ಕೊಲೆಸ್ಸೆ 1:28 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁸ ಅಪೆ ತಿನೆ ಕತಛೆ, ಕ್ಹಾರಾವೊನೆಬಿ ಗ್ಯಾನ ಕತಾ ವರಿ ಕ್ಹಾರಾವೊನೆ ರ‍್ಹಯಲ ಕ್ಹಾರುಜ಼ ಗ್ಯಾನ ಕತಾ

ಕೊಲೆಸ್ಸೆ 1:28 ပူးပေါင်းရင်းမြစ်များ

ಮತ್ತಾಯ 28:20

ಮಿ ತುಮೊನೆ ಆಗನ್ಯಾ ದಿದ್ಯಲ ಕ್ಹಾರಾವೊನೆ ವಿದೆಲ ಥಾಯೆಲಿಂಗತ ಮನಕ್ಹೊನೆ ಉಪದೆಶ ಕರೊ, ಜಗತ್ತನು ಅಂತ್ಯ ಥಯೆಲಕ್ಕಾ ಹಮೆಶಾಬಿ ಮಿ ತುಮಾರಾ ಕ್ಹಾತೆ ರ‍್ಹೌಸ” ಕೈನ ಕದ್ಯೊ.

ಮತ್ತಾಯ 3:7

ಘನ್ನಾ ಫರಿಸಾಯರೊ ವರಿ ಸದ್ದುಕಾಯರೊ ಯೊಹಾನನಾ ಹತೆ ಬಾಪ್ತಿಸ್ಮಾ ಕರೈಲಿವಾನಾ ಹುತಿ ಆಯಾ. ಯೊಹಾನ ತ್ಯುನೊನೆ ದೆಕಿನ, ತುಮೆ ಕ್ಹಾರಾ ಕ್ಹಾಪೊ ವ್ಹೈ! ಆವಾನೆ ರ‍್ಹಯಲ ಕ್ಹುದಾನಾ ಶಿಟ್ಟಕ್ಹು ವಾಚಾನೆ ತುಮೊನೆ ಹುಶಾರಕಿ ದಿದಲವಾಲು ಕುನ್ನ ವ್ಹೈ?

ಮತ್ತಾಯ 5:48

ತಿನಾಹುತಿ ಸ್ವರ್ಗಮಾ ರ‍್ಹಯಲ ತುಮಾರೊ ಬಾ ಪರಿಪುರ್ಣ ಥೈನ ರ‍್ಹಯಲ ಲಿಂಗತ ತುಮೆಬಿ ಪರಿಪುರ್ಣ ಥೈನ ರ‍್ಹೌ.

ಮಾರ್ಕ 6:34

ತೆಳಾಮಾ ಯೆಸು ಹಡಗಾಮಾತೊ ಉತ್ರಿನ ಮನಕ್ಹೊನಾ ಗುಂಪನೆ ದೆಕಿನ ಇವ್ನೆ ಕುರಬುರ‍್ಯೊ ನೈಸೊ ಬಕ್ರಾವೊಲಿಂಗತ ಛೆ ಕೈನ ಘನ್ನೊ ಮರಗಿನ ತ್ಯುನೊನೆ ಕ್ಹುದಾನಿಯೊ ವಾತೊ ಕವಾಡೊತೊ.

ಲುಕ ಬರ್ದಲ ಸುವಾರ್ತಾ 21:15

ಕಾಕದ್ಯಾಮ ಮಿಜ಼ ತುಮೊನೆ ಬೊಲಾನು ಗ್ಯಾನ ದ್ಯುಸ. ತಿನಾಹುತಿ ತುಮಾರಾ ದುಶ್ಮನೊ ತುಮೆ ಪುಚ಼್ಚಲ ವಾತನೆ ಜ಼ವಾಬ ದೆತಾ ನೈ.

ಅಪೊಸ್ತಲೊ 10:36

ಕ್ಹುದಾ ತಿನು ಸಂದೆಶ ಇಸ್ರಾಯೆಲನಾ ಮನಕ್ಹೊಕನ ಮಕಲ್ಯೊ. ಯೆಸು ಕ್ರಿಸ್ತನಾ ಮುಲಕ ಶಾಂತಿ ಐಸ ಕವಾನಿ ಸುವಾರ್ತೆನೆ ಕ್ಹುದಾ ತ್ಯುನೊನೆ ವಳಾಯೊ. ಯೆಸು ಕ್ಹಾರಾ ಮನಕ್ಹೊನೆ ಪ್ರಭು ಥಯೊಸ!

ಅಪೊಸ್ತಲೊ 11:20

ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ.

ಅಪೊಸ್ತಲೊ 13:38

ಭಾಯೊ ಭೆನೊ, ಎ ತುಮೊನೆ ಗ್ವತ್ತ ರ‍್ಹವಾದೆ; ತಿನಾ ಮುಲಕ ತುಮಾರಾ ಪಾಪೊನೆ ಮಾಫಿ ಮಳಸ. ಮೊಶೆ ಧರಮಶಾಸ್ತ್ರನೆ, ತುಮೊನೆ ತುಮಾರಾ ಪಾಪೊಕ್ಹು ಛೊಡಾವಾನೆ ಥಯು ನೈ. ತೆನೈಸೊ ಯೆಸು ಪರ ಬರೊಕ್ಹೊ ಮ್ಹೆಲಾಲೊ ಹರಯಕ್ಲೊ ತಿನಾ ಮುಲಕ ತಿನಾ ಕ್ಹಾರಾ ಪಾಪೊಕ್ಹು ಛುಟಸ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 17:3

ತೆ ವಾಕ್ಯನು ಅರ್ಥ ತಿಳಸಾಯಾ. ಕ್ರಿಸ್ತ ತರಾಸ ಕ್ಹಯಿನ ಮರಿನ ಉಟಿನ ಆವಾನು ಜ಼ರುರತ ಛೆ ಕೈನ ಮಿ ತಮನೊನೆ ಪ್ರಸಿದ್ದಿಪಡಿಸಾನಾ ಹುತಿ ಯೆಸು ತೆ ಕ್ರಿಸ್ತ ವ್ಹೈ ಕೈನ ಸ್ಥಿರಪಡಿಸ್ಯಾ.

ಅಪೊಸ್ತಲೊ 20:31

ತಿನಾಹುತಿ ಮಿ ಡೊಳಾಮಾನು ಪಾನಿ ಕಾಡ್ತೊ ತನ್ನ ವರಕ್ಹ ದಿನ್ನ ರಾತ ಛೊಡ್ಯಾವಾಚಿ ಹರಿ ಯಕ್ಲಾನೆ ಗ್ಯಾನ ಕದ್ಯೊಸ ಕವಾನು ತುಮೆ ಶೆ ಕರ್ಲಿನ ಹುಶಾರ ಥೈನ ರ‍್ಹವೊ.

ಅಪೊಸ್ತಲೊ 3:20

ತೆಳಾಮಾ ಪ್ರಭು ತುಮೊನೆ ಆತ್ಮಿಕನಿ ತಾಕತ ದಿವಸ. ತೆ ಕ್ರಿಸ್ತ ಕೈನ ಇನಿಲಿದಲ ಯೆಸುನೆಜ಼ ತುಮೊನೆ ದಿವಸ.

ಅಪೊಸ್ತಲೊ 5:42

ಮ್ಹೊಟಾ ಸಭೆನಾ ಕ್ಹಾಮಾ ಗೈನ, ಹರಯಕ್ಕ ದಿನ ಚು಼ಕ್ಯಾವಾಚಿ ದೆವಾಲಯಮಾ ಬಿ ವರಿ ಘರ ಘರಮಾ ಉಪದೆಶ ಕರತ್ತಾ ಕ್ರಿಸ್ತ ಥಯಲ ಯೆಸುನಾ ಹುತಿ ಚೊ಼ಕು ಸುರ್ವಾತ್ತಾ ಕತ್ತಾ ವ್ಹತ್ತಾ.

ಅಪೊಸ್ತಲೊ 8:35

ತಿನಾಹುತಿ ಫಿಲಿಪ್ಪ ತಿನೆ ಯೆಶಾಯನಾ ಬುಕ್ಕಕಂತೊ ಧರಿನ ಯೆಸು ಸ್ವಾಮಿನಾ ವಿಷಯಮಾ ಹರಿಯಕ್ಕ ತಿಳಸಾಯೊ.

ಅಪೊಸ್ತಲೊ 8:5

ಪಿಲಿಪ್ಪ ಸಮಾರ್ಯಾ ಕವಾನಾ ಗಾಮೆ ಗೈನ ಕ್ರಿಸ್ತನಾ ಹುತಿ ತ್ಯಾ ರ‍್ಹಯಲ ಮನಕ್ಹೊಕನ ಸುವಾರ್ತೆ ಕವಾಡೊತೊ.

ಅಪೊಸ್ತಲೊ 9:20

ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ.

ರೊಮಾಪೂರ 16:25

ಕ್ಹುದಾನೆ ಮಹಿಮಾ ಥಾವಾದೆ. ತುಮೊನೆ ಬರೊಕ್ಹಾಮಾ ತಾಕತ ದಿವಾಲೊ ಕ್ಹುದಾ ಯಕ್ಲೊಜ಼ ವ್ಹೈ. ಮಿ ಉಪದೆಶ ಕರಾನಿ ಸುವಾರ್ತೆನಾ ಮುಲಕ ಹಮೆಶಾ ರ‍್ಹವಾಲೊ ಕ್ಹುದಾ ತುಮೊನೆ ತಾಕತವಾಲಾ ಕರಸ. ಮಿ ಯೆಸು ಕ್ರಿಸ್ತನಾ ಹುತಿ ಮನಕ್ಹೊನೆ ತಿಳಸಾವಾನುಜ಼ ತೆ ಸುವಾರ್ತೆ ಕ್ಹುದಾ ತಿಳಸಾಯಲ ತೆ ಸುವಾರ್ತೆ ರಹಸ್ಯ ರ‍್ಹಯಲ ಕ್ಹರಿಜ಼ ವ್ಹತ್ತು ವರಿ ಪೈಲಾತುಬಿ ಝಕೈ ಗೈತು.

1 ಕೊರಿಂಥ 1:23

ಅಪೆ ತುಬಿ, ಶಿಲುಬಿ ಪರ ಘಾಲ್ಯಲ ಕ್ರಿಸ್ತನಾ ಹುತಿ ಬೊಧನೆ ಕರೆಸ. ಎ ಯಹುದಿಯೊನೆ ಮ್ಹೊಟಿ ಅಡಚ಼ನ ಥೈಸ; ಯೆಹುದಿ ನೈಸೊ ಮನಕ್ಹೊನೆ ಪಿಸಾಳಾ ಲಿಂಗತ ದಿಕ್ಹಸ.

1 ಕೊರಿಂಥ 1:30

ತುಮೊನೆ ಕ್ರಿಸ್ತ ಯೆಸುನಿ ಅನ್ಯುನೆತೆಮಾ ಕರಲವಾಲೊಜ಼ ಕ್ಹುದಾ ವ್ಹೈ. ಕ್ರಿಸ್ತ ತುಮಾರಾ ಹುತಿ ಕ್ಹುದಾಕ್ಹು ಆಯಲ ಗ್ಯಾನ ಥಯೊಸ. ಅಪೆ ನಿತಿವಂತ ಥಾವಾನೆ ಹುತಿ, ಪಾಪಕ್ಹು ಬಿಡುಗಡೆ ಥಾವಾನಾ ಹುತಿ ವರಿ ಪವಿತ್ರ ಥಾವಾನಾ ಹುತಿ ಕ್ರಿಸ್ತಜ಼ ಕಾರಣ ಥಯೊಸ.

1 ಕೊರಿಂಥ 12:8

ಪವಿತ್ರ ಆತ್ಮಾನಾ ಮುಲಕ ಯಕ್ಲಾನೆ ಗ್ಯಾನನಾ ವಾತೊ, ಬಿಜೆ಼ಕ್ಲಾನೆ ತಿನಾ ಮುಲಕ ಶಾಣಾನಿಯೊ ವಾತೊ ಬೊಲಾನು ಮಳಸ;

1 ಕೊರಿಂಥ 15:12

ಕ್ರಿಸ್ತ ಯೆಸು ಮೌತತೊ ಪುನರುತ್ಥಾನ ಹೊಂದಿಲಿದ್ಯೊ ಕೈನ ಹಮೆ ಕವಾಮಾ, ಮರಲವಾಲಾ ಪುನರುತ್ಥಾನ ನೈ ಥಾತಾ ಕೈನ ತುಮೊಮಾ ದಕ್ಹಾ ಜ಼ನಾ ಕವಾನು ಕಿಮ್ಮ ವ್ಹೈ?

1 ಕೊರಿಂಥ 2:15

ಕ್ಹುದಾನಿ ಆತ್ಮಾ ವ್ಹಂದಿಲಿದಲವಾಲೊ ಕ್ಹಾರು ಪೈಸ್ಲೊ ಕರಿನ ತಿಳ್ದಿಲಿವಸ. ತೆನೈಸೊ ತಿನೆಕುನ್ನ ವಿಚಾರ ಕರಿನ ತಿಳ್ಸಾವಾನಿ ಜ಼ರುರತ ನತ್ತಿ.

1 ಕೊರಿಂಥ 2:6

ವರಿಬಿ ಶಾಣ್ಯಾ ರ‍್ಹಯಲವಾಲಾ ಮನಕ್ಹೊನೆ ಹಮೆ ಆತ್ಮಿಕನಿಯೊ ವಾತೊ ಕಯ್ಯೆಸ. ಎ ಭುಲೊಕನು ಗ್ಯಾನಬಿ ನ್ಹವ್ಹೈ, ಹಾಳ ಥಾವಾನೊ ಅದಿಪತಿಯೊನಿ ಗ್ಯಾನಬಿ ನ್ಹವೈ, ಎ ದುನಿಯಾನಾ ಅದಿಪತಿಯೊ ತ್ಯುನಿ ಅದಿಕಾರ ಜ಼ವೈಲಿವಾಲಾ ಥಾವಸ.

1 ಕೊರಿಂಥ 4:14

ತುಮೊನೆ ಸರಮ ಲಾವಾನಾ ಹುತಿ ಮಿ ಕೊಶಿಶ ಕರಾಡೊ ನತ್ತಿ. ತೆನೈಸೊ ತುಮೆ ಮಾರಾ ಮಯಾನಾ ಬಚ಼್ಚಾ ಥಯಲ ಹುತಿ ತುಮೊನೆ ಹುಶಾರ ಕರಾನಾ ಹುತಿ ಎ ಸಂಗತಿಯೊ ಬರ್ದಾಡೊಸ.

2 ಕೊರಿಂಥ 10:14

ಅಪೆ ಘನ್ನ ಹೆಮ್ಮೆ ನೈ. ಅಪೆ ರ‍್ಹ ತುಮ ನೈ ಆವಾನು ಘನ್ನ ಹೆಮ್ಮೆ. ತೆನೈಸೊ ಅಪೆ ರ‍್ಹ ತುಮ ಐನ ನೈ ಕ್ರಿಸ್ತ ತುನೆ ರ‍್ಹಯಲ ಸುವಾರ್ತೆನಾ ಹುತಿ ಸುವಾರ್ತೆ ರ‍್ಹ ಅಪೆ ಐನ ನೈ.

2 ಕೊರಿಂಥ 11:2

ಕಾಕದ್ಯಾಮ ಮಿ ಕ್ಹುದಾಮಾ ರ‍್ಹಯಲ ಚಿಂತಾಕ್ಹುಜ ಮಿ ತುಮಾರಾ ಹುತಿ ಚಿಂತಾ ಕರುಸ. ತುಮೊನೆ ಕ್ರಿಸ್ತ ಕವಾನಾ ಯಕ್ಲಾಜ ದಾಣ್ಗನೆ ಕಯುಜ಼ ತಪ್ಪ ನೈ ರ‍್ಹಯಲ ಬಾಕ್ಡಿನಾ ಲಿಂಗತ ತುಮೊನೆ ತಿನಾ ಹತ್ಮಾ ದ್ಯುಸ.

2 ಕೊರಿಂಥ 4:5

ಅಪೆ ಅಪ್ನಾ ಹುತಿ ಭೊದನೆ ಕರ್ತಾ ನೈ. ತೆ ನೈಸೊ ಯೆಸು ಕ್ರಿಸ್ತಜ ವ್ಹೈ ಕೈನ ವರಿ ತಿನಾ ಸೆಕೊ ವ್ಹೈ ಕೈನ ಭೊದನೆ ಕರಿಯೆಸ.

ಎಫೆಸ 3:8

ಕ್ಹುದಾನಾ ಮನಕ್ಹೊಮಾ ಮಿಜ಼ ನ್ಹಾನೊ ವ್ಹೈ. ಕ್ರಿಸ್ತನಿ ಆಸ್ತಿನಾ ಹುತಿ ರ‍್ಹಯಲ ಸುವಾರ್ತೆನೆ ಮಿ ಯಹುದ್ಯೊ ನೈಸೊವಾಲಾವೊನೆ ತಿಳಸೌ ಕೈನ ಕ್ಹುದಾ ಮನೆ ಕೃಪಾ ವರ ದಿದ್ಯೊ. ತೆ ಆಸ್ತಿ ಪುರಾ ಕಳೈಲಿವಾನೆ ಸಾಧ್ಯ ನತ್ತಿ.

ಎಫೆಸ 5:27

ಮಹಿಮಾನೆ ತಯ್ಯಾರ ರ‍್ಹಯಲ ಜಾಂಜಿಮಾನ ಲಿಂಗತ ರ‍್ಹವಾನಿ ಸಭೆ ತಿನೆ ದಿವ ಕೈನ ತೆ ಜ಼ಲಮ ದಿದ್ಯೊ. ಸಭೆ ದೊಶ ನೈಸೊ ಶುದ್ಧ ರ‍್ಹೌ ಕೈನ ವರಿ ಕೆಟ್ಟತನಾ ರ‍್ಹವಾದೆ ಪಾಪ ರ‍್ಹವಾದೆ ತೆನೈಸೊ ಬಿಜು಼ ಕಯುಜ಼ ತಪ್ಪ ರ‍್ಹವಾದೆ ಸಭೆಮಾ ರ‍್ಹೌ ನೈ ಕೈನ ತೆ ಜ಼ಲಮ ದಿದ್ಯೊ.

ಕೊಲೆಸ್ಸೆ 1:22

ಹಮ್ನಾತೊ ಕ್ಹುದಾ ತುಮೊನೆ ಯೆಸು ಕ್ರಿಸ್ತನಾ ಅಂಗನಾ ಮರಣನಾ ಮುಲಕ ವಪ್ಪಂದ ಕರಿಲಿದ್ಯೊಸ. ಕ್ಹುದಾ ತಿನಿ ಸನ್ನಿಧಿಮಾ ತುಮೊನೆ ಪರಿಶುದ್ಧ ಕರಿನ, ತುಮೊಮಾ ಸುಜ಼ ತಪ್ಪ ನೈಸೊ ಕರಿನ ಹುಬ್ರಾಡು ಕೈನ ಕ್ಹುದಾ ಇಮ್ಮ ಕರ‍್ಯೊ.

ಕೊಲೆಸ್ಸೆ 2:10

ತೆ ಹರಯಕ್ಕ ಅದಿಕಾರ ವರಿ ಅದಿಕಾರಿಯೊತಿ ಉಪ್ಪರ ರ‍್ಹಯಲಕ್ಹು ತುಮೆ ತಿನಾಮಾ ರ‍್ಹೈನ ತಿನುಪುರಾ ಹೊಂದಿಲಿದ್ಯಾ.

ಕೊಲೆಸ್ಸೆ 2:3

ಯೆಸು ಸ್ವಾಮಿಮಾಜ್ ಹರಯಕ ಗ್ಯಾನ ವರಿ ಪುರಾ ಛೆ.

ಕೊಲೆಸ್ಸೆ 3:16

ಕ್ರಿಸ್ತನಿ ವಾಕ್ಯಾ ತುಮಾರಾಮಾ ಸಮೃದ್ಧಿ ಥೈನ ರ‍್ಹವಾದೆ. ಹರಯಕ್ಕ ಗ್ಯಾನಖು ಯಕ್ಲಾನೆ ಯಕ್ಲೊ ಉಪದೆಶ ಕರತಾ ಗ್ಯಾನ ದೆತಾ ರ‍್ಹವೊ. ಕೀರ್ತನೆಖು,ಸ್ತುತಿ ಕರತಾ ವರಿ ಆತ್ಮಿಕನೆ ಸಂಬಂಧ ಪಡೆಲ ಗಿದ್ದೊಖು ತುಮಾರಾ ಮನಸ್ಮಾ ಕ್ಹುದಾನೆ ತೆ ಕರಲ ಉಪಕಾರೊನಾ ಹುತಿ ಖುಶಿ ಥೈನ ಸ್ತೊತ್ರ ಕವೊ.

ಕೊಲೆಸ್ಸೆ 4:12

ಕ್ರಿಸ್ತ ಯೆಸುನೊ ಆಳ ಥಯಲ ಊರಿನನೊ ಎಪಫ್ರನ ತುಮೊನೆ ನಮಸ್ಕಾರ ಕವಸ, ತುಮೆ ಪ್ರವಿಣ ವರಿ ಕ್ಹುದಾನಿ ಹರಯಕ್ಕ ಚಿತ್ತನೆ ಒಪ್ಪಿಲಿನ ಜೌ ಕೈನ ತುಮಾರಾ ಹುತಿ ಪ್ರಾರ್ಥನಾಮಾ ಲಡೆಸ.

1 ಥೆಸಲೊನಿಕ 4:6

ಹಮೆ ಹಮ್ನಾ ಕದಲಲಿಂಗತಜ಼ ವರಿ ಹುಶಾರ ಕರಲ ಲಿಂಗತ ಎ ಕ್ಹಾರಿ ವಿಷಯಮಾ ಪ್ರಭು ಶಿಕ್ಷಾ ದಿವಸ.

1 ತಿಮೊತಿ 3:16

ಕ್ಹುದಾನಿ ಭಕ್ತಿನೆ ಆದಾರ ಥಯಲ ಕ್ಹರಿ ವರಿ ಸಂಶೊವಾಚಿ ಅಪ್ನಿ ಅರಾಧನಾನಿ ಜಿವಿತ ದಡಿರ‍್ಹಯಲ ಮ್ಹೊಟಿ ವ್ಹೈ ಕ್ರಿಸ್ತ ಮನಕ್ಹನಾ ರುಪಮಾ ಅಪೊನೆ ದಿಕ್ಯೊ. ತೆಜ಼ ಕ್ರಿಸ್ತ ವ್ಹೈಕೈನ ಪವಿತ್ರ ಆತ್ಮಾ ದೆಕಾಡಿನ ದಿದಿ. ಕ್ಹುದಾನಾ ದುತೊನೆ ತೆ ದಿಕ್ಹ್ಯೊ. ತಿನಾ ಹುತಿ ಸುವಾರ್ತೆ ಕ್ಹಾರಾ ಮನಕ್ಹೊನೆ ಪ್ರಚಾರ ಕರ‍್ಯೊ. ಜಗತ್ಮಾ ರ‍್ಹಯಲ ಮನಕ್ಹೊ ತಿಪರ ಬರೊಕ್ಹೊ ಮ್ಹೆಲ್ಯಾ. ತೆ ಮಹಿಮಾನಾ ಕ್ಹಾತೆ ಸ್ವರಗಾಮಾ ಗಯೊ.

1 ತಿಮೊತಿ 3:2

ತೆ ಸಭೆನಾ ಮ್ಹೊಟಾ ಮನಕ್ಹೊನಾ ಕೆಟ್ಟ ವಾತೊಮಾ ಪಡೆನೈಸೊ ಚೊ಼ಕೊ ಥೈನ ರ‍್ಹೌ. ತುನೆ ಯಕ್ಕಲಿಜ಼ ಬೈಕೊ ರ‍್ಹೌ. ತೆ ಘನ್ನೊ ಗ್ಯಾನಿ ರ‍್ಹೌ; ಮನಕ್ಹೊ ಮರ್ಯಾದಿ ದಿವಾನೆ ಯೊಗೈ ರ‍್ಹೌ

ಇಬ್ರಿಯ 10:14

ತೆ ಶುದ್ಧ ಥಾವಾಲಾವೊನೆ ಯಕ್ಕಜ಼ ಸೆಮ ಹಮೆಶಾಬಿ ಪರಿಪುರ್ಣ ಕರ‍್ಯೊಸ.

ಇಬ್ರಿಯ 13:21

ತುಮೆ ತಿನಿ ಚಿತ್ತ ಪುರಾ ಕರಾನೆ ಘನ್ನಾ ಚೊ಼ಕಾ ಕಾಮೊನೆ ಚಾ಼ಯೆ ಥಯಲ ಅನುಕುಲ ತುಮೊನೆ ದಿವಾದೆ, ತೆ ಯೆಸು ಕ್ರಿಸ್ತನಾ ಮುಲಕ ತಿನೆ ಪಸಂದ ಆಯಲಜ಼ ಅಪೊಮಾ ಪುರಾ ಕರಾದೆ. ಹಮೆಶಾಬಿ ತಿನೆ ಸ್ತೊತ್ರಾ ಆಮೆನ.

2 ಪೆತ್ರಾ 3:15

ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.