ಅಪೊಸ್ತಲೊ 9:17 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹⁷ ತೆಳಾಮಾ ಅನನಿಯಾ ಪೌಲಾ ರ‍್ಹಯಲ ಘರ್ಮಾ ಗೈನ ತಿನಾ ಮಾತಾಪರ ತಿನಾ ಹತೊ ಮ್ಹೆಲಿನ, ಮಾರಾ ಭೈ, ತು ಆಯಲ ವಾಟ್ಮಾ ತುನೆ ದಿಕ್ಹಲ ಪ್ರಭು ಥಯಲ ಯೆಸು ತುನೆ ಡೊಳಾ ದಿಕ್ಹಾ ವರಕ್ಹು, ತು ಪವಿತ್ರ ಆತ್ಮಾಕ್ಹು ಭರು ಕೈನ ಮನೆ ತುಕನ ಮೊಕ್ಲ್ಯೊಸ ಕೈನ ಕದ್ಯೊ.

ಅಪೊಸ್ತಲೊ 9:17 ပူးပေါင်းရင်းမြစ်များ

ಮತ್ತಾಯ 19:13

ದಕ್ಹಾ ಜ಼ನಾ ತ್ಯುನಾ ನ್ಹಾನಾ ಬಚ್ಚಾ಼ವೊನೆ ಯೆಸುಕನ ಬಲೈಲಿನ ಐನ, ತ್ಯುನಾ ಉಪ್ಪರ ತೆ ಹತೊ ಮ್ಹೆಲಿನ ಪ್ರಾರ್ಥನಾ ಕರು ಕೈನ ಮಾಂಗಿಲಿದ್ಯಾ. ತೆನೈಸೊ ಶಿಶ್ಯಾ ತ್ಯುನೊನೆ ಭುಚ್ಕಾಡ್ಯಾ.

ಮಾರ್ಕ 5:23

ಮಾರಿ ಮಯಾನಿ ನ್ಹಾನಿ ದಿಕ್ರಿ ಹಮ್ನಾ ತಿನೆ ಅರಾಮ ನತ್ತಿ (ತೆ ಮರಾ ವರಕ್ಹಿ ಥೈಸ) ತು ಐನ ತಿಪರ ಹತ್ ಮ್ಹೆಲ ಕೈನ ಮಾಂಗಿಲಿದ್ಯೊ. ತೆ ಅರಾಮ ಥಾವಸ ವರಿ ವಾಚಿ಼ಜಾ಼ವಸ.

ಮಾರ್ಕ 6:5

ತೆ ತ್ಯಾ ದಕ್ಹಾಜ಼಼ನಾ ರೊಗ ರ‍್ಹಯಲ ವಾಲಾವೊಪರ ಹತ್ತ ಮ್ಹೆಲಿನ ಅರಾಮ ಕರ‍್ಯೊ ತೆ ಛೊಡಿನ ಬಿಜು಼ ಕಯುಜ಼ ಮ್ಹೊಟು ಕಾಮ ಕರಾನೆ ಥಯೊನೈ ಕಾಕದ್ಯಾಮ ತ್ಯುನೊಮಾ ಬರೊಕ್ಹೊ ನ್ಹೊತೊ

ಲುಕ ಬರ್ದಲ ಸುವಾರ್ತಾ 1:41

ಎಲಿಸೆಬೆತ ಮರಿಯಳನೊ ಗಳೊ ಐಕ್ತಾಮಾ ಎಲಿಸಬೆತನಾ ಪೆಟಮಾ ರ‍್ಹಯಲ ಬಚ್ಚು಼ ಖುಶಿ ಥೈನ ವದ್ಯಾಡ್ಯು. ತೆಳಾಮಾ ಎಲಿಸಬೆತ ಪವಿತ್ರ ಆತ್ಮಾಕ್ಹು ಭರಿನ

ಲುಕ ಬರ್ದಲ ಸುವಾರ್ತಾ 1:67

ಪಾಚಲ್ತೊ ಯೊಹಾನನೊ ಬಾ ಥಯಲ ಜಕರಿಯ ಪವಿತ್ರ ಆತ್ಮಾಕ್ಹು ಭರಿನ ಕ್ಹುದಾನಿಯೊ ವಾತೊ ಕದ್ಯೊ.

ಲುಕ ಬರ್ದಲ ಸುವಾರ್ತಾ 1:76

ವರಿ ಜಕರಿಯಾ"ದಿಕ್ರಾ ತುತೊ ಮ್ಹೊಟೊ ಪ್ರವಾದಿ ಕೈನ ಕವೈಲೆಶಿ. ತು ಕರ್ತಾನಾ ಕ್ಹಾಮೊ ಗೈನ ತೆ ಆವಾನಾ ಟೈಮ ಲಕ್ಕಾ ತಿನಿ ವಾಟ ತಯ್ಯಾರ ಕರಶಿ.

ಲುಕ ಬರ್ದಲ ಸುವಾರ್ತಾ 15:30

ತೆನೈಸೊ ತಾರೊ ನ್ಹಾನೊ ದಿಕ್ರೊ ತಾರಾ ಕ್ಹಾರಾ ದೊಕ್ಡಾ ಸುಳಿಯೊನಾ ಹುತಿ ಜ಼಼ವೈ ಲಿದ್ಯೊ. ವರಿ ತೆ ಘರೆ ಫರಿನೆ ಆತಾಮಾ ತಿನಾಹುತಿ ತು ಹೊರಿ ಕಾಟಾಲಗಾಡ್ಯೊ. ಕೈನ ಕದ್ಯೊ.

ಲುಕ ಬರ್ದಲ ಸುವಾರ್ತಾ 15:32

ಅಪೆ ಖುಶಿ ಕರು ಕಾಕದ್ಯಾಮ ತಾರೊ ಭೈ ತೊ ಜ಼಼ವೈ ಗಯೊತೊ. ತೆ ಮರಿಗಯೊತೊ ಜಿವ್ತೊ ಥಯೊಸ ವರಿ ಅಪೊಕನ ಫರಿನ ಆಯೊಸ.

ಲುಕ ಬರ್ದಲ ಸುವಾರ್ತಾ 2:11

ತೆ ಸುವೈ ಕದ್ಯಾಮ ಆಜ಼ನಾ ಟೈಮಮಾ ತುಮಾರಾ ಹುತಿ ದಾವಿದನಾ ಗಾಮ್ಮಾ ಯಕ್ಲೊ ರಕ್ಷಕ ಹುಟ್ಯೊಸ. ತೆ ಕರತಾ ಥಯಲ ಕ್ರಿಸ್ತ ವ್ಹೈ.

ಅಪೊಸ್ತಲೊ 10:36

ಕ್ಹುದಾ ತಿನು ಸಂದೆಶ ಇಸ್ರಾಯೆಲನಾ ಮನಕ್ಹೊಕನ ಮಕಲ್ಯೊ. ಯೆಸು ಕ್ರಿಸ್ತನಾ ಮುಲಕ ಶಾಂತಿ ಐಸ ಕವಾನಿ ಸುವಾರ್ತೆನೆ ಕ್ಹುದಾ ತ್ಯುನೊನೆ ವಳಾಯೊ. ಯೆಸು ಕ್ಹಾರಾ ಮನಕ್ಹೊನೆ ಪ್ರಭು ಥಯೊಸ!

ಅಪೊಸ್ತಲೊ 13:3

ತಿನಾಹುತಿ ಸಭೆವಾಲಾ ಉಪಾಸ ರ‍್ಹೈನ ಪ್ರಾಥನಾ ಕರ‍್ಯಾ. ತ್ಯುನೆ ಬಾರ್ನಬ ವರಿ ಸೌಲಾನಾ ಉಪ್ಪರ ಹಸ್ತಾರ್ಪಣೆ ಕರಿನ ತ್ಯುನೊನೆ ವಳೈನ ದಿದ್ಯಾ.

ಅಪೊಸ್ತಲೊ 13:52

ತೆನೈಸೊ ತಂತ್ಯಯೊಕ್ಕನಾ ವಿಸ್ವಾಸಿಯೊ ಖುಶ ಥಯಾತಾ ವರಿ ಪವಿತ್ರ ಆತ್ಮಾಕ್ಹು ಭರ‍್ಯಾತಾ.

ಅಪೊಸ್ತಲೊ 19:6

ಪೌಲಾ ತ್ಯುನೊಪರ ಹತ ಮ್ಹೆಲೆಲಪರ ಪವಿತ್ರಾತ್ಮ ತ್ಯುನಾ ಉಪ್ಪರ ಐಯ್ಯೊ. ವರಿ ತ್ಯುನೆ ಬಿಜಿಯೊ-ಬಿಜಿಯೊ ವಾತೊ ಬೊಲ್ಯಾ,ಕ್ಹುದಾನು ಸಂದೆಶ ಕತಾ ಚಾ಼ಲ್ಯಾ.

ಅಪೊಸ್ತಲೊ 2:4

ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರ‍ಲ ವ್ಹತ್ತಾ ವರಿ ಬಿಜಾ಼-ಬಿಜಾ಼ ಭಾಶಾಮಾ ಬೊಲಾನು ಶುರು ಕರ‍್ಯಾ. ಪವಿತ್ರ ಆತ್ಮಾಜ಼಼ ತ್ಯುನೊನೆ ತೆ ತಾಕತ ದಿದ್ಯುತು.

ಅಪೊಸ್ತಲೊ 21:20

ತ್ಯುನೆ ಕ್ಹಾರಾ ತೆ ಐಕಿನ ಕ್ಹುದಾನಿ ಸ್ತುತಿ ಕರ‍್ಯಾ. ತೆಳಾಮಾ ತ್ಯುನೆ ತಿನೆ ; ಹಜಾರೊ ಯೆಹುದಿಯೊ ಮನಕ್ಹೊ ವಿಸ್ವಾಸಿ ಥಯಾಸ ಕೈನ ತಮೆ ದೆಕಾಡಾತ್ತಾ. ತ್ಯುನೆ ಕ್ಹಾರಾ ಧರಮಶಾಸ್ತ್ರಮಾನಾ ಮನಕ್ಹೊ ಥಯಾಥಾ.

ಅಪೊಸ್ತಲೊ 26:15

ತೆಳಾಮಾ ಮಿ, ಕರ್ತಾ, ತು ಕುನ ವ್ಹೈ? ಕತಾಮಾ ಕರ್ತಾ "ತು ತ್ರಾಸ ಕಾರಾನೊ ಯೆಸುಜ಼ ಮಿ ವ್ಹೈ.

ಅಪೊಸ್ತಲೊ 4:31

ಇಮ್ಮ ವಿಶ್ವಾಸಿಯೊ ಪ್ರಾಥನಾ ಕರ‍್ತಾಮಾ, ತ್ಯುನೆ ಸಭೆ ಮಳಲ ಜ಼ಗಾ ಹಲ್ಯು. ತ್ಯುನೆ ಕ್ಹಾರಾ ಪವಿತ್ರ ಆತ್ಮಾಕ್ಹು ಭರಿನ ವರಿ ಕ್ಹುದಾನಿ ವಾಕ್ಯಾ ಭೆ ವಾಚಿ ಕದ್ಯಾ.

ಅಪೊಸ್ತಲೊ 6:6

ತೆ ಥಯಲ್ಪರ ಅಪೊಸ್ತಲೊ ತ್ಯುನೊನೆ ಖಾಮಾ ಬಲೈನ ತಿವ್ನಾ ಮಾತಾಪರ ಹತೊ ಮುಕ್ಕಿನ ಪ್ರಾರ್ಥನಾ ಕರಿನ ತೆ ಕಾಮನಾ ಹುತಿ ನೆಮಶ್ಯಾ.

ಅಪೊಸ್ತಲೊ 8:17

ಅಪೊಸ್ತಲೊ ತೆ ಮನಕ್ಹೊನಾ ಮಾತಾಪರ ಹತೊ ಮ್ಹೆಲ್ತಾಮಾ ತ್ಯುನೊಪರ ಪವಿತ್ರ ಆತ್ಮಾನಿ ವರಾ ಮಳಿ.

ಅಪೊಸ್ತಲೊ 9:18

ತೆಳಾಮಾ ತಿನಾ ಡೊಳಾಮಾತು ಪರಿ ಲಿಂಗತ ಸು ಯಕ್ಕ ಪಡಿನ ತಿನಾ ಡೊಳಾ ದಿಕ್ಹ್ಯಾ. ತೆಳಾಮಾ ತೆ ಬಾಪ್ತಿಸ್ಮ ಕರೈಲಿದ್ಯೊ.

ರೊಮಾಪೂರ 15:7

ಕ್ರಿಸ್ತ ತುಮೊನೆ ಮಳೈ ಲಿದ್ಯೊ. ತಿನಾಹುತಿ ತುಮೆ ಯಕ್ನಾ ಯಕ್ಕ ಮಳೈಲ್ಯು ಎ ಕ್ಹುದಾನೆ ಮಹಿಮಾ ಕರಾಲ ಲಿಂಗತ ಥಾವಸ.

1 ಕೊರಿಂಥ 15:47

ಪೈಲಾ ಮನಕ್ಹ ಮಾತಿಕ್ಹು ಕರಲ ವ್ಹೈ; ಜಿಮಿನನೆ ಮಳಲವಾಲೊ ವ್ಹೈ, ಬೆವಾ ಮನಕ್ಹ ಸ್ವರ್ಗತೊ ಆಯಲವಾಲೊ ವ್ಹೈ.

1 ಕೊರಿಂಥ 15:8

ಲಾಸ್ಟೆ ದಿನ್ನ ಭರಾತಿ ಪೈಲಾಜ಼ ಹುಟ್ಟಲ ಬಚ್ಚಾ಼ ಲಿಂಗತ ಮನೆಬಿ ದಿಕ್ಹ್ಯೊ.

1 ಕೊರಿಂಥ 9:1

ಮಿ ಆಜಾ಼ದ ಮನಕ್ಹ ನ್ಹವೈ ಸು? ಅಪೊಸ್ತಲ ನ್ಹವೈ ಸು? ಅಪ್ನಾ ಪ್ರಭು ಯೆಸುನೆ ದೆಕಲವಾಲೊ ನ್ಹವೈ ಸು? ಪ್ರಭುಮಾ ಮಿ ಸೆವಾ ಕರಲ ಫಲ ತುಮೆ ನ್ಹವೈ ಸು?

1 ತಿಮೊತಿ 4:14

ತುಕನ ರ‍್ಹಯಲ ಮರಗಾನಿ ವರಾನೆ ತಿನೆ ಅಲಕ್ಷ ಕರೊ ನಕೊ ತೆ ವರಾ ತಮಾರಾ ಪ್ರವಾದಿ ಕರಲ ಹತ್ತ ವ್ಹೈ. ವರಿ ಮ್ಹೊಟಾ ಮನಕ್ಹೊಕ್ಹು ತಾರಾ ಉಪ್ಪರ ಹತ್ತ ಮ್ಹೆಲ್ಯಾಸ.

1 ತಿಮೊತಿ 5:22

ತು ತಾರಾ ಹತೊ ಕಿಪರಬಿ ಮ್ಹೆಲಿನ ತಿನೆ ಸಭಾಪರ ಮ್ಹೊಟೊ ಕರಾತಿ ಅಗ್ದುರ ಮನಸ ದಿನ್ನ ವಿಚಾರ ಕರ. ಬಿಜಾ಼ ಮನಕ್ಹೊನಾ ಪಾಪಮಾ ಪಡೆನೈಸೊ ಶುದ್ಧ ಥೈನ ರ‍್ಹೆ.

2 ತಿಮೊತಿ 1:6

ಕ್ಹುದಾ ತುನೆ ಮರಗಿನ ದಿದಲ ವರದಾನ ತು ಶೆ ಕರಲ್ಯು ಕೈನ ಮಿ ಆಸ ಕರಾನು ಇನಾ ಹುತಿಜ಼ ವ್ಹೈ. ಮಿ ಮಾರಾ ಹತೊ ತುಪರ ಮ್ಹೆಲ್ತಾಮಾ ಕ್ಹುದಾ ತುನೆ ತೆ ವರದಾನ ದಿದ್ಯೊ. ತು ತೆ ವರದಾನನೆ ಜಿವ್ತೊ ಮ್ಹೆಲ.

ಫಿಲೊಮನ 1:16

ಇತ್ತಿಉಪ್ಪರ ತೆ ತಾರೊ ಗುಲಾ ಥಯಾವಾಚಿಜಾಸ್ತಿ ಮಯಾನೊ ಭೈ ಥಯೊಸ. ತೆ ಮಿ ಘನ್ನು ಮಯಾ ಕರುಸ. ತೆ ನೈಸೊ ತು ತಿನೆ ಘನ್ನು ಮಯಾ ಕರ. ತಿನೆ ತು ಯಕ್ಕ ಮನಕ್ಹ ವರಿ ಪ್ರಭುಮಾ ಯಕ್ಕ ಭೈ ವ್ಹೈ ಕೈನ ಮಯಾ ಕರ.

ಇಬ್ರಿಯ 6:2

ತೆ ಟೈಮಮಾ ಬಾಪ್ತಿಸ್ಮಾನಾ ಹುತಿ, ಮರಿನ ಉಟಾಲಾವೊನಾ ಹುತಿ ವರಿ ಹಮೆಶಾನೊ ಫೈಸಲಾನಾ ಹುತಿ ಬೊದನೆ ಕರ‍್ಯಾ. ತೆನೈಸೊ ಹಮ್ನಾ ಅಪೆ ಪುರಾಜ಼ ಗ್ಯಾನಮಾ ಜಾ಼ವಾನೆ ಜ಼ರುರತ್ತ ಛೆ.

2 ಪೆತ್ರಾ 3:15

ಅಪೊನೆ ರಕ್ಷಣೆ ಮಳು ಕದ್ಯಾಮ ಕ್ಹುದಾನಿ ಸಮಾಧಾನ ಕ್ಹುಜ಼ ವ್ಹೈ ಕೈನ ತುಮೆ ತಿಳ್ದಿಲಿವೊ. ಅಪ್ನೊ ಮಯಾನೊ ಭೈ ಥಯಲ ಪೌಲಾನೆ ಕ್ಹುದಾನಿ ಗ್ಯಾನಕ್ಹುಜ಼ ಅಪೊನೆ ಪತ್ರ ಬರ್ದಿನ ಎಜ಼ ತಿಳ್ಸಾಯೊಸ.