ಅಪೊಸ್ತಲೊ 9:31 - ಕ್ಹುದಾನಿ ಕ್ಹರಿನಿ ವಾಕ್ಯಾ

³¹ ಇಮ್ಮ ರ‍್ಹತಾಮಾ ಯುದಾಯ ವರಿ ಗಲಿಲಾಯ ಸಮಾರ್ಯಾ ಸಿಮೆಮಾ ರ‍್ಹಯಲ ಸಬೆ ಸಮಾಧಾನ ವ್ಹಂದ್ಯು ವರಿ ಕರ್ತಾನಿ ಭೆಮಾ ಪವಿತ್ರ ಆತ್ಮಾ ಕ್ಹು ಪ್ರೊತ್ಸಾಹ ಹೊಂದಿನ ಬೆಳದತು ಆಯು.

ಅಪೊಸ್ತಲೊ 9:31 ပူးပေါင်းရင်းမြစ်များ

ಅಪೊಸ್ತಲೊ 12:24

ಕ್ಹುದಾನಿ ಸಂದೆಶ ಫೈಲಾಡಿತಿ ವರಿ ಘನ್ನಾ ಘನ್ನಾ ಮನಕ್ಹೊನಾ ಉಪ್ಪರ ಪ್ರಭಾವ ಪಡಾಡುತು. ಇಕ್ಹು ವಿಶ್ವಾಸಿಯೊನು ಸಮುದಾಯ ಮ್ಹೊಟು ಥಾವಾನು ಶುರು ಥಯು.

ಅಪೊಸ್ತಲೊ 16:5

ಇನಾಹುತಿ ಸಭೆ ಬರೊಕ್ಹೊಮಾ ತಾಕತವರ ಥಯಾ ವರಿ ಸಂಖ್ಯಾಮಾ ದಿನೆ ದಿನೆ ಜಾಸ್ತಿ ಥಾವಾಡ್ಯಾ.

ಅಪೊಸ್ತಲೊ 2:47

ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.

ಅಪೊಸ್ತಲೊ 20:32

ಮಿ ಹಮ್ನಾ ತುಮೊನೆ ವರಿ ಕ್ಹುದಾನೆ, ತಿನಾ ಕೃಪಾನಿ ವಾಕ್ಯಾಕ್ಹು ವಪ್ಸಿನ ದ್ಯುಸ. ತೆ ತುಮೊಮಾ ಭಕ್ತಿವೃದ್ದಿ ಕರಾನೆ, ಪರಿಶುದ್ಧನಾ ಕ್ಹಾತೆ ತುಮಾರಾ ಹಕ್ಕ ಅನುಗ್ರಹ ದಿವಾನೆ ಹಕ್ಕ ಥಯೊಸ.

ಅಪೊಸ್ತಲೊ 5:11

ಎ ಸಂಗಯೊತಿನಾ ಹುತಿ ಸಬೆನಾ ಕ್ಹಾರಾ ಮನಕ್ಹೊ ವರಿ ಐಕಲ ಕ್ಹಾರಾಜ಼ನಾ ಭುಚ್ಕಾ಼ ವರಕ್ಹಾ ಥಯಾ.

ಅಪೊಸ್ತಲೊ 6:7

ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ.

ಅಪೊಸ್ತಲೊ 8:1

ಸೌಲಾನೆ ತಿನೆ ಖಲಾಸ ಕರಲ ತಿನೆ ಪಸಂದ ಐಯು. ತೆ ದಿನಮಾ ಯೆರುಸಲೆಮಾ ರ‍್ಹಯಲ ಸಭೆನೆ ಘನ್ನು ತ್ರಾಸ ಥಯು. ಅಪೊಸ್ತಲೊನೆ ಛೊಡಿನ ಬಿಜಾ಼ ಕ್ಹಾರಾ ವಿಶ್ವಾಸಿಯೊ ಯುದಾಯಮಾ, ಸಮಾರ್ಯಮಾ ಬಿಕರೈಗಯಾ.

ರೊಮಾಪೂರ 14:17

ತೆ ನೈಸು ಕ್ಹುದಾನಿ ರಾಜ್ಯಮಾ ಖಾವಾನು ರ‍್ಹೈನೆಕಾ ಪಿವಾನು ರ‍್ಹೈನೆಕಾ ಖಾಸ ನ್ಹವೈ. ನಿತಿ ಸಮಾಧಾನ ಪವಿತ್ರ ಆತ್ಮಾನು ಥಾವಾನಿ ಖುಶಿ ತ್ಯಾ ಖಾಸ ವ್ಹೈ.

ರೊಮಾಪೂರ 14:19

ತಿನಾಹುತಿ ಸಮಾದಾನ ಕರಾನಾ ಕಾಮೊ ಅಪ್ನಾ ಹತೆ ಥಾವಾನು ತೆಕ್ಲು ಕೊಶಿಶ ಕರಿಯೆ.

ರೊಮಾಪೂರ 15:13

ಆಸ ದಿವಾಲೊ ಕ್ಹುದಾ ಬರೊಕ್ಹಾಕ್ಹು ಥಾವಾನಿ ಖುಶಿ ಸಮಾಧಾನ ಪುರಾ ದಿವಾದೆ ಕೈನ ತೆಳಾಮಾ ಪವಿತ್ರ ಆತ್ಮಾನಿ ತಾಕತಕ್ಹು ತುಮೊಮಾ ಭರಾದೆ

ರೊಮಾಪೂರ 5:5

ಎ ಆಸ ಅಪೊನೆ ಕೆಳಾಮಾಜ಼ ನಿರಾಶ ಕರತು ನೈ. ಕಾಕದ್ಯಾಮ ಕ್ಹುದಾ ಅಪೊನೆ ದಿದಲ ಗಿಫ್ಟ ಪವಿತ್ರ ಆತ್ಮಾನಾ ಮುಲಕ ತಿನಿ ಮಯಾ ಘನ್ನಿ ದೆಕಾಡ್ಯೊಸ.

1 ಕೊರಿಂಥ 14:12

ಎ ತುಮೊನೆಬಿ ಲಾಗು ಥಾವಸ. ತುಮೆ ಆತ್ಮಿಕ ವರಾ ಘನ್ನಾ ಆಸ ಕರೊಶಿ. ತಿನಾಹುತಿ, ಸಭೆ ಘಟ್ಟ ಥೈನ ರ‍್ಹವಾನೆ ಮದತ ಥಾವಾನಾ ವರಾ ವ್ಹಂದಿಲಿವಾನೆ ಘನ್ನಾ ಕೊಶಿಶ ಕರೊ.

1 ಕೊರಿಂಥ 14:26

ತಿನಾಹುತಿ ಭಾಯೊ ಭೆನೊ, ತುಮೆ ಕರಾನು ಸು ವ್ಹೈ? ತುಮೆ ಸಭೆ ಮಳಿನ ಆಯಲಪರ, ಯಕ್ಲೊ ಗಿದ್ದ ಕವಸ; ಯಕ್ಲೊ ಉಪದೆಶ ಕರಸ; ಯಕ್ಲೊ ಕ್ಹುದಾಕ್ಹು ನವು ಕ್ಹರಿ ತಿಳ್ಸಾವಸ; ಯಕ್ಲೊ ಬಿಜಿ಼ ಭಾಶಾಮಾ ಬೊಲಸ; ಯಕ್ಲೊ ತೆ ಬಿಜಿ಼ ಭಾಷಾ ಅನುವಾದ ಕರಸ. ಸಭೆ ಘಟ್ಟ ಥೈನ ಬೆಳದು ಕೈನ ಎ ಕ್ಹಾರಾವೊನು ಉದ್ದೆಶ ರ‍್ಹೌ.

2 ಕೊರಿಂಥ 10:8

ಪ್ರಭು ತುನೆ ಅಪೊನೆ ದಿದ ಅದಿಕಾರ ಹುತ ಹುತಿ ಅಪೆ ನೈಸೊ ಹೆಚ್ಕಿ ಹೆಮ್ಮೆ ಪಡಿ ಕವಾನು ಕ್ಹರಿ ವ್ಹೈ. ತೆನೈಸೊ ತೆ ತುನೆ ಅಪೊನೆ ಎ ಅದಿಕಾರ ದಿದ ನೈ ತುಮ ತಾಕತ ಟೊಪ್ಲಿಯೊ ಕವಸ ವ್ಹೈ. ತೆ ಛೊಡಿನ ನೈ ತುಮ ತ್ರಾಸ ದಿವ ಹುತ ಹುತಿ ನ್ಹ ತೆನೈಸೊ ತಿನಾ ಹುತ ಹುತಿ ಹೆಮ್ಮೆ ಪಡಾ ಮಿ ಸರಮ ನೈ.

2 ಕೊರಿಂಥ 12:19

ಹಮೆ ಅಕ್ಲಿಯೆಲ ಲಕ್ಕಾ ತುಮರಾ ಕ್ಹಾತೆ ವಾದ ವಿವಾದ ಕರಾಡಾಸ ಕೈನ ತಿಳದಿಲಿದ್ಯಾಸ ಸು? ತುಮಾರಾ ಕ್ಹಾಮಾ ನೈ, ಕ್ಹುದಾನಿ ಸನ್ನಿಧಿಮಾಜ ಹಮೆ ಕ್ರಿಸ್ತಮಾ ರ‍್ಹೈನ ಬೊಲೆಸ. ಮಯಾನಾ ಭಾಯೊ ಹಮೆ ಆ ಕ್ಹಾರು ಕರಾನು ತುಮಾರಿ ಭಕ್ತಿ ವೃದ್ದಿನಾ ಹುತಿ ವ್ಹೈ.

2 ಕೊರಿಂಥ 13:10

ತುನೆ ಎ ಮಿ ರ‍್ಹ ತುಮ ನೈ ರ‍್ಹ ನೈ ತುಮ ನೈ ಪಡ ಬದಲ ಭಾಂದ ಹುತ ಹುತಿ ಬರ್ದ. ರ‍್ಹಯಲ ಪ್ರಭು ನೈ ಮನೆ ದಿದ ಅದಿಕಾರ ರ‍್ಹ ತುಮ ಆತಾಮಾ ಕಾಟ ದೆಕಾಡ ಹುತ ಹುತಿ ಮೌಕೊ ರ‍್ಹೌ ನೈ ಕೈನ ಎ ಕ್ಹಾರ ಬರ್ದ.

2 ಕೊರಿಂಥ 7:1

ಮರಾ ಮಯಾನಾ ಭಾಯೊ ಭೆನೊ ಎ ವಾಗ್ದಾನ ತುನೆ ಅಪೊನೆ ಛೆ ಕೈನ ಅಪೆ ಮಾ ಅಂಗ ವರಿ ಆತ್ಮಾ ರ‍್ಹಯಲ ಕೆಟ್ಟ ಕೈನ ನೈ ಕರಾ ತುನೆ ಅಪೊನೆ ಹಸಾ ಕರಾ ಕ್ಹುದಾ ಭೆನ ರ‍್ಹಯಲ ಕರ್ಲ ಕ್ಹಾರ ಪವಿತ್ರ ರ‍್ಹ ಕೊಶಿಶ ಕರಾ.

ಎಫೆಸ 4:12

ಕ್ರಿಸ್ತನಿ ಸೆವಾನಾ ಹುತಿ ಕ್ಹುದಾ ಪರಿಶುದ್ಧ ಮನಕ್ಹೊನೆ ತಯ್ಯಾರ ಕರಾನೆ ತೆ ತ್ಯುನೊನೆ ನೆಮಿಸ್ಯೊ.

ಎಫೆಸ 4:16

ಪುರಾ ಅಂಗಜ಼ ಯೆಸುನೆ ಸಂಬಂಧ ರ‍್ಹಯಲ ವ್ಹೈ. ಅಂಗನು ಯಕೆಕ ಭಾಗ ಯಕ್ಕನೆ ಯಕ್ಕಕ ಮಳಿನ ಛೆ. ಹರಯಕ್ಕ ಅಂಗ ತಿನು ತೆ ಕಾಮ ಕರಾಕ್ಹು ಪುರಾ ಅಂಗಜ಼ ಬೆಳ್ದಿನ ಮಯಾಮಾ ಘಟ್ಟ ಥೈನ ರ‍್ಹವಾನೆ ಸಾಧ್ಯ ಥಾವಸ.

ಎಫೆಸ 4:29

ತುಮಾರಾ ಮ್ಹೊಡಾಕ್ಹು ಕೆಟ್ಟ ವಾತೊ ಔ ನೈ. ಭಕ್ತಿನೆ ಘಟ್ಟ ಕರಾನಾ ಕಾಲನೆ ಕರೆಟ್ಟ ರ‍್ಹಯಲ ವಾತೊ ರ‍್ಹಯಾರೆ ಐಕಾಲಾವೊನಾ ಚೊ಼ಕಾನಾ ಹುತಿ ತೆ ಕವೊ.

ಎಫೆಸ 5:21

ತುಮೆ ಯಕ್ಕನೆ ಯಕ್ಕ ಅಧಿನ ಥೈನ ರ‍್ಹೌ. ಕಾಕದ್ಯಾಮ ತುಮೆ ಕ್ರಿಸ್ತಮಾ ಭೆ ಭಕ್ತಿಕ್ಹು ಛೆ.

ಫಿಲಿಪ್ಪಿ 2:1

ಕ್ರಿಸ್ತಕ್ಹು ಪ್ರೊತ್ಸಾಹ, ಮಯಾ,ಸಮಾಧಾನ,ಪವಿತ್ರತ್ಮಾನಿ ಅನ್ಯುನತೆ, ಮರಗಾ ಹುಟಸ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

1 ಥೆಸಲೊನಿಕ 5:11

ತಿನಾಹುತಿ ಯಕ್ಲಾನೆ ಯಕ್ಲೊ ಪ್ರೊತ್ಸಾಹ ಕರೊ. ಹಮ್ನಾ ತುಮೆ ಕರತಾ ರ‍್ಹಯಲ ತೆಜ಼ ವ್ಹೈ.

1 ತಿಮೊತಿ 1:4

ವಿಚಾರ ಕರಲ ಕಾನಿಯೊನೆಬಿ ವರಿ ತುಮಾರಾ ಪಿತೃವೊನು ಖಾಂದಾನನೆ ಧ್ಯಾನದ್ಯುನೈ ಕೈನ ತ್ಯುನೊನೆ ಆಗನ್ಯಾ ದೆ. ತೆ ಸಂಗತಿಯೊ ವಾದ-ವಿವಾದ ಲಾವಸ. ತ್ಯವಾಕ್ಹು ಕ್ಹುದಾನಾ ಕಾಮನೆ ಸುಜ಼ ಉಪಯೊಗ ನತ್ತಿ. ಕ್ಹುದಾನು ಕಾಮ ಬರೊಕ್ಹಾ ಕ್ಹು ಕರು.

ಇಬ್ರಿಯ 4:9

ತಿನಾಹುತಿ ಕ್ಹುದಾನಾ ಮನಕ್ಹೊನಾ ಹುತಿ ಅಟ್ವಾಡಾಮಾ ಯಕ್ಕ ದಿನ್ನ ತೆ ಅರಾಮ ಕರಾನೊ ದಿನ್ನ ವ್ಹೈ. ಕಿಮ್ಮ ಕ್ಹುದಾ ಕ್ಹಾತ್ವಾ ದಿನ್ನೆ ಅರಾಮ ಕರ‍್ಯೊ ತಿಮ್ಮಜ಼ ತೆ ದಿನ್ನಬಿ ವ್ಹೈ.

ಯುದ ಬರ್ದಲ ಪತ್ರ 1:20

ತೆ ನೈಸೊ ಮಯಾನಾ ಭಾಯೊ, ತುಮೊಮಾ ರ‍್ಹಯಲ ಪರಿಶುದ್ದ ಬರೊಕ್ಹಾನಾ ಮುಲಕ ಪವಿತ್ರ ಆತ್ಮಾ ಭರಿತ ಥೈನ ಪ್ರಾಥನಾ ಕರೊ.