ಕೊಲೆಸ್ಸೆ 1:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ಎ ಮರ್ಮಾನಿ ಮಹಿಮಾ ಕೆಕ್ಲು ಛೆ ಕವಾನು ಬಿಜಾ಼ ಮನಕ್ಹೊನೆ ಕವಾನಾ ಹುತಿ ಕ್ಹುದಾ ಮನಸ ಕರ‍್ಯೊ.

ಕೊಲೆಸ್ಸೆ 1:27 ပူးပေါင်းရင်းမြစ်များ

ಮತ್ತಾಯ 13:11

ತೆಳಾಮಾ ಯೆಸು, "ಪರಲೊಕ ರಾಜ್ಯ ದಡಿ ರ‍್ಹಯಲ ಕ್ಹರಿನೆ ಕ್ಹಾಲಿ ತುಮೆಜ ತಿಳ್ದಿಲೆಸಕೊಶಿ. ಎ ದಡಿ ರ‍್ಹಯಲ ಕ್ಹರಿ ಬಿಜಾ ಮನಕ್ಹೊನೆ ಕಳ್ತು ನೈ.

ಲುಕ ಬರ್ದಲ ಸುವಾರ್ತಾ 17:21

"ದೆಕೊ, ಕ್ಹುದಾನಿ ರಾಜ್ಯ ನ್ಹ್ಯಾ ಛೆ" ದೆಕೊ ಐಜ್ಗಾ಼ ಛೆ" ಕೈನ ಮನಕ್ಹೊ ಕಯೆಲಿಂಗತ ನತ್ತಿ. ಕ್ಹುದಾನಿ ರಾಜ್ಯ ತುಮೊಮಾ ಛೆ "ಕದ್ಯೊ.

ಯೊಹಾನ 14:17

ಕ್ಹರಿನೊ ಆತ್ಮಾಜ಼಼ ತೆ ಸಹಾಯಕ ವ್ಹೈ. ಎ ದುನಿಯಾ ತಿನೆ ಸ್ವಿಕಾರ ನೈ ಕರತು. ಕಾಕದ್ಯಾಮ ದುನಿಯಾ ತಿನೆ ದೆಕ್ತಾ ನೈ, ತಿಳ್ದಿಲೆತಾಬಿ ನೈ. ತೆನೈಸೊ ತುಮೆ ತಿನೆ ತಿಳ್ದಿಲಿದ್ಯಾಸ. ತಿನಾಹುತಿ ತೆ ತುಮಾರಾ ಕ್ಹಾತೆ ಜಿವ್ನಾ ಕರಸ ವರಿ ತುಮಾರಾಮಾ ರ‍್ಹವಸ.

ಯೊಹಾನ 14:20

ತೆ ದಿನ್ನೆ ತುಮೆ ಮಿ ಮಾರಾ ಬಾ ಮಾ ರ‍್ಹವಾನು, ತುಮೆ ಮಾರಾಮಾ ರ‍್ಹವಾನು ವರಿ ಮಿ ತುಮಾರಾಮಾ ರ‍್ಹವಾನು ತಿಳ್ದಿಲಿವೊಶಿ.

ಯೊಹಾನ 14:23

ಯೆಸು ಅಮ್ಮ ಜವಾಬ ದಿದ್ಯೊ; ಮನೆ ಮಯಾ ಕರಾಲೊ ಮಾರಾ ಉಪದೆಶನೆ ವಿಧೆಯ ಥಾವಸ. ಮಾರೊ ಬಾ ತಿನೆ ಮಯಾ ಕರಸ. ಹಮೆ ಭಂಬಿ ಜ಼ನಾ ತಿಕನ ಐನ ತಿನಾ ಕ್ಹಾತೆ ರ‍್ಹಯೆಸ.

ಯೊಹಾನ 17:26

ಮಿ ತಾರು ಕ್ಹರಿನು ರುಪ ಇವ್ನೊನೆ ವಳಕ ಲಗಾಡ್ಯೊಸ. ಮಿ ತಾರು ರುಪ ವರಿ ಇವ್ನೊನೆ ದೆಕಾಡುಸ. ತೆಳಾಮಾ ತಾರಿ ಮಯಾ ಮಪರ ಕಿಮ್ಮ ಛೆ, ತೆಜ಼ ಮಯಾ ಇವ್ನೊಮಾ ರ‍್ಹವಸ ವರಿ ಮಿ ಇವ್ನೊಮಾ ರ‍್ಹೌಸ"

ಯೊಹಾನ 6:56

ಕುನ್ನ ಮಾರು ಅಂಗ ಖಾವಸ ವರಿ ಕುನ್ನ ಮಾರು ರಗತ ಪಿವಸ ತೆ ಮಾರಾಮಾ ರ‍್ಹವಸ ಮಿ ತಿನಾಮಾ ರ‍್ಹೌಸ.

ರೊಮಾಪೂರ 11:33

ಹೊ, ಕ್ಹುದಾನಿ ಆಸ್ತಿ ವರಿ ಘನ್ನಿ ಛೆ! ಕ್ಹುದಾನಿ ಗ್ಯಾನ ಘನ್ನಿ ಛೆ. ಕ್ಹುದಾ ಫೈಸಲೊ ಕರಾನಾ ಸಂಗತಿಯೊನೆ ಕುನ್ನಜ಼ ತಿಳ್ಸಾತುನೈ ಕ್ಹುದಾನೊ ಫೈಸಲೊ ದೆಕಾಡಾಲು ಕುನ? ತಿನಾ ವಾಟೊ ತಿಳದಿಲಿವಾನು ಕುನ?

ರೊಮಾಪೂರ 2:4

ಕ್ಹುದಾ ತುಮಾರಿ ವಿಷಯಮಾ ಘನ್ನು ಮರಗಾಲೊ ಥಯೊಸ; ತಡ್ದಿಲಿವಾಲೊ ವ್ಹೈ. ತುಮೆ ಬದಲಿ ಥೌ ಕೈನ ಕ್ಹುದಾ ತುಮಾರಾ ಹುತಿ ಕೈದಾಡ್ಯೊಸ. ವರಿಬಿ ತುಮೆ ತಿನಿ ಮರಗಾನಾ ಹುತಿ ವಿಚಾರ ಕರತಾ ನೈ. ತುಮೆ ತುಮಾರಿ ಮನಸೊ ಜಿವ್ನಾ ಬದಲಿ ಕರಲಿವಾನೆ ಥಾವಸ ಕೈನ ಕ್ಹುದಾನಿ ಮರಗಾನೆ ತಿಳ್ದಿಲಿದ್ಯಾವಾಚಿ ಛೆ.

ರೊಮಾಪೂರ 5:2

ಹಮ್ನಾ ಅಪೆ ಕ್ಹುಶಿ ಕರತಾ ರ‍್ಹಯಲ ಕ್ಹುದಾನಿ ಮರಗಾ ಕ್ಹು ಕ್ರಿಸ್ತಜ಼ ಅಪೊನೆ ಅಪ್ನೊ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ‍್ಹಯಲ ಹುತಿ ಅಪೆ ಬರೊಕ್ಹಾನಿ ಘಮಂಡಿ ಕ್ಹು ಛೆ.

ರೊಮಾಪೂರ 8:10

ತೆನೈಸೊ ಕ್ರಿಸ್ತ ತುಮೊಮಾ ರ‍್ಹಯೊಮ, ಆತ್ಮಾ ತುಮಾರಿ ಜಿವಿತ ಥಯುತು, ಕಾಕದ್ಯಾಮ ತುಮಾರಾ ಅಂಗೊ ಪಾಪಕ್ಹು ಮರ‍್ಯಾತುಬಿ ತುಮೆ ಕ್ಹುದಾನಾ ಕ್ಹಾತೆ ಛೆ.

ರೊಮಾಪೂರ 9:23

ಕ್ಹುದಾ ತಿನಿ ಮ್ಹೊಟಿ ಮಹಿಮಾ ದೆಕಾಡು ಕೈನ ಸಮಾದಾನಕ್ಹು ಕೈದಾಡೊತೊ. ತಿನಿ ಕರುಣಾ ಹೊಂದಿಲಿವಾನಾ ಮನಕ್ಹೊನೆ ಕ್ಹುದಾ ತೆ ಮಹಿಮಾ ದ್ಯು ಕೈನ ವ್ಹತ್ತೊ. ತಿನಿ ಮಹಿಮಾ ಹೊಂದಿಲ್ಯು ಕೈನ ಕ್ಹುದಾ ತೆ ಮನಕ್ಹೊನೆ ತಯ್ಯಾರ ಕರ‍್ಯೊ.

1 ಕೊರಿಂಥ 3:16

ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.

2 ಕೊರಿಂಥ 2:14

ಕ್ಹುದಾ ಸ್ತೊತ್ರಾ ಥಾವಾದೆ ಕ್ರಿಸ್ತನಾ ಮುಲಕ ಕೆಳಾಮಾಬಿ ಅಪೊನೆ ಜಿತ್ತಾಡಾಲೊ ವ್ಹೈ. ಕ್ಹುದಾನು ಗ್ಯಾನನಿ ಚೊ಼ಕಿ ಬಾಸ ಕ್ಹಾರಿ ಜ಼ಗಾ ಫೈಲಾವಾನೆ ಅಪೊನೆ ಉಪಯೊಗ ಕರ‍್ಯೊಸ.

2 ಕೊರಿಂಥ 4:17

ದಕ್ಹಾ ದಿನ್ನ ಅಪ್ನೊನೆ ಅಡ್ಚನ ರ‍್ಹವಸ. ವರಿಬಿ ಹಮೆಶಾನಿ ಮಹಿಮಾ ಹೊಂದಿಲಿವಾನೆ ತೆ ಅಪೊನೆ ಮದತ ಥಾವಸ.

2 ಕೊರಿಂಥ 4:6

ತಿನಾಹುತಿ ಅಂದಾರಾಮಾತು ಉಜಾಲು ಆವಸ ಕೈನ ಕ್ಹುದಾ ಯಕ್ಕ ದಿನ ಕದ್ಯೊ ಎಜ಼ ಕ್ಹುದಾ ಅಪ್ನಾ ತಿನು ಉಜಾಲು ಥಯೊಸ. ಕ್ರಿಸ್ತನಾ ಮ್ಹೊಡಾಪರ ರ‍್ಹಯಲ ಅಪೊನೆ ದೆಕಾಡಿನೆ ದಿವಾನಾ ಮುಲಕ ತೆ ಅಪೊನೆ ಉಜಾಲು ದಿದ್ಯೊಸ.

2 ಕೊರಿಂಥ 6:16

ಕ್ಹುದಾನಿ ಸಭಾಮಂದಿರ ವರಿ ಮೊರತಿಯೊನೆ ಸು ಇಜಾಜ಼ತ ವ್ಹೈ? ಅಪೆ ಕ್ಹುದಾ ಕದ್ಯೊ ಎ ತಿಮ್ಮ ಜಿವ್ತೊ ರ‍್ಹಯಲ ಕ್ಹುದಾನಿ ಸಭಾಮಂದಿರ ಕುನ ವ್ಹತ್ತಾ. ಮಾರ ಮಿ ಘರಮಾ ಕರುಸ ತುಮ. ತ್ಯುನೊನೆ ತುಮೊಮಾ ಮಿ. ಮಿ ನೈ ತ್ಯುನೊನೆ ಕ್ಹುದಾ ತಯ್ಯಾರ. ತ್ಯುನೆ ಮಾರ ಮನಕ್ಹೊ ಥಯಾಸ. ಕೈನ ಕದ್ಯೊ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಗಲಾತ್ಯ 4:19

ಬಚ್ಚಾ಼ವೊ ಲಿಂಗತ ರ‍್ಹಯಲ ಗಲಾತ್ಯ ಸಭೆವಾಲಾವೊ ಘನಿಯೊ ತ್ರಾಸ ಖಾವಾಲಿಯೊ ಮಾವೊ ಲಿಂಗತ ಮಿ ತುಮಾರಾ ಹುತಿ ತ್ರಾಸ ಖಾವಾಲೊ ಲಿಂಗತ ಛೆ. ತುಮೆ ಕ್ಹರಿಬಿ ಕ್ರಿಸ್ತಲಿಂಗತ ಥಾಯೆ ಲಕ್ಕಾ ಮನೆ ಎ ತ್ರಾಸ ರ‍್ಹವಸ.

ಎಫೆಸ 1:7

ತಿನಾ ರಗತಕ್ಹು ಅಪೊನೆ ಬಿಡುಗಡೆ ಮಳಿ. ಕ್ಹುದಾನಿ ಮ್ಹೊಟಿ ಮರಗಾಕ್ಹು ಅಪ್ನಾ ಪಾಪೊ ಮಾಫ ಥಯಾ.

ಎಫೆಸ 2:22

ತುಮೆ ಕ್ರಿಸ್ತಮಾ ಬಿಜಾ಼ ಮನಕ್ಹೊನಾ ಕ್ಹಾತೆ (ಯೆಹುದಿಯೊನಾ ಕ್ಹಾತೆ) ಭಂದಾವಾಡಾಸ. ಕ್ಹುದಾ ತಿನಿ ಆತ್ಮಾನಾ ಮುಲಕ ರ‍್ಹವಾ ವರಕ್ಹು ರ‍್ಹವಾನಿ ಜ಼ಗಾ ಥೈನ ರ‍್ಹವಾಡಾಸ.

ಫಿಲಿಪ್ಪಿ 4:19

ಮಾರೊ ಕ್ಹುದಾ ಯೆಸುನಾ ಮುಲಕ ತಿನಿ ಪ್ರಭಾವನೆ ಸೌಕಾರ್ತಾನೆ ಕ್ಹು ತುಮೊನೆ ಚಾ಼ಯೆ ಥಯಲ ತೆಕ್ಲು ದಿವಸ.

ಕೊಲೆಸ್ಸೆ 1:5

ತಮೊನೆ ನಿರಿಕ್ಷೆ ರ‍್ಹಯಲನಾಹುತಿ ಕ್ರಿಸ್ತನಾ ಪರ ಬರೊಕ್ಹೊ ಮ್ಹೆಲ್ಯಾ ವರಿ ಕ್ಹುದಾನಾ ಮನಕ್ಹೊನೆ ಮಯಾ ಕರ‍್ಯೊ. ತಮೆ ನಿರಿಕ್ಷೆ ಕರಾನು ತಮಾರಾಹುತಿ ಸ್ವರ್ಗಲೊಕಮಾ ತಯಾರ ಕರ‍್ಯಾಸ ಕವಾನು ತಮೊನೆ ತಿಳ್ದಾಸ. ತಮೊನೆ ತಿಳ್ಸಾಯೆಲ ಕ್ಹರಿ ವಾಕ್ಯ ಕದ್ಯಾಮ ಸುವಾರ್ತೆನೆ ತಮೆ ಪುಚತ್ತಾಮ್ಮಾ ತೆ ನಿರಿಕ್ಷೆನಾಹುತಿ ತಿಳದಿಲಿದ್ಯಾಸ.

ಕೊಲೆಸ್ಸೆ 2:3

ಯೆಸು ಸ್ವಾಮಿಮಾಜ್ ಹರಯಕ ಗ್ಯಾನ ವರಿ ಪುರಾ ಛೆ.

ಕೊಲೆಸ್ಸೆ 3:11

ಆ ಗ್ಯಾನ ಮಾ ಮಿ ಗ್ರಿಕ ವ್ಹೈ ಮಿ ಯಹುದ್ಯನೊ ವ್ಹೈ ಕೈನ ಫರಕ್ ನತ್ತಿ, ಖತ್ನಾ ಕರಿಲಿದಲವಲೊ ಖತ್ನಾ ನೈಕರಿಲಿದನವಾಲೊ ಕೈನ ಸುಜ಼ ಫರಕ ನತ್ತಿ, ಮಾರೊ ಮನಕ್ಹ ವ್ಹೈ ಮಾರೊ ಮನಕ್ಹ ನವೈ, ಆಳ ವ್ಹೈ ಆಳ ನವೈ ಕವಾನು ಸುಜ಼ ಫರಕ ನತ್ತಿ, ತಿನಾಹುತಿ ಕ್ರಿಸ್ತಜ ಕ್ಹಾರು ವ್ಹೈ ವರಿ ಪುರಾವೊಮಾ ರ‍್ಹವಾಲೊ ವ್ಹೈ.

1 ತಿಮೊತಿ 1:1

ಹಮ್ಮಾರೊ ರಕ್ಷಕ ಥಯಲ ಕ್ಹುದಾ ವರಿ ಯೆಸುಕ್ರಿಸ್ತ ತೆ ಹಮಾರಾ ಕೈದಾನಿ ಆದೆಶಕ್ಹು ಪೌಲಾ ಥಯಲ ಯೆಸುಕ್ರಿಸ್ತನೊ ಅಪೊಸ್ತಲ ಥಯೊ.

ಇಬ್ರಿಯ 6:19

ಎ ಆಸ ಅಪ್ನಿ ಆತ್ಮಾನೆ ತ್ರಾಸಮಾ ಲಿಂಜಾ಼ಯೆ ನೈಸೊ ವಚಾಡಾನಾ ಹುತಿ ಶಕ್ತಿ ಥಯಲ ಘಟ್ಟ್ಟ ರೈನ ಲಂಗರ ಲಿಂಗತ ಛೆ. ತೆ ಸ್ವರ್ಗನೊ ಆಲಯ ಹಬಾಳನಾ ಹೆಟು ದಡಿ ರ‍್ಹಯಲ ಮಹಾ ಪವಿತ್ರ ಜ಼ಗಾನಾ ಮ್ಹೈ ಪ್ರವೆಶ ಕರಸ.

1 ಯೊಹಾನ 4:4

ಮಾರಾ ಮಯಾನಾ ಬಚ್ಚಾ಼ವೊ, ತುಮೆ ಕ್ಹುದಾನೆ ಸೆರಲವಾಲಾ ವ್ಹೈ. ತೆನೈಸೊ ತುಮೆ ತ್ಯುನೊನೆ

ಪ್ರಕಟನೆ 3:20

ದೆಕೊ, ಮಿ ತುಮಾರಾ ಬಾಕಲಕನ ಹುಬ್ರೈನ ವಜಾ಼ಡ್ಯಾಡ್ಯೊಸ. ಕಯೊಬಿ ಮಾರೊ ಗಳೊ ಐಕಿನ ಬಾಕಲ ಕಾಡ್ಯೊಮ, ಮಿ ಮ್ಹೈ ಐನ ತಿನಾ ಕ್ಹಾತೆ ಖಾವಾನೆ ಬೈಟುಸ ವರಿ ತೆ ಮಾರಾ ಕ್ಹಾತೆ ಖಾವಸ.