

ಮಿ ತುಮೊನೆ ಕ್ಹರಿ ರ‍್ಹಯಲ ಕದಲ ಹುತಿ ಹಮ್ನಾ ಮಿ ತುಮಾರೊ ದುಶ್ಮನ ಥಯೊಸು?

ಎಫೆಸ 1:13

ಎ ತುಮೊನೆಬಿ ಲಾಗು ಥಾವಸ. ತುಮೆ ಕ್ಹರಿ ಭೊದನೆನಾ ಹುತಿ ಕದ್ಯಾಮ ತುಮಾರಿ ರಕ್ಷಣೆನಾ ಹುತಿ ಸುವಾರ್ತೆನಾ ಹುತಿ ಪುಚ್ತಾ಼ಮಾ ಕ್ರಿಸ್ತಮಾ ಬರೊಕ್ಹೊ ಮ್ಹೆಲೊ. ಕ್ಹುದಾ ತಿನಿ ವಾಗ್ದಾನನಾ ಲಿಂಗತ ತುಮೊನೆ ಪವಿತ್ರ ಆತ್ಮಾನೆ ದಿವಾನಾ ಮುಕಾಂತರ ತುಮೊಪರ ತಿನಿ ಖಾಸ ರ‍್ಹಯಲ ಶಿಕ್ಕೊ ಘಾಲ್ಯೊ.

ಕೊಲೆಸ್ಸೆ 1:5

ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.

1 ಥೆಸಲೊನಿಕ 2:13

ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.

ಯುದ ಬರ್ದಲ ಪತ್ರ 1:3

ಮಯಾನಾ ದೊಸ್ತೊ, ಅಪೆ ಕ್ಹಾರಾ ವಾಟಿಲಿವಾನಿ ಮರ್ಗಾನಾ ಹುತಿ ತುಮೊನೆ ಬರ್ದು ಕೈನ ಮಿ ಘನ್ನೊ ಆಸ ಕರ‍್ಯೊತೊ.ತೆ ನೈಸೊ ವರಿ ಯಕ್ಕ ವಿಶಯನಾ ಹುತಿ ಮಿ ಬರ್ದಾನು ಜರುರತ್ತ ಛೆ ಕೈನ ಛೆ ಕೈನ ತಿಳದಿಲಿದ್ಯೊ. ಕ್ಹುದಾ ತಿನಾ ಪರಿಶುದ್ಧ ಮನಕ್ಹೊನೆ ದಿದಲ ಬರೊಕ್ಹಾನಾ ಹುತಿ ತುಮೆ ಪ್ರಯಾಸ ಪಡ್ದಿನ ಹೊರಾಡಾನಾ ಲಿಂಗತ ಮಿ ತುಮೊನೆ ಪ್ರೊತ್ಸಾಹ ಕರಾನಾ ಹುತಿ ಮನಸ ಕರುಸ. ಕ್ಹುದಾ ಅಪೊನೆ ಬರೊಕ್ಹೊ ಯಕ್ಕಸಲಾ ದಿದ್ಯೊಸ. ತೆ ಕ್ಹಾರಾ ಕಾಲಮಾಬಿ ಚೊ಼ಕು ಛೆ.