ಕೊಲೆಸ್ಸೆ 4:10 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁰ ಮಾರಾ ಕ್ಹಾತೆ ಜೆಲಮಾ ರ‍್ಹಯಲ ಅರಿಸ್ತಾರ್ಕನ ವರಿ ಬಾರ್ನಬನ ಭೈಘೊವಾಲೊ ಮಾರ್ಕ ತುಮೊನೆ ನಮಸ್ಕಾರ ಕವಸ. ತೆ ತುಮೊನೆಕನ ಆಯಾರೆ ತಿನೆ ಮಳೈ ಲಿವೊ. ತಿವ್ನಾ ಹುತಿ ತುಮೆ ಆಗ್ಯಾ ಹೊಂದಿಲಿದ್ಯಾಸತೊ.

ಕೊಲೆಸ್ಸೆ 4:10 ပူးပေါင်းရင်းမြစ်များ

ಅಪೊಸ್ತಲೊ 12:12

ಪಾಚಲ್ತೊ ಪೆತ್ರಾ ಮರಿಯಳನಾ ಘರೆ ಗಯೊ. ತೆ ಯೊಹಾನನಿ ಯಾ ವ್ಹೈ. ಯೊಹಾನನೆ ಮಾರ್ಕ ಕೈನ ಬಲಾತಾತಾ. ಘನ್ನಾ ಮನಕ್ಹೊ ತ್ಯಾ ಮಳ್ಯಾ. ತ್ಯುನೆ ಕ್ಹಾರಾ ಪ್ರಾಥನಾ ಕರಾಡಾತಾ.

ಅಪೊಸ್ತಲೊ 12:25

ಬಾರ್ನಬ ವರಿ ಸೌಲಾ ಯೆರುಸಲೆಮಮಾ ತ್ಯುನು ಕಾಮ ಕ್ಹರಾಯಲಪರ ಅಂತಿಯೊಕ್ಯನೆ ಫರಿನ ಗಯಾ. ಮಾರ್ಕ ಕವಾಲೊ ಯೊಹಾನ ತ್ಯುನಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 13:13

ಪೌಲಾ ವರಿ ತಿನಾ ಕ್ಹಾತೆ ರ‍್ಹಯಲವಾಲಾ ಪಾಫೊಸಿನತಾ ನೌಕಾಯಾನ ಕರ‍್ಯಾ. ಪಾಂಫಿಲಿನಾ ಪ್ರಾಂತ್ಯಮಾ ರ‍್ಹಯಲ ಪೆರ್ಗ ಕವಾನಾ ಗಾಮೆ ತ್ಯುನೆ ಆಯಾ. ತೆನೈಸೊ ಮಾರ್ಕ ಕವೈಲಿವಾಲೊ ಯೊಹಾನ ತ್ಯುನೊನೆ ಛೊಡಿನ ಯೆರುಸಲೆಮೆ ಫರಿನ ಗಯೊ.

ಅಪೊಸ್ತಲೊ 13:5

ಬಾರ್ನಬ ವರಿ ಸೌಲಾ ಸಲಾಮಿಸ ಗಾಮೆ ಆಯಲ್ಪರ ಯೆಹುದಿನಾ ಸಭಾ ಮಂದಿರಮಾ ಕ್ಹುದಾನಿ ಸಂದೆಶ ಕದ್ಯಾ. ಮಾರ್ಕ ಕವೈಲಿವಾಲೊ ಯೊಹಾನ ಮದತ ಕರಾನಾ ಹುತಿ ತ್ಯುನಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 19:29

ತೆಳಾಮಾ ಗಾಮ್ಮಾ ಪುರಾ ಗಲಿಬಿಲಿ ಥೈ. ಪ್ರಯಾಣಮಾ ಪೌಲಾನಾ ಕ್ಹಾತೆ ಮಕೆದೊನ್ಯ ಗಾಯೊಸೆನೆ ವರಿ ಅರಿಸ್ತಾರ್ಕನೊನೆ ಮನಕ್ಹೊ ಧರ್ಲಿನ ಮಳಿನ ನಾಟಕ ಸಾಲಿಮಾ ಹೊಕ್ಯಾ.

ಅಪೊಸ್ತಲೊ 20:4

ಪುರ್ರನೊ ದಿಕ್ರೊ ಥಯಲ ಬೆರೊಯೊ ಗಾಮವಾಲೊ ಸೊಪತ್ರನು, ಥೆಸಲೊನಿಕ ಅರಿಸ್ತಾರ್ಕ, ಸೆಕುಂದನದೆರ್ಬೆ ಥೆಸಲೊನಿಕ ಗಾಮವಾಲೊ ಗಾಯೊಸನೊ,ತಿಮೊಥಿಯೊನ, ಆಸ್ಯಸಿಮೆಮಾ ರ‍್ಹಯಲವಾಲಾ ಮನಕ್ಹೊ ತುಖಿಕನ, ತ್ರೊಫಿಮನೊ, ಆಸ್ಯಸಿಮೆ ಲಕ್ಕಾ ತಿನಾ ಕ್ಹಾತೆ ಗಯಾ.

ಅಪೊಸ್ತಲೊ 27:2

ಹಮೆ ತೆ ಹಡ್ಗೊ ಚ಼ಡಿನ ತ್ಯಾಂತಾ ಚಾ಼ಲ್ಯಾ. ತೆ ಹಡ್ಗೊ ಅದ್ರಮಿತ್ತ ಗಾಮ್ತೊ ಆಯೊತೊ ವರಿ ಎಶ್ಯಾಮಾ ರ‍್ಹಯಲ ಬಿಜಾ಼ ಬಿಜಾ಼ ಗಾಮೊಯೆ ಜಾ಼ವಾನೆ ತಯ್ಯಾರ ವ್ಹತ್ತೊ. ಅರಿಸ್ತರ್ಕಬಿ ಹಮಾರಾ ಕ್ಹಾತೆ ಆಯೊ. ತೆ ಮೆಕೆದೊನಿಯಾನೆ ಮಳಲ ಥೆಸಲೊನಿಕ ಗಾಮವಾಲೊ ವ್ಹತ್ತೊ.

ಅಪೊಸ್ತಲೊ 4:36

ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ.

ರೊಮಾಪೂರ 16:2

ತುಮೆ ತಿನೆ ಪ್ರಭುನಾ ನಾಮಪರ ಮಳೈಲ್ಯು ಕೈನ ಮಿ ತುಮೊಕನ ಕೈಲ್ಯುಸ. ತಿನೆ ಚಾ಼ಯೆ ಥಯಲನೆ ಮದದ ಕರೊ. ತೆ ಮನೆ ಘನ್ನಿ ಮದದ ಕರಿಸ. ತೆನೈಸೊ ಬಿಜಾ಼ ಮನಕ್ಹೊನೆ ಬಿ ಮದದ ಕರಿಸ.

ರೊಮಾಪೂರ 16:7

ಅಂದ್ರೊನಿಕನೆ ವರಿ ಯುನ್ಯನೆ ಮಾರಿ ವಂದನಾ ಕವೊ. ತ್ಯುನೆ ಮಾರಾ ಕಳಬಳ ವ್ಹೈ. ತೆನೈಸೊ ತ್ಯುನೆ ಮಾರಾ ಕ್ಹಾತೆ ಜೆಲಮಾ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ಅಪೊಸ್ತಲೊನೆ ತ್ಯುನೆ ವಳಕ ವ್ಹತ್ತಾ. ತ್ಯುನೆ ಪೈಲಾಜ಼ ಕ್ರಿಸ್ತನಾ ವಿಸ್ವಾಸಿಯೊ ವ್ಹೈ.

2 ತಿಮೊತಿ 4:11

ಲುಕ ಯಕ್ಲೊಜ಼ ಮಾರಾ ಕ್ಹಾತೆ ಛೆ. ತು ಆತಾಮಾ ಮಾರಕನೆ ತಾರಾ ಕ್ಹಾತೆ ಬಲೈಲಿನ ಆ. ಕಾಕದ್ಯಾಮ ತೆ ಮಾರಿ ಸೆವಾನೆ ಮದದ ಕರಸ.

ಫಿಲೊಮನ 1:23

ಕ್ರಿಸ್ತ ಯೆಸುನಾ ಹುತಿ ಮಾರಾ ಕ್ಹಾತೆ ಜೆಲ್ಮಾ ರ‍್ಹಯಲ ಎಪಫ್ರ ನಮಸ್ಕಾರ ಕದ್ಯೊಸ.

ಫಿಲೊಮನ 1:24

ಮಾರ್ಕ, ಅರಿಸ್ತಾಕ, ದೆಮನ, ಲೊಕ, ಇವ್ನೆ ಕ್ಹಾರಾ ತುನೆ ನಮಸ್ಕಾರ ಕದ್ಯಾಸ. ಇವ್ನೆ ಕ್ಹಾರಾ ಮಾರಾ ಕ್ಹಾತೆ ಕಾಮ ಕರಾಲಾ ಥಯಾಸ.

1 ಪೆತ್ರಾ 5:13

ಬಾಬಿಲೊನಮಾ ರ‍್ಹಯಲ ಸಭೆವಾಲಾ ತುಮೊನೆ ನಮಸ್ಕಾರ ಕದ್ಯಾಸ. ತುಮೊನೆ ಇನಿಲಿದಲ ಲಿಂಗತಜ಼ ತೆ ಮನಕ್ಹೊನೆ ಇನಿಲಿದ್ಯಾಸ. ಕ್ರಿಸ್ತಮಾ ಮಾರೊ ದಿಕ್ರೊ ಥಯಲ ಮಾರ್ಕ ತುಮೊನೆ ನಮಸ್ಕಾರ ಕದ್ಯೊಸ.