7 ತುಮೆಬಿ ಪೈಲಾ ಆ ಕ್ಹಾರು ಕರಾಲಾ ಹೊತ್ತಾ.
ಅಪ್ನಿ ಮಾನವ ಸ್ವಭಾನಾ ಲಿಂಗತ ಅಪೆ ಜಿವ್ತಾ ರ‍್ಹತಾಮಾ, ಧರಮಶಾಸ್ತ್ರಕ್ಹು ಹುಟ್ಟಲ ಪಾಪನಾ ಆಸೊ ಅಪ್ನಾ ಅಂಗೊಮಾ ಕಾಮ ಕರಾಡಾಸ, ವರಿ ಅಪೆ ಎ ಕ್ಹಾರು ಮರೆ ಲಕ್ಕಾ ಕರೆಸ.
ಪೈಲಾ ತುಮೊಮಾನಾ ದಕ್ಹಾ ಜ಼ನಾ ತ್ಯವಾ ಥಯಾಸ. ತೆನೈಸೊ ತೆಳಾಮಾ ಯೆಸು ಕ್ರಿಸ್ತನಾ ನಾಮಮಾ ವರಿ ಕ್ಹುದಾನಿ ಆತ್ಮಾಮಾ ತುಮೆ ಶುದ್ಧ ಥಯಾಸ, ನಿತಿವಂತ ಥಯಾಸ ವರಿ ಕ್ಹುದಾನಾ ಕ್ಹಾತೆ ಚೊ಼ಕಿ ಸಂಬಂಧ ಹೊಂದಿಲಿದ್ಯಾಸ.
ಹೊ, ಪೈಲಾ ತುಮೆ ತೆ ಪಾಪೊಜ಼ ಕರೊಶಿ. ಎ ದುನಿಯಾನಾ ವಾಟೊ ಲಿಂಗತ ತುಮೆ ಜಿವ್ನಾ ಕರ‍್ಯಾಸ. ವಾಯು ಮಂಡಲಮಾ ರ‍್ಹವಾನಾ ದುಷ್ಟ ಶಕ್ತಿಯೊನಾ ಅಧಿಪತಿನೆ ತುಮೆ ವಿಧೆಯ ಥಯಾಸ. ಕ್ಹುದಾನೆ ಅವಿಧೆಯ ಥಯಲ ಮನಕ್ಹೊಮಾ ಹಮ್ನಾ ಕಾಮ ಕರಾಲಾಜ಼ ತೆ ಆತ್ಮಾ ವ್ಹೈ.
ಅಪರಾದ ಕರಲ ಹುತಿ ವರಿ ಶರಿರನಾಭಾವ ಕ್ಹು ಮರಲವಾಲಾ ಥಯಲ ತುಮೊನೆ ಕ್ಹುದಾ ಕ್ರಿಸ್ತನಾ ಕ್ಹಾತೆ ಜಿವ್ತೊ ಕರ‍್ಯೊಸ ವರಿ ತ್ಯುನೆ ಕರಲ ತಪ್ಪ ಕ್ಹಾರಾ ಮಾಫ ಕರ‍್ಯೊಸ.
ಪೈಲಾ ಹಮೆಬಿ ಗ್ಯಾನ ನೈ ರ‍್ಹಯಲವಾಲಾ ವ್ಹತ್ತಾ. ಅಪೆ ನೈ ಐಕಾಲಾ ಥೈನ ರ‍್ಹಯಾಸ. ಅಪೆ ಮೊಸ ಗಯಾಸ. ಘನ್ನಾ ತರಾನಾ ಆಸೊನೆ ವರಿ ದುನಿಯಾನಿ ಆಸಮಾ ಪಡ್ಯಾತಾ; ಕೆಟ್ಟ ಕಾಮೊ ಕರಾಲಾ ಸಂಗಟ ಘಾಲಿಲಿವಾಲಾ ವ್ಹತ್ತಾ. ಮನಕ್ಹೊ ಅಪೊನೆ ಶೆರತಾ ನ್ಹೊತಾ. ಅಪರ ಯಕ್ಕನೆ ಯಕ್ಕ ದ್ವೆಷ ಕರತಾತಾ.
