ಎಫೆಸ 1:13 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹³ ಎ ತುಮೊನೆಬಿ ಲಾಗು ಥಾವಸ. ತುಮೆ ಕ್ಹರಿ ಭೊದನೆನಾ ಹುತಿ ಕದ್ಯಾಮ ತುಮಾರಿ ರಕ್ಷಣೆನಾ ಹುತಿ ಸುವಾರ್ತೆನಾ ಹುತಿ ಪುಚ್ತಾ಼ಮಾ ಕ್ರಿಸ್ತಮಾ ಬರೊಕ್ಹೊ ಮ್ಹೆಲೊ. ಕ್ಹುದಾ ತಿನಿ ವಾಗ್ದಾನನಾ ಲಿಂಗತ ತುಮೊನೆ ಪವಿತ್ರ ಆತ್ಮಾನೆ ದಿವಾನಾ ಮುಕಾಂತರ ತುಮೊಪರ ತಿನಿ ಖಾಸ ರ‍್ಹಯಲ ಶಿಕ್ಕೊ ಘಾಲ್ಯೊ.

ಎಫೆಸ 1:13 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 11:13

ತುಮೆ ಬಿಜಾ಼ವೊಲಿಂಗತ ಕೆಟ್ಟ ರ‍್ಹಯಾತಬಿ ತುಮಾರಾ ಬಚ್ಚಾ಼ವೊನೆ ಚೊ಼ಕೊಜ಼ ದಿವೊಸಿ, ತಿನಾಲಿಂಗತಜ಼ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಬಿ ತುಮೆ ಮಾಂಗಿಲಿವಾನೆ ಪವಿತ್ರ ಆತ್ಮಾ ಕ್ಹರಿಮಾಜ಼ ದಿವಸ, ಕದ್ಯೊ.

ಲುಕ ಬರ್ದಲ ಸುವಾರ್ತಾ 24:49

ಐಕೊ! ಮಾರೊ, ಬಾ, ಕದಲಜ಼ ಮಿ ತುಮೊನೆ ತಿಳಸುಸ. ವರಿ ತುಮೆ ಸ್ವರಗನೆ ಶಕ್ತಿ ಮಳೆಲಕ್ಕಾ ಯೆರುಸೆಲೆಮಾಜ಼ ಕೈದಿನ ರ‍್ಹವೊ "ಕದ್ಯೊ.

ಯೊಹಾನ 1:17

ಕ್ಹುದಾ ಮೊಶೆನಾ ಮುಲಕ ನಿಯಮೊ ದಿದ್ಯೊತೊ. ತೆನೈಸೊ ಕೃಪಾ ಕ್ಹರಿ ಯೆಸು ಕ್ರಿಸ್ತನಾ ಮುಲಕ ಆಯು.

ಯೊಹಾನ 14:26

ತೆನೈಸೊ ಬಾ ಮಾರಾ ನಾಮ ಪರ ವಳೈನ ದಿವಾನು ಪವಿತ್ರ ಆತ್ಮಾ ತುಮೊನೆ ಹರಿ ಯಕ್ಕಬಿ ಉಪದೆಶ ಕರಸ. ವರಿ ಮಿ ತುಮೊನೆ ಕದಲ ಕ್ಹಾರಾ ಸಂಗತಿಯೊ ತುಮೊನೆ ಶೆ ದಿಲಾವಸ.

ಯೊಹಾನ 15:26

"ಯಕ್ಕ ಸಹಾಯಕ ಆವಸ. ತೆ ಪವಿತ್ರ ಆತ್ಮಾ ವ್ಹೈ. ವರಿ ಕ್ಹುದಾನಿ ಕ್ಹರಿನೆ ದೆಕಾಡಿನ ದಿವಸ ವರಿ ತೆ ಬಾ ಕಂತೊ ಆವಸ. ಮಿ ತಿನೆ ಕ್ಹುದಾ ಕಂತೊ ವಳೌಸ ವರಿ ತೆ ಮಾರಾ ಹುತಿ ಸಾಕ್ಷಿ ದಿವಸ.

ಯೊಹಾನ 3:33

ತೆನೈಸೊ ತಿನಿ ಸಾಕ್ಷಿನೆ ಕುನ್ನ ಸ್ವಿಕಾರ ಕರಿಲಿವಸ ತೆ ಅಮ್ಮ ಕರಾಕ್ಹು ಕ್ಹುದಾಜ ಕ್ಹರಿ ವ್ಹೈ ಕೈನ ದೆಕಾಡಿನ ದಿವಸ.

ಯೊಹಾನ 6:27

ಹಾಳ ಥಾವಾನು ರ‍್ಹಯಲ ಅನ್ನನಾ ಹುತಿ ರಾಬೊ ನಕೊ ತೆನೈಸೊ ಹಮೆಶಾನಾ ಜ಼ಲಮ ದಿವಾನು ಅನ್ನನಾಹುತಿ ರಾಬೊ. ತೆ ಮನಕ್ಹನೊ ದಿಕ್ರೊ ದಿವಸ. ತಿಪರ ಬಾ ಥಯಲ ಕ್ಹುದಾ ಅದಿಕಾರನೊ ಶಿಕ್ಕೊ ಮಾರ‍್ಯೊಸ.

ಅಪೊಸ್ತಲೊ 1:4

ಯಕ್ಕ ಸಲಾ, ಯೆಸು ತ್ಯುನಾ ಕ್ಹಾತೆ ಅನ್ನ ಖಾತಾಮ, ಯೆರುಸಲೆಮ ಛೊಡಿನ ಜೌ಼ ನೈ ಕೈನ ತ್ಯುನೊನೆ ಕದ್ಯೊ" ಬಾ ತುಮೊನೆ ಯಕ್ಕ ವಾಗ್ದಾನ ಕರ‍್ಯೊಸ. ಮಿ ಪೈಲಾಜ಼ ತಿನಾ ಹುತಿ ತುಮೊನೆ ತಿಳ್ಸಾಯೊಸ. ಎ ವಾಗ್ದಾನನು ವರ್ದಾನ ಲಿವಾನಾ ಹುತಿ ಯೆರುಸಲೆಮಮಾ ಕೈದತ್ತಾ ರ‍್ಹವೊ.

ಅಪೊಸ್ತಲೊ 13:26

"ಮಾರಾ ಭಾಯೊ, ಅಬ್ರಹಾಮನಾ ಕುಟುಂಬನಾ ಬಚ್ಚಾ಼, ಕ್ಹರಿನಾ ಕ್ಹುದಾನೆ ಆರಾಧನಾ ಕರಾಲಾ ಯೆಹುದಿಯೊ ನೈ ರ‍್ಹಯಲವಾಲಾ, ಐಕೊ! ಎ ರಕ್ಷಣೆನಾ ಸಂದೆಶನೆ ವಳಾಯಲ ಅಪ್ನಾ ಹುತಿಜ಼ ವ್ಹೈ.

ಅಪೊಸ್ತಲೊ 2:33

ಯೆಸು ಸ್ವರ್ಗನೆ ಗಯೊ. ಹಮ್ನಾ ಯೆಸು ಕ್ಹುದಾನಾ ಕ್ಹಾತೆ ಛೆ, ಕ್ಹುದಾನಾ ಸಿದಾ ಬಗಲ ಛೆ. ಹಮ್ನಾ ಬಾ (ಕ್ಹುದಾ) ಪವಿತ್ರ ಆತ್ಮಾ ಯೆಸುನೆ ದಿದ್ಯೊಸ. ಪವಿತ್ರ ಆತ್ಮಾ ದಿವ್ಸ ಕೈನ ಕ್ಹುದಾ ವಾಗ್ದಾನ ಕರ‍್ಯೊತೊ. ತಿನಾಹುತಿ ಯೆಸು ಹಮ್ನಾ ತೆ ಆತ್ಮಾನೆ ದಿದ್ಯೊಸ. ತುಮೆ ದೆಕಾನು ವರಿ ಐಕಾನು ಆಜ ವ್ಹೈ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 4:11

ಕ್ಹುದಾ ತಿನೆ ವಪ್ಪಿಲಿದ್ಯೊಸ ಕೈನ ದೆಕಾಡಾನಾ ಹುತಿ ಅಬ್ರಹಾಮ ಪಾಚಾ಼ತು ಸುನ್ನತಿ ಕರೈಲಿದ್ಯೊ. ಅಬ್ರಹಾಮ ಸುನ್ನತಿ ಕರೈಲಿವಾತಿ ಅಗ್ದುರಜ಼ ಬರೊಕ್ಹಾನಾ ಮುಲಕ ನಿತಿವಂತವಾಲೊ ವ್ಹತ್ತೊ. ತಿನಾಹುತಿ ಅಬ್ರಹಾಮ ಕ್ಹುದಾನೆ ಬರೊಕ್ಹೊ ಕರಾಲಾ ಕ್ಹಾರಾವೊನೆ ಆತ್ಮಿಕ ಬಾ ಥಯೊಸ ವರಿ ತ್ಯುನೆ ಸುನ್ನತಿ ನೈ ಕರೈಲಿ ತುಬಿ ತ್ಯುನೊಕ್ಹು ನ್ಯಾಯಮಾ ಸ್ವಿಕಾರ ಕರೈಲಿದಲವಾಲಾ ವ್ಹೈ.

ರೊಮಾಪೂರ 6:17

ಪಾಚ್ಲಯಾ ದಿನೊಮಾ ತುಮೆ ಪಾಪೊನೆ ಗುಲಾಮೊ ವ್ಹತ್ತಾ. ಪಾಪ ತುಮೊನೆ ತಿನಾ ಹತೊಟಿಮಾ ಧರಲಿದ್ಯುತು. ತುಮೊನೆ ಕದಲ ವಿಷಯನೆ ತುಮೆ ಕ್ಹಾರಿ ತರಾಮಾ ವಿದೆಯ ಥಯಲ ಹುತಿ ಕ್ಹುದಾನೆ ಸ್ತೊತ್ರಾ ಥಾವಾದೆ.

2 ಕೊರಿಂಥ 1:22

ಅಪೆ ತಿನಾ ವ್ಹೈ ಕೈನ ದೆಕಾಡಾನಾ ಹುತಿ ತೆ ಅಪೊಪರ ಶಿಕ್ಕೊ ಘಾಲ್ಯೊಸ. ತೆ ತಿನಿ ಪವಿತ್ರ ಆತ್ಮಾ ಅಪ್ನಾ ಮನಸ್ಮಾ ಮ್ಹೆಲ್ಯೊಸ. ತೆ ಅಪೊನೆ ದಿದಲ ವಾಗ್ದಾನ ಪುರಾಕರಸ ಕವಾನು ಪವಿತ್ರ ಆತ್ಮಾಜ಼ ಅಪೊನೆ ಸಾಕ್ಷಿ ಥೈಸ.

2 ಕೊರಿಂಥ 6:7

ಕ್ಹರಿ ವಾಕ್ಯ ಕ್ಹುದಾ ಮಹಿಮಾ ಎ ಕ್ಹಾರ ರ‍್ಹ ಮಾ ರ‍್ಹಯಲ ಹತೊ ರ‍್ಹಯಲ ನಿತಿವಂತ ಮಾ ರ‍್ಹಯಲ ಹತೊ ನಿತಿ ಕವಾನು ಆಯುಧೊ ಘಾಲ್ಲಿದಲ ಪರ ಘಾಲ.

ಗಲಾತ್ಯ 3:14

ಕ್ಹಾರಾ ಮನಕ್ಹೊನೆ ಕ್ಹುದಾನೊ ಆಶಿರ್ವಾದ ಮಳುಕೈನ ಕ್ರಿಸ್ತ ಇಮ್ಮ ಕರ‍್ಯೊ. ಎ ಆಶಿರ್ವಾದ ಕ್ಹುದಾ ಅಬ್ರಹಾಮನೆ ವಾತ ದಿದ್ಯೊತೊ. ಎ ಆಶಿರ್ವಾದ ಯೆಸು ಕ್ರಿಸ್ತನಾ ಮುಲಕ ಆವಸ. ಕ್ಹುದಾ ವಾತದಿದಲ ಪವಿತ್ರ ಆತ್ಮಾನೆ ಅಪೆ ಹೊಂದಿಲಿವಾಹುತಿ ಯೆಸು ಮರ‍್ಯೊ. ಬರೊಕ್ಹೊ ಮ್ಹೆಲಾನಾಹುತಿ ಅಪೆ ಎ ವಾತ ಪಡ್ದಿಲಿವಸ.

ಎಫೆಸ 4:21

ತುಮೆ ತಿನು ವಿಶಯ ಐಕ್ಯಾಸ ಕವಾನು ಮನೆ ಗ್ವತ್ತ ಛೆ. ತುಮೆ ತಿನಾಮಾ ರ‍್ಹವಾಕ್ಹು ಕ್ಹರಿ ಶಿಕ್ಯಾಸ. ಹೊ, ಕ್ಹರಿ ಕವಾನು ಯೆಸುಮಾ ಛೆ.

ಎಫೆಸ 4:30

ಪವಿತ್ರ ಆತ್ಮಾನೆ ದುಖ ಕರೊ ನಕೊ. ತುಮೆ ಕ್ಹುದಾನೆ ಮಳಲವಾಲಾ ವ್ಹೈ ಕವಾನೆ ತೆಜ಼ ಕ್ಹುದಾನು ಪ್ರಮಾಣ ಥಯೊಸ ಕರೆಟ್ಟ ಟೈಮಮಾ ತುಮೊನೆ ಬಿಡುಗಡೆ ಕರುಸ ಕವಾನು ದೆಕಾಡಾನಾ ಹುತಿ ಕ್ಹುದಾ ತುಮೊನೆ ತಿನೆ ದಿದ್ಯೊ.

1 ಥೆಸಲೊನಿಕ 2:13

ತುಮೆ ಕ್ಹುದಾನು ಸಂದೆಶ ವಪ್ಪಿಲಿದಲಹುತಿ ಹಮೆ ಕ್ಹುದಾನೆ ಹಮೆಶಾಬಿ ಸ್ತುತಿ ಕರಿಯೆಸ. ಹಮೊಕ್ಹು ತೆ ಸಂದೆಶ ಐಕಿನ, ತೆ ಕ್ಹುದಾನಿ ವಾಕ್ಯಾ ವ್ಹೈ ಕೈನಜ಼ ವಪ್ಪಿಲಿದ್ಯಾಸ ತೆನೈಸೊ ಮನಕ್ಹೊ ಕದಲ ವಾಕ್ಯಾಕ್ಹು ನ್ಹವೈ. ಎ ಕ್ಹರಿಮಾಜ಼ ಕ್ಹುದಾನು ಸಂದೆಶ ವ್ಹೈ. ತೆ ಸಂದೆಶಪರ ಬರೊಕ್ಹೊ ಕರಲ ಹುತಿಜ಼ ತುಮೊಮಾ ತೆ ಕಾಮ ಕರಸ.

2 ತಿಮೊತಿ 2:15

ಕ್ಹುದಾನಿ ನಜ಼ರಮಾ ಯೊಗ್ಯ ಮನಕ್ಹ ಥಾವಾನೆ ತುಕ್ಹು ಥಾಯೆ ಯಕ್ಲು ಕೊಶಿಶ ಕರ ವರಿ ತುನೆಜ಼ ಒಪ್ಸಿನ ದೆ. ತಿನಾ ಕಾಮಮಾ ನೈ ಸರಮಾಲೊ ಕಾಮವಾಲೊ ಥಾ, ಕದ್ಯಾಮ ಕ್ಹರಿನು ಉಪದೆಶ ಯೊಗ್ಯಕ್ಹು ಕವಾಲೊ ಥಾ.

2 ತಿಮೊತಿ 2:19

ತೆನೈಸೊ ಕ್ಹುದಾನಿ ಮ್ಹೊಟಿ ಬುನಾದಿ ಹಲ್ತಿಜ಼ ನೈ" ಪ್ರಭುನೆ ತಿನಾ ಕುನ್ ವ್ಹೈ ಕೈನ ಗ್ವತ್ತ ಛೆ "ವರಿ "ಪ್ರಭುಮಾ ಬರೊಕ್ಹೊ ಮ್ಹೆಲ್ಯಲವಾಲಾ ಕೆಟ್ಟ ವಾಟ ಛೊಡಿಪಾಡು "ಕೈನ ತೆ ಬುನಾದಿನಾ ಉಪ್ಪರ ಬರ್ದ್ಯಾಸ.

2 ತಿಮೊತಿ 3:15

ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.

ತಿತನೆ 2:11

ಕಾಕದ್ಯಾಮ ಕ್ಹುದಾನಿ ಮರ್ಗಾ ಕ್ಹಾರಾ ಮನಕ್ಹೊನೆ ರಕ್ಷಣೆನಾ ಹುತಿ ದೆಕಾಡಿನ ದಿವಸ.

ಇಬ್ರಿಯ 2:3

ಅಪೊನೆ ದಿದಲ ಎ ಖಾಸ ರಕ್ಷಣೆ ಅಪೆ ಧ್ಯಾನ ನೈ ದಿದ್ಯಾಮ ಅಪೊನೆ ಶಿಕ್ಷಾ ಮಳಸ. ಆ ಪೈಲಾಜ಼ ಕರ್ತಾ ಕದಲ ಛೆ ವರಿ ತಿಕ್ಹು ಐಕಲವಾಲಾ ರಕ್ಷಣೆನಾ ಹುತಿ ಅಪೊನೆ ಹಜು಼ ಘಟ್ಟ್ಟ ಕರ್‍ಯಾಸ.

ಯಾಕೊಬ 1:18

ಕ್ಹುದಾ ತಿನಾ ಚೊ಼ಕಾ ಚಿತ್ತನಾ ಲಿಂಗತ ಕ್ಹರಿನಾ ವಾಕ್ಯಾಕ್ಹು ಅಪ್ನೊಮಾ ಜ಼ಲಮ ದಿದಲ ಹುತಿ ತೆ ಕರಲ ಹರಯಕ್ಕ ಚಿಜ಼ಮಾ ಅಪೆಜ಼ ಪೈಲಾ ಫಲ ಥಯಾ.

ಯಾಕೊಬ 1:21

ತಿನಾಹುತಿ ಕ್ಹಾರಾ ಕೆಟ್ಟ ಕಾಮೊ ರ‍್ಹೈನಕಾ ಕ್ಹಾರಾ ಮೊಸನಾ ಕಾಮೊ ರ‍್ಹೈನಕಾ ಛೊಡಿನ ಅಪ್ನಾ ಮನಸೊಮಾ ಬೆರ ಘಾಲಲ ಕ್ಹುದಾನಿ ವಾಕ್ಯ ಘನ್ನಾ ಚೊ಼ಕಾ ಮನಸಕ್ಹು ವಪ್ಪಿಲಿವೊ. ತೆ ತುಮಾರಾ ಆತ್ಮಾವೊನೆ ವಚಾ಼ಡಾಯಕ್ಲಿ ತಾಕತವರ ಛೆ.

1 ಪೆತ್ರಾ 2:10

ಯಕ್ಕ ಕಾಲಮಾ, ತುಮೆ ಕ್ಹುದಾನಾ ಮನಕ್ಹೊ ನ್ಹೊತಾ. ತೆನೈಸೊ ಹಮ್ನಾ ತುಮೆ ಕ್ಹುದಾನಾ ಮನಕ್ಹೊ ಥಯಾಸ. ಪೈಲಾ ತುಮೆ ಮರಗಾ ಮಳಿ ನ್ಹೊತಿ. ತೆನೈಸೊ ಹಮ್ನಾ ತುಮೆ ಕ್ಹುದಾನಿ ಮರಗಾ ಮಳಿಸ್.

ಪ್ರಕಟನೆ 7:2

ಪಾಚಲ್ತೊ ಬಿಜೆಕ ದೆವದುತ ಪುರ್ವ ದಿಕ್ಕತೊ ಆವಾನು ಮಿ ದೆಕ್ಯೊ. ಜ಼ಲಮ ರ‍್ಹಯಲ ಕ್ಹುದಾನು ಮುದ್ರೆ ಎ ದೆವದುತಕನ ವ್ಹತ್ತು. ಎ ದೆವದುತ ಚಾರ ದೆವದುತೊನೆ ಜೊ಼ರ ಅವಾಜ಼ ಕ್ಹು ಬಲಾಯೊ. ಜಿಮಿನ್ನಿ ವರಿ ಸಮುಂದರನೆ ಹಾಳ ಕರಾನೆ ಅದಿಕಾರ ಕ್ಹುದಾ ಎ ಚಾರ ದೆವದುತೊನೆ ದಿದ್ಯೊತೊ.