ಎಫೆಸ 2:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಎಫೆಸ 2:10 ပူးပေါင်းရင်းမြစ်များ

ಮತ್ತಾಯ 5:16

ತಿನಾ ಲಿಂಗತ ತುಮೆ ಮನಕ್ಹೊನೆ ಉಜಾಲು ಥೈನ ರ‍್ಹೌ. ಇಮ್ಮ ತ್ಯುನೆ ತುಮಾರಾ ಚೊ಼ಕಾ ಕಾಮೊ ದೆಕಿನ ಸ್ವರ್ಗಮಾ ರ‍್ಹಯಲ ತುಮಾರಾ ಬಾನೆ ಸ್ತುತಿ ಕರಾದೆ.

ಯೊಹಾನ 3:21

ತೆನೈಸೊ ಕುನ್ನ ಕ್ಹರಿನಿ ಕಾಮ ಕರಸ ತೆ ಉಜಾಲಾನಾ ನಜಿಕ ಆವಸ. ಕಾಕಾದ್ಯಾಮ ಉಜಾಲು ತ್ಯುನು ಕಾಮ ದಿಕ್ಹಾದೆ ಕೈನ ತ್ಯುನೆ ಸು-ಸು ಕರ‍್ಯಾಸ ತೆ ಕ್ಹಾರು ಕ್ಹುದಾನಾ ಮುಲಕ ಕರಾಯಲ ಛೆ.

ಅಪೊಸ್ತಲೊ 9:31

ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು.

ಅಪೊಸ್ತಲೊ 9:36

ಯೊಪ್ಪ ಗಾಮಾಮಾ ತಬಿಥಾ ಕವಾಲಿ ಯಕ್ಕ ವಿಸ್ವಾಸಿ ವ್ಹತ್ತಿ. ತೆ ನಾಮನೆ ಗ್ರಿಕಮಾ ಭಾಶಾಮಾ ದೊರ್ಕ ಕದ್ಯಾಮ ಚಿಗರಿ ವ್ಹೈ. ತೆ ಚೊ಼ಕಾ ಕಾಮೊ ವರಿ ದಾನ ಧರ್ಮ ಘನ್ನಾ ಕರತಿತಿ.

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

ರೊಮಾಪೂರ 8:29

ಕ್ಹುದಾ ಪೈಲಾತೊಜ಼ ತೆ ಭಾಯೊನೆ ಇನಿಲಿದ್ಯೊತೊ ವರಿ ತೆ ಮನಕ್ಹೊ ಇನಾ ದಿಕ್ರಾನಾ ಲಿಂಗತ ರ‍್ಹೌ ಕೈನ ಫೈಸಲೊ ಕರ‍್ಯೊ. ಇಮ್ಮ ರ‍್ಹತಾಮಾ, ಬರೊಕ್ಹಾಮಾ ರ‍್ಹಯಲವಾಲಾವೊಮಾ ತಿನೊ ದಿಕ್ಕರೊಜ಼ ಮ್ಹೊಟೊ ವ್ಹೈ.

1 ಕೊರಿಂಥ 3:9

ಹಮೆ ಕ್ಹುದಾನಾ ಕ್ಹಾತೆ ಕಾಮ ಕರಾಲಾ ಥಯಾಸ. ತುಮೆ ಕ್ಹುದಾನು ಕ್ಹೆತರ ಥಯಾಸ. ತೆನೈಸೊ ತುಮೆ ಕ್ಹುದಾನು ಘರ ಥಯಾಸ.

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

2 ಕೊರಿಂಥ 5:5

ಇನಾಹುತಿಜ ಕ್ಹುದಾ ಅಪೊನೆ ತಯ್ಯಾರ ಕರ‍್ಯೊಸ.ಎ ಕ್ಹಾರು ಕ್ಹರಿಜ ವ್ಹೈ ಕೈನ ದೆಕಾಡಾನಾ ಹುತಿ ಪವಿತ್ರ ಆತ್ಮಾ ಅಪೊನೆ ದಿದ್ಯೊಸ.

2 ಕೊರಿಂಥ 9:8

ಕ್ಹುದಾ ಕ್ಹಾರ ದಾನ ದಿವ ನೈ ತುಮ ಸಾತ ವಚ್ಮಾ ಬಿಜಾ಼ ಹುತ ಹುತಿ ತಾಕತವಾಲೊ ರ‍್ಹಯಲ ಹುತ ಹುತಿ ಕ್ಹಾರ ರ‍್ಹಯಲ ವಿಷಯಮಾ ಕ್ಹಾರ ಕುನ ವ್ಹತ್ತಾ ಕೈನ ಕ್ಹಾರ ಚೊ಼ಕ ಕಾಮೊ ಘನ್ನ ಕರಾ ಮಾ.

ಗಲಾತ್ಯ 6:15

ಕಾಕದ್ಯಾಮ ಯಕ್ಲಾನೆ ಸುನ್ನಿತಿ ಥೈಸು ಸುನ್ನಿತಿ ಥೈ ನತ್ತಿಸು ಕವಾನು ಮ್ಹೊಟು ನ್ಹ ವ್ಹೈ. ವರಿಬಿ ನೈ ಸ್ರಷ್ಠಿ ಥಾವಾನು ಮ್ಹೊಟು ವ್ಹೈ.

ಎಫೆಸ 1:1

ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ಮಿ ಕ್ಹುದಾನಿ ಆಸನಿಂಗತ ಅಪೊಸ್ತಲ ಥಯೊಸ. ಎಫೆಸ ಗಾಮ್ಮಾ ರ‍್ಹವಾಲಾ ವರಿ ಕ್ರಿಸ್ತ ಯೆಸುಪರ ಬರೊಕ್ಹೊ ಮ್ಹೆಲಲ ಪರಿಶುದ್ಧ ಕ್ಹುದಾನಾ ಮನಕ್ಹೊನೆ ಮಿ ಎ ಪತ್ರ ಬರ್ದಾಡ್ಯೊಸ.

ಎಫೆಸ 1:4

ಜಗತ್ತ ಸೃಷ್ಟಿ ಥಾವಾತಿ ಪೈಲಾಜ಼ ಕ್ಹುದಾ ಅಪೊನೆ ಕ್ರಿಸ್ತಮಾ ಇನಿಲಿದ್ಯೊ. ತಿನಿ ಸನ್ನಿಧಿಮಾ ಅಪೆ ಮಯಾಕ್ಹು ರ‍್ಹೈನ ಪರಿಶುದ್ಧ ನಿರದೊಷಿಯೊ ರ‍್ಹಯಲ ರ‍್ಹೌಕೈನ ತಿನು ಉದ್ದೆಶ ವ್ಹತ್ತು.

ಎಫೆಸ 2:13

ಹೊ, ತುಮೆ ಯಕ್ಕ ಟೈಮಮಾ ಕ್ಹುದಾಕ್ಹು ಘನ್ನಾ ದುರ ವ್ಹತ್ತಾ. ತೆನೈಸೊ ಹಮ್ನಾ ತುಮೆ ಕ್ರಿಸ್ತ ಯೆಸುನಾ ರಗತಕ್ಹು ಕ್ಹುದಾನಾ ನಜ್ದಿಕ ರ‍್ಹಯಲವಾಲಾ ಥಯಾಸ.

ಎಫೆಸ 2:15

ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆ ನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.

ಎಫೆಸ 2:2

ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.

ಎಫೆಸ 2:6

ಕ್ಹುದಾ ಅಪೊನೆ ಕ್ರಿಸ್ತನಾ ಕ್ಹಾತೆ ಉಟಾಡಿನ ತಿನಾ ಕ್ಹಾತೆ ಸ್ವರ್ಗಮಾ ಸಿಂಹಾಸನನಾ ಉಪ್ಪರ ಬೈಟಾಡ್ಯೊಸ. ಕ್ರಿಸ್ತ ಯೆಸುಮಾ ರ‍್ಹವಾಲಾ ಅಪ್ನಾ ಹುತಿ ಕ್ಹುದಾ ಎ ಕರ‍್ಯೊ.

ಎಫೆಸ 4:1

ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.

ಎಫೆಸ 4:24

ತೆ ಚಾಳಿಯೊ ಕ್ಹುದಾನಿ ಹೊಲಿಕೆನಾ ಪ್ರಕಾರ ಕ್ಹರಿನಿ ನಿತಿ ರ‍್ಹಯಲ ಪರಿಶುದ್ಧ ರ‍್ಹೈನ ಭಾಂದಲ ಛೆ.

ಫಿಲಿಪ್ಪಿ 1:6

ಎ ಚೊ಼ಕು ಕಾಮ ತುಮೊಮಾ ಶುರುಕರಲವಾಲೊ ತೆ ಚ಼ಲೈಲಿನ ಜ಼ಾವಲೊ ಯೆಸು ಕ್ರಿಸ್ತ ಆವಾನಾ ದಿನಮಾ ಪುರ್ಣತನೆ ಲಾವಸ ಕೈನ ಮನೆ ಬರೊಕ್ಹೊ ಛೆ.

ಫಿಲಿಪ್ಪಿ 2:13

ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

ಕೊಲೆಸ್ಸೆ 3:10

ಆ ನೈ ಚಾಳಿ ಅಪೊನೆ ಸೃಷ್ಟಿ ಕರೆಲನಾ ಗ್ಯಾನನಾ ಪ್ರಕಾರ ದಿನ್ನೆ ದಿನ್ನೆ ನೈ ಥಾತಿ ಆವಸ.

2 ಥೆಸಲೊನಿಕ 2:17

ಚೊ಼ಕು ಕಾಮೊಮಾಬಿ ಹರ ಹಮೆಶಾಬಿ ತಮ್ಮಾರಾ ಕ್ಹಾತೆ ರ‍್ಹವಾಂದೆ.

1 ತಿಮೊತಿ 2:10

ತೆನೈಸೊ ತ್ಯುನೆ ತೆ ಬಾಕಡಿಯೊ ತ್ಯುನೊನೆ ಚೊ಼ಕಾ ಕಾಮೊ ಕರಾನಾ ಹುತಿ ತ್ಯುನಿ ಸುಂದರತಾ ದೆಕಾಡಿಲ್ಯು. ಕ್ಹುದಾನೆ ಆರಾಧನಾ ಕರೆಸ ಕೈನ ಕವಾಲ್ಯೊ ಹೆಣ್ಣ ಮನಕ್ಹೊ ತ್ಯುನೊನೆ ತಯ್ಯಾರ ಕರಲ್ಯು.

1 ತಿಮೊತಿ 5:10

ತೆ ಚೊ಼ಕಾ ಕಾಮೊ ಕರಸ ಕೈನ ಕವೈಲಿದಲ ರ‍್ಹೌ. ಕದ್ಯಾಮ ತೆ ತಿನಾ ಬಚ್ಚಾ಼ವೊನೆ ರಾಕಿನ, ಆಯಲ ಮನಕ್ಹೊನೆ ಮರ್ಯಾದಿ ದಿದಲ ವಾಲಿ, ಕ್ಹುದಾನಾ ಮನಕ್ಹೊನಾ ಪಗೊ ಧ್ವಯಲವಾಲಿ, ತ್ರಾಸಮಾ ರ‍್ಹಯಲ ಮನಕ್ಹೊನೆ ಆಸ್ರೊ ಕರಲವಾಲಿ ವರಿ ತಿನಾ ಹತೆ ಥಯಲ ತೆಕ್ಲು ಚೊ಼ಕಾ ಕಾಮೊ ಕರಲವಾಲಿ ರ‍್ಹೌ.

1 ತಿಮೊತಿ 5:25

ತಿಮ್ಮಜ಼ ದಕ್ಹಾ ಚೊ಼ಕಾ ಕಾಮೊ ದಿಕ್ಹಿನ ಆವಸ. ಹಜು಼ನ ದಕ್ಹಾ ಕಾಮೊ ದಿಕ್ಹಿನ ನೈ ಆಯಾ ತಬಿ ತೆ ದಡಿರ‍್ಹತು ನೈ.

1 ತಿಮೊತಿ 6:18

ಚೊ಼ಕಾ ಕಾಮೊ ಕರು ಕೈನ ಸೌಕಾರೊನೆ ತಿಳಸಾ. ಚೊ಼ಕಾ ಕಾಮೊ ಕರಾಮಾಜ಼ ಸೌಕಾರೊ ಥೈನ ರ‍್ಹವೊ ಕೈನ ತ್ಯುನೊನೆ ತಿಳಸಾ. ಉಪಕಾರ ಕರಾಮಾಬಿ ವಾಟಿಲಿವಾಮಾಬಿ ಕ್ಹುಷ ರ‍್ಹವಾನೆ ತ್ಯುನೊನೆ ತಿಳಸಾ.

2 ತಿಮೊತಿ 2:21

ಇಮ್ಮ ರ‍್ಹತಾಮಾ ಯಕ್ಲೊ ತಿನಾ ಕೆಟ್ಟ ಕಾಮೊ ಚೊ಼ಡಿನ ತಿನೆಜ಼ ತೆ ಶುದ್ಧ ಕರಿಲಿದ್ಯೊರೆ ತಿನೆ ಖಾಸ ಕಾಮೊನೆ ಉಪಯೊಗ ಕರಸ. ತೆ ಕ್ಹುದಾನಿ ಸೆವೆನೆ ಚಾ಼ಯೆ ಥಯಲವಾಲೊ ವ್ಹೈ; ಸೌಕಾರನೆ ಉಪಯೊಗ ಥಾವಸ; ಚೊ಼ಕಾ ಕಾಮೊ ಹತ್ತಮಾ ಲಿವಾನೆ ತಯ್ಯಾರ ಥಾವಸ.

2 ತಿಮೊತಿ 3:17

ತಿನಾಹುತಿ ಕುನ್ನ ಕ್ಹುದಾನಿ ಸೆವಾ ಕರುಸ ಕವಾಲೊ ತಯ್ಯಾರ ರ‍್ಹೈನ ಕ್ಹಾರಿ ತರಾನಾ ಚೊ಼ಕಾ ಕಾಮೊನೆ ಯೊಗ್ಯ ಥಾವಸ.

ತಿತನೆ 2:14

ತೆ ಅಪ್ನಾಹುತಿ ತಿನೆ ತೆಜ಼ ಒಪ್ಸಿನ ದಿದ್ಯೊಸ. ಅಪೊನೆ ಪಾಪಕ್ಹು ಛೊ಼ಡಾವಾನೆ ವರಿ ಕೆಳಾಮಾಬಿ ಚೊ಼ಕಾ ಕಾಮೊಜ಼ ಕರಾಲಾ ತಿನಾ ಪರಿಶುದ್ಧ ಮನಕ್ಹೊ ಥೈನ ಕರಾನೆ ತೆ ಮರಣ ವ್ಹಂದ್ಯೊ.

ತಿತನೆ 2:7

ಕ್ಹಾರಾ ಕಾಮೊನೆ ತಾರಾಕ್ಹು ತುನೆ ಬಿಜಾ಼ವೊನಾ ಕ್ಹಾಮು ಉದಾಹರಣ ಥೈನ ರ‍್ಹೌ.

ತಿತನೆ 3:1

ತು ಮನಕ್ಹೊನೆ ಸು ತಿಳಸೌ ಕದ್ಯಾಮ; ತುಮಾರಾ ಸೌಕಾರೊನೆ ಅದಿಕಾರಯೊನೆ ಅದಿನ ಥೈನ ರ‍್ಹೌ; ಕ್ಹಾರಾ ಚೊ಼ಕಾ ಕಾಮೊ ಕರಾನೆ ತಯಾರ ರ‍್ಹವೊ.

ತಿತನೆ 3:14

ಅಪ್ನಾ ಮನಕ್ಹೊ ತ್ಯುನೆ ತ್ಯುನು ಯಕ್ಕಜ಼ ದೆಕಿಲಿದ್ಯಾವಾಚಿ ಬಿಜಾ಼ವೊನೆ ಮದದ ಕರಾನು ಶಿಕ್ಕಿನ ತ್ರಾಸಮಾ ರ‍್ಹಯಲ ಮನಕ್ಹೊನೆ ಉಪಕಾರ ಕರು.

ತಿತನೆ 3:8

ಎ ಭೊದನೆ ಕ್ಹರಿನಿಯೊಜ಼ ವ್ಹೈ. ತು ಕ್ಹಾರಿಯೊ ಸಂಗತಿಯೊ ಮನಕ್ಹೊನೆ ಕೌಜ಼ ಕೈನ ಮಿ ಆಸ ಕರುಸ. ತೆಳಾಮಾ, ಕ್ಹುದಾಪರ ಬರೊಕ್ಹೊ ಮ್ಹೆಲಲವಾಲಾ ಹುಶಾರ ರ‍್ಹೈನ ತ್ಯುನಿ ಜಿವಿತಮಾ ಚೊ಼ಕಾ ಕಾಮೊ ಕರಸ. ಎ ಕ್ಹಾರಾವೊನೆ ಚೊ಼ಕು ವ್ಹೈ. ವರಿ ಎ ಕ್ಹಾರಾವೊನೆ ಚಾ಼ಯೆ ಥಯುಸ.

ಇಬ್ರಿಯ 10:24

ಅಪೆ ಯಕ್ನಾ ಯಕ್ಕ ಚಿಂತಾ ಕರಾಲಾ ಥೌ ಮಯಾ ಕರತಾ ರ‍್ಹೌ ಕೈನ ಚೊ಼ಕಾ ಕಾಮೊ ಕರು ಕೈನ ಯಕ್ನಾ ಯಕ್ಕ ಅಗು ಬಡಾವಾನು ಕೊಶಿಶ ಕರಿಯೆ.

ಇಬ್ರಿಯ 13:21

ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.

1 ಪೆತ್ರಾ 2:12

ಬರೊಕ್ಹೊ ನೈಸೊ ಮನಕ್ಹೊ ಸುತ್ತೆ ಮುತ್ತೆ ಛೆ. ತುಮೆ ತಪ್ಪ ಕರಾಡಾಸ ಕೈನ ತ್ಯುನೆ ಕಸ. ತಿನಾಹುತಿ ಚೊ಼ಕಾ ಥೈನ ರ‍್ಹವೊ. ತುಮೆ ಕರಾನಾ ಚೊ಼ಕಾ ಕಾಮೊ ತ್ಯುನೆ ದೆಕಸ ವರಿ ಕ್ಹುದಾ ಆವಾನು ದಿನೆ ತಿನೆ ಸ್ತುತಿ ಕರಸ.

1 ಯೊಹಾನ 1:7

ಕ್ಹುದಾ ಉಜಾಲು ಥೈನ ಛೆ. ತಿನಾಹುತಿ ಅಪೆ ಉಜಾಲಾಮಾ ಜಿವ್ನಾ ಕರು. ಅಪೆ ಉಜಾಲಾಮಾ ಜಿವ್ನಾ ಕರಾಲಾ ರ‍್ಹಯಾಮ ಯಕ್ನಾ ಯಕ್ಕ ಅನ್ಯುನ್ಯೆತಾಮಾ ಛೆ ಕೈನ ವರಿ ಕ್ಹುದಾನೊ ದಿಕ್ರೊ ಯೆಸು ರಗತ ಅಪ್ನಾ ಕ್ಹಾರಾ ಪಾಪೊಕ್ಹು ಛೊಡಾವಸ.

1 ಯೊಹಾನ 2:6

ಮಿ ಕ್ಹುದಾಮಾ ಛೆ ಕವಾಲೊ ಯೆಸು ಜಿವ್ನಾ ಕರಲಲಿಂಗತ ಜಿವ್ನಾ ಕರು.