ಎಫೆಸ 2:15 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁵ ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆ ನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.

ಎಫೆಸ 2:15 ပူးပေါင်းရင်းမြစ်များ

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

ಗಲಾತ್ಯ 3:10

ತೆನೈಸೊ ನಿಂತಿವಂತವಾಲಾ ಥಾವಾನೆ ಧರಮಶಾಸ್ತ್ರಪರ ಬರೊಕ್ಹೊ ಮ್ಹೆಲಲವಾಲಾವೊನೆ ಕ್ಹರಾಪ ಹೊಂದಿಲಿದಲವಾಲಾ ಥಯಾಸ. ಕಾಕದ್ಯಾಮ ಪವಿತ್ರ ಗ್ರಂಥ ಕದಲ ತಿಮ್ಮ"ಧರಮ ಶಾಸ್ತ್ರಮಾ ಬರ್ದಲ ಕ್ಹಾರಾ ನಿಯಮೊ ಕೈದಿಲಿನ ಚಾ಼ಲು. ತ್ಯುನೊನೆ ಕೆಳಾಮಾಜ಼ ಅವಿಧೆಯ ಥಾವಾಲಾನೆ ಕ್ಹರಾಪ ಹೊಂದಿಲಿದಲವಾಲಾ ಥಾವಸ.

ಗಲಾತ್ಯ 3:28

ಹಮ್ನಾ ಕ್ರಿಸ್ತಮಾ ಯಹುದಿ, ಗ್ರಿಕ ಕವಾನು ಫರಕ ನತ್ತಿ; ಸ್ವತಂತ್ರ ರ‍್ಹಯಲವಾಲಾ ವರಿ ಗುಲಾಮೊ ಕವಾನು ಫರಕ ನತ್ತಿ; ಬಾಕಡಿಯೊ ವರಿ ದಾಣಗಾಮಾ ಫರಕ ನತ್ತಿ. ತುಮೆ ಕ್ಹಾರಾ ಕ್ರಿಸ್ತ ಯೆಸುಮಾ ಯಕಜ಼ ಥಯಾಸ.

ಗಲಾತ್ಯ 6:15

ಕಾಕದ್ಯಾಮ ಯಕ್ಲಾನೆ ಸುನ್ನಿತಿ ಥೈಸು ಸುನ್ನಿತಿ ಥೈ ನತ್ತಿಸು ಕವಾನು ಮ್ಹೊಟು ನ್ಹ ವ್ಹೈ. ವರಿಬಿ ನೈ ಸ್ರಷ್ಠಿ ಥಾವಾನು ಮ್ಹೊಟು ವ್ಹೈ.

ಎಫೆಸ 2:10

ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಎಫೆಸ 2:14

ಕ್ರಿಸ್ತಕ್ಹು ತುಮೊನೆ ಹಮ್ನಾ ಸಮಾದಾನ ಮಳ್ಯುಸ. ಕ್ರಿಸ್ತ ಯಹುದಿಯೊನೆ ಯೆಹುದಿ ನೈಸೊವಾಲಾವೊನೆ ಯಕ್ಕಜ಼ ಜನಾಂಗ ಥೈನ ಕರ‍್ಯೊಸ. ಯಹುದ್ಯೊ ಯಹುದ್ಯೊ ನೈಸೊವಾಲಾ ತ್ಯುನಾ ವಚ್ಮಾ ಯಕ್ಕ ಅಡ್ಡ ಗೊಡಿ ಛೆ ಕೈನ ಬಿಜಾ಼ ಥಯಾತಾ. ತ್ಯುನೆ ಯಕ್ಕನೆ ಯಕ್ಕ ದ್ವೆಶ ಕರ‍್ತಾತಾ. ತೆನೈಸೊ ಕ್ರಿಸ್ತ ತಿನು ಅಂಗಜ಼ ದಿವಾನಾ ಮುಲಕ ದ್ವೆಷ ಕವಾನಿ ಗೊಡಿನೆ ಪಾಡಿ ಪಾಡ್ಯೊ.

ಎಫೆಸ 2:16

ಎ ಭಂಬಿ ಜನಾಂಗೊನಾ ವಚ್ಮಾ ರ‍್ಹಯಲ ದ್ವೆಶ ಕ್ರಿಸ್ತ ಶಿಲುಬಿನಾ ಮುಲಕ ಪುರಾ ಕರ‍್ಯೊ. ಎ ಜನಾಂಗೊ ಯಕ್ಕಜ಼ ಅಂಗ ಥಯಲ್ಪರ ತ್ಯುನೊನೆ ಕ್ಹುದಾ ಕನ ಚ಼ಲೌ ಕವಾನುಜ಼ ಕ್ರಿಸ್ತನು ಆಸ ವ್ಹತ್ತು. ಶಿಲುಬಿ ಪರ ಜ಼ಲಮ ದಿವಾನಾ ಮುಲಕ ಕ್ರಿಸ್ತ ತಿನಿ ಎ ಆಸ ಪುರಾ ಕರ‍್ಯೊ.

ಎಫೆಸ 4:16

ಪುರಾ ಅಂಗಜ಼ ಯೆಸುನೆ ಸಂಬಂಧ ರ‍್ಹಯಲ ವ್ಹೈ. ಅಂಗನು ಯಕೆಕ ಭಾಗ ಯಕ್ಕನೆ ಯಕ್ಕಕ ಮಳಿನ ಛೆ. ಹರಯಕ್ಕ ಅಂಗ ತಿನು ತೆ ಕಾಮ ಕರಾಕ್ಹು ಪುರಾ ಅಂಗಜ಼ ಬೆಳ್ದಿನ ಮಯಾಮಾ ಘಟ್ಟ ಥೈನ ರ‍್ಹವಾನೆ ಸಾಧ್ಯ ಥಾವಸ.

ಕೊಲೆಸ್ಸೆ 2:14

ಅಪೆ ಪುರಾಜ಼ನಾ ಪಾಪಿಯೊ ವ್ಹೈ ಕೈನ ಅಪೊನೆ ದೆಕಾಡಿನ ದಿವಾನು ಆಗ್ಯಾನಾ ರುಪಮಾ ರ‍್ಹಯಲ ಕಾಗಜ್ ಕಾಡಿನ ಶಿಲುವಿಪರ ತೆ ಘಾಲ್ಲಿನ ಅಪೊಪರ ರ‍್ಹಯಲ ತೆ ಕಾಗಜ್ ಕಾಡಿಪಾಡ್ಯೊ.

ಕೊಲೆಸ್ಸೆ 2:20

ಲೊಕನಿ ಪೈಲಾ ರ‍್ಹೈಯಲ ಬೊದನೆನಾ ಪಾಲೆ ತುಮೆ ಕ್ರಿಸ್ತನಾ ಕ್ಹಾತೆ ಮರೆಲ ರ‍್ಹಯಾರೆ, ಹಮ್ನಾತೊಬಿ ಲೊಕನಾ ಮನಕ್ಹೊ ಕರಲ ಆಗ್ಯಾ ವರಿ ಉಪದೆಶ

ಕೊಲೆಸ್ಸೆ 3:10

ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.

ಕೊಲೆಸ್ಸೆ 3:11

ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.

ಕೊಲೆಸ್ಸೆ 3:15

ಕ್ರಿಸ್ತನು ಸಮಾಧಾನ ತುಮಾರಾ ಮನಸ್ಮಾ ಆಳಾದೆ. ಆಜ ಸಮಾಧಾನಮಾ ತುಮೆ ಕ್ಹಾರಾ ಮಳಿನ ರ‍್ಹೌ ಕೈನ ಬಲಾಯೆಲ ಛೆ ತೆನೈಸೊ ಕ್ಹುದಾ ಕರಲ ಉಪಕಾರ ನೆನಸ್ತ ರ‍್ಹವೊ.

ಇಬ್ರಿಯ 7:16

ತೆ ಯಾಜಕ ಥಯೊ, ತೆ ಮನಕ್ಹೊನಾ ನಿಯಮೊ ಲಿಂಗತ ನೈಸೊ ಕೆಳಾಮಾಜ಼ ನಾಶ ಥಾಯೆ ನೈಸೊ ಜ಼ಲಮನಿ ತಾಕತನಾ ಕ್ಹಾತೆ, ಮೆಲ್ಕಿಜೆದೆಕನಾ ಲಿಂಗತ ಬಿಜೆಕ್ಕ ಯಾಜಕ ಉಟಸ ಕದ್ಯಾಮ ತೆ ಹಜು಼ನ ಚೊ಼ಕು ಥಾವಸತೊ.

ಇಬ್ರಿಯ 8:13

ತೆ ನವು ಕೈನ ಕವಾಮಾ ಪೈಲಾ ರ‍್ಹಯಲ ವಡಂಬಡಿಕೆನೆ ಜು಼ನ್ನು ಕರ‍್ಯೊಸ. ತೆ ಜು಼ನ್ನು ಥಾತು ಕ್ಹರಿಜಾ಼ವಾನೆ ನಜಿಕಮಾ ಛೆ.

ಇಬ್ರಿಯ 9:23

ತಿನಾಹುತಿ ಪರಲೊಕಮಾ ರ‍್ಹಯಲ ಸಾಮ್ನೊನಾ ಭೌಲಾಲಿಂಗತ ರ‍್ಹಯಲ ಸಾಮ್ನೊ ಶುದ್ಧ ಥೌ ಕೈನ ಹವಾ ಬಲಿಯೊ ಜ಼ರುರತ ರ‍್ಹಯಾಮಾ, ಪರಲೊಕಮಾ ರ‍್ಹಯಲ ಕ್ಹಾರಾನೆ ಶುದ್ಧಕರಾನೆ ಇತ್ತಿಬಿ ಚೊ಼ಕೊ ರ‍್ಹಯಲ ಯಜ್ಞ ಬಲಿಯೊನಿ ಜ಼ರುರತ ಛೆ.