ಎಫೆಸ 6:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಸೆವಕೊ, ತುಮಾರಾ ಭುಲೊಕನಾ ಮಾಲಕೊನೆ ಭೆಕ್ಹು ಮರಯಾದಿಕ್ಹು ವಿಧೆಯ ಥಾವೊ. ತುಮೆ ಕ್ರಿಸ್ತನೆ ವಿಧೆಯ ಥಯೆ ಲಿಂಗತ ಯಥಾರಥ ಮನಸಕ್ಹು ವಿಧೆಯ ಥಾವೊ.

ಎಫೆಸ 6:5 ပူးပေါင်းရင်းမြစ်များ

ಮತ್ತಾಯ 6:22

ಡೊಳೊ ಅಂಗನೆ ಉಜಾಲು ಥಯೊಸ. ತಾರೊ ಡೊಳೊ ಕರೆಟ್ಟ ರ‍್ಹಯೊಮ, ತಾರು ಪುರಾ ಅಂಗ ಉಜಾಲಾಕ್ಹು ರ‍್ಹವಸ.

ಮತ್ತಾಯ 6:24

ಕಯೊಬಿ ಬೆ ಮಾಲಕೊನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ. ತೆ ಯಕ್ಕ ಮಾಲಕನೆ ದ್ವೆಶ ಕರಿನ ವರಿ ಯಕ್ಲಾನೆ ಮಯಾ ಕರಸ ತೆನೈಸೊ ಯಕ್ಕ ಮಾಲಕನಾ ಪಾಚೊ಼ ಗೈನ ವರಿ ಯಕ್ಲಾನೆ ಇನ್ಕಾರಸ. ತಿನಾಹುತಿ ತು ಕ್ಹುದಾನೆ ವರಿ ದೊಕ್ಡಾನೆ ಯಕ್ಕಜ ಟೈಮಮಾ ಸೆವಾ ನೈ ಕರಸಕ್ತೊ.

ಮತ್ತಾಯ 8:9

ಮಿ ಬಿ ಬಿಜಾ ಅಧಿಕಾರಿಯೊನಾ ಹತ್ಮಾ ವ್ಹತ್ತೊ. ಮಾರಾ ಅಧಿನಮಾ ಸಿಪಾಯಿಯೊ ಛೆ. ಮಿ ಯಕ್ಕ ಸಿಪಾಯಿನೆ ‘ಜಾ’ ಕದ್ಯೊ ಕದ್ಯಾಮ ತೆ ಜಾ಼ವಸ; ಬಿಜೆಕ್ಲಾನೆ ‘ಆ’ ಕದ್ಯೊ ಕದ್ಯಾಮ ತೆ ಆವಸ. ಮಿ ಮಾರಾ ಸೆವಕನೆ, ‘ಆಂ ಕರ’ ಕದ್ಯೊ ಕದ್ಯಾಮ ತೆ ವಿದೆಯತೆಕ್ಹು ಕರಸ. ತುನೆಬಿ ಎಜ ತರಾನು ಅಧಿಕಾರ ಶೆ ಕೈನ ಕವಾನು ಮನೆ ಗ್ವತ್ತ ಛೆ” ಕೈನ ಕದ್ಯೊ.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ರೊಮಾಪೂರ 9:3

ಮಾರಾ ಮನಕ್ಹೊನೆ, ಮಾರು ಮಾಕ್ಹ ವರಿ ರಗತ! ತ್ಯುನಾಕ್ಹು ಮಿ ಕ್ಹುದಾನಾ ಶ್ರಾಪನೆ ಮ್ಹೈ ಥಯೊಸ ವರಿ ಕ್ರಿಸ್ತಕ್ಹು ಜು಼ದೊ ಥಯೊ ಕೈನ ಮಿ ಆಸ ಕರುಸ. ತ್ಯುನೆ ಮಾರಾ ಭಾಯೊ ಭೆನೊ ಥಯಾಸ; ಇಹಲೊಕನಾ ಕುಟುಂಬ ಥಯಾಸ. ತ್ಯುನೊನೆ ಮದತ ಕರಾನೆ ಕ್ರಿಸ್ತನೆ ಛೊಡಿನ ಶ್ರಾಪ ಲಿವಾನೆ ತಯ್ಯಾರ ಛೆ.

1 ಕೊರಿಂಥ 2:3

ಮಿ ತುಮೊಕನ ಆಯಲ ಪರ ಕಮಜೊ಼ರ ಥಯೊತೊ; ಭೆಂಕ್ಹು ಕಾಪಾಡೊತೊ.

1 ಕೊರಿಂಥ 7:22

ಪ್ರಭು ಬಲಾಯಲವಾಲೊ ಗುಲಾಮ ರ‍್ಹಯೊ ತುಬಿ ಪ್ರಭುಮಾ ತೆ ಆಜಾ಼ದ ವ್ಹೈ. ತಿನಾಹುತಿ ಆಜಾ಼ದ ಥಯಲವಾಲಾನೆ ಕ್ರಿಸ್ತ ಯೆಸು ಬಲಾಯಲ ರ‍್ಹಯಮ ತೆ ಕ್ರಿಸ್ತ ಯೆಸುನೊ ಗುಲಾಮ ಥಾವಸ.

2 ಕೊರಿಂಥ 1:12

ಹಮೆ ಕ್ಹಾಲಿ ಮನಕ್ಹೊನು ಗ್ಯಾನ ಕ್ಹು ಕಾಮ ಕರ‍್ಯಾ ಬಗರ ಕ್ಹುದಾನಿ ಕೃಪಾನೆ ಧರ್ಲಿನ ಪರಿಶುದ್ಧ ವರಿ ನಿಯತ್ತಕ್ಹು ರ‍್ಹೈನ ಆ ದುನಿಯಾಮಾ ಕ್ಹಾರಾವೊತಿಬಿ ಪೈಲಾ ತುಮಾರಿ ವಿಷಯಮಾ ಚಾ಼ಲಿನ ಗಯಾಸ ಕೈನ ಹಮಾರಿ ಮನಸ ಸಾಕ್ಷಿ ಕವಸ. ಆಜ ಹಮೊನೆ ರ‍್ಹಯಲ ಘಮಂಡ ವ್ಹೈ.

2 ಕೊರಿಂಥ 7:15

ತುಮ ವಿಧೆಯ ಭೆ ಭಕ್ತಿ ನೈ ತಿನೆ ವಿಧೆಯ ಕರಾ ಶೆ ಹಿವಾ ಹುತಿ ತುಮ ತೆನ ರ‍್ಹಯಲ ಮಯಾ ನೈಸೊ ಹೆಚ್ಕಿ ಛೆ ದಿವ.

ಎಫೆಸ 5:22

ಬಾಕ್ಡಿಯ, ತುಮೆ ಪ್ರಭುನೆ ಮ್ಹೈ ಥೈನ ರ‍್ಹಯಲ ಲಿಂಗತ ತುಮಾರಾ ಮಾಟಿಯೊನೆಬಿ ಮ್ಹೈ ಥೈನ ರ‍್ಹವೊ.

ಎಫೆಸ 6:24

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.

ಫಿಲಿಪ್ಪಿ 2:12

ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ.

ಫಿಲೊಮನ 1:16

ಇತ್ತಿಉಪ್ಪರ ತೆ ತಾರೊ ಗುಲಾ ಥಯಾವಾಚಿಜಾಸ್ತಿ ಮಯಾನೊ ಭೈ ಥಯೊಸ. ತೆ ಮಿ ಘನ್ನು ಮಯಾ ಕರುಸ. ತೆ ನೈಸೊ ತು ತಿನೆ ಘನ್ನು ಮಯಾ ಕರ. ತಿನೆ ತು ಯಕ್ಕ ಮನಕ್ಹ ವರಿ ಪ್ರಭುಮಾ ಯಕ್ಕ ಭೈ ವ್ಹೈ ಕೈನ ಮಯಾ ಕರ.

1 ಪೆತ್ರಾ 3:2

ತುಮೆ ಕ್ಹುದಾನಿ ಭಯ ಭಕ್ತಿಮಾ ರ‍್ಹೈನ ಸುಜ಼ ಕಳಂಕ ನೈಸೊ ಜಿವ್ನಾ ಕರಾನು ತುಮೊನೆ ದೆಕಿನ ಕ್ಹುದಾನಿ ವಾಕ್ಯಾ ನೈ ಗ್ವತ್ತ ರ‍್ಹಯುತಬಿ ಕ್ಹುದಾನಿ ವಾಕ್ಯಾಪರ ತುಮೆ ಬರೊಕ್ಹೊ ಮ್ಹೆಲಲ ದೆಕಿನ ತುಮೆ ರ‍್ಹವಾನು ದೆಕಿನ ತ್ಯುನೊನೆ ಶಿಕ್ಕಸ.