ಕೊಲೆಸ್ಸೆ 3:16 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁶ ಕ್ರಿಸ್ತನಿ ವಾಕ್ಯಾ ತುಮಾರಾಮಾ ಸಮೃದ್ಧಿ ಥೈನ ರ‍್ಹವಾದೆ. ಹರಯಕ್ಕ ಗ್ಯಾನಖು ಯಕ್ಲಾನೆ ಯಕ್ಲೊ ಉಪದೆಶ ಕರತಾ ಗ್ಯಾನ ದೆತಾ ರ‍್ಹವೊ. ಕೀರ್ತನೆಖು,ಸ್ತುತಿ ಕರತಾ ವರಿ ಆತ್ಮಿಕನೆ ಸಂಬಂಧ ಪಡೆಲ ಗಿದ್ದೊಖು ತುಮಾರಾ ಮನಸ್ಮಾ ಕ್ಹುದಾನೆ ತೆ ಕರಲ ಉಪಕಾರೊನಾ ಹುತಿ ಖುಶಿ ಥೈನ ಸ್ತೊತ್ರ ಕವೊ.

ಕೊಲೆಸ್ಸೆ 3:16 ပူးပေါင်းရင်းမြစ်များ

ಮತ್ತಾಯ 26:30

ತೆ ಥಯಲ್ಪರ ತ್ಯುನೆ ಕಿರ್ತನೆನು ಗಿದ್ದ ಕದಲ್ಪರ ತೆಲನಾ ಝಾಡೊನಾ ಡೊಂಗರ್ಪರ ಗೈಪಡ್ಯಾ.

ಲುಕ ಬರ್ದಲ ಸುವಾರ್ತಾ 2:51

ಯೆಸು ತ್ಯುನಾ ಕ್ಹಾತೆ ನಜ಼ರೆತೆ ಐನ ತಿನಾ ಮಾ ಬಾಪನೆ ವಿಧೆಯ ಥಯೊ. ತಿನಿ ಯಾ ಎ ಕ್ಹಾರಿಯೊ ವಾತೊನಾ ಹುತಿ ವಿಚಾರ ಕರಾಡಿತಿ.

ಯೊಹಾನ 15:7

ತುಮೆ ಮಾರಾಮಾ ಮಾರಿ ವಾಕ್ಯಾ ತು ಮಾರಾಮಾ ರ‍್ಹಯುಮ ಸು ಚಾ಼ಯೆ ತೆ ಮಾಂಗಿಲಿವೊ, ತೆ ತುಮೊನೆ ಮಳಸ.

ರೊಮಾಪೂರ 10:17

ತಿನಾಹುತಿ ಕದಲ ವಾಕ್ಯಾ ಐಕಾಕ್ಹು ಬರೊಕ್ಹೊ ಆವಸ. ವರಿ ವಾಕ್ಯಾ ಯೆಸುನಾ ಹುತಿ ತೆ ಸವಾರತೆ ಐಕಾಕ್ಹು ವರಿ ಕ್ರಿಸ್ತನಿ ವಾಕ್ಯಾ ಐಕಾಕ್ಹು ಸಂದೆಶ ಆವಸ.

ರೊಮಾಪೂರ 15:14

ಮಾರಾ ಭಾಯೊ ಭೆನೊ, ತುಮೊಮಾ ಚೊ಼ಕೊಜ಼ ಭರ‍್ಯುಸ ಕೈನ ಮನೆ ಕ್ಹರಿಮಾಜ಼ ಗ್ವತ್ತ ಛೆ. ಚಾ಼ಯೆ ಥಯಲ ಕ್ಹಾರುಜ಼ ಗ್ಯಾನ ತುಮೊನೆ ಛೆ ಕೈನ ವರಿ ಯಕ್ನಾ ಯಕ್ಕ ಸಲಹೆ ದಿವೊಸಿ ಕೈನ ಮನೆ ಗ್ವತ್ತ ಛೆ.

1 ಕೊರಿಂಥ 14:15

ತಿನಾಹುತಿ ಮಿ ಸು ಕರು? ಮಾರಿ ಆತ್ಮಕ್ಹು ಮನಸ್ಸಕ್ಹು ಪ್ರಾಥನಾ ಕರುಸ. ಮಾರಿ ಜ಼ಲಮನಿ ಆತ್ಮಾನಾ ಕ್ಹಾತೆ ಮನಸ್ಸನಾ ಕ್ಹಾತೆ ಗಿದ್ದ ಕೌಸ.

1 ಕೊರಿಂಥ 14:26

ತಿನಾಹುತಿ ಭಾಯೊ ಭೆನೊ, ತುಮೆ ಕರಾನು ಸು ವ್ಹೈ? ತುಮೆ ಸಭೆ ಮಳಿನ ಆಯಲಪರ, ಯಕ್ಲೊ ಗಿದ್ದ ಕವಸ; ಯಕ್ಲೊ ಉಪದೆಶ ಕರಸ; ಯಕ್ಲೊ ಕ್ಹುದಾಕ್ಹು ನವು ಕ್ಹರಿ ತಿಳ್ಸಾವಸ; ಯಕ್ಲೊ ಬಿಜಿ಼ ಭಾಶಾಮಾ ಬೊಲಸ; ಯಕ್ಲೊ ತೆ ಬಿಜಿ಼ ಭಾಷಾ ಅನುವಾದ ಕರಸ. ಸಭೆ ಘಟ್ಟ ಥೈನ ಬೆಳದು ಕೈನ ಎ ಕ್ಹಾರಾವೊನು ಉದ್ದೆಶ ರ‍್ಹೌ.

ಎಫೆಸ 1:17

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಕ್ಹುದಾ ಮಹಿಮಾನೊ ಸ್ವರುಪ ಥಯಲ ಬಾ ಥಯಲವಾಲಾನೆ ಮಿ ಹಮೆಶಾಬಿ ಪ್ರಾಥನಾ ಕರುಸ ಕ್ಹುದಾನಿ ಗ್ಯಾನಕ್ಹು ಕದ್ಯಾಮ ತೆ ತುಮೊನೆ ತಿಳಸಾಯಲ ಗ್ಯಾನಕ್ಹು ತುಮೊನೆ ಗ್ಯಾನಿ ಕರಾನಿ ಆತ್ಮಾ ತೆ ತುಮೊನೆ ದಿವಾದೆ ಕೈನ ಮಿ ಪ್ರಾಥನಾ ಕರುಸ.

ಎಫೆಸ 5:17

ತುಮೆ ಪಿಸಾಳಾ ಥಯಾವಾಚಿ ಕ್ಹುದಾನಿ ಚಿತ್ತ ಸು ವ್ಹೈ ಕವಾನು ತಿಳ್ದಿಲಿವೊ.

ಎಫೆಸ 5:19

ಕಿರತನೆಕ್ಹು ಗಿದ್ದೊಕ್ಹು ಆತ್ಮಿಕ ಗಿದ್ದೊಕ್ಹು ಯಕ್ನೆ ಯಕ್ಕ ಬೊಲೊ. ತುಮಾರಾ ಮನಸೊಮಾ ಪ್ರಭುನೆ ಮೆಜಿಕ ವಜಾ಼ಡಿನ ಗಿದ್ದೊ ಕವೊ.

ಎಫೆಸ 5:26

ಕ್ರಿಸ್ತ ಸಭೆನೆ ಪರಿಶುದ್ಧ ಕರಾನಾ ಹುತಿ ಜ಼ಲಮ ದಿದ್ಯೊ. ಸುವಾರ್ತೆ ಕವಾನಾ ಮುಲಕ ಪಾನಿಕ್ಹು ಧ್ವಯಿನ ತೆ ಸಭೆನೆ ಪರಿಶುದ್ಧ ಕರ‍್ಯೊ.

ಕೊಲೆಸ್ಸೆ 1:28

ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ

ಕೊಲೆಸ್ಸೆ 1:9

ಇಮ್ಮ ರ‍್ಹಯಲ ಹುತಿ ಎ ತುಮಾರಿ ಮಯಾನಾ ಹುತಿ ಹಮೆ ಐಕಲ ದಿಂತಾ ತುಮಾರಾ ಹುತಿ ಇಕ್ಹರ‍್ಯಾವಾಚಿ ತುಮೆ ಕ್ಹಾರಿ ತರಾನಿ ಆತ್ಮಿಕನಿ ವಿಷಯನಾ ಹುತಿ ಗ್ಯಾನಕ್ಹು ಕ್ಹುದಾನಿ ಚಿತ್ತ ತಿಳದಿಲಿವಾನಾಹುತಿ

ಕೊಲೆಸ್ಸೆ 4:6

ತುಮೆ ಬೊಲಾನೊ ತರಿಕೊ ಕೆಳಾಮಾಬಿ ಕೃಪೆನಾ ಕ್ಹಾತೆ,ವರಿ ಮಿಟ್ಟಾನಾ ಲಿಂಗತ ಸ್ವಾದ ರ‍್ಹೈನಕಾ, ಅಮ್ಮಜ಼ ತುಮೆ ಕಿನೆ ಕಿಮ ಬೊಲು ಕೈನ ತಿಳ್ದಿಲಿವೊ.

1 ಥೆಸಲೊನಿಕ 1:8

ಪ್ರಭುನು ಉಪದೆಶ ಮೆಕೆದೊನಿಯಾವಾಲಾವೊನೆ ವರಿ ಅಖಾಯಾಮಾ ರ‍್ಹಯಲ ಮನಕ್ಹೊನೆ ತುಮಾರಾಕ್ಹು ಫೈಲಿ ಗಯು. ಎನೈಸೊ ಕ್ಹುದಾಪರ ರ‍್ಹಯಲ ತುಮಾರೊ ಬರೊಕ್ಹೊ ಕ್ಹಾರಿ ಜ಼ಗಾನಾ ಮನಕ್ಹೊ ತಿಳದಿಲಿದ್ಯಾ ತಿನಾಹುತಿ ತುಮೆ ಕರಲ ಬರೊಕ್ಹನಾ ಹುತಿ ಸುಜ಼ ಕವಾನು ನತ್ತಿ.

1 ಥೆಸಲೊನಿಕ 4:18

ತಿನಾಹುತಿ ಎ ವಾತೊಕ್ಹು ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ.

2 ಥೆಸಲೊನಿಕ 3:15

ತೆನೈಸೊ ತಿನೆ ದುಷ್ಮನ ವ್ಹೈ ಕೈನ ತಿಳದ್ಯಾವಾಚಿ ಕ್ರಿಸ್ತಮಾ ರ‍್ಹಯಲ ಭೈ ವ್ಹೈ ಕೈನ ಗ್ಯಾನ ಕವೊ.

1 ತಿಮೊತಿ 6:17

ಇಹಲೊಕನಾ ವಿಚಾರಮಾ ಸೌಕಾರ ರ‍್ಹಯಲ ಮನಕ್ಹೊನೆ ಎ ಆಗನ್ಯಾ ತಿಳಸಾ. ಗರವ ಕರ‍್ಯಾವಾಚಿ ದೊಕಡಾನಾ ಪಾಚೊ಼ ಪಡ್ಯಾವಾಚಿ ಕ್ಹುದಾಪರ ಆಸ ಮ್ಹೆಲ್ಯಲವಾಲೊ ಥೈನ ತ್ಯುನೊನೆ ತಿಳಸಾ. ದೊಕಡಾ ಬರೊಕ್ಹೊನಾ ನ್ಹವೈ. ಕ್ಹುದಾತುಬಿ ಅಪ್ನಾ ಕ್ಹುಷಿನಾಹುತಿ ಕ್ಹಾರು ಅಪೊನೆ ದಿವಸ.

2 ತಿಮೊತಿ 3:15

ತು ಶೆ ಕರಿಲೆ ನ್ಹಾನ ಪಂತೊಜ಼ ತುನೆ ಪವಿತ್ರ ಗ್ರಂಥನಾ ಹುತಿ ಗ್ವತ್ತ ಛೆ. ತುನೆ ಗ್ಯಾನಿ ಕರಾನೆ ಎ ಪವಿತ್ರ ಗ್ರಂಥಜ಼ ಕಾರಣ ವ್ಹೈ. ಕ್ರಿಸ್ತ ಯೆಸುಮಾ ರ‍್ಹವಾನೊ ಬರಕ್ಹಾಕ್ಹು ಎ ಗ್ಯಾನ ರಕ್ಷಣೆಮಾ ಚ಼ಲಾವಸ.

ತಿತನೆ 3:6

ಅಪ್ನೊ ರಕ್ಷಕ ಥಯಲ ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪವಿತ್ರ ಆತ್ಮಾ ಅಪೊಪರ ರಿಚಾ಼ಯೊಸ.

ಯಾಕೊಬ 1:5

ತುಮೊಮಾ ಕಿನೆಬಿ ಗ್ಯಾನ ಕಮ್ಮ ರ‍್ಹಯಾಮ ತೆ ಕ್ಹುದಾಕನ ಮಾಂಗಿಲಿವಾದೆ, ತೆ ತ್ಯುನೊನೆ ಮಳಸ. ಕಾಕದ್ಯಾಮ ಕ್ಹುದಾ ಹಟಕ್ಯಾ ಬಗರ ಕ್ಹಾರಾವೊನೆ ಉದಾರ ಮನಸಕ್ಹು ದಿವಾಲೊ ಥಯೊಸ.

ಯಾಕೊಬ 3:17

ತೆನೈಸೊ ಉಪ್ಪರತಿ ಆವಾನಿ ಗ್ಯಾನ ಪೈಲಾ ಪರಿಶುದ್ದ ರ‍್ಹಯಲ ವ್ಹೈ ವರಿ ಸಮಾಧಾನ ರ‍್ಹಯಲ ವ್ಹೈ, ವಿನಯ ರ‍್ಹಯಲ ವ್ಹೈ, ವಿದೆಯತೆಕ್ಹು ರ‍್ಹಯಲ ವ್ಹೈ, ಮರ್ಗಾ ವರಿ ಚೊ಼ಕಾ ಫಲೊಕ್ಹು ಭರಲ ವ್ಹೈ, ಬೆದ ಭಾವ ನೈ ರ‍್ಹಯಲ ವ್ಹೈ, ಇಮಾಂದಾರಿಕ್ಹು ರ‍್ಹಯಲ ವ್ಹೈ ಕೈನ ಕ್ಹುಶಿಕ್ಹು ವಪ್ಪಿಲಿವಾನು ಥಯುಸ.

ಯಾಕೊಬ 5:13

ತಾರ ದುಕ ಮ್ಹೈ ಕರಲ ಪ್ರಾರ್ಥ ಕರಾ. ತಾರ ಕ್ಹ ಕರಸ ಕೌ.

1 ಯೊಹಾನ 2:14

ಬಚ್ಚಾ಼ವೊ, ತುಮೆ ಬಾ ನೆ ವಳಕಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ. ಬಾ ಥಯಲವಾಲಾ, ಆದಿಮಾತೊಬಿ ರ‍್ಹಯಲವಾಲೊ ತುಮೆ ತಿಳದಲಹುತಿ ಮಿ ತುಮೊನೆ ಬರ್ದಾಡ್ಯೊಸ. ಜಾಂಜಿಮಾನೊ, ತುಮೆ ಘನ್ನಾ ತಾಕತ ರ‍್ಹಯಲವಾಲಾ ಹುತಿ ವರಿ ತುಮೆ ಕೆಟ್ಟನೆ ಸೊಲ್ಸಲ ಹುತಿ ಮಿ ತುಮೊನೆ ಬರ್ದಾಡ್ಯೊಸ.

1 ಯೊಹಾನ 2:24

ತುಮೆ ಶುರುತಾಬಿ ಐಕಲ ಭೊದನೆ ಲಿಂಗತ ಚಾ಼ಲೊ. ತೆ ಭೊದನೆ ಲಿಂಗತ ಚಾ಼ಲಾಲಾ ತುಮೆ ದಿಕ್ರಾಮಾ ಬಿ ಬಾಮಾ ಬಿ ರ‍್ಹಯಲ ಲಿಂಗತ ವ್ಹೈ.

1 ಯೊಹಾನ 2:27

ಕ್ರಿಸ್ತ ಖಾಸ ರ‍್ಹಯಲ ವರಾ ತುಮೊನೆ ಮರಗಿನ ದಿದ್ಯೊ. ತೆ ತುಮೊಮಾ ಹಜು಼ನ ಛೆ. ತಿನಾಹುತಿ ತುಮೊನೆ ಕಯಾಜ಼ ಉಪದೆಶನಿ ಜ಼ರುರತ ನತ್ತಿ. ತೆ ತುಮೊನೆ ದಿದಲ ವರಾ ತೆ ತುಮೊನೆ ಕ್ಹಾರುಜ಼ ಉಪದೆಶ ಕರಸ. ತೆ ಕ್ಹರಿಜ಼ ವ್ಹೈ ಸುಳ್ಳ ನ್ಹ ವ್ಹೈ. ತಿನಾಹುತಿ ತುಮೆ ತೆ ಉಪದೆಶ ಲಿಂಗತ ತಿಮಾ ರ‍್ಹವೊ.

2 ಯೊಹಾನ 1:2

ಹಮಾರಾ ರಹೆಲ ವರಿ ಹರ ಯಕ್ಕ ವತ್ಕ ರ‍್ಹವಾಹು ಕ್ಹರಿನಾಹುತಿ, ಮಿ ತಮನೊನೆ ಕ್ಹರಿಜ ಮಯಾ ಕರುಸ. ಮಿ ನೈಸೊ ಕ್ಹರಿನೆ ಕುನ ಮಯಾ ಕರಸ ತಮನೊನೆ ಬಿ ಮಯಾ ಕರಸ.

ಪ್ರಕಟನೆ 14:3

ಮನಕ್ಹೊ ಸಿಂಹಾಸನ್ನಾ, ಚಾರ ಜಿವಿಯೊನಾ ವರಿ ಶಾನಾವೊನಿ ಸನ್ನಿದಿಮಾ ನೌ ರಿಕಾಡ ಕದ್ಯಾ. ಎ ದುನಿಯಾಮಾತಾ ಬಿಡುಗಡೆ ಥಯಲ ಯಕ್ಕ ಲಾಕ ಚಾ಼ಳಕ್ಹಪರ ಚಾರ ಹಜಾ಼ರ ಮನಕ್ಹೊ ಯಕ್ಕಜ಼ ಎ ಗಿದ್ದ ಶಿಕ್ಕಾನೆ ಶಕ್ತ ಛೆ. ಎ ಗಿದ್ದ ಬಿಜು಼ ಕುನ್ನಜ಼ ಶಿಕ್ಕತು ನೈ.

ಪ್ರಕಟನೆ 15:3

ತ್ಯುನೆ ಕ್ಹುದಾನೊ ಸೆವಕ ಥಯಲ ಮೊಶೆನು ಗಿದ್ದ ವರಿ ಬಕ್ರಾನು ಬಚ್ಚು಼ ಥಯಲವಾಲಾನು ಗಿದ್ದ ಕದ್ಯಾ. ‘ಪ್ರಭು, ವರಿ ಕ್ಹಾರಾವೊತಿ ತಾಕತವರ ಥಯಲವಾಲಾ ಕ್ಹುದಾ,ತು ಮ್ಹೊಟಾಲಾ ಕಾಮೊ ವರಿ ಘಾಬ್ರಾಥಾವಾನಾ ಕಾಮೊ ಕರಶಿ,ಕ್ಹಾರಿ ಜಾ಼ತಾವಾಲಾವೊನಾ ರಾಜಾ಼, ತಾರಿ ಯಕ್ಕ ವಾಟೊ ವರಿ ಫೈಸಲೊ ಕ್ಹರಿನೊ ವ್ಹೈ.

ಪ್ರಕಟನೆ 19:10

ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.

ಪ್ರಕಟನೆ 5:9

ತ್ಯುನೆ ಕ್ಹಾರಾ ಬಕ್ರಾನಾ ಬಚ್ಚಾ಼ನಾ ಹುತಿ ಯಕ್ಕ ನೌ ಗಿದ್ದ ಕದ್ಯಾ; ತು ಖಲಾಸ ಬಲಿ ಥಯಲ ಹುತಿ, ಸುರುಳಿ ಲಿನ, ತಿನಾ ಮುದ್ರೆನೆ ತೊಡಾನೆ ಯೊಗ್ಯ ಛೆ. ತು ತಾರಾ ರಗತಕ್ಹು ಘನ್ನಾ ಕುಲ, ಭಾಷಾ, ದೆಶೊ ಬಿಜಯೊ ಬಿಜಿಯೊ ಜಾ಼ತೊನಾ ಮನಕ್ಹೊನೆ ಕ್ಹುದಾನಾ ಹುತಿ ಕಿಮ್ಮತ ದಿನ ಲಿದ್ಯೊಸ.