ಅಪೊಸ್ತಲೊ 9:34 - ಕ್ಹುದಾನಿ ಕ್ಹರಿನಿ ವಾಕ್ಯಾ

³⁴ ಪೆತ್ರಾ ತಿನೆ ಐನೆಯಾ ಯೆಸು ಕ್ರಿಸ್ತ ತುನೆ ಅರಾಮ ಕರಸ ತು ಉಟಿನ ತಾರು ವಚ್ಚಾ಼ನು ತುಜ಼಼ ಮಡಚ಼ ಕೈನ ಕದ್ಯೊ. ತೆಳಾಮಾಜ಼ ತೆ ಉಟ್ಯೊ.

ಅಪೊಸ್ತಲೊ 9:34 ပူးပေါင်းရင်းမြစ်များ

ಮತ್ತಾಯ 8:3

ಯೆಸು ತಿನೆ ಮುಟ್ಟಿನ, ತುನೆ ಅರಾಮ ಕರಾನೆ ಮನೆ ಮನಸ ಛೆ, ಅರಾಮ ಥಾ” ಕದ್ಯೊ. ತೆಳಾಮಾಜ಼ ತಿನೆ ರ‍್ಹಯಲ ಕುಷ್ಠ ರೊಗ ಗೈನ ಅರಾಮ ಥಯೊ.

ಮತ್ತಾಯ 9:6

ತೆನೈಸೊ ಮನಕ್ಹನಾ ದಿಕ್ರಾನೆ ಪಾಪ ಮಾಫ ಕರಾನೆ ಭುಲೊಕಮಾ ಅದಿಕಾರ ಛೆ ಕವಾನು ಮಿ ತುಮೊನೆ ಗ್ವತ್ತ ರ‍್ಹೌ” ಕದ್ಯೊ. ಪಾಚಲ್ತೊ ಯೆಸು ಲಕ್ವೊ ಮಾರಲ ರೊಗಿನೆ, ಉಟ್ಟ, ತಾರು ವಚ್ಚಾ಼ನೊ ಲಿನ ಘರೆ ಜಾ಼” ಕದ್ಯೊ.

ಯೊಹಾನ 2:11

ಕಾನಾ ಕವಾನಾ ಗಾಮ್ಮಾ ಯೆಸು ಕರಲ ಪೈಲಾನು ಅದ್ಭುತ ಕಾಮ ವ್ಹೈ. ತೆ ತಿನಿ ಮಹಿಮಾ ತ್ಯಾ ದೆಕಾಡಿನ ದಿದ್ಯೊ. ತಿನಾ ಶಿಷ್ಯಾ ತಿಪರ ಬರೊಕ್ಹೊ ಮ್ಹೆಲ್ಯಾ.

ಅಪೊಸ್ತಲೊ 16:18

ತೆ ಘನ್ನಾ ತಿನತಿಬಿ ಇಮ್ಮಜ಼ ಕರತಿ ರ‍್ಹಯಲ ಹುತಿ ಪೌಲಾ ಘನ್ನೊ ಬೆಜ್ಜಾರ ಥಯೊ. ತಿನಾ ಪಾಚೊ಼ ಫರಿನ ತಿಮಾ ರ‍್ಹಯಲ ಕೆಟ್ಟ ಆತ್ಮಾನೆ; ತಿನೆ ಛೊಡಿನ ಜಾ಼ ಕೈನ ಯೆಸು ಕ್ರಿಸ್ತನಾ ನಾಮಪರ ತುನೆ ಆಗನ್ಯಾ ದ್ಯುಸ. ಕದ್ಯೊ. ತೆಳಾಮಾಜ಼ ತೆ ಕೆಟ್ಟ ಆತ್ಮಾ ತಿಮಾತಿ ಚೊ಼ಡಿನ ಗೈಪಡಿ.

ಅಪೊಸ್ತಲೊ 3:12

ಪೆತ್ರಾ ತಿನೆ ದೆಕಿನ ಇಸ್ರಾಯಲನಾ ಮನಕ್ಹೊ, ತುಮೆ ಕಾ ತಿಕ್ಹು ಘಾಬ್ರಾ ಥಾವೊಶಿ? ತುಮೆ ಹಮೊನೆ ಯಕ್ಕಸಂವಾ ದೆಕಾನು ಶಾನೆ ವ್ಹೈ. ಹಮೆ ಸ್ವಂತ ತಾಕತಕ್ಹು ರ‍್ಹವಾದೆ ಕ್ಹುದಾಪರ್ಲಿ ಭಕ್ತಿಕ್ಹು ಇನೆ ಚ಼ಾಲೆಲ ಲಿಂಗತ ಕರ‍್ಯಾಸ ಕೈನ ತಿಳ್ದಿಲಿವೊ ನಕೊ.

ಅಪೊಸ್ತಲೊ 3:16

"ತುಮಾರಾ ಡೊಳಾ ಕ್ಹಾಮು ರ‍್ಹವಾನು ಇನಿ ವಳಕ ತುಮೊನೆ ಕ್ಹಾರಾವೊನೆ ಛೆ. ಎ ಅರಾಮ ಥಯಲನೆ ಎ ಯೆಸುನಾ ನಾಮ ಪರ ಮ್ಹೆಲಲ ಬರೊಕ್ಹೊಜ಼ ಕಾರಣ ವ್ಹೈ. ತೆ ನಾಮಜ಼ ಅನೆ ತಾಕತಕ್ಹು ಭರ‍್ಯು. ತಿನಾ ಮುಲಕ ಥಯಲ ಬರೊಕ್ಹೊಜ಼ ಇನೆ ತುಮಾರಾ ಕ್ಹಾಮೊ ಅರಾಮ ಕರ‍್ಯು.

ಅಪೊಸ್ತಲೊ 3:6

ತೆಳಾಮಾ ಪೆತ್ರಾ ಕ್ಹೊನು ರುಪ್ಪುತೊ ಮಕನ ನತ್ತಿ, ಮಕನ ರವಾನು ತುನೆ ದ್ಯುಸ. ನಜರೆತನಾ ಯೆಸು ಕ್ರಿಸ್ತನಾ ನಾಮಪರ ಚಾ಼ಲ ಕದ್ಯೊ

ಅಪೊಸ್ತಲೊ 4:10

ನಜರೆತನಾ ಯೆಸು ಕ್ರಿಸ್ತನಾ ನಾಮಕ್ಹು ಎ ಮನಕ್ಹನೆ ಅರಾಮ ಥಯುಸ ಕವಾನು ತುಮೆ ವರಿ ಇಸ್ರಾಯೆನಾ ಕ್ಹಾರಾ ಮನಕ್ಹೊ ತಿಳ್ದಿಲಿವ ಕೈನ ಮಿ ಆಸ ಕರುಸ! ತುಮೆ ಯೆಸುನೆ ಶಿಲುಬಿ ಪರ ಘಾಲ್ಯಾ. ಕ್ಹುದಾ ತಿನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡ್ಯೊ. ಎ ಮನಕ್ಹ ಲಂಗ್ಡೊ ವ್ಹತ್ತೊ, ತೆನೈಸೊ ಹಮ್ನಾ ಎ ಅರಾಮ ಥಯೊಸ ವರಿ ಯೆಸುನಾ ನಾಮಕ್ಹು ತುಮಾರಾ ಕ್ಹಾಮೊಜ಼ ಹುಬ್ರಯೊಸ!

ಅಪೊಸ್ತಲೊ 9:33

ತ್ಯಾ ಲಕ್ವೊ ಮಾರಲವಾಲಾನೆ ಆಟ ವರಕ್ಹತೊ ವಚ್ಚಾ಼ನಾಪರ ಪಡಲ ಐನೆಯ ಕವಾಲೊ ಯಕ್ಲಾ ಮನಕ್ಹನೆ ದೆಕ್ಯೊ.

ಅಪೊಸ್ತಲೊ 9:35

ವರಿ ಲುದ್ದಮಾ, ಶಾರೊನಮಾ ರ‍್ಹವಾಲಾ ಕ್ಹಾರಾ ಮನಕ್ಹೊ ತಿನೆ ದೆಕಿನ, ತ್ಯುನೆ ಕರ್ತಾಕನ ಫರ‍್ಯಾ.