ಎಫೆಸ 4:17 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁷ ಪ್ರಭುನಾ ಹುತಿ ಮಿ ತುಮೊನೆ ಎ ಕೌಸ ವರಿ ಹುಶಾರಕಿ ದಿವ್ಸ. ಅವಿಶ್ವಾಸಿಯೊ ಲಿಂಗತ ಇತ್ತಿ ಉಪ್ಪರ ಜಿವ್ನಾ ಕರೊ ನಕೊ. ತ್ಯುನಾ ವಿಚಾರೊ ಉಪಯೊಗ ನೈಸೊ ಥಯಾಸ.

ಎಫೆಸ 4:17 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 16:28

ಮಾರಾ ಪಾಂಚ಼ ಭಾಯೊ ಛೆ ತ್ಯುನೆ ಮಿ ತ್ರಾಸ ಖಾವಾನ ಜ಼ಗಾ ಆವಾನು ನಕೊ, ಕೈನ ತ್ಯುನೊನೆ ಹುಶಾರ ಕರಾದೆ ಕದ್ಯೊ.

ಅಪೊಸ್ತಲೊ 14:15

"ಮನಕ್ಹೊ ತುಮೆ ಎ ಕಾಮೊ ಕರಾನು ಶಾನೆ? ಹಮೆ ಕ್ಹುದಾವೊ ನ್ಹವ್ಹೈ. ಹಮೆ ತುಮಾರಾ ಲಿಂಗತ ಮನಕ್ಹೊಜ಼ ವ್ಹೈ. ತುಮೊನೆ ಸುವಾರ್ತೆ ಕವಾನಾ ಹುತಿ ಹಮೆ ಆಯಾಸ. ವ್ಯರ್ಥ ರ‍್ಹಯಲ ಕಾಮೊ ತುಮೆ ಛೊಡಿ ಪಡೊ; ಜಿವ ಸ್ವರುಪ ಥಯಲ ಕ್ಹುದಾ ಕನ ಫರೊ. ಹಬಾಳನೆ ಜಿಮಿನನೆ ಸಮುಂದರನೆ ವರಿ ತೆ ಕ್ಹಾರಾವೊಮಾ ರ‍್ಹವಾನು ಹರಯಕ್ಕನೆ ತಯ್ಯಾರ ಕರಲವಾಲೊ ತೆಜ಼ ವ್ಹೈ.

ಅಪೊಸ್ತಲೊ 18:5

ಸಿಲಾ ವರಿ ತಿಮೊಥಿ ಮೆಕೆದೊನಿಯೆ ಆತಾಮಾ ಪೌಲಾ ಕ್ಹುದಾನಿ ವಾಕ್ಯಾ ಕವಾಮಾ ಡುಬಿನ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಯೆಹುದಿಯೊನೆ ಖಾಸ ಸಾಕ್ಷಿ ದಿದ್ಯೊ.

ಅಪೊಸ್ತಲೊ 2:40

ಪೆತ್ರಾ ಹಜು಼ನ ಘನ್ನಾ ವಾತೊಕ್ಹು ತ್ಯುನೊನೆ ಹುಶಾರ ಕರಿನ"ಎ ಕೆಟ್ಟ ಸಂತತಿವಾಲಾಕ್ಹು ಚು಼ಕೈಲಿವೊ" ಕೈನ ಮಾಂಗಿಲಿದ್ಯೊ.

ಅಪೊಸ್ತಲೊ 20:21

ಯೆಹುದಿಯೊನೆ ವರಿ ಗ್ರಿಕವಾಲಾಬಿ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರು ಕೈನ, ಅಪ್ನೊ ಕರ್ತಾ ಥಯಲ ಯೆಸುಪರ ಬರೊಕ್ಹೊ ಮ್ಹೆಲು ಕೈನ ಮಿಜ಼ ಕದ್ಯೊ.

ರೊಮಾಪೂರ 1:21

ಕಾಕದ್ಯಾಮ ತ್ಯುನೆ ಕ್ಹುದಾನೆ ತಿಳದಿಲಿದ್ಯಾತಬಿ ಕ್ಹುದಾನೆ ಮೆಚ್ಚಶ್ಯಾ ನೈ, ತಿನೆ ಕೃತಜ್ಞತಾ ಸ್ತುತಿ ಕರ‍್ಯಾ ನೈ. ಮನಕ್ಹೊನಿಯೊ ವಿಚಾರೊ ಸುಜ಼ ಫೈದೊ ಥಯ್ಯೊ ನೈ. ಸು ನೈ ಕಳಲ ತ್ಯುನಾ ಮನಸೊ ಅಂದಾರಾ ಕ್ಹು ಭರಿ ಗಯಾ.

1 ಕೊರಿಂಥ 1:12

ಕದ್ಯಾಮ, ತುಮೊಮಾ ಯಕ್ಲೊ "ಮಿ ಪೌಲಾ ನಿಂಗತ ಚಾ಼ಲಾಲೊ ವ್ಹೈ ಕೈನ ಯಕ್ಲೊ, ಅಪೊಲೊಸ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಪೆತ್ರಾ ನಿಂಗತ ಚಾ಼ಲಾಲೊ ವ್ಹೈ ಕೈನ ವರಿಯಕ್ಲೊ, ತೆ ಕ್ರಿಸ್ತ ನಿಂಗತ ಚಾ಼ಲಾಲೊ ವ್ಹೈ ಕೈನ ಕವಸ.

1 ಕೊರಿಂಥ 15:50

ಮಯಾನಾ ಭಾಯೊ ಭೆನೊ, ಮಿ ಕವಾನು ಸುವ್ಹೈ ಕದ್ಯಾಮ, ಹಾಳ ಥಾವಾನು ಅಂಗ ಕ್ಹುದಾನಿ ರಾಜ್ಯನೆ ವಶಮಾ ನೈ ಕರಸಕ್ತು; ತಿನಾನ ಲಿಂಗತಜ಼, ಹಾಳ ಥೈನ ಜಾ಼ವಾನು ಅಮರತ್ವನೆ ಬಾದ್ಯ ಥಾವಾನೆ ಸಾಧ್ಯಾ ನತ್ತಿ.

2 ಕೊರಿಂಥ 9:6

ತೆನೈಸೊ ಲೆಕ್ಕ ಬಿತ್ತಾಲ ಲೆಕ್ಕ ನೈ ಕಾಟ. ಲೆಕ್ಕ ಬಿತ್ತಾಲ ಲೆಕ್ಕ ಕಾಟ. ಎ ನೈ ತುಮ ನೈ ಗ್ವತ ರ‍್ಹ.

ಗಲಾತ್ಯ 3:17

ಮಿ ಕವಾನು ಸುವೈ ಕದ್ಯಾಮ, ಕ್ಹುದಾ ಅಬ್ರಹಾಮ್ನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರಲಿನ ತೆ ಘಟ್ಟ ಕರ‍್ಯೊ. ತಿನಾಹುತಿ 430 ಥಯಲ್ಪರ ಆಯಲ ಧರಮಶಾಸ್ತ್ರ ಅಬ್ರಹಾಮನೆ ಕ್ಹುದಾ ಕರಲ ವಾಗ್ದಾನ ಬಂದ ಕರಾನೆ ಥಾತು ನೈ ಬದಲಿ ಕರಾನೆ ಥಾತು ನೈ.

ಗಲಾತ್ಯ 5:3

ವರಿ ಮಿ ಹರಿ ಯಕ್ಲಾನೆ ಹುಷಾರ ಕರುಸ. ತುಮೆ ಸುನ್ನತಿ ಕರೈಲಿದ್ಯಾಮ ಧರಮಶಾಸ್ತ್ರಮಾನು ರ‍್ಹಯಲ ಕ್ಹಾರು ಕರಲಿನ ಜೌ಼.

ಎಫೆಸ 1:22

ಕ್ಹುದಾ ಹರಿ ಯಕ್ಕಪರ ಕ್ರಿಸ್ತನಾ ಅದಿಕಾರಮಾ ದಿದ್ಯೊ. ಸಬೆನಾ ಹುತಿ ಕ್ಹುದಾ ತಿನೆ ಹರಿಯಕ್ಕಪರ ಮ್ಹೊಟೊ ಕರ‍್ಯೊ.

ಎಫೆಸ 4:22

ತುಮೆ ತುಮಾರಾ ಪಾಚ಼ಲ್ಯಾ ಕೆಟ್ಟ ಕಾಮೊ ಛೊಡು ಕವಾನು ಕದ್ಯಾಮ ತುಮಾರಿ ಜು಼ನ್ನಿ ಚಾಳಿಯೊ ಛೊಡಿ ಪಾಡು ಕೈನ ಶಿಕ್ಯಾ. ಮನಕ್ಹೊ ತ್ಯುನೆ ಕರು ಕೈನ ಆಸ ಕರಾನಾ ಕೆಟ್ಟ ಕಾಮೊಕ್ಹು ಜುಡಿನ ರ‍್ಹಯಲಕ್ಹು ತೆ ಜು಼ನ್ನಿ ಚಾಳಿಯೊ ದಿನ್ನತಾ ದಿನ್ನೆ ಹಜು಼ನ ಕೆಟ್ಟ ಥಾವಸ.

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

ಕೊಲೆಸ್ಸೆ 2:4

ಕುನ್ನಜ ತುಮೊನೆ ಮಯಾನ ವಾತೊಕ್ಹು ಮೊಸ ಕರು ನೈ ಕೈನ ಮಿ ಆ ಕ್ಹಾರು ಕವಾಡೊಸ

1 ಥೆಸಲೊನಿಕ 4:6

ಹಮೆ ಹಮ್ನಾ ಕದಲಲಿಂಗತಜ಼ ವರಿ ಹುಶಾರ ಕರಲ ಲಿಂಗತ ಎ ಕ್ಹಾರಿ ವಿಷಯಮಾ ಪ್ರಭು ಶಿಕ್ಷಾ ದಿವಸ.

1 ತಿಮೊತಿ 5:21

ತು ವಿಚಾರ ಕರಾತಿ ಪೈಲಾ ತಪ್ಪ ಘಾಲ್ಯಾವಾಚಿ, ಪಕ್ಷಪಾತಕ್ಹು ಸು ಕರ‍್ಯಾವಾಚಿ, ಮಿ ಕದಲ ವಾತೊನಾ ಪ್ರಕಾರ ಚಾ಼ಲು ಕೈನ ಕ್ಹುದಾನಾ ಕ್ಹಾಮಾ, ಕ್ರಿಸ್ತ ಯೆಸುನಾ ಕ್ಹಾಮೊ, ಇನಿಲಿದಲ ದೆವದುತೊನಾ ಕ್ಹಾಮಾ ಕ್ಹರಿ ಕವಸ.

1 ತಿಮೊತಿ 6:13

ಪೊಂತ್ಯ ಪಿಲಾತನನಾ ಕ್ಹಾಮೊ ಸಾಕ್ಷಿ ದಿದಲ ಕ್ರಿಸ್ತ ಯೆಸುನಾ ಸನ್ನಿಧಾನಮಾಬಿ ಕ್ಹಾರಿ ಸೃಷ್ಟಿನೆ ಜ಼ಲಮ ದಿದಲವಾಲಾ ಕ್ಹುದಾನಿ ಸನ್ನಿಧಿಮಾಬಿ ಮಿ ತುನೆ ಕವಾನು ಸುವೈ ಕದ್ಯಾಮ,

2 ತಿಮೊತಿ 4:1

ಜಿವ್ತಾ ರ‍್ಹಯಲ ಮನಕ್ಹೊನೆ ಮರಿಗಯಲ ಮನಕ್ಹೊನೆ ಫೈಸಲೊ ಕರಾಲೊ ಕ್ರಿಸ್ತ ಯೆಸು ವ್ಹೈ. ತೆ ತಿನಿ ರಾಜ್ಯನೆ ವ್ಹಂದಿಲಿದ್ಯೊಸ. ತೆ ರಾಜೊ಼ ಥೈನ ಅದಿಕಾರ ಕರಾನೆ ವರಿ ಆವಾಡೊಸ. ತಿನಾಹುತಿ ಯೆಸು ಕ್ರಿಸ್ತನಾ ವರಿ ಕ್ಹುದಾನಿ ಸನ್ನಿಧಿಮಾ ಮಿ ತುನೆ ಕವಾನು ಸು ವ್ಹೈ ಕದ್ಯಾಮ,

1 ಪೆತ್ರಾ 1:18

ಪೈಲಾ ತುಮೆ ತುಮಾರಾ ಮನಸೆ ಆಯಲ ತಿಮ್ಮ ಜಿವ್ನಾ ಕರ‍್ಯಾತಾ ಕರತಾ ವ್ಹತ್ತಾ ತುಮೊನೆ ಗ್ವತ್ತ ಛೆ. ತುಮೊತೆ ಪೈಲಾ ಜಿವ್ನಾ ಕರಲವಾಲಾ ತ್ಯುನೊಕ್ಹು ತುಮೆ ಸಿಕ್ಯಾ. ತಿನಾಹುತಿ ತುಮೊನೆ ಬಿಡುಗಡೆ ಥಾವಾನು ಹಾಳಥಾವಾನು ಕ್ಹೊನಾ ರುಪ್ಪಕ್ಹು ನ್ಹವೈ.

2 ಪೆತ್ರಾ 2:18

ತ್ಯುನೆ ಮತಲ್ಬನೈಸೊ ವಾತೊ ಬೊಲಿನ ಗ್ವತ್ತ ಛೆ ಕೈನ ಕೈಲಿವಸ. ಕೆಟ್ಟ ವಾಟ್ಮಾ ಚಾ಼ಲಾಲಾ ಮನಕ್ಹೊನಾ ಕ್ಹಾತೆ ನವಾಕ್ಹು ಚು಼ಕೈಲಿನ ಆಯಲ ಮನಕ್ಹೊನೆ ವಾಟ ಚು಼ಕಾವಸ. ತ್ಯುನಾ ಪಾಪಕ್ಹು ಕರಾನೆ ಆಸ ರ‍್ಹಯಲ ಕೆಟ್ಟ ಕಾಮೊ ಕರಿನ ಎ ಸುಳ್ಳ ಬೊದಕೊ ತ್ಯುನೊನೆ ವಾಟ ಚು಼ಕಾವಸ.