ಕೊಲೆಸ್ಸೆ 2:23 - ಕ್ಹುದಾನಿ ಕ್ಹರಿನಿ ವಾಕ್ಯಾ

²³ ಆ ಕ್ಹಾರಾ ಉಪದೆಶ ಮನಕ್ಹೊ ಕರಲ ಪದ್ದತನಾ ಪ್ರಕಾರ, ಖಾಲಿ ದೆಕಾಡಾನಾ ಹುತಿ ಅಂಗನೆ ಬಗ್ಸಾಡಾನಾ ಹುತಿ ಗ್ಯಾನ ವ್ಹೈ ಕೈನ ದಿಕ್ಹಿನ ಆವಸ ಮಾತ್ರ ತೆ ಅಪ್ನಾಮಾ ರ‍್ಹಯಲ ದುನಿಯಾಮಾ ರ‍್ಹಯಲ ಆಶವೊನೆ ಭಂದಿನ ಘಾಲಾನೆ ನೈ ಆತು ವರಿ ಆ ಕ್ಹಾರು ಶಾನಾ ಕಾಮನು ನತ್ತಿ.

ಕೊಲೆಸ್ಸೆ 2:23 ပူးပေါင်းရင်းမြစ်များ

ರೊಮಾಪೂರ 13:14

ತೆನೈಸೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಆಯುದ್ಧ ಲಿಂಗತ ಭಾಂದಿಲ್ಯು, ತುಮಾರು ಪಾಪನು ಸ್ವಭಾವೊ ಕಿಮ ತೃಪ್ತ ಕರಿಲಿಯೆ ಕೈನ ಕೆಟ್ಟ ಕಾಮೊ ಕರಿಯೆ ಕವಾನು ಆಸ ಕಿಮ ಪುರಾ ಕರಿಯೆ ಕೈನ ವಿಚಾರ ಕರಾನು ಬಂದ ಕರೊ.

ಎಫೆಸ 5:29

ಕಾಕದ್ಯಾಮ ಕುನ್ನಜ಼ ಕೆಳಾಮಾ ತಿನಾ ಅಂಗನೆ ದ್ವೆಷ ನೈ ಕರ‍್ತೊ. ಹರಯಕ್ಲೊ ತಿನಾ ಅಂಗನೆ ಚೊ಼ಕಿ ತರಾ ದೆಕಿಲಿವಸ. ಕ್ರಿಸ್ತ ಸಭೆನಾ ಹುತಿ ಕರಾನುಜ಼ ತೆ ವ್ಹೈ.

ಕೊಲೆಸ್ಸೆ 2:18

ಮನಸ್ಮಾ ಕಪಟ ಮುಕ್ಕಿಲಿನ ಮಾಂಡ್ಯಾಜ ದಕ್ಹಾಜ಼಼ನಾ ನ್ಹಾನಾ ಥೈನ ಚಾ಼ಲಿನ ಕ್ಹುದಾನಾ ದುತೊನೆ ಆರಾದನಾ ಕರಸ,ವರಿ ಹಮೊನೆ ದರ್ಶನ ಮಳ್ಯುಸ ಕೈನ ಪ್ಹುಗಸ,ಲೊಕನಾ ಗ್ಯಾನಖು ಹಮೆಜ಼ ಮ್ಹೊಟಾ ವ್ಹೈ ಕೈನ ಕವಸ,ತ್ಯುನೊನೆ ತುಮಾರಿ ಜ಼ಗಾ ಕಾಳ್ಳಿವಾನೆ ದಿವೊ ನಕೊ.

ಕೊಲೆಸ್ಸೆ 2:22

ಆ ಕ್ಹಾರಾ ಮನಕ್ಹೊ ಕರಲ ಆಗ್ನೆ ವರಿ ಬೊದನೆ ಉಪಯೊಗ ಕರಿನ ಹಾಳ ಥಾವಾನಾ ಸಾಮ್ನೊನೆ ಸಂಬಂದ ಪಡೆಲ ವ್ಹೈ.

ಕೊಲೆಸ್ಸೆ 2:8

ಮೊಸ ಕರಾನಾ ವರಿ ಕಾಮ ನೈಸೊ ಆವಾನಾ ತತ್ವಗ್ಯಾನ ಭೊದನೆಕ್ಹು ತುಮೊನೆ ಕುನ್ನ ತ್ಯುನಾ ಬಸಮಾ ಕರಲಿದ್ಯಾ ವಾಚಿ ಹುಶಾರ್ ರ‍್ಹವೊ. ಆ ಕ್ಹಾರು ಮನಕ್ಹೊನಿ ಪದ್ಧತ ವರಿ ಲೊಕನಿ ಬೊದನೆನೆ ಸಂಬಂದ ಪಡೆಲ ವ್ಹೈ ಕ್ರಿಸ್ತನೆ ನವೈ.

1 ತಿಮೊತಿ 4:3

ತೆವಾ ಮನಕ್ಹೊ ಹಿವಾ ಕರಲ್ಯುನೈ ಕೈನ ವರಿ ದಕ್ಹು ಅನಾಜ಼ ಖೌನೈ ಕೈನ ತ್ಯುನೆ ಕವಸ. ತೆನೈಸೊ ಬರೊಕ್ಹೊ ರ‍್ಹಯಲವಾಲಾ ವರಿ ಕ್ಹರಿ ತಿಳದಿಲಿದಲವಾಲಾ ಸ್ತುತಿ ಕರಿನ ತೆ ಅನಾಜ಼ ಖಾವಾದೆ ಕಾಕದ್ಯಾಮ ತೆ ತಯ್ಯಾರ ಕರಲವಾಲೊ ಕ್ಹುದಾಜ಼ ವ್ಹೈ.

1 ತಿಮೊತಿ 4:8

ಶಾರಿರಿಕ ವ್ಯಾಯಾಮಕ್ಹು ಅಪ್ನೊನೆ ದಕ್ಹಿ ರಿತಿಮಾ ತುಮೊನೆ ಆಸ್ರೊ ಥಾವಸ. ತೆನೈಸೊ ಕ್ಹುದಾನಿ ಸೆವೆ ಕರಾನು ತುಮೊನೆ ಕ್ಹಾರಿ ತರಾ ಆಸ್ರೊ ಥಾವಸ. ಕ್ಹುದಾನಿ ಸೆವೆ ಕ್ಹಾರಾ ಲೊಕಮಾ ಆಶಿರ್ವಾದ ಥೈನ ರ‍್ಹವಸ. ಕಾಕದ್ಯಾಮ ಹಮ್ನಾನೊ ಟೈಮ್ಮ ವರಿ ಆವಾನೊ ಕಾಲಮ್ಮಾ ದಿದೆಲ ವಾಗ್ದಾನ ಮಳಲಿದ್ಯುಸ.