ಎಫೆಸ 1:19 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁹ ಬರೊಕ್ಹೊ ಮ್ಹೆಲಾನು ಅಪೊನೆ ಕ್ಹುದಾನಿ ತಾಕತ ಕೆಕ್ಲೊ ಮ್ಹೊಟು ವ್ಹೈ ಕವಾನು ತೆಳಾಮಾ ತುಮೆ ತಿಳದಿಲಿವೊಸಿ. ಕ್ರಿಸ್ತನೆ ಮರಣಮಾತೊ ಜಿವ್ತೊ ಕರಿನ ಉಟಾಡಾನೆ ಕ್ಹುದಾ ಉಪಯೊಗ ಕರಲ ಮ್ಹೊಟಿ ತಾಕತ ತೆಜ಼ ವ್ಹೈ.

ಎಫೆಸ 1:19 ပူးပေါင်းရင်းမြစ်များ

ಯೊಹಾನ 3:6

ಅಂಗ ಯಕ್ಕ ಮನಕ್ಹೊ ಶರಿರಮಾ ತಿನಾ ಮಾ ಬಾ ಕ್ಹು ಹುಟ್ಯೊಸ. ತೆನೈಸೊ ಆತ್ಮಿಕಮಾ ತೆ ಆತ್ಮಾ ಕ್ಹು ಹುಟ್ಯೊಸ.

ಅಪೊಸ್ತಲೊ 26:18

ತ್ಯುನೆ ಅಂದಾರಾಮಾತಾ ಉಜಾ಼ಲಾನೆ, ಸೈತನನಾ ಹತ್ಮಾತಾ ಕ್ಹುದಾಕನ ಫರಿನ, ಮಪರ ಬರೊಕ್ಹೊ ಮ್ಹೆಲಲಕ್ಹು ಪಾಪನಿ ಮಾಫಿ, ಪರಿಶುದ್ಧ ರ‍್ಹಯಲವಾಲಾವೊನಾ ಕ್ಹಾತೆ ತ್ಯುನು ಹಕ್ಕ ವ್ಹಂದಿಲಿವಾನಾ ಹುತಿ, ತ್ಯುನಾ ಡೊಳಾ ಕ್ಹುಲು ಕೈನ ಮಿ ತುನೆ ತ್ಯುನೊಕನ ವಳೌಸ” ಕದ್ಯೊ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

2 ಕೊರಿಂಥ 4:7

ಅಪೊನೆ ಎ ನಿಕ್ಷೆಪ ಕ್ಹುದಾಕ್ಹುಜ ಮಳ್ಯುಸ.ಅಪೆತೊ ನಿಕ್ಷೆಪ ಭರಲ ಗಾಡಗಿಯೊನಿಂಗತ ಛೆ.ಎ ಮ್ಹೊಟಿ ತಾಕತ ಆಯಲ ಕ್ಹುದಾಕಂತುಜ಼ ವ್ಹೈ ಕೈನ ದೆಕಾಡಿನೆ ದಿವಸ. ಅಪೊಕಂತು ನ್ಹವೈ.

2 ಕೊರಿಂಥ 5:17

ಕುನಬಿ ಕ್ರಿಸ್ತಮಾ ರ‍್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು.

ಎಫೆಸ 2:10

ಕ್ಹುದಾ ಅಪೊನೆ ಕರಲ ವ್ಹೈ. ಅಪೆ ಚೊ಼ಕಾ ಕಾಮೊ ಕರು ಕೈನ ಕ್ಹುದಾ ಅಪೊನೆ ಕ್ರಿಸ್ತ ಯೆಸುಮಾ ನವಾ ಮನಕ್ಹೊ ಥೈನ ಕರ‍್ಯೊ. ಕ್ಹುದಾ ಅಪ್ನಾ ಹುತಿ ತೆ ಚೊ಼ಕಾ ಕಾಮೊ ಪೈಲಾಜ಼ ವಿಚಾರ ಕರ‍್ಯೊತೊ. ಅಪೆ ತೆ ಚೊ಼ಕ ಕಾಮೊ ಕರ‍್ತಾ ಜಿವ್ನಾ ಕರು ಕೈನ ಕ್ಹುದಾನು ವಿಚಾರ ವ್ಹತ್ತು.

ಎಫೆಸ 3:20

ಅಪ್ನೊಮಾ ಕಾಮ ಕರಾನು ತಿನಿ ತಾಕತಕ್ಹು ಅಪೆ ಪುಚ್ಚಾತಿಬಿ ವಿಚಾರ ಕರಾತಿಬಿ ಕೆಕ್ಲೊಕಿ ಘನ್ನು ಘನ್ನು ಕ್ಹುದಾ ಕರಸ.

ಎಫೆಸ 3:7

ಕ್ಹುದಾ ದಿದಲ ಖಾಸ ಕೃಪಾ ವರಕ್ಹು ಮಿ ಸುವಾರ್ತೆ ತಿಳಸಾನಾ ಹುತಿ ಸೆವಕ ಥಯೊ. ಕ್ಹುದಾ ತಿನಿ ತಾಕತ ಉಪಯೊಗ ಕರಿನ ಮನೆ ತೆ ಕೃಪಾ ವರ ದಿದ್ಯೊ.

ಎಫೆಸ 6:10

ಲಾಸ್ಟ ವಾತ ಸುವ್ಹೈ ಕದ್ಯಾಮ, ಪ್ರಭುಮಾ ತಿನಿ ಮ್ಹೊಟಿ ತಾಕತಮಾ ಘಟ್ಟ ಥೈನ ರ‍್ಹವೊ.

ಫಿಲಿಪ್ಪಿ 2:13

ಕಾಕದ್ಯಾಮ್ಮಾ ಕ್ಹುದಾ ದೆಕಾಡಲ ಜ ಪುರಾ ಕರು ಕೈನ ತುಮೊಮ್ಮಾ ಉದ್ದೆಶ ವರಿ ಕೊಶಿಶ ಹುಟಸಾಲೊ ಥಯೊಸ.

ಫಿಲಿಪ್ಪಿ 3:21

ತೆ ಕ್ಹಾರುಜ ತಿನಾ ಅದಿನಮ್ಮಾ ಕರಲಿವಾನು ಕ್ಹಾರಾವೊ ಪರ ಅದಿಕಾರ ವ್ಹಂದಲವಾಲೊ ಥೈನ ದಿನ್ನ ಸ್ವಭಾವಾಲೊ ಥೈನ ಅಪನು ಅಂಗ ಘನು ತಾಕತವರ ಥೈನ ತಿನಾ ಅಂಗ ಲಿಂಗತ ರುಪಾಂತರ ಕರಸ.

ಕೊಲೆಸ್ಸೆ 1:29

ಮಾರಾಮಾ ಕಾಮಾ ಪುರಾ ಕರಾನು ಕ್ಹುದಾನಿ ತಾಕತಕ್ಹು ಇನಾಹುತಿಜ಼ ರಾಬುಸ.

ಕೊಲೆಸ್ಸೆ 2:12

ತುಮೆ ಬಾಪ್ತಿಸ್ಮ ಕ್ರಿಸ್ತನಾ ಕ್ಹಾತೆ ಬುರ‍್ಯಾ ವರಿ ತಿನೆ ಮರಲವಾಲಾವೊಮಾತೊ ಉಟಾಡಲ ಕ್ಹುದಾನಿ ತಾಕತಮಾ ಬರಕ್ಹೊ ಮ್ಹೆಲಾನಾ ಮುಲಕ ತಿನಾ ಕ್ಹಾತೆ ತುಮೆ ಉಟಿನ ಆಯಾಸ.

1 ಥೆಸಲೊನಿಕ 1:5

ಹಮೆ ತುಮೊಕನ ಸುವಾರ್ತೆ ಲಾಯಾ ತೆ ಕ್ಹಾಲಿ ವಾತೊ ನ್ಹವೈ. ತಾಕತಕ್ಹು ವರಿ ವರಿ ಪವಿತ್ರ ಆತ್ಮಾನಾ ಕ್ಹಾತೆ ಲಾಯಾಸ. ಇಮಾ ಕ್ಹಾರು ಕ್ಹರಿ ಛೆ. ಎನೈಸೊ ಹಮೆ ತುಮಾರಾ ಕ್ಹಾತೆ ರ‍್ಹತಾಮಾ ತುಮಾರಾ ಹುತಿ ಕಿಮ ಜಿವ್ನಾ ಕರ‍್ಯಾ ತುಮೆ ತಿಳ್ದಿಲಿದ್ಯಾಸ. ಎ ಕ್ಹಾರು ತುಮಾರಾ ಚೊ಼ಕಾನಾ ಹುತಿ ಥಯುಸ.

2 ಥೆಸಲೊನಿಕ 1:11

ತಿನಾಹುತಿ ಹಮೆಶಾಬಿ ತುಮಾರಾ ಹುತಿ ಚೊ಼ಕಿ ವಾಟಮಾ ತುಮೆ ಜಿವ್ನಾ ಕರು ಕೈನ ಕ್ಹುದಾ ತುಮೊನೆ ಬಲಾಯೊ, ತೆ ವಾಟಮಾ ತುಮೆ ಜಿವ್ನಾ ಕರಾನಾ ಹುತಿ ಪ್ರಾಥನಾ ಕರಿಯೆಸ. ತುಮೊಮಾ ರ‍್ಹಯಲ ಚೊ಼ಕಾ ಚೊ಼ಕಾಜ಼ ಕಾಮೊ ಕರಾನಾಹುತಿ ತುಮೊನೆ ಪ್ರೊತ್ಸಾಹ ಕರಸ. ತುಮೊಮಾ ರ‍್ಹಯಲ ಬರೊಕ್ಹೊ ತುಮಾರಾ ಮುಕಾಂತರ ಕಾಮ ಕರಸ. ಎ ಕಾಮೊ ತುಮೆ ಜಾಸ್ತಿ-ಜಾಸ್ತಿ ಕರಾನೆ ಕ್ಹುದಾ ತಿನಿ ತಾಕತಕ್ಹು ಕರಾದೆ ಕೈನ ಮಾಂಗಿಲಿಯೆಸ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.

1 ಪೆತ್ರಾ 4:11

ಭೊದನೆ ಕವಾಲೊ ಕ್ಹುದಾನಿಯೊ ವಾತೊಜ಼ ಕವಾದೆ. ಸೆವೆ ಕರಾಲೊ ಕ್ಹುದಾ ದಿದಲ ತಾಕತಕ್ಹುಜ಼ ಸೆವೆ ಕರಾದೆ. ತುಮೆ ಇಮ್ಮ ಕರ‍್ಯಾಮ. ತುಮೆ ಕರಾನು ಹರಿಯಕ್ಕಮಾ ಯೆಸು ಕ್ರಿಸ್ತನಾ ಮುಲಕ ಕ್ಹುದಾನೆ ಸ್ತುತಿ ಥಾವಸ. ಅದಿಕಾರ ವರಿ ಮಹಿಮಾ ಯುಗೊ ಯುಗೊಮಾ ತಿನೆಜ಼ ಮಳಲ ವ್ಹೈ. ಆಮೆನ್.