ಎಫೆಸ 1:6 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁶ ಕ್ಹುದಾನಿ ಮರಗಾಕ್ಹು ಥಯಲ ಎ ನಿರಧಾರ ತಿನೆ ಸ್ತೊತ್ರಾ ಥಾವಾನೆ ಕಾರಣ ವ್ಹೈ. ಕ್ಹುದಾ ತೆ ಮರಗಾ ತಿನಾ ಮಯಾನಾ ದಿಕ್ರಾನಾ ಮುಕಾಂತರ ಅಪೊನೆ ಉಪಾರ ಮನಸ್ಸಕ್ಹು ದಿದ್ಯೊಸ.

ಎಫೆಸ 1:6 ပူးပေါင်းရင်းမြစ်များ

ಮತ್ತಾಯ 17:5

ತೆ ಹಜ಼ುನ ಬೊಲ್ತೊ ರ‍್ಹತಾಮಾಜ಼ ಉಜಾಲಾನು ಮ್ಹಾಡ ಐನ ತ್ಯುನಾ ಉಪ್ಪರ ಐಯು. ತೆನೈಸೊ ತೆ ಮ್ಹಾಡಮಾತು ಎ ಮಾರೊ ಮಯಾನೊ ದಿಕ್ರೊ ವ್ಹೈ. ಇನೆ ಮಿ ಪಸಂದ ಕರ‍್ಯೊಸ. ಎ ಕವಾನು ಐಕೊ ಕೈನ ಅವಾಜ಼ ಅಯು.

ಮತ್ತಾಯ 20:9

ತೆಳಾಮಾ ಕ್ಹಾಂಜೆ ಪಾಂಚ಼ವಾಸ್ತಾ ಐನ ಕಾಮ ಕರಲವಾಲಾ ಆಯಲ್ಪರ, ಹರಯಕ್ಲಾನೆ ಯಕ್ಕಯಕ್ಕ ರುಪ್ಪಾನೊ ಬಿಲ್ಲೊ ದಿದ್ಯೊ.

ಮತ್ತಾಯ 3:17

ತೆಳಾಮಾ ಸ್ವರ್ಗಮಾತು ಆವಾಜ ಐಯು "ಆ ಮಾರೊ ಮಾಯಾನೊ ದಿಕ್ರೊ ಯೆಸು ವ್ಹೈ, ಅನೆ ಮಿ ಘನ್ನೊ ಮೆಚ್ಚೊಸ".

ಲುಕ ಬರ್ದಲ ಸುವಾರ್ತಾ 2:14

ಉಪ್ಪರಲ್ಯಾ ಲೊಕಮ ಕ್ಹುದಾನಿ ಮಹಿಮಾ; ಭುಲೊಕಮಾ ಮನಕ್ಹೊಮಾ ಸಮಾದಾನ ಕ್ಹುದಾ ತ್ಯುನೊನೆ ವಲ್ದ್ಯೊಸ ಕೈನ ಕ್ಹುದಾನೆ ಸ್ತುತ್ತಿ ಕರತಾ ಕದ್ಯಾ.

ಯೊಹಾನ 10:17

ಬಾ ಮನೆ ಮಯಾ ಕರಸ. ಕಾಕದ್ಯಾಮ ಮಿ ಮಾರೊ ಜ಼ಲಮ ವರಿ ವ್ಹಂದಿಲಿವಾನಾ ಹುತಿ ದಿವ್ಸ.

ಯೊಹಾನ 3:35

ಬಾ ದಿಕ್ರಾನೆ ಮಯಾ ಕರಸ. ಬಾ ದಿಕ್ರಾನೆ ಹರಯಕ್ಕ ಪರ ಅದಿಕಾರ ದಿದ್ಯೊಸ.

ರೊಮಾಪೂರ 8:1

ತಿನಾಹುತಿ ಹಮ್ನಾ ಕ್ರಿಸ್ತ ಯೆಸುಮಾ ರ‍್ಹವಾಲಾ ಮನಕ್ಹೊನೆ ಅಪರಾದಿಯೊ ವ್ಹೈ ಕೈನ ಫೈಸಲೊ ನೈ ಥಾತೊ.

2 ಕೊರಿಂಥ 4:15

ಎ ಕ್ಹಾರು ತುಮಾರಾಹುತಿಜ ಇಮ ಕ್ಹುದಾನಿ ಮರ್ಗಾ ಜಾಸ್ತಿ-ಜಾಸ್ತಿ ಮನಕ್ಹೊನೆ ಕ್ಹುದಾನೆ ಮಹಿಮಾ ಕರಸ.

2 ಕೊರಿಂಥ 5:21

ಕ್ರಿಸ್ತಮಾ ಪಾಪ ನ್ಹೊತು. ವರಿ ಅಪೆ ಕ್ಹುದಾನೆ ಸಮರ್ಪಕ ಥೈನ ನಿತಿವಾಲಾನಿಂಗತ ಕ್ಹುದಾ ತಿನಿ ಪಾಪನೊ ಸ್ವರುಪ ಕರ‍್ಯೊ.

ಎಫೆಸ 1:12

ಇಮ್ಮ ರ‍್ಹತಾಮಾ ತಿನಿ ವಿಚಾರ ವರಿ ಆಸಲಿಂಗತ ಹರಿಯಕ್ಕ ಕರಾಲೊ ಕ್ಹುದಾಜ಼ ವ್ಹೈ.

ಎಫೆಸ 1:14

ಕ್ಹುದಾ ತಿನಾ ಮನಕ್ಹೊ ವಗ್ದಾನ ಕರಲ ಕ್ಹಾರು ಅಪೆ ವ್ಹಂದಿಲಿಯೆಸ ಕವಾನೆ ತೆ ಪವಿತ್ರ ಆತ್ಮಾಜ಼಼ ಕ್ಹಮ ಥೈಸ. ಕ್ಹುದಾ ಕಮೈಲಯಿದಲ ಮನಕ್ಹೊನಿ ಎ ಪುರಾಜ಼ ವಿಮೊಚನೆ ಕರಸ. ಕ್ಹುದಾನಿ ಮಹಿಮಾನೆ ಸ್ತೊತ್ರಾ ಥೌ ಕೈನ ಎ ಕ್ಹಾರಾನು ಉದ್ದೆಶ ಥೈಯುಸ.

ಎಫೆಸ 1:18

ತುಮೆ ತುಮಾರಾ ಮನಸ್ಮಾ ಹಜು಼ನ ಹೆಚ್ಕಿ಼ ಗ್ಯಾನ ಆವಾದೆ ಕೈನ ಪ್ರಾಥಾನ ಕರುಸ ಅಪೆ ಕೆಯ್ಯೊ ಆಸ ಹೊಂದಿಲ್ಯು ಕೈನ ಕ್ಹುದಾ ಅಪೊನೆ ಇನಿಲಿದ್ಯೊಸ ಕವಾನು ತೆಳಾಮಾ ತಿಳದಿಲಿವೊಸಿ; ತೆ ತಿನಾ ಪರಿಶುದ್ಧ ಮನಕ್ಹೊನೆ ವಾಗ್ದಾನ ಕರಲ ಆಶಿರ್ವಾದ ಕೆಕ್ಲು ಮ್ಹೊಟು ವ್ಹೈ ಕವಾನು ತಿಳ್ದಿಲಿವೊ.

ಎಫೆಸ 2:7

ಕ್ಹುದಾ ತಿನಾ ಮ್ಹೊಟಿ ಕೃಪಾನೆ ಅಗಲ್ಯಾ ದುನಿಯಾಮಾ ದೆಕಾಡು ಕೈನ ಅಮ ಕರ‍್ಯೊಸ. ಕ್ಹುದಾ ಎ ಕೃಪಾ ತಿನಿ ಮರಗಾಕ್ಹು ಅಪೊನೆ ಕ್ರಿಸ್ತ ಯೆಸುಮಾ ದೆಕಾಡಸ.

ಫಿಲಿಪ್ಪಿ 1:11

ಯೆಸು ಕ್ರಿಸ್ತನಾ ಮುಲಕ ರ‍್ಹಯೆಲ ನಿತಿ ಕವಾನು ಫಲ ಭರೆಯೆಲ ವಾಲಾರೊನೆ ರವಾನು ರ‍್ಹಯೆಲ ಕ್ಹುದಾನೆ ಮರ್ಯಾದಿ ಸ್ತೊತ್ರಾ ಕರ‍್ಯಾ ಕೈನ ಮಾಗಿಲಿದ್ಯಾ.

ಫಿಲಿಪ್ಪಿ 3:9

ಇಮಾ ವಿಚಾರ ಸುವೈ ಕದ್ಯಾಮ್ಮಾ, ಮಿ ಕ್ರಿಸ್ತನೆ ಕಮೈಲಿನ ಧರಮಶಾಸ್ತ್ರನೆ ಫಲ ಥೈನ ರ‍್ಹಯಲ ಕ್ಹುದನಿ ನಿತಿ ನ್ಹವೈ,ಕ್ರಿಸ್ತ ಪರ ಭರೊಕ್ಹೊ ಕರ‍್ಯಾಮ್ಮ ಕದ್ಯಾಮ್ಮಾ ಕ್ರಿಸ್ತಪರ ಫೆಲಾನಾ ಭರೊಕ್ಹೊ ಫೆಲಾನಾ ಹುತಿ ಕ್ಹುದಾ ದಿವಾನಿ ನಿತಿ ಹೊಂದಿಲಿನ ಕ್ರಿಸ್ತಮ್ಮಾ ರ‍್ಹವಾಲೊ ವ್ಹೈಜ಼.

ಫಿಲಿಪ್ಪಿ 4:19

ಮಾರೊ ಕ್ಹುದಾ ಯೆಸುನಾ ಮುಲಕ ತಿನಿ ಪ್ರಭಾವನೆ ಸೌಕಾರ್ತಾನೆ ಕ್ಹು ತುಮೊನೆ ಚಾ಼ಯೆ ಥಯಲ ತೆಕ್ಲು ದಿವಸ.

ಕೊಲೆಸ್ಸೆ 1:13

ಕ್ಹುದಾ ಅಪೊನೆ ಅಂದಕಾರನೊ ಅದಿಕಾರಮತೊ ಛೊಡೈನ ತಿನಾ ಮಯಾನಾ ದಿಕ್ರಾನಾ ರಾಜ್ಯಮಾ ಮಳಾಯೊ.

1 ಪೆತ್ರಾ 2:5

ತುಮೆಬಿ ಜ಼ಲಮ ರ‍್ಹಯಲ ಮಂಗಾಳಾ ವ್ಹೈ. ಆತ್ಮಾನೆ ಸಂಬಂದ ಥಯಲ ದೆವಾಲಯ ಥಾವಾಹುತಿ ತುಮೆಜ಼ ತಯ್ಯಾರ ಥಾವಾಡ್ಯಾಸ; ಕ್ಹುದಾಕ್ಹು ಒಪ್ಪಿಲಿದ್ಯಲ ಆತ್ಮಿಕಕ್ಹು ಬಲಿಯೊ ದಿವಾನೆ ಯೆಸು ಕ್ರಿಸ್ತಕ್ಹು ಕ್ಹುದಾನೆ ದಿವಾನು ಪವಿತ್ರ ಯಾಜಕೊ ಥಯಾಸ.

1 ಪೆತ್ರಾ 2:9

ತುಮೆತುಬಿ ಕ್ಹುದಾ ಇನಿಲಿದ್ಯಲ ಜನಾಂಗ ರಾಜಾ಼ನಾ ಖಾಂದಾನನಾ ಯಾಜಕೊ ನೆಮಿಸಲ ಮನಕ್ಹೊ ಕ್ಹುದಾನಾ ಸ್ವಂತ ಮನಕ್ಹೊ ಥಯಾಸ. ಕ್ಹುದಾ ತೆ ಕರ‍ಲ ಘನ್ನಾ ಘಾಬ್ರಾಥಾವಾನಾ ಸಂಗತಿಯೊ ತಿಳಸಾನೆ ತುಮೊನೆ ಅಂದಾರಾಕ್ಹು (ಪಾಪಕ್ಹು) ತಿನಿ ಅದ್ಭುತ ಥಯಲ ಉಜಾ಼ಲಾಮಾ ಬಲೈನ ಲಾಯೊ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.