ಅಪೊಸ್ತಲೊ 9:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ.

ಅಪೊಸ್ತಲೊ 9:20 ပူးပေါင်းရင်းမြစ်များ

ಮತ್ತಾಯ 27:43

ಎ ಕ್ಹುದಾನೆ ಬರೊಕ್ಹೊ ಕರ‍್ಯೊತೊ. ಹಮ್ನಾ ಕ್ಹುದಾನೆ ಕ್ಹರಿಬಿ ಎ ಛಾಯೆ ಥಯಲ ರ‍್ಹಯೊಮ, ಕ್ಹುದಾಜ಼ ಅನೆ ವಚಾ಼ಡಾದೆ. ‘ಮಿ ಕ್ಹುದಾನೊ ದಿಕ್ರೊ ವ್ಹೈ’ ಕೈನ ಎಜ಼ ಕೈಲಿದ್ಯೊಸತೊ” ಕೈನ ತ್ಯುನೆ ಕದ್ಯಾ.

ಮತ್ತಾಯ 27:54

ಯೆಸುನೆ ಕೈದಾಲೊ ಸೆನಾದಿಪತಿ ವರಿ ಸೈನಿಕೊ ಬುಕಂಪನೆ ವರಿ ಥಯಲ ಕ್ಹಾರು ದೆಕಿನ ಘನ್ನಾ ಭುಚ್ಕಿನ, "ಎ ಕ್ಹರಿಬಿ ಕ್ಹುದಾನೊ ದಿಕ್ರೊ ವ್ಹತ್ತೊ!” ಕೈನ ಕದ್ಯಾ.

ಮತ್ತಾಯ 4:3

ತೆಳಾಮ ಯೆಸುನೆ ಪರಿಕ್ಷಾ ಲಿವಾನಾ ಹುತಿ ಸೈತಾನ ಕನ ಐನ ತು ಕ್ಹುದಾನೊ ದಿಕ್ರೊ ರ‍್ಹಯೊಮ ಆ ದಗ್ಡಾನೆ ರೊಟ್ಲೊ ಥಾ ಕೈನ ಆಗನ್ಯಾ ದೆ” ಕದ್ಯೊ.

ಯೊಹಾನ 1:49

ತೆಳಾಮಾ ನತಾನಿಯೆಲ ತಿನೆ"ಗುರು, ತುಜ಼಼ ಕ್ಹುದಾನೊ ದಿಕ್ರೊ ವ್ಹೈ. ತು ಇಸ್ರಾಯಲನೊ ರಾಜೊ಼ ವ್ಹೈ" ಕೈನ ಕದ್ಯೊ.

ಯೊಹಾನ 19:7

ಯೆಹುದಿಯೊ "ಹಮೊನೆ ಯಕ್ಕ ನಿಯಮ ಛೆ ತಿನಾಲಿಂಗತ ಇನಿ ಮರವಾನಿ ಶಿಕ್ಷಾ ಥೌಜ. ಕಾಕದ್ಯಾಮ ಎ ತಿನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಕೈಲಿದ್ಯೊಸ ಕೈನ ಕದ್ಯೊ.

ಯೊಹಾನ 20:28

ತೊಮಾ ಯೆಸುನೆ "ಮಾರಾ ಪ್ರಭು ಮಾರಾ ಕ್ಹುದಾ "ಕೈನ ಕದ್ಯೊ.

ಯೊಹಾನ 20:31

ಯೆಸು ಹಜು಼ನ ಬಿಜಾ಼ ಅದ್ಭುತ ಕಾಮೊ ತಿನಾ ಶಿಷ್ಯಾನಾ ಕ್ಹಾಮೊ ಕರ‍್ಯೊಸ. ತೆನೈಸೊ ಎ ಬುಕ್ಮಾ ನತ್ತಿ ಬರ್ದ್ಯಾ. ವರಿ ಅಕ್ಲು ಕ್ಹಾರು ಬರ್ದಲ ಛೆ. ಕಾಕದ್ಯಾಮ ತುಮೆ ತಿಪರ ಬರೊಕ್ಹೊ ಮ್ಹೆಲು ಕೈನ ಎ ಕ್ಹಾರು ಬರ್ದಲ ವ್ಹೈ.

ಅಪೊಸ್ತಲೊ 13:14

ತ್ಯುನೆ ತ್ಯುನು ಪ್ರಯಾಣ ಪೆರ್ಗತಾ ಅಗಾ ಬಡೈನ, ಪಿಸಿದಿ ಗಾಮನಿ ರ‍್ಹಯಲ ಅಂತಿಯೊಕ್ಯನೆ ಗಯಾ. ತ್ಯುನೆ ಅಂತಿಯೊಕ್ಯನೆ ಸಬ್ಬತ ದಿನ್ನೆ ಯೆಹುದಿನಾ ಸಭಾ ಮಂದಿರಮಾ ಗೈನ ಬೆಟ್ಯಾ.

ಅಪೊಸ್ತಲೊ 13:33

ಹಮೆ ತ್ಯುನಾ ತ್ಯುನಾ ಸಂತತಿವಾಲಾ ಥಯಾಸ. ಕ್ಹುದಾ ಯೆಸುನೆ ಮರಲವಾಲಾವೊಮಾತೊ ಜಿವ್ತೊ ಕರಿನ ಉಟಾಡಾನಾ ಮುಲಕ ತೆ ವಾಗ್ದಾನ ಅಪ್ನಾ ಹುತಿ ಪುರಾ ಕರ‍್ಯೊಸ. ಇನಾ ಹುತಿ ಬೆಂವಾ ಕಿರ್ತನೆಮಾ ಅಮ್ಮ ಬರ್ದಲ ಛೆ, ತುಜ಼಼ ಮಾರೊ ದಿಕ್ರೊ ವ್ಹೈ. ಆಜ಼ಜ಼ ಮಿ ತುನೆ ಪಡ್ದಿಲಿದ್ಯೊ. ಕಿರ್ತನೆ 2:7

ಅಪೊಸ್ತಲೊ 13:46

ತೆನೈಸೊ ಪೌಲಾ ಬಾರ್ನಬ ಘನ್ನಾ ಧೈರ್ಯಾಕ್ಹು ಬೊಲಿನ"ಹಮೆ ಕ್ಹುದಾನಿ ವಾಕ್ಯಾ ಯೆಹುದಿಯೊ ಥಯಲ ತುಮೊನೆ ಪೈಲಾ ಕೌ. ತೆನೈಸೊ ತುಮೆ ತುಮೊನೆ ಹಮೆಶಾನು ಜ಼ಲಮನೆ ಪಾತ್ರ ನ್ಹವೈ ಕೈನ ತಿರಸ್ಕಾರ ಕರಾಡಾಸ. ತಿನಾಹುತಿ ಹಮೆ ಬಿಜಾ಼ ಧರ್ಮವಾಲಾವೊ ಕನ ಗೈಯೆಸ!

ಅಪೊಸ್ತಲೊ 13:5

ಬಾರ್ನಬ ವರಿ ಸೌಲಾ ಸಲಾಮಿಸ ಗಾಮೆ ಆಯಲ್ಪರ ಯೆಹುದಿನಾ ಸಭಾ ಮಂದಿರಮಾ ಕ್ಹುದಾನಿ ಸಂದೆಶ ಕದ್ಯಾ. ಮಾರ್ಕ ಕವೈಲಿವಾಲೊ ಯೊಹಾನ ಮದತ ಕರಾನಾ ಹುತಿ ತ್ಯುನಾ ಕ್ಹಾತೆ ವ್ಹತ್ತೊ.

ಅಪೊಸ್ತಲೊ 14:1

ಪೌಲಾ ಬಾರ್ನಬ ಇಕೊನಿಯಾ ಗಾಮೆ ಗಯಾ. ಹರಯಕ್ಕ ಗಾಮಮಾಬಿ ತ್ಯುನೆ ಬೊಲಲ ಲಿಂಗತ ನ್ಹ್ಯಾಬಿ ಯೆಹುದಿಯೊನಾ ಸಭಾಮಂದಿರಮಾ ಗೈನ ಮನಕ್ಹೊನೆ ಬೊಧನೆ ಕರ‍್ಯಾ. ಪೌಲಾ ಬಾರ್ನಬನಿ ಚೊ಼ಕಿ ಬೊದನೆ ಐಕಿನ ಘನ್ನಾ ಯೆಹುದಿಯೊ ವರಿ ಗ್ರಿಕವಾಲಾ ಬರೊಕ್ಹೊ ಕರ‍್ಯಾ.

ಅಪೊಸ್ತಲೊ 16:13

ನದಿನಾ ದಂಡಿಯೆ ರ‍್ಹಯಲ ಕ್ಹುದಾನಿ ಪ್ರಾಥನಾ ಕರಾನಿ ಜ಼ಗಾ ಛೆ ಕೈನ ತಿಳ್ದಿನ ಸಬ್ಬತ ದಿನ್ಮಾ ಗಾಮ್ನಾ ಭಾರಾ ಗೈನ ತ್ಯಾ ಮಳಿನ ಆಯಲ ಬಾಕ್ಡಿಯೊನಾ ಕ್ಹಾತೆ ಬೈಟಿನ ಬೊಲ್ಯಾ.

ಅಪೊಸ್ತಲೊ 17:10

ತೆಳಾಮಾ ತೆ ಭಾಯೊ ರಾತಮಾ ಪೌಲಾ ವರಿ ಸಿಲಾನೆ ಬೆರೆಯೊನನೆ ಮೊಕ್ಲಾಯಾ. ತ್ಯುನೆ ತ್ಯಾ ಗೈನ ಯಹುದ್ಯೊನಾ ಸಬಾಮಂದಿರಮಾ ಗಯಾ.

ಅಪೊಸ್ತಲೊ 17:17

ತಿನಾಹುತಿ ತೆ ಸಬಾಮಂದಿರಮಾ ಯಹುದ್ಯೊ ವರಿ ಭಕ್ತನಾ ಕ್ಹಾತೆ ವರಿ ತ್ಯಾ ಮಳೆಲ ಮನಕ್ಹೊನಾ ಕ್ಹಾತೆ ವರಿ ದಿನ್ಯೆಬಿ ಬಾಜಾರಮಾ ವರಿ ತ್ಯಾ ದಿಕ್ಹೆಲ ಮನಕ್ಹೊನೆ ವಾದಾ ಕರಾಡೊತೊ.

ಅಪೊಸ್ತಲೊ 17:2

ಪೌಲ ತಿನಿ ಪದ್ದತನಿಂತ ತ್ಯಾ ರಹೆಲ ಮನಕ್ಹೊಕನ ಗೈನ ತನ ಐತವಾರೊ ಕ್ಹುದಾನಾ ವಾತೊ ತ್ಯುನಾ ಕ್ಹಾತೆ ವಾದಸಿನ

ಅಪೊಸ್ತಲೊ 18:19

ಎಫೆಸೆಯೆ ಆತಾಮಾ ತ್ಯುನೊನೆ ತ್ಯಾಜ಼ ಛೊಡಿನ ತೆ ಸಭಾಮಂದಿರ್ಮಾ ಮ್ಹೈ ಗೈನ ಯಹುದಿಯೊನಾ ಕ್ಹಾತೆ ವಾದ ವಿವಾದ ಕರ‍್ಯೊ.

ಅಪೊಸ್ತಲೊ 18:4

ತ್ಯುನೆ ಹರಿ ಯಕ್ಕ ಸಬ್ಬತ ದಿನೆ ಸಬಾಮಂದಿಮಾ ಚರ್ಚೆ ಕರಿನ ಗ್ರಿಕವಾಲಾವೊನೆ ಯೆಹುದಿಯೊನೆ ಕೈನ ದೆತೊತೊ.

ಅಪೊಸ್ತಲೊ 19:8

ತೆ ಗಾಮ್ಮಾ ಪೌಲಾ ಸಬಾಮಂದಿರಮಾ ಗೈನ ತನ ಮ್ಹೈನಾ ತ್ಯಾ ಕ್ಹುದಾನಿ ರಾಜ್ಯನಾ ಹುತಿ ಕವಾಡೊತೊ. ಮನಕ್ಹೊನೆ ಧೈರ್ಯಕ್ಹು ಬೊಲ್ಯೊ.

ಅಪೊಸ್ತಲೊ 8:36

ತ್ಯುನೆ ವಾಟ್ಮಾ ಜಾ಼ತಾಮಾ ಯಕ್ಕ ತಳಾನಾ ನಜಿಕ ಆಯಾ. ತೆಳಾಮಾ ತೆ ಮನಕ್ಹ ದೆಕ ನ್ಹ್ಯಾ ಪಾನಿ ಛೆ ಬಾಪ್ತಿಸ್ಮ ಲಿವಾನೆ ಮನೆ ಸುಬಿ ಅಡ್ಡ ಛೆಸು? ಕೈನ ಫಿಲಿಪ್ಪನೆ ಪುಚ್ಯೊ಼.

ಅಪೊಸ್ತಲೊ 8:37

ತೆ ವಾತೆ ಫಿಲಿಪ್ಪ ತಾರಾ ಮನಸ ಕ್ಹರಿನೆ ನಂಬಾನೊ ರ‍್ಹಯೊಮ ಬಾಪ್ತಿಸ್ಮ ಕರೈಲೆ ಸಕಸ ಕೈನ ಕದ್ಯೊ. ತೆ ವಾತೆ ಯೆಸು ಕ್ರಿಸ್ತನೆ ಕ್ಹುದಾನೊ ದಿಕ್ರೊ ವ್ಹೈ ಕೈನ ಮಿ ಬರೊಕ್ಹೊ ಕರುಸ ಕೈನ

ಅಪೊಸ್ತಲೊ 9:22

ಸೌಲಾ ವರಿ ಯೆಸುಜ಼ ಕ್ರಿಸ್ತ ವ್ಹೈ ಕೈನ ಘನ್ನಾ ಬರೊಕ್ಹಾಕ್ಹು ಜೊ಼ರ-ಜೊ಼ರ ಕವಾಡೊತೊ. ತೆ ಕವಾನಾ ವಾತೊ ಕ್ಹರಿ ರ‍್ಹಯಲಕ್ಹು ದಮಸ್ಕಮಾ ರ‍್ಹಯಲ ಯೆಹುದಿಯೊ ತಿನೆ ಸುಜ಼ ಬೊಲ್ಯಾ ನೈ.

ರೊಮಾಪೂರ 1:4

ತೆನೈಸೊ ಯೆಸು ಪವಿತ್ರ ಆತ್ಮಾನಾ ಮುಲಕ ಮ್ಹೊಟಿ ತಾಕತನಾ ಕ್ಹಾತೆ ಮರಲವಾಲಾವೊಮಾತೊ ಜಿವ್ತೊ ಥೈನ ಉಟಿನ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕೈನ ದೆಕಾಡಿನ ದಿದ್ಯೊ.

ಗಲಾತ್ಯ 1:16

ತಿನಾ ದಿಕ್ರಾನಾ ಹುತಿ ರ‍್ಹಯಲ ಸುವಾರ್ತೆ ವಿಶ್ವಾಸ ನೈ ರ‍್ಹಯಲ ಮನಕ್ಹೊನೆ ಕೌ ಕೈನ ಕ್ಹುದಾನಿ ಚಿತ್ತ ವ್ಹತ್ತಿ. ತಿನಾಹುತಿ ಕ್ಹುದಾ ತಿನಾ ದಿಕ್ರಾನೆ ಮನೆ ದೆಕಾಡ್ಯೊ. ತೆ ಮನೆ ಬಲಾತಾಮಾ ಮಿ ಕಿನೆಜ಼಼ ಪುಚ್ಯೊ ನೈ.

ಗಲಾತ್ಯ 2:20

ತಿನಾಹುತಿ ಮಾರಾಮಾ ಜಿವ್ತೊ ರ‍್ಹಯಲ ಕ್ಹರಿಮಾಜ಼ ಮಿ ನ್ಹವೈ, ಕ್ರಿಸ್ತಜ಼ ಮಾರಾಮಾ ಜಿವ್ತೊ ಛೆ. ಮಿ ತೊ ಖಾಲಿ ಅಂಗ ವ್ಹೈ. ವರಿ ಮಿ ಜಿವ್ತೊ ರ‍್ಹಯಲ ಕ್ಹುದಾನೊ ದಿಕ್ರಾಪರ ಬರೊಕ್ಹೊ ರ‍್ಹಯಲ ಕ್ಹುಜ಼ ವ್ಹೈ. ಮನೆ ಮಯಾ ಕರಲವಾಲೊ ಯೆಸುಜ಼ ವ್ಹೈ ವರಿ ತೆ ಮನೆ ವಚಾ಼ಡಾನ ಹುತಿ ತಿನಾಕ್ಹು ತಿನೆ ವಪ್ಸಿನ ದಿದ್ಯೊ.

ಪ್ರಕಟನೆ 2:18

"ಥುವತೈರಮಾ ರ‍್ಹಯಲ ದುತನೆ ಎ ಕ್ಹಾರು ಬರದ" ಕ್ಹುದಾನೊ ದಿಕ್ರೊ ಎ ಸಂಗತಿಯೊ ಕವಸ. ಆಗ ಲಾಗಲ ಲಿಂಗತ ಉಜಾಲು ರ‍್ಹಯಲ ಡೊಳಾ ಮಿಂಚಾ಼ನು ತಾಂಬಾ ಲಿಂಗತ ಪಗೊ ರ‍್ಹಯಲವಾಲೊ, ತುನೆ ಎ ಕ್ಹಾರು ಕವಸ.