ಎಫೆಸ 2:5 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁵ ಅಪೆ ಕ್ಹುದಾನೆ ವಿರುದ್ದ ಥೈನ ಕರಲ ಕಾಮೊಕ್ಹು ಆತ್ಮಿಕಮಾ ಮರಲವಾಲಾ ಥಯಾತಾ. ತೆ ನೈಸೊ ಅಪೊನೆ ಕ್ರಿಸ್ತನಾ ಕ್ಹಾತೆ ವಚಾ಼ಡ್ಯೊ. ತುಮೆ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ.

ಎಫೆಸ 2:5 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 15:24

ಮಾರೊ ದಿಕ್ರೊ ಜ಼ವೈ ಗಯೊತೊ, ಎ ತಪ್ಪಿನ ಗಯೊತೊ. ಹಮ್ನಾ ವರಿ ಮಳ್ಯೊಸ" ಕದ್ಯೊ. ತೆನೈಸೊ ತ್ಯುನೆ ಖುಶಿ ಕರಾಡಾತಾ.

ಯೊಹಾನ 5:21

ಬಾ ಮರಲವಾಲಾವೊನೆ ಉಟಾಡಿನ ತ್ಯುನೊನೆ ಜ಼ಲಮ ದಿವಸ. ತಿನಾಲಿಂಗತ ದಿಕ್ರೊಬಿ ತಿನೆ ಚಾ಼ಯೆ ಥಯಲವಾಲಾವೊನೆ ಜ಼ಲಮ ದಿವಸ.

ಯೊಹಾನ 6:63

ಜ಼ಲಮ ದಿವಾನು ಕ್ಹುದಾನಿ ಆತ್ಮಾ ವ್ಹೈ. ಮನಕ್ಹನಿ ಸಾಮರ್ಥನು ಸುಜ಼ ನತ್ತಿ. ಮಿ ತುಮೊನೆ ಕಯ್ಯೊ ವಾತೊ ಕದ್ಯೊತೊ ತೆ ಕ್ಹುದಾನಿ ಆತ್ಮಾ ವ್ಹೈ ವರಿ ತೆ ಜ಼ಲಮ ದಿವಸ.

ಅಪೊಸ್ತಲೊ 15:11

ತಿನಾಹುತಿ ಹಮೆ ರ‍್ಹಂದೆ ತ್ಯುನಾಹುತಿ ರಕ್ಷಣೆ ಹೊಂದಾನಾ ಹುತಿ ಪ್ರಭು ಥಯಲ ಯೆಸುನಾ ಮರಗಾಕ್ಹು ಕೈನ ಹಮೆ ನಂಬ್ಯೆಸ! ಕದ್ಯೊ.

ರೊಮಾಪೂರ 16:20

ವರಿ ಶಾಂತಿ ದಿವಾಲೊ ಕ್ಹುದಾ ಜ಼ಲ್ದಿಜ಼ ಸೈತಾನನೆ ಹರಾಡಿನ, ತಿನೆ ತುಮಾರಾ ಪಗನಾ ಹೆಟೊ ಘಾಲಸ. ಅಪ್ನೊ ಪ್ರಭು ಥಯಲ ಯೆಸುನಿ ಕೃಪಾ ತುಮಾರಾ ಕ್ಹಾತೆ ರ‍್ಹವಾದೆ.

ರೊಮಾಪೂರ 3:24

ತೆನೈಸೊ ಯೆಸು ಕ್ರಿಸ್ತನ ಬಿಡುಗಡೆನಾ ಮುಕಾಂತರ ಕ್ಹುದಾನಿ ಫ್ರಿ ಗಿಫ್ಟನಿ ವರಾ ಮರಗಾಕ್ಹು ತಿನಾ ಕ್ಹಾಮಾ ನಿತಿವಂತವಾಲಾ ವ್ಹೈ ಕೈನ ಫೈಸಲೊ ಥಯೊಸ.

ರೊಮಾಪೂರ 4:16

ತಿನಾಹುತಿ ಮನಕ್ಹೊ ಬರೊಕ್ಹೊನಾ ಮುಲಕ ವಾಗ್ದಾನ ಹೊಂದಿಲಿವಸ. ವಾತೊ ಫ್ರಿಮಾ ಮಳು ಕೈನ ವರಿ ಗಿಫ್ಟ ರ‍್ಹೌ ಕೈನ ಇಮ್ಮ ಥಯು. ವಾಗ್ದಾನ ಫ್ರಿನಿ ಗಿಫ್ಟ ರ‍್ಹಯ್ಯೊಮ, ಅಬ್ರಹಾಮನಾ ಮನಕ್ಹೊ ತೆ ವಾತೊ ಹೊಂದಿಲಿವಸ. ಎ ವಾಗ್ದಾನ ಮೊಶೆನಾ ಧರಮಶಾಸ್ತ್ರನೆ ಅಧಿನ ಥೈನ ಜಿವ್ನಾ ಕರತಾ ರ‍್ಹಯಲ ಮನಕ್ಹೊನೆ ಯಕ್ಕಜ಼ ನ್ಹವೈ, ಅಬ್ರಹಾಮ ಲಿಂಗತ ಬರೊಕ್ಹಾಮಾ ರ‍್ಹಯಲ ಕ್ಹಾರಾ ಮನಕ್ಹೊನಾ ಹುತಿ ವ್ಹೈ. ಅಬ್ರಹಾಮ ಅಪೊನೆ ಕ್ಹಾರಾವೊನೆ ಮುಲ ಪಿತೃ ಥಯೊಸ.

ರೊಮಾಪೂರ 5:10

ಕಾಕದ್ಯಾಮ ಅಪೆ ಕ್ಹುದಾನಾ ವಿರೊಧಿಯೊ ರ‍್ಹತಾಮಾಜ಼ ಕ್ಹುದಾ ತಿನಾ ದಿಕ್ರಾನಾ ಮರಣನಾ ಮುಲಕ ಅಪೊನೆ ತಿನಾ ದೊಸ್ತೊ ಕರಲಿದ್ಯೊಸ. ಹಮ್ನಾ ಅಪೆ ಕ್ಹುದಾನಾ ದೊಸ್ತೊ ಥಯಲ ಹುತಿ ಕ್ಹುದಾ ತಿನಾ ದಿಕ್ರಾನಾ ಜ಼ಲಮನಾ ಮುಲಕ ಅಪೊನೆ ವಚಾ಼ಡಾನು ಹೆಚ್ಕಿ ದೆಕಾಡಿನ ದಿವಸ.

ರೊಮಾಪೂರ 5:6

ಅಪೆ ಆಸ ನೈಸೊವಾಲಾ ರ‍್ಹತಾಮಾ, ಕ್ಹುದಾ ಇನಿಲಿದಲ ಟೈಮಮಾ ಕ್ರಿಸ್ತ ಅಪ್ನಾ ಕೆಟ್ಟ ರ‍್ಹಯಲವಾಲಾವೊನಾ ಹುತಿ ಮರ‍್ಯೊ.

ರೊಮಾಪೂರ 5:8

ತೆನೈಸೊ ಅಪೆ ಪಾಪಿಯೊ ರ‍್ಹತಾಮಾಜ಼ ಕ್ರಿಸ್ತ ಪಾಪಿಯೊನಾ ಹುತಿ ಜ಼ಲಮ ದಿದ್ಯೊ. ಇನಾಹುತಿ ಕ್ಹುದಾ ಅಪೊಪರ ರ‍್ಹಯಲ ಘನ್ನಿ ಮಯಾ ಇಮ್ಮ ಅಪೊನೆ ದೆಕಾಡಿನ ದಿವಸ.

ರೊಮಾಪೂರ 8:2

ಕಾಕದ್ಯಾಮ ಯೆಸು ಕ್ರಿಸ್ತಮಾ ಜ಼ಲಮ ದಿವಾನಿ ಆತ್ಮಾನಿ ನಿಲಯ ಮನೆ ಮೌತನೆ ಲಿನ ಜಾ಼ವಾನಾ ಪಾಪನಾ ನಿಯಮಕ್ಹು ಮನೆ ಸ್ವತಂತ್ರ ಕರ‍್ಯುಸ.

2 ಕೊರಿಂಥ 13:14

ಅಪ್ನ ರ‍್ಹಯಲ ಪ್ರಭು ಲಿಂಗತ ಯೆಸು ಕ್ರಿಸ್ತ ಕೃಪಾ ಕ್ಹುದಾನಿ ಮಯಾ, ಪವಿತ್ರ ಆತ್ಮಾ ಖಾವ ತಾರ ರ‍್ಹ.

ಎಫೆಸ 2:1

ಪೈಲಾ ತುಮಾರಿ ಆತ್ಮಿಕ ಜಿವ್ನಾ, ತುಮಾರಾ ಪಾಪೊ ವರಿ ತುಮೆ ಅವಿಧೆಯತೆನಾ ಕಾಮೊಕ್ಹು ಮರಿ ಗಯಾತಾ.

ಎಫೆಸ 2:8

ತಿನಾಹುತಿ ತುಮೆ ಬರೊಕ್ಹಾನಾ ಮುಲಕ ಕ್ಹುದಾನಿ ಕೃಪಾಕ್ಹು ರಕ್ಷಣೆ ವ್ಹಂದಿಲಿದಲವಾಲಾ ಥಯಾಸ. ತೆ ರಕ್ಷಣೆ ತುಮೊಕ್ಹು ಥಯಲ ನ್ಹವ್ಹೈ, ತೆ ಕ್ಹುದಾನು ವರ ವ್ಹೈ.

ಎಫೆಸ 5:14

ಹರಯಕ್ಕಬಿ ಚೊ಼ಕಿ ತರಾ ದೆಕಾಡಾನುಜ಼ ಉಜಾಲು ವ್ಹೈ. ತಿನಾಹುತಿ ಅಮ್ಮ ಬರ್ದಲ ಛೆ;

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

ತಿತನೆ 2:11

ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾ ಹುತಿ ದೆಕಾಡಿನ ದಿವಸ.

ತಿತನೆ 3:5

ತೆ ಅಪೊನೆ ವಚಾ಼ಡಲ ತಿನಿ ಮರಗಾಕ್ಹುಜ಼ ವ್ಹೈ ಚೊ಼ಕಾಥಾವಾನೆ ಅಪೆ ಕರ‍ಲ ಕಾಮೊಕ್ಹು ನ್ಹವೈ. ತೆ ಅಪೊನೆ ಅಂಗ ಧವಾಹುತಿ ಪವಿತ್ರ ಆತ್ಮಾಕ್ಹು ನವಾ ಕರಿನ ವಚಾ಼ಡ್ಯೊ.

ಪ್ರಕಟನೆ 22:21

ಪ್ರಭು ಯೆಸುನಿ ಮರಗಾ ಕ್ಹಾರಾ ಮನಕ್ಹೊನೆ ರ‍್ಹವಾದೆ.