ಎಫೆಸ 3:4 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴ ಮಿ ಬರ್ದಲ ಎ ಸಂಗತಿಯೊ ತುಮೆ ಒದಲ ರ‍್ಹಯಾಮ ಕ್ರಿಸ್ತನು ದಡಿ ರ‍್ಹಯಲ ಕ್ಹರಿನೆ ಮಿ ಕ್ಹರಿಬಿ ತಿಳದಿಲಿದ್ಯೊಸ ಕವಾನು ತುಮೊನೆ ಗ್ವತ್ತ ಥಾವಸ.

ಎಫೆಸ 3:4 ပူးပေါင်းရင်းမြစ်များ

ಮತ್ತಾಯ 13:11

ತೆಳಾಮಾ ಯೆಸು, "ಪರಲೊಕ ರಾಜ್ಯ ದಡಿ ರ‍್ಹಯಲ ಕ್ಹರಿನೆ ಕ್ಹಾಲಿ ತುಮೆಜ ತಿಳ್ದಿಲೆಸಕೊಶಿ. ಎ ದಡಿ ರ‍್ಹಯಲ ಕ್ಹರಿ ಬಿಜಾ ಮನಕ್ಹೊನೆ ಕಳ್ತು ನೈ.

ಲುಕ ಬರ್ದಲ ಸುವಾರ್ತಾ 8:10

ಯೆಸು, ತ್ಯುನೊನೆ "ಕ್ಹುದಾನಿ ರಾಜ್ಯನಿ ಗುಟ್ಟ ತುಮೆ ತಿಳದಿಲಿವಾದೆ ಕೈನ ಗ್ಯಾನ ತುಮೊನೆ ದಿದ್ಯಾಸ. ಬಿಜಾ಼ ಮನಕ್ಹೊನೆ ಮಿ ಕಾನಿಕ್ಹು ಬೊಲುಸ, ಕಾಕದ್ಯಾಮ, ತ್ಯುನೆ ದೆಕ್ಯಾತಬಿ ದಿಕ್ಹತು ನೈ, ಐಕ್ಯಾತಬಿ ತಿಳ್ದಿಲೆತಾ ನೈ.

ರೊಮಾಪೂರ 11:25

ಭಾಯೊ, ಭೆನೊ ತುಮೊನೆ ತುಮಾರಿಕ್ಹು ತುಮೆಜ಼ ಶಾಣ್ಯಾ ವ್ಹೈ ಕೈನ ಕವೈಲಿದ್ಯಾವಾಚಿ ಹಜು಼ನ ಲಕ್ಕಾಬಿ ದಡಿ ರ‍್ಹಯಲ ಕ್ಹರಿ ತುಮೊನೆ ಕೌಸ. ತೆ ಸುವೈ ಕದ್ಯಾಮ ಇಸ್ರಾಯೆಲನಾ ದಕ್ಹಾ ಮನಕ್ಹೊ ಮಡ್ಡ ಥಯಾತಬಿ ತೆನೈಸೊ ಯಹುದ್ಯೊ ನೈ ರ‍್ಹಯಲ ಮನಕ್ಹೊ ಕ್ಹುದಾಕನ ಆತಾಮಾ ತ್ಯುನೊನೆ ಮಡ್ಡ ರ‍್ಹಯಲ ಗೈಪಡಸ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

1 ಕೊರಿಂಥ 13:2

ಪ್ರವಾದನೆ ಕರಾನಿ ವರಾ ಮನೆ ವಸೆ; ಕ್ಹುದಾನಿ ರಹಸ್ಯ ಸಂಗತಿಯೊ ಕ್ಹಾರಾ ವರಿ ಗ್ಯಾನ ಕ್ಹಾರು ಮಿ ತಿಳ್ದಿಲಿದ್ಯೊ ವಸೆ ವರಿ ಡೊಂಗರೊನೆ ಚ಼ಲಾವಾನಿ ಮ್ಹೊಟೊ ಬರೊಕ್ಹೊ ಮನೆ ವಸೆ. ಎ ಕ್ಹಾರು ಮಾರಾಮಾ ರ‍್ಹೈತಬಿ ಮಯಾಜ಼ ನೈ ರ‍್ಹೈಮ, ಮಿ ಶಾನಾ ಕಾಮನೊ ಮನಕ್ಹ ನ್ಹವೈ.

1 ಕೊರಿಂಥ 4:1

ಮನಕ್ಹೊ ಅಪೊನೆ ಕ್ರಿಸ್ತನಾ ಸೆವಕೊ ವ್ಹೈ ಕೈನ ತುಮೆ ತಿಳದಿಲಿದಲ ರ‍್ಹೌ. ಕ್ಹುದಾ ತಿನಾ ರಹಸ್ಯ ರ‍್ಹಯಲ ಕ್ಹರಿ ಅಪೊನೆ ಒಪ್ಸಿನ ದಿದ್ಯೊಸ ಕೈನ ಕೈಲ್ಯು.

2 ಕೊರಿಂಥ 11:6

ಮಿ ತರಬೆತಿ ಕರಲ ಕ್ಹಾರ ಭಾಶಣಾಕರಾಲೊ ನೈ ಕವಾನು ಕ್ಹರಿ ವ್ಹೈ ತೆನೈಸೊ ನೈ ಮನೆ ಬಿ ಗ್ಯಾನ ಛೆ ಕೈನ. ಎ ನೈ ತುಮ ಹರಿ ಯಕ್ ತರಾಮಾ ಕರೆಟ್ಟ ದೆಕಾಡ ದಿದ.

ಎಫೆಸ 1:9

ಕ್ಹುದಾ ಎ ತಿನಿ ಉದ್ದೆಶಕ್ಹು ಕರ‍್ಯೊ. ಕ್ರಿಸ್ತನಾ ಮುಲಕ ಎ ಪುರಾ ಕರಾನೆ ತೆ ಪ್ಲಾನ ಕರ‍್ಯೊ.

ಎಫೆಸ 3:3

ಕ್ಹುದಾ ತಿನಾ ದಡಿ ರ‍್ಹಯಲ ವಿಚಾರ ಮನೆ ತಿಳಸಾಯೊ ವರಿ ದೆಕಾಡ್ಯೊ. ಇನಾ ಹುತಿ ಮಿ ತೆಳಾಮಾಜ಼ ತುಮೊನೆ ದಕ್ಹು ಬರ್ದ್ಯೊಸ.

ಎಫೆಸ 3:9

ದಡಿನ ರ‍್ಹಯಲ ತಿನಾ ವಿಚಾರೊ ಕ್ಹಾರಾ ಮನಕ್ಹೊನೆ ತಿಳಸೌ ಕವಾನು ಕಾಮ ಕ್ಹುದಾ ಮನೆ ದಿದ್ಯೊ. ಪೈಲಾನಾ ಕಾಲ್ತು ತೆ ಕ್ಹುದಾ ಕನ ದಡಿನ ವ್ಹತ್ತು. ಹರಯಕ್ಕ ಸೃಷ್ಟಿ ಕರಲವಾಲೊ ಕ್ಹುದಾಜ಼ ವ್ಹೈ.

ಎಫೆಸ 5:32

ಮಿ ಕ್ರಿಸ್ತನೆಬಿ ಸಭೆನೆಬಿ ರ‍್ಹಯಲ ಸಂಬಂಧನಾ ಹುತಿ ಬೊಲಾಡೊಸ. ರಹಸ್ಯ ರ‍್ಹಯಲ ಎ ಕ್ಹರಿ ಘನ್ನು ಖಾಸ ರ‍್ಹಯಲ ವ್ಹೈ.

ಎಫೆಸ 6:19

ತೆನೈಸೊ ಮಾರಾ ಹುತಿಬಿ ಪ್ರಾಥನಾ ಕರೊ. ಮಿ ಬೊಲ್ತಾಮಾ ಸುವಾರತೆನಿ ರಹಸ್ಯ ಕ್ಹರಿನೆ ಭೆಂವಾಚಿ ಕವಾನೆ ಚಾ಼ಯೆ ಥಯಲ ವಾತೊ ಕ್ಹುದಾ ಮನೆ ದಿವ್ ಕೈನ ಪ್ರಾಥನಾ ಕರೊ.

ಕೊಲೆಸ್ಸೆ 1:26

ಎ ದಡಿ ರ‍್ಹಯಲ ಕ್ಹರಿನಿ ವಾಕ್ಯಾ ಪಾಚ಼ಲ್ಯಾ ಯುಗತು ಮಾತಾ ಮಾತಾತು ದಡಿನ ವ್ಹತ್ತು. ತೆ ವಾಕ್ಯಾ ಕ್ಹುದಾ ಹಮ್ನಾ ತುಮಾರಾ ಕ್ಹಾಮಾ ಲಾಯೊಸ.

ಕೊಲೆಸ್ಸೆ 2:2

ತ್ಯುನೆ ಅಂತರ್ಯಮಾ ಆಸಕ್ತಿವಾಲಾ ಮಯಾಮಾ ಯಕ್ಕ ಥೈನ ರ‍್ಹೌ ಕೈನ

ಕೊಲೆಸ್ಸೆ 4:3

ಕ್ರಿಸ್ತನಿ ಅಸಲಿ ಅರ್ಥ ಕದ್ಯಾಮ ಕ್ಹಾರಾ ಮನಕ್ಹೊನೆ ಹಮೆ ಸುವಾರ್ತಾ ಕವಾನೆ ಕ್ಹುದಾ ಬಾಕಲ ಕಾಡು ಕೈನ ಪ್ರಾರ್ಥನಾ ಕರೊ. ಆ ಸುವಾರ್ತಾನಾ ಹುತಿಜ ಮಿ ಜೆಲಮಾ ಶೆ.

1 ತಿಮೊತಿ 3:16

ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.

1 ತಿಮೊತಿ 3:9

ಘನಿ ರ‍್ಹಯಲ ಕ್ಹರಿನೊ ಬರೊಕ್ಹೊ ದಿಕ್ಹಿನ ಆವಾನಿ ಗ್ಯಾನಕ್ಹು ಧರಲಿದೆಲವಾಲಾ ರ‍್ಹೌ.