ಕೊಲೆಸ್ಸೆ 4:12 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹² ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

ಕೊಲೆಸ್ಸೆ 4:12 ပူးပေါင်းရင်းမြစ်များ

ಮತ್ತಾಯ 5:48

ತಿನಾಹುತಿ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಪರಿಪುರ್ಣ ಥೈನ ರ‍್ಹಯಲ ಲಿಂಗತ ತುಮೆಬಿ ಪರಿಪುರ್ಣ ಥೈನ ರ‍್ಹೌ.

ಲುಕ ಬರ್ದಲ ಸುವಾರ್ತಾ 1:1

ಸನ್ಮಾನ್ಯ ಥೆಯೊಫಿಲನ, ಹಮಾರಾ ವಚ್ಮಾ಼ ಥಯಲ ಸಂಗತಿಯೊ ವರಿ ಚರಿತ್ರೆ ತಿಳಸಾನಾಹುತಿ ಘನ್ನಾ ಜ಼ನಾ ಕೊಶಿಶ ಕರ‍್ಯಾಸ.

ಲುಕ ಬರ್ದಲ ಸುವಾರ್ತಾ 22:44

ಯೆಸುನೆ ಘನ್ನು ತ್ರಾಸ ಥಯು. ತೆ ಪ್ರಾಥನಾಮಾ ಘನ್ನೊ ಕಷ್ಟ ಖಾದ್ಯೊ. ತಿನೊ ಘಾಮ ರಗತ ಲಿಂಗತ ಚಾ಼ಲ್ಯು.

ಯೊಹಾನ 12:26

ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.

ರೊಮಾಪೂರ 15:14

ಮಾರಾ ಭಾಯೊ ಭೆನೊ, ತುಮೊಮಾ ಚೊ಼ಕೊಜ಼ ಭರ‍್ಯುಸ ಕೈನ ಮನೆ ಕ್ಹರಿಮಾಜ಼ ಗ್ವತ್ತ ಛೆ. ಚಾ಼ಯೆ ಥಯಲ ಕ್ಹಾರುಜ಼ ಗ್ಯಾನ ತುಮೊನೆ ಛೆ ಕೈನ ವರಿ ಯಕ್ನಾ ಯಕ್ಕ ಸಲಹೆ ದಿವೊಸಿ ಕೈನ ಮನೆ ಗ್ವತ್ತ ಛೆ.

ರೊಮಾಪೂರ 15:30

ಭಾಯೊ ಭೆನೊ, ತುಮೆ ಮಾರಾ ಹುತಿ ಪ್ರಾಥಾನಾ ಕರಾನಾ ಮುಲಕ ಮನೆ ಮಿ ಸೆವೆ ಕರೊ ಕೈನ ಮಿ ತುಮೊಕನ ಮಾಂಗಿಲ್ಯುಸ. ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ವರಿ ಪವಿತ್ರ ಆತ್ಮಾ ದಿವಾನಿ ಮಯಾ ಕ್ಹು ಪ್ರಾಥನಾ ಕರೊ. ಜುದೆಯಮಾ ರ‍್ಹಯಲ ಅವಿಶ್ವಾಸಿಯೊನಾ ಹತೆ ಮಿ ಚು಼ಕೈಲಯವಾನೆ ತುಮೆ ಪ್ರಾಥನಾ ಕರೊ. ವರಿ ಮಿ ಲಿನಂಜಾ಼ವಾನಾ ದೊಕ್ಡಾ ವರಿ ತೆ ದೊಕ್ಡಾ ಕ್ಹುದಾನಾ ಬಚ್ಚಾ಼ವೊನೆ ಮನಸೆ ಔ ಕೈನ ಪ್ರಾಥನಾ ಕರೊ.

1 ಕೊರಿಂಥ 14:20

ಮಾರಾ ಭಾಯೊ ಭೆನೊ, ಬಚ಼್ಚಾವೊ ಲಿಂಗತ ವಿಚಾರ ಕರ‍್ಯಾವಾಚಿ ಮ್ಹೊಟಾವೊಲಿಂಗತ ವಿಚಾರ ಕರೊ. ಕೆಟ್ಟ ವಿಷಯಮಾ ನ್ಹಾನಾ ಬಚ಼್ಚಾ ಲಿಂಗತ ರ‍್ಹವೊ. ತೆನೈಸೊ ತುಮಾರಿ ವಿಚಾರೊಮಾ ಜಾಂಜಿಮಾನ ಲಿಂಗತ ರ‍್ಹವೊ.

1 ಕೊರಿಂಥ 2:6

ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

ಗಲಾತ್ಯ 1:10

ಮನಕ್ಹೊ ಮನೆ ಸ್ವಿಕಾರ ಕರಾನಾ ಹುತಿ ಮಿ ಕೊಶಿಶ ಕರಾಡ್ಯೊಸ ಕೈನ ತುಮೆ ತಿಳ್ದೊಸಿಸು? ನೈ! ಮಿ ಕ್ಹುದಾನೆಜ಼ ಖುಶಿ ಕರಾನೆ ಕೊಶಿಶ ಕರಾಡ್ಯೊಸ. ಮನಕ್ಹೊನೆ ಖುಶಿ ಕರಾನಾ ಹುತಿ ಮಿ ಕೊಶಿಶ ಕರಾಡೊ ಸು? ಮಿ ಮನಕ್ಹೊನೆ ಖುಶಿ ಕರಾನೊ ರ‍್ಹಯೊಮ ಯೆಸು ಕ್ರಿಸ್ತನೊ ಸೆವಕ ಥೈನ ರ‍್ಹತೊ ನ್ಹೊತೊ.

ಗಲಾತ್ಯ 4:19

ಬಚ್ಚಾ಼ವೊ ಲಿಂಗತ ರ‍್ಹಯಲ ಗಲಾತ್ಯ ಸಭೆವಾಲಾವೊ ಘನಿಯೊ ತ್ರಾಸ ಖಾವಾಲಿಯೊ ಮಾವೊ ಲಿಂಗತ ಮಿ ತುಮಾರಾ ಹುತಿ ತ್ರಾಸ ಖಾವಾಲೊ ಲಿಂಗತ ಛೆ. ತುಮೆ ಕ್ಹರಿಬಿ ಕ್ರಿಸ್ತಲಿಂಗತ ಥಾಯೆ ಲಕ್ಕಾ ಮನೆ ಎ ತ್ರಾಸ ರ‍್ಹವಸ.

ಕೊಲೆಸ್ಸೆ 1:22

ಹಮ್ನಾತೊ ಕ್ಹುದಾ ತುಮೊನೆ ಯೆಸು ಕ್ರಿಸ್ತನಾ ಅಂಗನಾ ಮರಣನಾ ಮುಲಕ ವಪ್ಪಂದ ಕರಿಲಿದ್ಯೊಸ. ಕ್ಹುದಾ ತಿನಿ ಸನ್ನಿಧಿಮಾ ತುಮೊನೆ ಪರಿಶುದ್ಧ ಕರಿನ, ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ಹುಬ್ರಾಡು ಕೈನ ಕ್ಹುದಾ ಇಮ್ಮ ಕರ‍್ಯೊ.

ಕೊಲೆಸ್ಸೆ 1:28

ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ

ಕೊಲೆಸ್ಸೆ 1:29

ಮಾರಾಮಾ ಕಾಮಾ ಪುರಾ ಕರಾನು ಕ್ಹುದಾನಿ ತಾಕತಕ್ಹು ಇನಾಹುತಿಜ಼ ರಾಬುಸ.

ಕೊಲೆಸ್ಸೆ 1:7

ತಮೆ ಎಪಫ್ರದಿಕ್ಹು ಕ್ಹುದಾನಿ ವರಗಾ ತಿಳ್ದಿಲಿದ್ಯಾಸ. ತೆ ಹಮಾರಾ ಕ್ಹಾತೆ ಸೆವೆ ಕರಾಡ್ಯೊಸ. ಹಮೆ ತಿನೆ ಮಯಾ ಕರೆಯೆಸ. ತೆ ಹಮಾರಾಹುತಿ ಕ್ರಿಸ್ತನೊ ಬರೊಕ್ಹೊವಾಲೊ ಸೆವಕ ಥಯೊಸ.

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

ಕೊಲೆಸ್ಸೆ 4:9

ತಿನೆ ಬರೊಕ್ಹಾನೆ ಲಾಯಕ ರ‍್ಹಯಲ ವರಿ ಮಯಾನೊ ಭೈ ಥಯಲ ತುಮಾರಾ ಉರಿನನ ಥಯಲ ಓಸಿಮನ ಕ್ಹಾತೆ ವಲಾಯೊಸ. ತ್ಯುನೆ ಹೈ ಥಾವಾನು ಹರ ಯಕ್ಕ ತುಮೊನೆ ಕವಸ.

1 ಥೆಸಲೊನಿಕ 5:23

ಶಾಂತಿಕ್ಹು ರ‍್ಹಯಲ ಕ್ಹುದಾ ತೆಜ಼ ತುಮೊನೆ ಕ್ಹಾರಿ ತರಾಕ್ಹು ಶುದ್ಧ ಕರಾದೆ ಕೈನ ಪ್ರಾಥನಾ ಕರಿಯೆಸ. ಪ್ರಭು ಥಯಲ ಯೆಸು ಕ್ರಿಸ್ತ ಅಪೊನೆ ದಿಕ್ಹತಾಮಾ ತುಮಾರಿ ಆತ್ಮಾ, ಅಂಗ, ಜ಼ಲಮ, ಸುಜ಼ ಕೆಟ್ಟ ರ‍್ಹಯೆ ನೈಸೊ ಪ್ರಾಥನಾ ಕರಿಯೆಸ.

ಫಿಲೊಮನ 1:23

ಕ್ರಿಸ್ತ ಯೆಸುನಾ ಹುತಿ ಮಾರಾ ಕ್ಹಾತೆ ಜೆಲ್ಮಾ ರ‍್ಹಯಲ ಎಪಫ್ರ ನಮಸ್ಕಾರ ಕದ್ಯೊಸ.

ಇಬ್ರಿಯ 5:14

ತೆನೈಸೊ ಘಟ್ಟ್ಟ ರ‍್ಹಯಲ ಅನ್ನ ಜಾಂಜಿಮಾನೊ ವ್ಹೈ ಬಚ್ಚಾವೊನೆ ನ್ಹವೈ, ಕದ್ಯಾಮ ಕೆಟ್ಟ ವರಿ ಚೊ಼ಕಾನೆ ಅನುಭಕ್ಹು ತಿಳ್ದಿಲಿನ, ತಿನಾ ಲಿಂಗತ ಚಾ಼ಲಾಲಾವೊನಾ ಹುತಿ ವ್ಹೈ.

ಇಬ್ರಿಯ 5:7

ಕ್ರಿಸ್ತ ಭುಲೊಕಮಾ ಜಿವನಾ ಕರತಾಮಾ, ಕ್ಹುದಾಕನ ಪ್ರಾಥನಾ ಕರಿನ ಮದತ ಮಾಂಗಿಲಿದ್ಯೊ. ತೆ ಘನ್ನೊ ಹಲಬ್ತೊ ಜೊ಼ರ ರೊತೊ ಕ್ಹುದಾಕನ ಪ್ರಾರ್ಥನಾ ಕರ‍್ಯೊ. ತಿನೆ ಮೌತಮಾತೊ ವಚಾ಼ಡ ಕೈನ ತಿನಾಹುತಿ ತೆ ಕ್ಹುದಾನಾ ಚಿತ್ತ ಲಿಂಗತ ತೆ ಕ್ಹಾರು ಕರಲವಾಲೊ ಥಯೊ. ವರಿ ಸ್ವಭಾವಕ್ಹು ವ್ಹಂದ್ಯೊ. ತಿನಾಹುತಿ ಕ್ಹುದಾ ತಿನಾ ಪ್ರಾರ್ಥನಾನೆ ಜವಾಬ ದಿದ್ಯೊ.

ಯಾಕೊಬ 1:1

ಕ್ಹುದಾನೆಬಿ ವರಿ ಯೆಸು ಕ್ರಿಸ್ತನೆಬಿ ದಾಸ ಥಯಲ ಯಾಕೊಬ ಬಿಜಾ಼ ದೆಶಮಾ ಫೈಲಿಗಯಲ ಇಸ್ರಾಯೆಲೊನಾ ಬಾರಾ ಖಾಂದಾನವಾಲಾವೊನೆ ಬರ್ದಾನು ಸು ವ್ಹೈ ಕದ್ಯಾಮ, ತುಮೊನೆ ಚೊ಼ಕು ಥಾವಾದೆ.

ಯಾಕೊಬ 1:4

ತೆ ತಾಳ್ಮೆ ತುಮೊಮಾ ಪುರಾ ಥಾವಾದೆ, ತೆಳಾಮಾ ತುಮೆ ಪುರಾ ಚೊ಼ಕಿಯೊ ಚಾಳಿಯೊವಾಲಾ, ಪುರಾ, ಕಿಮಾಜ಼ ಸು ಕಮ್ಮ ನೈಸೊವಾಲಾ ಥಾವೊಶಿ.

ಯಾಕೊಬ 5:16

ಪೌಲ ಕರಲ ಪಾಪ ಯಕ್ ಕೆಳಾಂಬಿ ತಿಳಶ್ಯಾ. ತೆ ತಿನಾಹುತಿ ಯಕ್ ಪ್ರಾರ್ಥ ಕರಾ. ಪೌಲ ಥಯಾಸ ಕರಾ, ಕ್ಹುದಾ ತಮನೊನೆ ಬಿಡುಗಡೆ ಕರಸ. ನಿತಿ ಬಡ್ಡಿಕ್ಹು ಕರಲ ಪ್ರಾರ್ಥನಾ ತಾಕತ ರ‍್ಹ.

2 ಪೆತ್ರಾ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.

ಯುದ ಬರ್ದಲ ಪತ್ರ 1:24

ತೆ ತಾಕತವರ ಥಯೊಸ. ತುಮೆ ಪಡೆನೈಸೊ ತೆ ತುಮೊನೆ ಮದದತ ಕರಸ. ತೆ ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ತಿನಿ ಮಹಿಮಾನಿ ಸನ್ನಿಧಿಮಾ ಲಾವಾನೆ ತುಮೊನೆ ಘನ್ನಿ ಮ್ಹೊಟಿ ಖುಶಿ ದಿವಾನೆ ಶಕ್ತ ಥಯೊಸ.