ಎಫೆಸ 6:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಲಾಸ್ಟ ವಾತ ಸುವ್ಹೈ ಕದ್ಯಾಮ, ಪ್ರಭುಮಾ ತಿನಿ ಮ್ಹೊಟಿ ತಾಕತಮಾ ಘಟ್ಟ ಥೈನ ರ‍್ಹವೊ.

ಎಫೆಸ 6:10 ပူးပေါင်းရင်းမြစ်များ

1 ಕೊರಿಂಥ 16:13

ಹುಶಾರಕ್ಹು ರ‍್ಹವೊ, ಕ್ರಿಸ್ತನಾ ಬರೊಕ್ಹಾಮಾ ಘಟ್ಟ ಥೈನ ಹುಬ್ರ್ಯವೊ. ಧೈರ್ಯವಾಲಾ ಥಾವೊ, ತಾಕತವಾಲಾ ಥಾವೊ.

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

ಎಫೆಸ 1:19

ಬರೊಕ್ಹೊ ಮ್ಹೆಲಾನು ಅಪೊನೆ ಕ್ಹುದಾನಿ ತಾಕತ ಕೆಕ್ಲೊ ಮ್ಹೊಟು ವ್ಹೈ ಕವಾನು ತೆಳಾಮಾ ತುಮೆ ತಿಳದಿಲಿವೊಸಿ. ಕ್ರಿಸ್ತನೆ ಮರಣಮಾತೊ ಜಿವ್ತೊ ಕರಿನ ಉಟಾಡಾನೆ ಕ್ಹುದಾ ಉಪಯೊಗ ಕರಲ ಮ್ಹೊಟಿ ತಾಕತ ತೆಜ಼ ವ್ಹೈ.

ಎಫೆಸ 3:16

ಎ ತುಮಾರಾ ಆತ್ಮಾವೊನೆ ಘಟ್ಟ ಥೈನ ರ‍್ಹವಾನೆ ಚಾ಼ಯೆ ಥಯಲ ತಾಕತ ತಿನಿ ಮಹಿಮಾನಾ ಪ್ರಕಾರ ದಿವ್ ಕೈನ ಬಾ ಕನ ಮಾಂಗಿಲ್ಯುಸ. ತೆ ತಿನಿ ಆತ್ಮಾನಾ ಮುಲಕ ತುಮೊನೆ ತೆ ತಾಕತ ದಿವಸ.

ಫಿಲಿಪ್ಪಿ 3:1

ಲಾಸ್ಟಮ್ಮಾ ಮಾರಾ ಭಾಯೊ ಕರ್ತಾಮ್ಮಾ ಖುಶಿ ಕರು. ಪೈಲಾ ತಿಳದೆಲ ತೆ ವಾತೊ ವತಿ ಲಿಕಾನಾಹುತಿ ಮನೆಸು ಬಾಜಾ಼ರ ನತ್ತಿ ತೆ ಅಪನೊನೆ ಘಟ್ಟ ಕರಸ.

ಫಿಲಿಪ್ಪಿ 4:13

ಕ್ರಿಸ್ತನಾ ಮುಲಕ ಕ್ಹಾರಾ ಕಾಮೊ ಕರ ಸಕುಸ. ಕಾಕದ್ಯಾಮ ತೆ ಮನೆ ತಾಕತ ದಿವಸ.

ಫಿಲಿಪ್ಪಿ 4:8

ಮಿ ತುಮೊನೆ ಲಾಸ್ಟಮಾ ಸು ಕೌಸ ಕದ್ಯಾಮ ಭಾಯೊ ಭೆನೊ ಕಯು ಕ್ಹರಿ ವ್ಹೈ ಕಯು ಚೊ಼ಕು ವ್ಹೈ ನ್ಯಾಯ ವ್ಹೈ,ಶುದ್ಧ ವ್ಹೈ ಮಯಾನಾ ಕಾಬಿಲ ವ್ಹೈ ಕಯು ಚೊ಼ಕು ದಿಕ್ಹಸ ಕಯಾ ಚೊ಼ಕಿಯೊ ಚಾಳಿಯೊ ವ್ಹೈ ವರಿ ಕಯು ಮರ್ಯಾದಿನೆ ಕಾಬಿಲ ವ್ಹೈ, ತೆ ಕ್ಹಾರಾವೊಪರ ತುಮಾರೊ ಧ್ಯಾನ ರ‍್ಹೈನಕಾ.

ಕೊಲೆಸ್ಸೆ 1:11

ತಿನಿ ಮಹಿಮಾನಿ ತಾಕತ ಲಿಂಗತ ಕ್ಹಾರಿ ತರಾಮಾ ತಾಕತ ಹೊಂದಿನ ಕ್ಹಾರಿ ರಾಕ್ಹು ತಡ್ಇಲಿವಾನು ಶಾಂತಿ ಸಮಾಧನಕ್ಹು ತಡ್ದಿಲ್ಯು ಕೈನ,

2 ತಿಮೊತಿ 2:1

ಕ್ರಿಸ್ತ ಯೆಸುನಾ ಮಯಾನಾ ದಿಕ್ರಾ ತಿಮೊತಿ, ತು ಮಾರೊ ದಿಕ್ರಾ. ಕ್ರಿಸ್ತ ಯೆಸುಮಾ ಘಟ್ಟ ಥೈನ ರ‍್ಹೆ.

2 ತಿಮೊತಿ 4:17

ವರಿ ಕ್ಹುದಾ ಮಾರಾ ಕ್ಹಾತೆ ವ್ಹತ್ತೊ. ಮಿ ಸುವಾರ್ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕವಾನೆ ಕ್ಹುದಾ ಮನೆ ತಾಕತ ದಿದ್ಯೊ. ತೆ ಮನೆ ಮರಣಮಾತೊ ವಚಾ಼ಡ್ಯೊ.

1 ಪೆತ್ರಾ 3:8

ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ‍್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ಲಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ‍್ಹಯಲವಾಲಾ ಥೌ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.

1 ಪೆತ್ರಾ 5:10

ಹೊ, ತುಮೆ ದಕ್ಹಾಜ಼಼ ದಿನ್ನ ತ್ರಾಸ ಖಾವೊಸಿ, ತೆ ಥಯಲಪರ ಕ್ಹುದಾ ಕ್ಹಾರು ಕರೆಟ್ಟ ಕರಸ. ತೆ ತುಮೊನೆ ತಾಕತ ದಿವಸ. ತುಮೆ ಹೆಟಾ ಪಡೆನೈಸೊ ತೆ ತುಮೊನೆ ಅಸ್ರೊ ಥೈನ ರ‍್ಹವಸ. ಕ್ಹಾರಾವೊನೆ ಮರಗಾ ದೆಕಾಡಾಲೊ ಕ್ಹುದಾ ತೆಜ಼ ವ್ಹೈ. ತಿನಾ ತಾಕತಮಾ ಪಾಲ ಲಿವಾಲಾ ಕ್ರಿಸ್ತಜ಼ ತುಮೊನೆ ಬಲಾಯೊ. ತೆ ತಾಕತ ಹಮೆಶಾ ರ‍್ಹಯಲ ವ್ಹೈ.

1 ಯೊಹಾನ 2:14

ಬಚ್ಚಾ಼ವೊ, ತುಮೆ ಬಾ ನೆ ವಳಕಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಬಾ ಥಯಲವಾಲಾ, ಆದಿಮಾತೊಬಿ ರ‍್ಹಯಲವಾಲೊ ತುಮೆ ತಿಳದಲಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಘನ್ನಾ ತಾಕತ ರ‍್ಹಯಲವಾಲಾ ಹುತಿ ವರಿ ತುಮೆ ಕೆಟ್ಟನೆ ಸೊಲ್ಸಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.