ಎಫೆಸ 4:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ತಿನಾಹುತಿ ಅಪೆ ಕ್ಹಾರಾ ಬರೊಕ್ಹಾಕ್ಹು ಕ್ಹುದಾನಾ ದಿಕ್ರಾನಾ ವಿಷಯನಾ ಗ್ಯಾನಕ್ಹು ಯಕ್ಕ ಥಯೆ ಲಕ್ಕಾ ಎ ಸೆವಾ ಅಗು ಬಡು. ಅಪೆ ಪುರಾ ಥಯೆ ಲಕ್ಕಾಕದ್ಯಾಮ ಪುರಾ ಮನಸ್ಸಕ್ಹು ಮುಟ್ಟೆ ಲಕ್ಕಾ ಬೆಳದು.

ಎಫೆಸ 4:13 ပူးပေါင်းရင်းမြစ်များ

ಮತ್ತಾಯ 11:27

ಮಾರೊ ಬಾ ಮನೆ ಕ್ಹಾರು ದಿದ್ಯೊಸ. ಕುನಜ ದಿಕ್ರಾನೆ ವಳಕ್ಯು ನತ್ತಿ. ಬಾ ಯಕ್ಕಜ ದಿಕ್ರಾನೆ ವಳಕ್ಯೊಸ. ದಿಕ್ರೊ ಯಕ್ಕಜ ಬಾನೆ ವಳಕ್ಯೊಸ. ದಿಕ್ರೊ ಬಾನೆ ಕಿನೆ ದೆಕಾಡು ಕೈನ ಆಸ ಕರಸ ತ್ಯುನೆ ಬಾನೆ ತಿಳ್ದಿಲಿವಸ.

ಯೊಹಾನ 1:16

ತಿನಿ ಕರುಣಾ ವರಿ ಪರಿಪುರ್ಣ ಕೃಪಾಕ್ಹು ಭರಲ ವ್ಹತ್ತೊ. ತಿನಾಕ್ಹುಜ ಅಪೆ ಕ್ಹಾರಾ ಮನಕ್ಹೊ ಆಶಿರ್ವಾದ ಪರ ಆಶಿರ್ವಾದ ವ್ಹಂದ್ಯಾ.

ಯೊಹಾನ 16:3

ಮನಕ್ಹೊ ಬಾನೆ ವರಿ ಮನೆ ನೈ ತಿಳ್ದಿಲಿದಲ ಹುತಿ ಎ ಕ್ಹಾರು ಕರಸ.

ಯೊಹಾನ 17:21

ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ಯೊಹಾನ 6:69

ಹಮೆ ತುಪರ ಬರೊಕ್ಹೊ ಕರಿಯೆಸ. ತು ಕ್ಹುದಾಕಂತೊ ಆಯಲ ಪರಿಶುದ್ಧ ವ್ಹೈ ಕೈನ ಹಮೊನೆ ಗ್ವತ ಛೆ "ಕೈನ ಉತ್ತರ ದಿದ್ಯೊ.

ಅಪೊಸ್ತಲೊ 4:32

ವಿಶ್ವಾಸಿಯೊನು ಮನಸ್ಸ ಜ಼ಲಮ ಯಕ್ಕಜ಼ ವ್ಹತ್ತು. ಸಮುದಾಯಮಾ ರ‍್ಹಯಲ ಕುನ್ನಬಿ ರ‍್ಹೈನಕಾ ತಿಕನ ರ‍್ಹಯಲ ಕ್ಹಾರು ತಿನು ವ್ಹೈ ಕೈನ ಕವಾಡಾ ನ್ಹೊತಾ. ತಿನಿ ಜ಼ಗಾ, ತ್ಯುನೆ ಹರಯಕ್ಕನೆ ವಾಟಿಲಿವಾಡಾತಾ.

1 ಕೊರಿಂಥ 1:10

ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮ ಪರ ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ವಾದವಿವಾದ ನೈಸೊ ಬಿನ್ನಭೆದ ನೈಸೊ ಯಕ್ಕಜ಼ ಮನಸ್ಸಕ್ಹು ಯಕ್ಕಜ಼ ಉದ್ದೆಶಕ್ಹು ತುಮೆ ಯಕ್ಕಜ಼ ಥೈನ ರ‍್ಹವೊ.

1 ಕೊರಿಂಥ 14:20

ಮಾರಾ ಭಾಯೊ ಭೆನೊ, ಬಚ಼್ಚಾವೊ ಲಿಂಗತ ವಿಚಾರ ಕರ‍್ಯಾವಾಚಿ ಮ್ಹೊಟಾವೊಲಿಂಗತ ವಿಚಾರ ಕರೊ. ಕೆಟ್ಟ ವಿಷಯಮಾ ನ್ಹಾನಾ ಬಚ಼್ಚಾ ಲಿಂಗತ ರ‍್ಹವೊ. ತೆನೈಸೊ ತುಮಾರಿ ವಿಚಾರೊಮಾ ಜಾಂಜಿಮಾನ ಲಿಂಗತ ರ‍್ಹವೊ.

1 ಕೊರಿಂಥ 2:6

ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

ಗಲಾತ್ಯ 4:19

ಬಚ್ಚಾ಼ವೊ ಲಿಂಗತ ರ‍್ಹಯಲ ಗಲಾತ್ಯ ಸಭೆವಾಲಾವೊ ಘನಿಯೊ ತ್ರಾಸ ಖಾವಾಲಿಯೊ ಮಾವೊ ಲಿಂಗತ ಮಿ ತುಮಾರಾ ಹುತಿ ತ್ರಾಸ ಖಾವಾಲೊ ಲಿಂಗತ ಛೆ. ತುಮೆ ಕ್ಹರಿಬಿ ಕ್ರಿಸ್ತಲಿಂಗತ ಥಾಯೆ ಲಕ್ಕಾ ಮನೆ ಎ ತ್ರಾಸ ರ‍್ಹವಸ.

ಎಫೆಸ 1:17

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಕ್ಹುದಾ ಮಹಿಮಾನೊ ಸ್ವರುಪ ಥಯಲ ಬಾ ಥಯಲವಾಲಾನೆ ಮಿ ಹಮೆಶಾಬಿ ಪ್ರಾಥನಾ ಕರುಸ ಕ್ಹುದಾನಿ ಗ್ಯಾನಕ್ಹು ಕದ್ಯಾಮ ತೆ ತುಮೊನೆ ತಿಳಸಾಯಲ ಗ್ಯಾನಕ್ಹು ತುಮೊನೆ ಗ್ಯಾನಿ ಕರಾನಿ ಆತ್ಮಾ ತೆ ತುಮೊನೆ ದಿವಾದೆ ಕೈನ ಮಿ ಪ್ರಾಥನಾ ಕರುಸ.

ಎಫೆಸ 1:23

ಸಬೆ ಕ್ರಿಸ್ತನು ಅಂಗ ಥಯುಸ. ಸಬೆ ಕ್ರಿಸ್ತಕ್ಹು ಭರಿ ಗೈಯುಸ. ತೆ ಕ್ಹಾರುಜ಼ ಹರಿಯಕ್ಕ ವಿಷಯಮಾ ಪುರಾ ಕರಸ.

ಎಫೆಸ 2:15

ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆ ನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.

ಎಫೆಸ 4:12

ಕ್ರಿಸ್ತನಿ ಸೆವಾನಾ ಹುತಿ ಕ್ಹುದಾ ಪರಿಶುದ್ಧ ಮನಕ್ಹೊನೆ ತಯ್ಯಾರ ಕರಾನೆ ತೆ ತ್ಯುನೊನೆ ನೆಮಿಸ್ಯೊ.

ಎಫೆಸ 4:3

ತುಮೆ ತಿನಾ ಮುಲಕ ಸಮಾದಾನ ಕವಾನಾ ಬಂಧನೊ ಕ್ಹು ಯಕ್ಕ ಥಯಾಸ. ಇನಾ ಲಿಂಗತ ರ‍್ಹವಾನೆ ತುಮಾರಾ ಹತೆ ಥಯಲ ತೆಕ್ಲು ಕೊಶಿಶ ಕರೊ. ಸಮಾಧಾನ ತುಮೊನೆ ಕ್ಹಾರಾವೊನೆ ಯಕ್ಕ ಕರಾದೆ.

ಎಫೆಸ 4:5

ಯಕ್ಲೊಜ಼ ಪ್ರಭು ವ್ಹೈ, ಯಕ್ಕಜ಼ ಬರೊಕ್ಹೊ ವ್ಹೈ, ಯಕ್ಕಜ಼ ಬಾಪ್ತಿಸ್ಮ ವ್ಹೈ.

ಫಿಲಿಪ್ಪಿ 3:10

ತಿನೆ ತಿನಾ ಪುನರುತ್ಥಾನಮಾ ರ‍್ಹಯಲ ತಾಕತನೆ, ತಿನಾ ತರಾಸಮ್ಮಾ ವಾಟೊ ಲಿವಾಲೊ ತಿನಿ ಯಕ್ಕ ಪದವಿ ವ್ಹೈ ಕೈನ ತಿಳದಿಲಿನ ತಿನಾ ಮೌತನಾ ಹುತಿ ತಿನಾನಿಂತ ಜ ರುಪ ಲಿವಾಲೊ ಕೈನ ಮಾರಿ ಆಸ ಥೈಸ.

ಫಿಲಿಪ್ಪಿ 3:8

ತೆಕ್ಲುಜ ನೈಸೊ ಮಾರಾಕರ್ತಾ ಥಯಲ ಯೆಸು ಕ್ರಿಸ್ತನಾನಿಂತ ಚಾ಼ಲಾನು ಘನು ಚೊ಼ಕು ವ್ಹೈ ಕೈನ ವಳಕಿನ ಯೆ ಕ್ಹಾರು ಮಿ ಹಾಳ ಥಾವಾ ವ್ಹೈಕೈನ ಕೈಲಿದ್ಯೊಸ. ತಿನಾಹುತಿ ಮಿ ಕ್ಹಾರು ಜವೈಲಿನ ತೆ ಕ್ಹಾರಾನೆಜ ಮಿ ಕಸ ವ್ಹೈ ಕೈನ ಕಲಿದ್ಯೊ.

ಕೊಲೆಸ್ಸೆ 1:28

ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ

ಕೊಲೆಸ್ಸೆ 2:2

ತ್ಯುನೆ ಅಂತರ್ಯಮಾ ಆಸಕ್ತಿವಾಲಾ ಮಯಾಮಾ ಯಕ್ಕ ಥೈನ ರ‍್ಹೌ ಕೈನ

ಇಬ್ರಿಯ 5:14

ತೆನೈಸೊ ಘಟ್ಟ್ಟ ರ‍್ಹಯಲ ಅನ್ನ ಜಾಂಜಿಮಾನೊ ವ್ಹೈ ಬಚ್ಚಾವೊನೆ ನ್ಹವೈ, ಕದ್ಯಾಮ ಕೆಟ್ಟ ವರಿ ಚೊ಼ಕಾನೆ ಅನುಭಕ್ಹು ತಿಳ್ದಿಲಿನ, ತಿನಾ ಲಿಂಗತ ಚಾ಼ಲಾಲಾವೊನಾ ಹುತಿ ವ್ಹೈ.

2 ಪೆತ್ರಾ 1:4

ಯೆಸು ತೆ ಕರಲ ವಾಗ್ದಾನಕ್ಹು, ತಿನಾ ಪ್ರಭಾವಕ್ಹು ವರಿ ಗುಣಾವೊಕ್ಹು ಅಪೊನೆ ಮ್ಹೊಟು ರ‍್ಹಯಲ ವರಿ ಚೊ಼ಕು ರ‍್ಹಯಲ ವರಾ ದಿದ್ಯೊಸ. ತೆ ವರಾಕ್ಹು ತುಮೆ ಕ್ಹುದಾನಿ ಗುಣಾವೊಮಾ ಹಿಸ್ಸೊ ಲಿವಾಲಾಥಾವಾನೆ ಸಾದ್ಯ ಛೆ. ಇಮ್ಮ ರ‍್ಹತಾಮಾ ತುಮೆ ಎ ಲೊಕಮಾ ಕೆಟ್ಟ ಆಸಕ್ಹು ಆವಾನು ಕೆಟ್ಟಕ್ಹು ಚು಼ಕೈಲಿದಲವಾಲ ಥಯಾಸ.

2 ಪೆತ್ರಾ 3:18

ತುಮಾರೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಿ ಮರಗಾ ಮಾ ವರಿ ತಿಳವಳ್ಕಿಮಾ ಬೆಳತ್ತಾಜ಼ ರ‍್ಹವೊ. ತಿನೆ ಹಮ್ನಾ ವರಿ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ.

1 ಯೊಹಾನ 5:20

ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ‍್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ‍್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.