ಎಫೆಸ 5:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಕ್ಹರಿ ನೈ ರ‍್ಹಯಲ ಸಂಗತಿಯೊ ಕೈನ ತುಮೊನೆ ಮೊಸ ಕರಾನೆ ಕಿನೆಜ಼ ಮೌಕೊ ದಿವೊ ನಕೊ. ತೆ ಸಂಗತಿಯೊನಾ ಮುಲಕ ಕ್ಹುದಾನಿ ಶಿಟ್ಟ ತಿನೆ ವಿಧೆಯ ನೈ ಥಾವಾಲಾ ಮನಕ್ಹೊನಾ ಉಪ್ಪರ ಆವಸ.

ಎಫೆಸ 5:6 ပူးပေါင်းရင်းမြစ်များ

ಮತ್ತಾಯ 24:24

ಸುಳ್ಳ ಕ್ರಿಸ್ತೊ, ಸುಳ್ಳ ಪ್ರವಾದಿಯೊ ಉಟಿನ ಸಾಧ್ಯ ಥಯುಮ ಕ್ಹುದಾ ಇನಿಲಿದಲ ಮನಕ್ಹೊನೆ ಬಿ ಮೊಸ ಕರಾನಾ ಹುತಿ ಮ್ಹೊಟಾ ಸುಚಕ ಕಾಮೊ ಘಾಬ್ರಾ ಥಾವಾನಾ ಕಾಮೊ ಕರಿನೆ ದೆಕಾಡಸ.

ಮತ್ತಾಯ 24:4

ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ, ಕುನಬಿ ತುಮೊನೆ ಮೊಸ ಕರ‍್ಯಾವಾಚಿ ದೆಕಿಲಿವೊ. ಹುಶಾರ ರ‍್ಹವೊ.

ಮಾರ್ಕ 13:22

ಸುಳ್ಳ ಮಸ್ಸಿಹಾ ವರಿ ಸುಳ್ಳ ಪ್ರವಾದಿಯೊ ಉಟಿನ. ಸಾದ್ಯಥಯೊಮ ಕ್ಹುದಾ ಇನಿಲಿದಲವಾಲಾವೊನೆ ಮೊಸಕರಾಹುತಿ ಘಾಬ್ರಾಥಾವಾನು ಕಾಮ ಅದ್ಭುತ ಕಾಮ ಕರಿನ ದೆಕಾಡಸ.

ಮಾರ್ಕ 13:5

ಯೆಸು ತ್ಯುನೊನೆ ಸು ಕದ್ಯೊ ಕದ್ಯಾಮ - ಕುನ್ನಬಿ ತುಮೊನೆ ಮೊಸಕರಸ ಹುಶಾರಮಾ ರ‍್ಹವೊ. ದೆಕೊ

ರೊಮಾಪೂರ 1:18

ಕ್ಹುದಾನಿ ಶಿಟ್ಟ ಸ್ವರಗತಿ ದಿಕ್ಹಿನ ಆವಸ. ಮನಕ್ಹೊ ಕ್ಹುದಾನಾ ವಿರುದ್ದ ಕರಾನಾ ಕೆಟ್ಟ ಕಾಮೊ ವರಿ ದುಶಕೃತ್ಯನಾ ಹುತಿ ಕ್ಹುದಾ ಶಿಟ್ಟ ಥಯೊಸ. ತ್ಯುನೊನೆ ಕ್ಹರಿ ಸುವೈ ಕವಾನು ಗ್ವತ್ತ ಥಯುಸ, ತೆನೈಸೊ ತ್ಯುನಾ ಕೆಟ್ಟ ಕಾಮೊಜ಼ ಕ್ಹರಿ ಕವಾನು ಝಾಕಿ ಪಾಡಸ.

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

ಕೊಲೆಸ್ಸೆ 2:4

ಕುನ್ನಜ ತುಮೊನೆ ಮಯಾನ ವಾತೊಕ್ಹು ಮೊಸ ಕರು ನೈ ಕೈನ ಮಿ ಆ ಕ್ಹಾರು ಕವಾಡೊಸ

ಕೊಲೆಸ್ಸೆ 2:8

ಮೊಸ ಕರಾನಾ ವರಿ ಕಾಮ ನೈಸೊ ಆವಾನಾ ತತ್ವಗ್ಯಾನ ಭೊದನೆಕ್ಹು ತುಮೊನೆ ಕುನ್ನ ತ್ಯುನಾ ಬಸಮಾ ಕರಲಿದ್ಯಾ ವಾಚಿ ಹುಶಾರ್ ರ‍್ಹವೊ. ಆ ಕ್ಹಾರು ಮನಕ್ಹೊನಿ ಪದ್ಧತ ವರಿ ಲೊಕನಿ ಬೊದನೆನೆ ಸಂಬಂದ ಪಡೆಲ ವ್ಹೈ ಕ್ರಿಸ್ತನೆ ನವೈ.

ಕೊಲೆಸ್ಸೆ 3:6

ಆ ಪುರಾ ಪಾಪೊನಾ ಹುತಿ ಕ್ಹುದಾನಿ ವಾತ ನೈ ಐಕಾಲಾ ಕ್ಹುದಾನಿ ಶಿಟ್ಟ ಇವ್ನೊಪರ ಆವಸ.

2 ಥೆಸಲೊನಿಕ 2:3

ಕುನ ಕೈ ತರಾಮಾ ತುಮೊನೆ ಮೊಸ ಕರಾನೆ ಮೌಕೊ ದಿವೊ ನಕೊ ಲಾಸ್ಟಾಮಾ ವೈರಿ ಆಯೆಲಕ್ಕಾ ವರಿ ವಿರೊದ ಉಟೆಲಕ್ಕಾ ಪ್ರಭುನೊ ದಿನ್ನ ಆತೊ ನೈ.

ಇಬ್ರಿಯ 13:9

ಬಿಜಾ಼ ಬಿಜಾ಼ ಉಪದೆಶೊನಾ ಬಲಿಮಾ ಖಾಪಡೊ ನಕೊ. ಕಾಕದ್ಯಾಮ ಕ್ಹುದಾನು ಕೃಪಾಕ್ಹು ಮನಸ್ಸ ಘಟ್ಟ ಕರಿಲಿವಾನು ಚೊ಼ಕುಜ಼ ವ್ಹೈ. ಕ್ಹಾವಾನಾ ಚಿಜೊ಼ನಾ ಹುತಿ ರ‍್ಹಯಲ ನಿಯಮೊ ಕರಾಲಾವೊನೆ ಸುಜ಼ ಫೈದೊ ನತ್ತಿ.

ಇಬ್ರಿಯ 3:19

ತಿನಾಹುತಿ ಕ್ಹುದಾನಿ ಸಮಾಧಾನ ಕಾ ಮಳಿ ನೈ ಕೈನ ಕದ್ಯಾಮ, ತ್ಯುನೊನೆ ಕ್ಹುದಾಪರ ಬರೊಕ್ಹೊ ನೈ ರ‍್ಹಯಲ ಹುತಿಜ಼ ವ್ಹೈ ಕೈನ ಅಪೊನೆ ದಿಕ್ಹಿನ ಆವಸ.

1 ಪೆತ್ರಾ 2:8

ನೈ ಬರೊಕ್ಹೊ ಕರಾಲಾವೊನೆ ತೆ; "ಮನಕ್ಹೊನೆ ಟೆಕ್ಹ ಲಾಗಾನೊ ದಗ್ಡೊ ಮನಕ್ಹೊನೆ ಪಾಡಾನೊ ದಗ್ಡೊ ಥಯೊಸ" ಯೆಶಾಯ 8:14 ಕ್ಹುದಾನಿ ವಾತ ನೈ ಐಕಾಕ್ಹು ಮನಕ್ಹೊ ಟೆಕ್ಹ ಲಗಾಡ್ಲಿನ್ ಪಡಸ. ತೆ ಮನಕ್ಹೊನೆ ಇಮ್ಮಥೌ ಕೈನ ಕ್ಹುದಾನಿ ವಿಚಾ಼ರ ವ್ಹತ್ತಿ.

1 ಯೊಹಾನ 4:1

ಮಾರಾ ಮಯಾನಾ ದೊಸ್ತೊ, ಎ ದುನಿಯಾಮಾ ಘನ್ನಾ ಸುಳ್ಳ ಪ್ರವಾದಿಯೊ ಛೆ. ತಿನಾ ಹುತಿ ಹರಿ ಯಕ್ಕ ಆತ್ಮಾಪರ ಬರೊಕ್ಹೊ ಮ್ಹೆಲೊ ನಕೊ. ತೆನೈಸೊ ತೆ ಆತ್ಮಾವೊ ಕ್ಹುದಾತಿ ಐಯೊಸ ಕೈನ ಪರಿಕ್ಷಾ ಕರಿನ ವಳಕಿಲಿವೊ.