ಎಫೆಸ 2:11 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹¹ ತಿನಾಹುತಿ ತುಮೆ ಹುಟ್ಟಲ ತೆಳತಾ ಬಿಜಾ಼ ಮನಕ್ಹೊ ಥಯಾತಾ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಯಹುದ್ಯೊ ಬಲಾವಸ. ತುಮೊನೆ "ಸುನ್ನತಿ ನೈ ರ‍್ಹಯಲವಾಲಾ" ಕೈನ ಬಲಾವಾಲಾ ಯಹುದ್ಯೊ ತ್ಯುನಾ ಹುತಿ "ಸುನ್ನತಿವಾಲಾ" ಕೈನ ಕೈಲಿವಸ. ತ್ಯುನಿ ಸುನ್ನತಿ ಅಂಗಮಾ ಹತೊಕ್ಹು ಕರಲ ರ‍್ಹವಸ.

ಎಫೆಸ 2:11 ပူးပေါင်းရင်းမြစ်များ

ಮತ್ತಾಯ 20:7

ತ್ಯುನೆ ತಿನೆ, ‘ಕುನ್ನಜ ಹಮೊನೆ ಕುಲಿನೆ ಬಲಾಯಾ ನೈ’ ಕದ್ಯಾ, ತೆಳಾಮಾ ತೆ ತ್ಯುನೊನೆ, ‘ತುಮೆಬಿ ಮಾರಾ ದ್ರಾಕ್ಷಿಯೊನಾ ಮಳಾನೆ ಜಾ಼ವೊ’ ಕದ್ಯೊ.

ರೊಮಾಪೂರ 11:17

ಎ, ಆಲಿವ ತೆಲನಾ ಝಾಡೊನಿಯೊ ಠೊಂಗಿಯೊ ತುಟಲ್ಪರ ರಾನ್ಮಾ ರ‍್ಹಯಲ ಆಲಿವ ಝಾಡನಿ ಯಕ್ಕ ಠೊಂಗಿ ಪೈಲಾ ರ‍್ಹಯಲ ಆಲಿವ ಝಾಡನೆ ಮಳಲ ಲಿಂಗತ ಛೆ. ಯಹುದ್ಯೊ ನೈ ರ‍್ಹಯಲ ತುಮೆ ರಾನ್ಮಾ ರ‍್ಹಯಲ ಝಾಡನಿಯೊ ಠೊಂಗಿಯೊ ಲಿಂಗತ ಛೆ. ತೆನೈಸೊ ಹಮ್ನ ತುಮೆ ಪೈಲಾನಾ ಝಾಡನೆ ತಾಕತನೆ ಜ಼ಲಮಮಾ ವಾಟೊ ಲಿವಾಲಾ ಥಯಾಸ.

ರೊಮಾಪೂರ 2:26

ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಸುನ್ನತಿ ಥೈ ನತ್ತಿ, ತೆನೈಸೊ ಧರಮಶಾಸ್ತ್ರ ಕವಾನು ತ್ಯುನೆ ಕರತಾ ರ‍್ಹಯಾಮ, ತ್ಯುನೆ ಕ್ಹುದಾನಿ ನಜ಼ರಮಾ ಸುನ್ನತಿ ಕರೈಲಿದಲ ಲಿಂಗತ ನ್ಹವೈ ಸು?

ರೊಮಾಪೂರ 2:27

ಯಹುದ್ಯೊ ರ‍್ಹಯಲವಾಲಾ ತುಮೊನೆ ಬರ್ದಲ ಧರಮಶಾಸ್ತ್ರ ಛೆ ವರಿ ಸುನ್ನಿತಿ ಥೈಸ. ತೆನೈಸೊ ತುಮೆ ಧರಮಶಾಸ್ತ್ರನೆ ದಾಟಿನ ಚಾ಼ಲೊಶಿ. ಇಮ್ಮ ರ‍್ಹತಾಮಾ, ಅಂಗಮಾ ಸುನ್ನಿತಿ ನೈ ಥಯಲ ರ‍್ಹೈತಬಿ ಧರಮಶಾಸ್ತ್ರನೆ ವಿಧೆಯ ಥಾವಾಲಾ ಮನಕ್ಹೊ ತುಮೊನೆ ಅಪರಾದಿ ವ್ಹೈ ಕೈನ ದೆಕಾಡಿನ ದಿವಸ. ಎ

1 ಕೊರಿಂಥ 12:2

ತುಮೆ ಬರೊಕ್ಹಾಮಾ ನೈ ರ‍್ಹತಾಮಾ, ತುಮೊನೆ ಮನಸ್ಸೆ ಆಯಲ ತಿಮ್ಮ ಮುಕಿಯೊ ಮುರತಿಯೊ ಕನ ಗೈನ ಆತಾತಾ; ಎ ತುಮೊನೆಜ಼ ಗ್ವತ್ತ ಛೆ.

1 ಕೊರಿಂಥ 6:11

ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.

ಗಲಾತ್ಯ 2:15

ಹಮೆತೊ ಹುಟ್ಟಲ್ತಾಬಿ ಯಹುದ್ಯೊ ವ್ಹೈ. ಹಮೆ ಪಾಪಿ ವ್ಹೈ ಕೈನ ಕವೈಲಿವಾನಾ ಬಿಜಾ಼ ಮನಕ್ಹೊ ಲಿಂಗತ ನ್ಹವೈ.

ಗಲಾತ್ಯ 6:12

ತುಮೆ ಸುನ್ನಿತಿ ಕರೈಲ್ಯು ಕೈನ ತುಮೊನೆ ದಕ್ಹಾಜ಼಼ನಾ ಜ಼ಬರದಸ್ತಿ ಕರಾಡಾಸ. ತ್ಯುನೊನೆ ಮಳೈಲಿವಾದೆ ಕವಾನುಜ಼ ತ್ಯುನು ಉದ್ದೆಶ ವ್ಹೈ. ಕ್ರಿಸ್ತನಿ ಶಿಲುಬೆನಾ ಹುತಿ ತ್ಯುನೆ ತ್ರಾಸಮಾ ಪಡಿಯೆಸ ಕೈನ ಭೆಕ್ಹು ತ್ಯುನೆ ಇಮ್ಮ ಕರಸ.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಎಫೆಸ 5:8

ಕಾಕದ್ಯಾಮ ಪಾಚ಼ಲ್ಯಾ ಕಾಲಮಾ ತುಮೆ ಅಂದಾರು ಥಯಾತಾ. ಹಮ್ನಾ ತುಬಿ ತುಮೆ ಪ್ರಭುಮಾ ಪುರಾ ಉಜಾಲು ಥಯಾಸ. ತಿನಾಹುತಿ ಉಜಾಲಾನೆ ಮಳಲ ಬಚ್ಚಾ಼ ಲಿಂಗತ ಜಿವ್ನಾ ಕರೊ.

ಫಿಲಿಪ್ಪಿ 3:3

ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.

ಕೊಲೆಸ್ಸೆ 1:21

ಎನೈಸೊ ಪೈಲಾನ ಕಾಲ್ಮಾ ರ‍್ಹಯಲ ಬಿಜಾ಼ ಮನಕ್ಹೊ ಕೆಟ್ಟ ಕಾಮೊಕ್ಹು ಮನಸ್ಮಾ ಶಿಟ್ಟ ಮ್ಹೆಲ್ಲಿನ ತಿನಾ ವಿರೊದಿಯೊ ಥಯಾತಾ.

ಕೊಲೆಸ್ಸೆ 2:11

ಕ್ಹುದಾ ತಿಮಾ ಮನಕ್ಹೊನಾ ಹತೆನೈಸೊ ಥಾವಾನು ಖತ್ನಾ ಕರ‍್ಯೊಸ. ಕ್ರಿಸ್ತನಿ ಸುನ್ನತಿ ಶಾರಿರಿಕ ಥಯಲ ಪಾಪ್ನಿಯೊ ಚಾಳಿಯೊ ಕಾಡಿಪಾಡಾನುಜ಼ ವ್ಹೈ.

ಕೊಲೆಸ್ಸೆ 2:13

ಅಪರಾದ ಕರ‍ಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.

ಕೊಲೆಸ್ಸೆ 3:11

ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.