ಎಫೆಸ 6:21 - ಕ್ಹುದಾನಿ ಕ್ಹರಿನಿ ವಾಕ್ಯಾ

²¹ ಅಪ್ನೊ ಮಯಾನೊ ಭೈ ಥಯಲ ತುಖಿಕನೆ ತುಮೊಕನ ವಳಾವಾಡೊಸ. ತೆ ಪ್ರಭುನಿ ಸೆವಾಮಾ ಬರೊಕ್ಹಾವಾಲೊ ಸೆವಕ ಥಯೊಸ. ನ್ಹ್ಯಾನಾ ಸಂಗತಿಯೊ ಕ್ಹಾರಿಯೊ ತೆ ತುಮೊನೆ ತಿಳ್ಸಾವಸ. ಮಿ ನ್ಹ್ಯಾ ಗಯೊಸ ವರಿ ಸು ಕರಾಡ್ಯೊಸ ಕವಾನು ತೆಳಾಮಾ ತುಮೊನೆ ಗ್ವತ್ತ ಥಾವಸ.

ಎಫೆಸ 6:21 ပူးပေါင်းရင်းမြစ်များ

ಅಪೊಸ್ತಲೊ 20:4

ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ.

1 ಕೊರಿಂಥ 4:17

ತಿನಾಹುತಿಜ಼, ಮಿ ತುಮೊಕನ ತಿಮೊಥೆನೆ ವಳಾವಾಡೊಸ, ತೆ ಪ್ರಭುಮಾ ಮಾರೊ ದಿಕ್ರೊ ಥಯೊಸ. ಮಿ ತಿನೆ ಮಯಾ ಕರುಸ. ತೆ ಬರೊಕ್ಹಾವಾಲೊ ಥಯೊಸ. ಮಿ ಕ್ರಿಸ್ತ ಯೆಸುಮಾ ರ‍್ಹವಾನಾ ತರಿಕಾನೆ ತೆ ತುಮೊನೆ ಶೆ ಕರಾವಸ. ಹರಯಕ್ಕಬಿ ಕ್ಹಾರಾ ಸಭೆಮಾ ಮಿ ತಿನಾ ನಿಂಗತಜ಼ ಜಿವ್ನಾ ಉಪದೆಶ ಕರುಸ.

ಫಿಲಿಪ್ಪಿ 1:12

ಭಾಯೊ ಮಾರಾಕ್ಹಾತೆ ಥಾವಾನು ಕ್ಹಾರು ಸುವಾರ್ತೆ ಕವಾನಾಹುತಿ ಮದತ್ತ ಥೈ ಕೈನ ತುಮೆ ತಿಳ್ದಿಲ್ಯು ಕೈನ ಮಾರು ಮನಸ್ಸ ಕರುಸ.

ಕೊಲೆಸ್ಸೆ 1:7

ತಮೆ ಎಪಫ್ರದಿಕ್ಹು ಕ್ಹುದಾನಿ ವರಗಾ ತಿಳ್ದಿಲಿದ್ಯಾಸ. ತೆ ಹಮಾರಾ ಕ್ಹಾತೆ ಸೆವೆ ಕರಾಡ್ಯೊಸ. ಹಮೆ ತಿನೆ ಮಯಾ ಕರೆಯೆಸ. ತೆ ಹಮಾರಾಹುತಿ ಕ್ರಿಸ್ತನೊ ಬರೊಕ್ಹೊವಾಲೊ ಸೆವಕ ಥಯೊಸ.

1 ತಿಮೊತಿ 4:6

ತ್ಯಾ ರ‍್ಹಯಲ ಭಾಯೊ ಭೆನೊ ಎ ಕ್ಹಾರು ಕದ್ಯಾಮ, ತು ಕ್ರಿಸ್ತ ಯೆಸುನೊ ಚೊ಼ಕೊ ಸೆವಕ ಥಾಸಿ ಕವಾನು ಬರೊಕ್ಹಾನಿಯೊ ವಾತೊ ವರಿ ಚೊ಼ಕು ಉಪದೆಶ ಕರಿನ ಚಾ಼ಲಲ ಹುತಿ ತಾಕತವಾಲೊ ವ್ಹೈ ಕೈನ ದೆಕಾಡಿನ ದೆಶಿ.

2 ತಿಮೊತಿ 4:12

ಮಿ ತುಖಿಕನೆ ಪುರಾ ಅದಿಕಾರ ದಿನ್ನ ಎಫೆಸಮಾ ಮೊಕಲ್ಯೊ.

ತಿತನೆ 3:12

ಮಿ ತುಕನ ಅರ್ತೆಮನ್ನೆ ವರಿ ತುಖಿಕನೆ ಮೊಕಲ್ತಾಮಾ, ನಿಕೊಪೊಲಿಮಾ ರ‍್ಹಯಲ ತು ಮಕನ ಥಯಲ ತೆಕ್ಲು ಭೆಗಿನ ಆವಾನೆ ಕರ. ಮಿ ಆ ಥಂಡನು ದಿನ್ನ ತ್ಯಾಜ಼ ಕಾಡು ಕೈನ ಛೆ.

ಫಿಲೊಮನ 1:16

ಇತ್ತಿಉಪ್ಪರ ತೆ ತಾರೊ ಗುಲಾ ಥಯಾವಾಚಿಜಾಸ್ತಿ ಮಯಾನೊ ಭೈ ಥಯೊಸ. ತೆ ಮಿ ಘನ್ನು ಮಯಾ ಕರುಸ. ತೆ ನೈಸೊ ತು ತಿನೆ ಘನ್ನು ಮಯಾ ಕರ. ತಿನೆ ತು ಯಕ್ಕ ಮನಕ್ಹ ವರಿ ಪ್ರಭುಮಾ ಯಕ್ಕ ಭೈ ವ್ಹೈ ಕೈನ ಮಯಾ ಕರ.

1 ಪೆತ್ರಾ 5:12

ಮಿ ಆ ನ್ಹಾನು ಪತ್ರ ಸಿಲ್ವಾನನಾ ಆಸ್ರಾಕ್ಹು ಬರ್ದ್ಯೊ. ತೆ ಕ್ರಿಸ್ತಮಾ ರ‍್ಹೈನ ಬರೊಕ್ಹಾವಾಲೊ ಭೈ ವ್ಹೈ ಕವಾನು ತುನೆ ಗ್ವತ್ತ ಛೆ. ಮಿ ತುನೆ ಪೊಕ್ಹಾಲಾವಾನೆ ವರಿ ಅಗೊ ಬಡಾನೆ ಎ ಪತ್ರ ಬರ್ದ್ಯೊಸ. ಎಜ಼ ಕ್ಹುದಾನಿ ಕ್ಹರಿನಿ ಮರಗಾ ಕವಾನು ತುಮೊನೆ ಕೌ ಕೈನಜ಼ ಮಾರಿ ಆಸ ವ್ಹತಿ. ತೆ ಮರಗಾಮಾ ಘಟ್ಟ ಥೈ ರ‍್ಹವೊ.

2 ಪೆತ್ರಾ 3:15

ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.