ಗಲಾತ್ಯ 2:2 - ಕ್ಹುದಾನಿ ಕ್ಹರಿನಿ ವಾಕ್ಯಾ

² ಮಿ ಜೌ಼ಸ ಕೈನ ಕ್ಹುದಾ ಮನೆ ಕದಲ ಹುತಿ ವಿಸ್ವಾಸಿಯೊಪರ ಮ್ಹೊಟಾ ರ‍್ಹಯಲ ವಾಲಾ ತೆ ಮನಕ್ಹೊಕನ ಗಯೊ. ಹಮೆ ಯಕ್ಲಾಜ಼ ರ‍್ಹತಾಮಾ, ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನಿ ಸುವಾರ್ತೆ ಇವ್ನೊನೆ ಕದ್ಯೊ. ಮಿ ಪೈಲಾ ಕರಲ ಸೆವೆ ವರಿ ಹಮ್ನಾ ಕರಾನಿ ಸೆವೆ ಹಾಳ ಥೌ ನೈ ಕವಾನಾ ಉದ್ದೆಶಕ್ಹು ಇವ್ನೊನೆ ಕಳಲ ಲಿಂಗತ ಮಾರಿ ಸೆವೆನಾ ಹುತಿ ಕದ್ಯೊ.

ಗಲಾತ್ಯ 2:2 ပူးပေါင်းရင်းမြစ်များ

ಮತ್ತಾಯ 10:16

ಐಕೊ! ನರಿಯೊನಾ ವಚ್ಮಾ ಬಕ್ರಾವೊನೆ ಛೊಡಲ ಲಿಂಗತ ಮಿ ತುಮೊನೆ ವಳಾವಾಡೊಸ. ತಿನಾಹುತಿ ತುಮೆ ಕ್ಹಾಪೊ ಲಿಂಗತ ಹುಶಾರ ಕ್ಹಬುತರ ಲಿಂಗತ ಕಪಟ ನೈಸೊವಾಲಾ ಥೈನ ರ‍್ಹವೊ.

ಅಪೊಸ್ತಲೊ 15:12

ತೆಳಾಮಾ ಕ್ಹಾರಿ ಸಭಾ ಗಪ ವ್ಹತ್ತಿ. ತ್ಯುನೆ ಪೌಲಾ ವರಿ ಬಾರ್ನಬನೆ ಕಾನ ದಿನ್ನ ಐಕ್ಯಾ. ಯೆಹುದಿ ನೈಸೊ ಮನಕ್ಹೊನಾ ವಚಾಮಾ ಕ್ಹುದಾ ತಿನಾ ಮುಕಾಂತರ ಕರಲ ಕ್ಹಾರಾ ಅದ್ಭುತ ಕಾಮೊ ವರಿ ಸುಚಕ ಕಾಮೊನಾ ಹುತಿ ಪೌಲಾ ಬಾರ್ನಬ ಕದ್ಯಾ.

ಅಪೊಸ್ತಲೊ 15:2

ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.

ಅಪೊಸ್ತಲೊ 15:4

ಪೌಲಾ ಬಾರ್ನಬ ವರಿ ಬಿಜಾ಼ ಯೆರುಸಲೆಮ ಮುಟ್ಯಾ. ಅಪೊಸ್ತಲೊ, ಶಾನಾ ವರಿ ಸಭೆವಾಲಾ ಇವ್ನೊನೆ ಸ್ವಾಗತ ಕರ‍್ಯಾ. ಕ್ಹುದಾ ತ್ಯುನಾ ಕ್ಹಾತೆ ರ‍್ಹೈನ ಕರಲ ಕ್ಹಾರಾ ಕಾಮೊನಾ ಹುತಿ ಪೌಲಾ ಬಾರ್ನಬ ವರಿ ಬಿಜಾ಼ ಕದ್ಯಾ.

ಅಪೊಸ್ತಲೊ 18:9

ತೆನೈಸೊ ಕರ್ತಾ ಪೌಲಾನೆ ಯಕ್ಕ ದಿನ್ನ ರಾತೆ ದರ್ಶನ ದಿನ ತು ಭುಚ್ಕು಼ ನಕೊ; ಗಪ್ಪ ರ‍್ಹಯಾವಾಚಿ ಸುವಾರ್ತೆ ಮನಕ್ಹೊಕನ ಕತೊಜ಼ ರ‍್ಹೆ,

ಅಪೊಸ್ತಲೊ 23:11

ಕೈನ ತೆ ರಾತೆ ಕರ್ತಾ ಪೌಲಾನಾ ಕ್ಹಾತೆ ಹುಬರೈನ "ಧೈರ್ಯಕ್ಹು ರ‍್ಹೊ; ತು ಯೆರುಸೆಲಿಮ್ಮಾ ಮಾರಾ ಸಂಗತಿಯೊ ಸಾಕ್ಷಿಯೊ ಥೈಯೆಲ ಕ್ಹು ರೊಮಾಪುರಮಾ ಬಿ ಸಾಕ್ಷಿ ಥೌ ಕೈನ ಕದ್ಯೊ.

ಅಪೊಸ್ತಲೊ 5:34

ತಿನಾಹುತಿ ಕ್ಹಾರಾ ಮನಕ್ಹೊಕ್ಹು ಮರ್ಯಾದಿ ದಿದೆಲ ಧರಮಶಾಸ್ತ್ರಿ ಥಯಲ ಗಮಲಿಯೆಲ ಕವಾಲೊ ಯಕ್ಕ ಫರಿಸಾಯ ಮ್ಹೊಟಾ ಸಬೆಮಾ ಉಟಿನ ಹುಬ್ರೈನ ತೆ ಮನಕ್ಹೊನೆ ದಕ್ಹಿಯೆಳ ಭಾರಾ ಜೌವು ಕೈನ ಅಪ್ಪಣೆ ಕರ‍್ಯೊ.

ರೊಮಾಪೂರ 9:16

ತಿನಾಹುತಿ ಕ್ಹಾರು ಮನಕ್ಹ ಥಯಲ ಅಪೆ ಸು ಕರೆಸ ನೈತೊ ಅಪೊನೆ ಸು ಚಾ಼ಯೆ ಕವಾನಾ ಉಪ್ಪರ ನತ್ತಿ. ತೆನೈಸೊ ಕ್ಹಾಲಿ ಕ್ಹುದಾ ಮರ್ಗಾಕ್ಹು ಛೆ. ತಿನೆ ಇನಿಲಿವಾನು ಮನಕ್ಹೊ ಸು ಕರು ಕವಸ ತೆನೈಸೊ ಸು ಕರಾನೆ ಕೊಶಿಶ ಕರಸ ಕವಾನಾ ಉಪ್ಪರ ಆದಾರ ನತ್ತಿ ಥಯು.

1 ಕೊರಿಂಥ 1:23

ಅಪೆ ತುಬಿ, ಶಿಲುಬಿ ಪರ ಘಾಲ್ಯಲ ಕ್ರಿಸ್ತನಾ ಹುತಿ ಬೊಧನೆ ಕರೆಸ. ಎ ಯಹುದಿಯೊನೆ ಮ್ಹೊಟಿ ಅಡಚ಼ನ ಥೈಸ; ಯೆಹುದಿ ನೈಸೊ ಮನಕ್ಹೊನೆ ಪಿಸಾಳಾ ಲಿಂಗತ ದಿಕ್ಹಸ.

1 ಕೊರಿಂಥ 2:2

ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಯೆಸು ಕ್ರಿಸ್ತನಾ ವರಿ ತಿನಿ ಶಿಲುಬಿ ಪರ ಥಯಲ ಮೌತನೆ ಛೊಡಿನ ಬಿಜಾ಼ ಕ್ಹಾರಾ ವಿಷಯನೆ ಇಕ್ಹರಾನೆ ಪೈಸ್ಲೊ ಕರ‍್ಯೊ.

1 ಕೊರಿಂಥ 9:24

ತುಮೊನೆ ಗ್ವತ್ತ ರ‍್ಹಯಲ ಲಿಂಗತ ಮೈದಾನಮಾ ಘನ್ನಾ ಜ಼ನಾ ನ್ಹಾಟಾನಾ ಕ್ಹೆಲಮಾ ಭಾಗ ಲೆತಾ ನೈಸು? ತೆನೈಸೊ ಪಸ್ಟ ಬಹುಮಾನ ಮಳಾನು ಯಕ್ಲಾನೆಜ಼ ವ್ಹೈ. ತಿನಾಹುತಿ ಬಹುಮಾನ ಲಿವಾನೆ ತುಮೆಬಿ ನ್ಹಾಟೊ.

1 ಕೊರಿಂಥ 9:26

ಮಿ ತುಬಿ ಗುರಿ ಗ್ವತ್ತ ನೈಸೊ ನ್ಹಾಟತೊ ನೈ, ವಾರಾನಾ ಕ್ಹಾತೆ ಗುದ್ಯಾಡಾಲಾವೊನಾ ಲಿಂಗತ ಹೊರಾಡತೊ ನೈ.

2 ಕೊರಿಂಥ 12:1

ಹೆಮ್ಮೆ ಚೊ಼ಕ ನೈ. ಎ ತಿಮ್ಮ ರ‍್ಹ ನೈ ಮನೆ ಹೆಮ್ಮೆ ಛೆ ಕೈನ. ತೆ ತಿನಾಹುತಿ ರ‍್ಹಯಲ ಪ್ರಭು ನೈ ಮನೆ ದಿದ ದರ್ಶನ ವರಿ ಕೌ ಅಪೊನೆ ದಿದ ಹುತ ಹುತಿ ಕವಸ.

ಗಲಾತ್ಯ 1:12

ತುಮೊನೆ ಸುವಾರ್ತೆ ಮಳಲ ಮನಕ್ಹೊ ನ್ಹವೈ. ಕುನ್ನಜ಼ ಮನೆ ಸುವಾರ್ತೆ ಕದ್ಯುನತ್ತಿ. ಮಿ ಮನಕ್ಹೊನೆ ಕವಾನು ಸುವಾರ್ತೆ ಯೆಸು ಕ್ರಿಸ್ತಜ಼ ಮನೆ ದಿದಲ ವ್ಹೈ.

ಗಲಾತ್ಯ 1:16

ತಿನಾ ದಿಕ್ರಾನಾ ಹುತಿ ರ‍್ಹಯಲ ಸುವಾರ್ತೆ ವಿಶ್ವಾಸ ನೈ ರ‍್ಹಯಲ ಮನಕ್ಹೊನೆ ಕೌ ಕೈನ ಕ್ಹುದಾನಿ ಚಿತ್ತ ವ್ಹತ್ತಿ. ತಿನಾಹುತಿ ಕ್ಹುದಾ ತಿನಾ ದಿಕ್ರಾನೆ ಮನೆ ದೆಕಾಡ್ಯೊ. ತೆ ಮನೆ ಬಲಾತಾಮಾ ಮಿ ಕಿನೆಜ಼಼ ಪುಚ್ಯೊ ನೈ.

ಗಲಾತ್ಯ 1:6

ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ.

ಗಲಾತ್ಯ 2:6

ತಿನಾಹುತಿ ಮಿ ಬೊದನೆ ಕರಾನು ಸುವಾರತೆನೆ ತ್ಯುನೆ ಸುಜ಼ ಮಳಾಯಾ ನೈ. ತ್ಯುನೆ ಮ್ಹೊಟಾ ರ‍್ಹಯಾತಬಿ ಮ್ಹೊಟಾ ಥೈನ ನ್ಹೊತಾಸು ತೆ ಮನೆ ಖಾಸ ನ್ಹವೈ. ಕ್ಹುದಾನೆ ಕ್ಹಾರಾ ಮನಕ್ಹೊ ಯಕ್ಕಜ಼ ವ್ಹೈ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.

ಗಲಾತ್ಯ 5:7

ತುಮೆ ಚೊ಼ಕಿತರಾ ಚಾ಼ಲಿಲಿನ ಚಾ಼ಲ್ಯಾಸ. ತುಮೆ ಕ್ಹರಿನೆ ವಿಧೆಯ ಥಯಾಸ. ಕ್ಹರಿನಿ ವಾಟ ಕರುನೈ ಕೈನ ತುಮೊನೆ ವತ್ತಾಯ ಕರಲವಾಲಾ ಕುನ ವ್ಹೈ?

ಫಿಲಿಪ್ಪಿ 2:16

ತ್ಯುನೊಮ್ಮಾ ತಮ್ಮೆಬಿಜಾ಼ವೊನೆ ಜ಼ಲಮ್ಮ ದಿವಾನಿ ವಾಕ್ಯ ದೆಕಾಡಿನ ದಿವಾನಾಹುತಿ ದುನಿಯಾಮ್ಮಾ ಚಮ್ಮಕಾವಾಲಾ ಚುಕಿಯೊ ಥಾವೊಶಿ. ತಮ್ಮೆ ಅಮ್ಮ ಚಾಲ್ಯಾಮ್ಮ ಮಿ ಸುವಾರ್ತೆನಾ ಹುತಿ ನ್ಹಾಟಲ ಲುಕ್ಸಾನ ಥಾತುನೈ ಮಿ ಪ್ರಯಾಸ ಕರಲ ಹಾಳ ನೈ ಥಾತು ಕವಾನು ಕಲಿವಾನು ಕ್ರಿಸ್ತನಾ ದಿನೊಮ್ಮಾ ಮನೆ ಮಳಸ.

ಫಿಲಿಪ್ಪಿ 2:29

ತಿಮ್ಮ ರ‍್ಹತ್ತಾಮ್ಮಾ ತಮೆ ಮನೆ ಕರಾನು ಕಾಳಜಿಮ್ಮಾ ಕಮಿ ಭರಾನೆ ತೆ ಜ಼ಲಮ್ಮನು ಆಸ ಛೊಡಿನ ಕ್ರಿಸ್ತನಾ ಸೆವೆನಾ ಹುತಿ ಮಾರಾನಾ ಸ್ಥಿತಿಮ್ಮಾ ರ‍್ಹತ್ತಾಮ್ಮಾ ತಮ್ಮೆ ತಿನೆ ಪುರಾ ಖುಶಿಕ್ಹು ಕರ್ತಾನಾ ಪರ ಮಳೆಲಿಯೊ ತೆವಾವೊನೆ ಮರಿಯಾದಿ ವೈವಾಲಾ ಕೈನ ಮೊಜೊ.

1 ಥೆಸಲೊನಿಕ 3:5

ತಿನಾಹುತಿ ಹಜು ತಡ್ದಿಲಿದೆ ವಾಚಿ ಯಕ್ಕ ಟೈಮ್ಮ ಸೈತಾನ ತಮನೊನೆ ಶೊದನೆ ಲಿದೆಲಕ್ಹು ಹಮೆ ಕರಲ ಕ್ಹಾರು ಹಾಳ ಥೈಗಯು ಸುನೈ ಕೈನ ತಮಾರಾ ಬರೊಕ್ಹೊನಾಹುತಿ ಮಿ ತಿಳ್ದಿಲಿವಾನಾಹುತಿ ತೆ ಮಿ ತುಮೊಕನ ವಳೈನ ದಿದ್ಯೊ.

2 ತಿಮೊತಿ 4:7

ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.

ಇಬ್ರಿಯ 12:1

ತಿನಾಹುತಿ ಅಪ್ನಾ ಸುತ್ತೆಬಿ ಬರೊಕ್ಹಾಮಾ ರ‍್ಹಯಲ ಘನ್ನಾ ಮನಕ್ಹೊ ಛೆ. ಬರೊಕ್ಹೊ ಸು ವ್ಹೈ ಕವಾನು ತಿನಿ ಜಿವಿತನಿ ಸಾಕ್ಷಿಜ಼ ಕವಸ. ತಿನಾಹುತಿ ಅಪೆ ತ್ಯುನಾ ಲಿಂಗತಜ಼ ರ‍್ಹೌ. ಅಪ್ನಾ ಕ್ಹಾಮಿ ರ‍್ಹಯಲ ಗುರಿ ಮುಟ್ಟಾನೆ ನ್ಹಾಟು ವರಿ ಅಪ್ನಿ ಕೊಶಿಶ ಹುಬ್ರಾಡು ನೈ. ಅಪೊನೆ ತರಬಾನಾ ಕ್ಹಾರಿಯೊ ಸಂಗತಿಯೊ ಅಪ್ನಾ ಜಿವಿತಮಾತು ಕಾಡಿಪಾಡು. ಅಪೊನೆ ಆಸಾನಕ್ಹು ಧರ್ಲಿವಾನಾ ಪಾಪಕ್ಹು ಛೊ಼ಡೈಲ್ಯು.