ಎಫೆಸ 3:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಕ್ರಿಸ್ತನಿ ಮಯಾ ಮನಕ್ಹೊ ತಿಳ್ದಿಲಿವಾನೆ ಸಾಧ್ಯ ನತ್ತಿ. ತೆನೈಸೊ ತೆ ಮಯಾನೆ ತುಮೆ ತಿಳ್ದಿಲಿವಾಲಾ ಥೌ ಕೈನ ಪ್ರಾಥನಾ ಕರುಸ. ತೆಳಾಮಾ ತುಮೆ ಕ್ಹುದಾನೆ ಪುರಾ ಮನಸ್ಸಕ್ಹು ಭರಲವಾಲಾ ಥಾವಾನೆ ಸಾಧ್ಯ ಥಾವಸ.

ಎಫೆಸ 3:19 ပူးပေါင်းရင်းမြစ်များ

ಮತ್ತಾಯ 5:6

ನಿತಿನಾ ಹುತಿ ಭುಕ್ಕಾ ವರಿ ತರಕ್ಹಾ ರ‍್ಹಯಲವಾಲಾ ಧನ್ಯ ವ್ಹೈ; ತ್ಯುನೊನೆ ತೃಪ್ತಿ ಥಾವಸ.

ಯೊಹಾನ 1:16

ತಿನಿ ಕರುಣಾ ವರಿ ಪರಿಪುರ್ಣ ಕೃಪಾಕ್ಹು ಭರಲ ವ್ಹತ್ತೊ. ತಿನಾಕ್ಹುಜ ಅಪೆ ಕ್ಹಾರಾ ಮನಕ್ಹೊ ಆಶಿರ್ವಾದ ಪರ ಆಶಿರ್ವಾದ ವ್ಹಂದ್ಯಾ.

ಯೊಹಾನ 17:3

ಯಕ್ಲೊಜ ಕ್ಹರಿನೊ ಕ್ಹುದಾ ರ‍್ಹಯಲ ತುನೆ ವರಿ ತು ವಳಾಯಲ ಯೆಸು ಕ್ರಿಸ್ತನೆ ತಿಳ್ದಿಲಿವಾನುಜ ಹಮೆಶಾನೊ ಜ಼ಲಮ ವ್ಹೈ.

ರೊಮಾಪೂರ 8:35

ತಿಮ್ಮ ರ‍್ಹಯಮ ಕ್ರಿಸ್ತನಿ ಮಯಾಕ್ಹು ಅಪೊನೆ ಜು಼ದಾ ಕರಾಲಾ ಕುನ್ ವ್ಹೈ? ತ್ರಾಸೊ ತೆನೈಸೊ ಕಷ್ಟ ತೆನೈಸೊ ಕಿರಿಕಿರಿ ತೆನೈಸೊ ಭುಕ್ಕಕು ರ‍್ಹವಾನು ತೆನೈಸೊ ಗರಿಬಿ ತೆನೈಸೊ ಮುಸಿಬತ ತೆನೈಸೊ ಮೌತನು ತ್ರಾಸ ಛೆಸು?

ರೊಮಾಪೂರ 8:39

ಮಹತ್ವನಿ ಸಂಗತಿಯೊ ರ‍್ಹೈನೆಕಾ, ಉಪ್ಪರ‍ಲ್ಯು ಲೊಕ ರ‍್ಹೈನೆಕಾ ಲೊಕ ರ‍್ಹೈನೆಕಾ ಬಿಜು಼ ಕಯುಬಿ ಸೃಷ್ಟಿ ರ‍್ಹೈನೆಕಾ ಅಪೊನೆ ಅಪ್ನೊ ಕರತಾ ಥಯಲ ಕ್ರಿಸ್ತ ಯೆಸುಮಾ ದಿಕ್ಹಿನ ಆಯಲ ಕ್ಹುದಾನಿ ಮಯಾಕ್ಹು ದುರ ಕರಾನೆ ಥಾತುಜ಼಼ ನೈ ಕೈನ ಕ್ಹರಿಜಮಾಜ಼ ಮನೆ ಗ್ವತ ಛೆ.

2 ಕೊರಿಂಥ 5:14

ಕ್ರಿಸ್ತನಿ ಮಯಾ ಹಮೊನೆ ವತ್ತಾಯಾ ಕರಸ. ಕಾ ಕದ್ಯಾಮ ಕ್ಹಾರಾ ಮನಕ್ಹೊನಾ ಹುತಿ ತೆ ಮರ್xಯೊಸ ಕೈನ ಅಪೊನೆ ಗ್ವತ್ತ ಛೆ. ತಿನಾಹುತಿ ಕ್ಹಾರಾ ಮರ್xಯಾ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಎಫೆಸ 1:23

ಸಬೆ ಕ್ರಿಸ್ತನು ಅಂಗ ಥಯುಸ. ಸಬೆ ಕ್ರಿಸ್ತಕ್ಹು ಭರಿ ಗೈಯುಸ. ತೆ ಕ್ಹಾರುಜ಼ ಹರಿಯಕ್ಕ ವಿಷಯಮಾ ಪುರಾ ಕರಸ.

ಎಫೆಸ 3:18

ತುಮೆ ವರಿ ಕ್ಹುದಾನಾ ಪರಿಶುದ್ಧ ಮನಕ್ಹೊ ಕ್ಹಾರಾ ಕ್ರಿಸ್ತನಿ ಮಯಾನಿ ಮಹತ್ವನೆ ಮತ್ಲಬ ಕರಿಲಿವಾನೆ ಚಾ಼ಯೆ ಥಯಲ ತಾಕತ ವ್ಹಂದಿಲಿದಲವಾಲಾ ಥೌ ಕೈನ ಪ್ರಾಥನಾ ಕರುಸ. ಕ್ರಿಸ್ತನಿ ಮಯಾನು ರುಂದಮಾ ಲಾಂಬಾಮಾ ವರಿ ಉಂಡಾಮಾ ಉಚ್ಚಾಮಾ ತುಮೆ ಅರ್ಥ ಕರಿಲ್ಯು ಕೈನ ಪ್ರಾಥನಾ ಕರುಸ.

ಎಫೆಸ 5:2

ಮಯಾಕ್ಹು ರ‍್ಹವೊ. ಕ್ರಿಸ್ತ ತುಮೊನೆ ಮಯಾ ಕರಲ ಲಿಂಗತ ತುಮೆ ಬಿಜಾ಼ವೊನೆ ಮಯಾ ಕರೊ. ಕ್ರಿಸ್ತ ಅಪ್ನಾ ಹುತಿ ತಿನೆ ತೆಜ಼ ಬಾಸನು ತೆಲ ಕಾಣಿಕೆ ಥೈನ ಯಜ್ಞ ಥೈನ ಕ್ಹುದಾನೆ ತೆನೈಸೊ ತಿನೆಜ಼ ದಿದ್ಯೊ.

ಎಫೆಸ 5:25

ಮಾಟಿಯೊ, ಕ್ರಿಸ್ತ ಸಭೆನೆ ಮಯಾ ಕರಲ ಲಿಂಗತ ತುಮೆ ತುಮಾರಿಯೊ ಬೈಕೊನೆ ಮಯಾ ಕರು.

ಫಿಲಿಪ್ಪಿ 1:7

ತುಮೊಮ್ಮಾ ರ‍್ಹಯೆಲ ಮನೆ ಗ್ವತ್ತ ತಾವಾನು ಚೊಕ್ಹು ವ್ಹೈ. ಮಿ ಭಂದನಮ್ಮಾ ರ‍್ಹತಾಮ್ಮಾಬಿ ಸುವಾರ್ತೆ ನಾಹುತಿ ವಾದ ವಿವಾದಮಾ ತುಮೆ ಕ್ಹಾರಾ ಮಾರಾ ಕ್ಹಾತೆ ಕ್ಹುದಾನಿ ಮರ್ಗಾಮಾ ವಾಟೊ ಲಿವಾಲಾ ಥಯಾಸ ತುಮೊನೆ ಮಾರಾ ಮನಸ್ಸಮ್ಮಾ ಮ್ಹೆಲ್ಯುಸ.

ಫಿಲಿಪ್ಪಿ 4:7

ಕ್ಹುದಾನಿ ಶಾಂತಿ ಕ್ರಿಸ್ತಯೆಸುಮ್ಮಾ ತುಮಾರಾ ಮನಸೊನೆ ಕಾಯಿದಸ. ಕ್ಹುದಾ ದಿವಾನಿ ಯೆ ಶಾಂತಿ ಅಪೆ ನೈ ತಿಳದಿಲಿವಾನಾಕ್ಲು ಘನಿ ಮ್ಹೊಟಿಶೆ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

1 ಪೆತ್ರಾ 1:8

ತುಮೆ ಕ್ರಿಸ್ತನೆ ನೈ ದೆಕ್ಯಾತಬಿ ತುಮೆ ತಿನೆ ಮಯಾ ಕರೊಶಿ. ಹಮ್ನಾ ತುಮೆ ತಿನೆ ನೈ ದೆಕ್ಯಾತಬಿ ತಿಪರ ಬರೊಕ್ಹೊ ಮ್ಹೆಲ್ಯಾಸ. ತುಮೊಮಾ ನೈ ಕವಾನಾ ಯಕ್ಕಲಿ ಖುಶಿ ಛೆ. ತೆ ಖುಶಿ ದೆಕಾಡಾನೆ ವ್ಹೈ.

2 ಪೆತ್ರಾ 3:18

ತುಮಾರೊ ಪ್ರಭು ಥಯಲ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತನಿ ಮರಗಾ ಮಾ ವರಿ ತಿಳವಳ್ಕಿಮಾ ಬೆಳತ್ತಾಜ಼ ರ‍್ಹವೊ. ತಿನೆ ಹಮ್ನಾ ವರಿ ಹಮೆಶಾಬಿ ಮಹಿಮಾ ಥಾವಾದೆ! ಆಮೆನ.