ಎಫೆಸ 2:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ತಿನಾಹುತಿ ಯಹುದ್ಯೊ ನೈಸೊವಾಲಾ ಥಯಲ ತುಮೆ ಹಮ್ನಾ ಭಾರಲ್ಯಾ ದೆಶವಾಲಾ ನ್ಹವ್ಹೈ ವರಿ ಬಿಜಾ಼ ಮನಕ್ಹೊ ನ್ಹವ್ಹೈ. ಹಮ್ನಾ ತುಮೆ ಕ್ಹುದಾನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ಮನಕ್ಹೊ ಥಯಾಸ. ತುಮೆ ಕ್ಹುದಾನಾ ಘರದಾನನೆ ಮಳಲವಾಲಾ ಥಯಾಸ.

ಎಫೆಸ 2:19 ပူးပေါင်းရင်းမြစ်များ

ಮತ್ತಾಯ 10:25

ಶಿಷ್ಯೊ ತಿನಾ ಗುರು ಲಿಂಗತ ಥಯೊಮ ಬಸ್ಸ. ಆಳ ತಿನಾ ಮಾಲಕ ಲಿಂಗತ ಥಯೊಮ ಬಸ್ಸ. ಘರನಾ ಮ್ಹೊಟಾನೆ ಬೆಲ್ಜೆಬುಲ (ಭುತಡು) ಕೈನ ಬಲಾಯಾಮ, ತೆ ಘರವಾಲಾವೊನಾ ಬಿಜಾ಼ವೊನೆ ವರಿ ದಕ್ಹಾ ಕೆಟ್ಟ ನಾಮೊಕ್ಹು ಬಲಾತಾ ನೈ ಸು?

ಗಲಾತ್ಯ 6:10

ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

ಎಫೆಸ 2:12

ಪೈಲಾನಾ ಕಾಲ್ಮಾ ತುಮೆ ಕ್ರಿಸ್ತ ನೈಸೊವಾಲಾ ಥಯಾತಾ ಕವಾನು ಶೆ ಕರಿಲಿವೊ. ತುಮೆ ಇಸ್ರೆಲನಾ ಮನಕ್ಹೊ ನ್ಹೊತಾ. ಕ್ಹುದಾ ತಿನಾ ಮನಕ್ಹೊನಾ ಕ್ಹಾತೆ ಕರಲ ವಾಗ್ದಾನೊನೆ ಸಂಬಂಧ ರ‍್ಹಯಲ ವಡಂಬಡಿಕೆನೆ ತುಮೆ ವ್ಹಂದಿಲಿದಲ ನ್ಹೊತಾ. ತುಮೊನೆ ಆಸ ನ್ಹೊತಿ ವರಿ ತುಮೆ ಕ್ಹುದಾನೆ ತಿಳ್ದಿಲಿದಲ ನ್ಹೊತಾ.

ಎಫೆಸ 3:15

ಭುಲೊಕಮಾ ವರಿ ಸ್ವರ್ಗಮಾ ರ‍್ಹವಾನು ಹರಯಕ್ಕ ಘರದಾನು ತಿನಾಕ್ಹು ತಿನು ಕ್ಹರಿ ನಾಮ ವ್ಹಂದಿಲಿವಸ.

ಎಫೆಸ 3:6

ಎ ತೆ ದಡಿನೆ ರ‍್ಹಯಲ ಕ್ಹರಿ; ಯಹುದ್ಯೊ ನೈಸೊವಾಲಾ ಸುವಾರ್ತೆನಾ ಮುಲಕ ಕ್ರಿಸ್ತ ಯೆಸುಮಾ ರ‍್ಹವಾಲಾ ಥೈನ ಯೆಹುದಿಯೊನಾ ಕ್ಹಾತೆ ಯಕ್ಕಜ಼ ಅಂಗ ರ‍್ಹಯಲವಾಲಾ ವಾಗ್ದಾನಮಾ ಪಾಲ ಲಿವಾಲಾ ಥಯಾಸ.

ಫಿಲಿಪ್ಪಿ 3:20

ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.

ಇಬ್ರಿಯ 11:13

ಎ ಕ್ಹಾರಾ ಮ್ಹೊಟಾ ದಾಣಗಾ ಮರೆಲಕ್ಕಾಬಿ ಬರೊಕ್ಹಾಮಾ ವ್ಹತ್ತಾ. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಾತ ತೆ ಮನಕ್ಹೊ ಪಡ್ದಿಲಿದ್ಯಾ ನೈ. ಅಗಾ ಘನ್ನಾ ದಿನೊ ಥಯಲ್ಪರ ತೆ ಥಾವಾನು ದೆಕಿನ ತ್ಯುನೆ ಘನ್ನಾ ಖುಶಿ ಥಯಾ. ತ್ಯುನೆ ಎ ದುನಿಯಾಮಾ ಮಹಿಮಾನ ಥೈನ ರ‍್ಹೈನ ವರಿ ವಳಕ ನೈಸೊವಾಲಾ ವ್ಹೈ ಕೈನ ಒಪ್ಪಿಲಿದ್ಯಾ.

ಇಬ್ರಿಯ 13:14

ಕಾಕದ್ಯಾಮ ಎ ದುನಿಯಾಮಾ ಹಮೆಶಾ ರ‍್ಹವಾನು ಗಾಮ ಅಪೊನೆ ನತ್ತಿ. ಭವಿಷ್ಯಮಾ ಆವಾನಾ ಗಾಮನೆ ಅಗಾ ದೆಕ್ತಾ ಛೆ.

1 ಪೆತ್ರಾ 2:11

ಮಯಾನಾ ದೊಸ್ತೊ, ತುಮೆ ಎ ದುನಿಯಾಮಾ ಫರಾಲಾ ವರಿ ಬಿಜಾ಼ ಗಾಮವಾಲಾ ಲಿಂಗತ ಛೆ. ತಿನಾಹುತಿ ತುಮಾರಾ ಅಂಗೊನೆ ಪಸಂದ ರ‍್ಹಯಲ ಕೆಟ್ಟ ಸಂಗತಿಯೊಕ್ಹು ದುರ ರ‍್ಹೆ. ಎ ತುಮಾರಾ ಜ಼ಲಮನಾ ಆತ್ಮಾನೆ ವಿರುದ್ದ ಥೈನ ಲಡಸ.

1 ಯೊಹಾನ 3:1

ಬಾ ಅಪೊನೆ ಘನ್ನೊ ಮಯಾ ಕರ‍್ಯೊ! ಕ್ಹುದಾನಾ ಬಚ್ಚಾ಼ ವ್ಹೈ ಕೈನ ಕವೈಲಿವಾನಾ ಯಕ್ಲೊ ಕ್ಹುದಾ ಅಪೊನೆ ಮಯಾ ಕರ‍್ಯೊ. ಅಪೆ ಕ್ಹರಿಮಾಜ಼ ಕ್ಹುದಾನ ಬಚ್ಚಾ಼ ವ್ಹೈ. ತೆನೈಸೊ ಜಗತ್ಮಾ ರ‍್ಹಯಲ ಮನಕ್ಹೊತೊ ಹಮೆ ಕ್ಹುದಾನಾ ಬಚ್ಚಾ಼ ವ್ಹೈ ಕವಾನು ತಿಳ್ದಿಲಿದ್ಯಾ ನತ್ತಿ. ಕಾಕದ್ಯಾಮ ತ್ಯುನೆ ಕ್ಹುದಾನೆ ವಳಕ್ಯಾ ನತ್ತಿ.