ಅಪೊಸ್ತಲೊ 9:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ತೆನೈಸೊ ಬಾರ್ನಬ ತಿನಿ ಮದತ ಕರನಾ ಹುತಿ ಅಪೊಸ್ತಲೊಕನ ಬಲೈಲಿನ ಗೈನ ತೆ ದಮಸ್ಕನಿ ವಾಟ್ಮಾ ಕರ್ತಾನೆ ದೆಕಲ ವರಿ ತಿನಾ ಕ್ಹಾತೆ ಬೊಲಲ ದಮಸ್ಕಮಾ ಯೆಸುನಾ ನಾಮಪರ ಧೈರ‍್ಯಕ್ಹು ಕೈನ ತ್ಯುನೊನೆ ತಿಳಸೈನ ದಿದ್ಯೊ.

ಅಪೊಸ್ತಲೊ 9:27 ပူးပေါင်းရင်းမြစ်များ

ಅಪೊಸ್ತಲೊ 11:22

ಅಂತಿಯೊಕ್ಯಮಾ ರ‍್ಹಯಲ ಎ ನವಾ ವಿಶ್ವಾಸಿಯೊನಾ ಹುತಿ ಯೆರುಸಲೆಮನೆ ಸಬೆವಾಲಾವೊನೆ ಗ್ವತ್ತ ಥಯು. ತಿನಾಹುತಿ ಜೆರುಸಲೆಮನಾ ವಿಶ್ವಾಸಿಯೊ ಬಾರ್ನಬನೆ ಅಂತಿಯೊಕ್ಯನೆ ವಳಾಯಾ.

ಅಪೊಸ್ತಲೊ 11:25

ಪಾಚಲ್ತೊ ಬಾರ್ನಬ ಸೌಲಾನೆ ಹುಡಕ್ತೊ ತಾರ್ಸ ಗಾಮೆ ಗಯೊ.

ಅಪೊಸ್ತಲೊ 12:25

ಬಾರ್ನಬ ವರಿ ಸೌಲಾ ಯೆರುಸಲೆಮಮಾ ತ್ಯುನು ಕಾಮ ಕ್ಹರಾಯಲಪರ ಅಂತಿಯೊಕ್ಯನೆ ಫರಿನ ಗಯಾ. ಮಾರ್ಕ ಕವಾಲೊ ಯೊಹಾನ ತ್ಯುನಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 13:2

ಇವ್ನೆ ಕ್ಹಾರಾ ಪ್ರಭುನಿ ಸೆವೆ ಕರಾಡಾತಾ ವರಿ ಉಪಾಸ ಕರಾಡಾತಾ. ಪವಿತ್ರ ಆತ್ಮಾ ತ್ಯುನೊನೆ"ಮಿ ಖಾಸ ರ‍್ಹಯಲ ಕಾಮೊನಾ ಹುತಿ ಬಾರ್ನಬ ವರಿ ಸೌಲಾನೆ ಇನಿಲಿದ್ಯೊ. ತೆ ಕಾಮೊನಾ ಹುತಿ ತ್ಯುನೊನೆ ಪ್ರೊತ್ಸಾಹ ಕರೊ "ಕೈನ ಕದ್ಯೊ.

ಅಪೊಸ್ತಲೊ 15:2

ಪೌಲಾ ಬಾರ್ನಬ ಎ ಉಪದೆಶನೆ ತ್ಯುನಾ ವಿರುದ್ದ ದೆಕಾಡಿನ ತ್ಯುನಾ ಕ್ಹಾತೆ ವಾದ ಕರ‍್ಯಾ. ಎ ಸಮಸ್ಯಾನಾ ಹುತಿ ಅಪೊಸ್ತಲೊನಾ ಕ್ಹಾತೆ ವರಿ ಬಿಜಾ಼ ಶಾನಾವೊನಾ ಕ್ಹಾತೆ ಚರ್ಚಾ ಕರಾನೆ ಪೌಲಾ ಬಾರ್ನಬನೆ ವರಿ ಬಿಜಾ಼ ದಕ್ಹಾ ಜ಼ನಾವೊನೆ ಯೆರುಸಲೆಮೆ ವಳಾವಾನೆ ಸಭೆ ಮಳಾನೆ ಫೈಸ್ಲೊ ಕರ‍್ಯಾ.

ಅಪೊಸ್ತಲೊ 4:13

ಪೆತ್ರಾ ವರಿ ಯೊಹಾನನೆ ಖಾಸ ಕಯಿಬಿ ತರಬೆತಿ ಗ್ಯಾನ ರ‍್ಹವಾದೆ ನತ್ತಿ ಕವಾನು ಯೆಹುದಿಯೊನಾ ನಾಯಕೊನೆ ಗ್ವತ್ತ ವ್ಹತ್ತು. ತೆನೈಸೊ ತ್ಯುನೆ ಭುಚಕ್ಯಾವಾಚಿ಼ ಬೊಲಾನುಬಿ ನಾಯಕೊ ದೆಕಾಡಾತಾ. ತಿನಾಹುತಿ ಎ ನ್ಯಾಯಕೊ ಘನ್ನಾ ಘಾಬ್ರಾ ಥಯಾ. ಪೆತ್ರಾ ವರಿ ಯೊಹಾನ ಯೆಸುನಾ ಕ್ಹಾತೆ ವ್ಹತ್ತಾ ಕಾವಾನು ಎ ಥಯಲಪರ ಗ್ವತ್ತ ಥಯು.

ಅಪೊಸ್ತಲೊ 4:29

ಪ್ರಭು, ತ್ಯುನೆ ಕವಾನು ಐಕ. ತ್ಯುನೆ ಹಮೊನೆ ಭುಚ್ಕಾಡಾನೆ ಕೊಶಿಶ ಕರಾಡಾಸ! ಪ್ರಭು ಹಮೆ ತಾರಾ ಸೆವಕೊ ವ್ಹೈ. ತಾರಿ ವಾಕ್ಯಾ ಭೆ ವಾಚಿ ಕವಾನೆ ತುಜ಼಼ ಹಮೊನೆ ಮದತ ಕರ.

ಅಪೊಸ್ತಲೊ 4:36

ತೆ ವಿಶ್ವಾಸಿಯೊಮಾ ಯೊಸೆಫ ಕವಾಲೊ ವ್ಹತ್ತೊ. ಅಪೊಸ್ತಲೊ ತಿನೆ ಬಾರ್ನಬ ಕೈನ ಬಲಾತಾತಾ. ಬಾರ್ನಬ ಕದ್ಯಾಮ ‘ಧೈರೈವಾಲೊ’ ಸೈಪ್ರಸ್ಮಾ ಹುಟ್ಟಲ ಎ ಲೆವಿ ವ್ಹತ್ತೊ.

ಅಪೊಸ್ತಲೊ 9:17

ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ.

ಅಪೊಸ್ತಲೊ 9:29

ವರಿ ಗ್ರಿಕಮಾ ಬೊಲಾಲಾ ಯಹುದಿಯೊನಾ ಕ್ಹಾತೆ ವಾದ-ವಿವಾದ ಕರ‍್ತೊತೊ. ತೆನೈಸೊ ತ್ಯುನೆ ತಿನೆ ಖಲಾಸ ಕರು ಕೈನ ಕೊಶಿಶ ಕರ‍್ತಾತಾ.

1 ಕೊರಿಂಥ 15:8

ಲಾಸ್ಟೆ ದಿನ್ನ ಭರಾತಿ ಪೈಲಾಜ಼ ಹುಟ್ಟಲ ಬಚ್ಚಾ಼ ಲಿಂಗತ ಮನೆಬಿ ದಿಕ್ಹ್ಯೊ.

1 ಕೊರಿಂಥ 9:6

ಜ಼ಲಮನಾ ಹುತಿ ಬಾರನಬ ವರಿ ಮಿ ಯಕ್ಕಜ಼ ರಾಬಿನ ಜಿವ್ನಾ ಕರಾನೆ ಆಗನ್ಯಾ ದಿದ್ಯಾಸು?

ಗಲಾತ್ಯ 2:13

ಇಮ್ಮ ಪೆತ್ರಾ ಕಪಟ ದೆಕಾಡ್ಯೊ. ಯಹುದ್ಯೊ ರ‍್ಹಯಲ ವಿಸ್ವಾಶಿಯೊ ಪೆತ್ರಾನೆ ದೆಕಿನ ಸಿಕ್ಯಾ. ಕಪಟತನಾಕ್ಹು ಚಾ಼ಲಿನ ಗಯಾ. ಇವ್ನೆ ಕರಾನು ದೆಕಿನ ಬಾರನಬ ಬಿ ಶಿಕ್ಯೊ.

ಗಲಾತ್ಯ 2:9

ಕ್ಹುದಾ ಮನೆ ಎ ಖಾಸ ರ‍್ಹಯಲ ವರಾ ದಿದ್ಯೊಸ ಕವಾನು ಮ್ಹೊಟಾವ್ಹೈ ಕೈನ ಕವೈಲಿವಾಲಾ ಯಾಕೊಬ, ಪೆತ್ರಾ, ಯೊಹಾನ ಪಡ್ದಿಲಿದ್ಯಾ. ತಿನಾ ಹುತಿ ತ್ಯುನೆ ಬಾರನನೆ ವರಿ ಮನೆ ಸ್ವಿಕಾರ ಕರ‍್ಯಾ. ತ್ಯುನೆ ಹಮೊನೆ"ಪೌಲಾ ವರಿ ಬಾರನಬ, ತುಮೆ ಯಹುದ್ಯೊ ನೈ ರ‍್ಹಯಲವಾಲಾವೊಕನ ಜಾ಼ವೊ. ಹಮೆ ಯಹುದ್ಯೊಕನ ಗೈಯೆಸ್ ಕೈನ ಕದ್ಯಾ.