ಅಪೊಸ್ತಲೊ 8:20 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁰ ತೆಳಾಮಾ ಪೆತ್ರಾ ತಿನೆ, ತಾರು ರುಪ್ಪು ತಾರಾ ಕ್ಹಾತೆಜ಼ ಹಾಳ ಥೈನ ಜಾ಼ವಾದೆ. ಕ್ಹುದಾ ದಿವಾನಿ ವರಾ ದೊಕ್ಡಾ ದಿನ್ನ ಇಕ್ಕಾತು ಲಿವಾನು ವ್ಹೈ ಕೈನ ತಿಳ್ದಿಲಿದ್ಯೊಸ?

ಅಪೊಸ್ತಲೊ 8:20 ပူးပေါင်းရင်းမြစ်များ

ಮತ್ತಾಯ 10:8

ರೊಗಿಯೊನೆ ಅರಾಮ ಕರೊ. ಮರಲವಾಲಾವೊನೆ ವಚಾ಼ಡೊ. ಕುಷ್ಠರೊಗಿಯೊನೆ ಅರಾಮ ಕರೊ. ಮನಕ್ಹೊನೆ ಭುತ್ಡಾವೊಕ್ಹು ಛೊಡಾವೊ. ಮಿ ತುಮೊನೆ ಎ ಅದಿಕಾರೊ ಫ್ರಿಮಾ ದ್ಯುಸ. ತಿನಾಹುತಿ ಬಿಜಾವೊನೆಬಿ ಫ್ರಿಮಾ ಮದತ ಕರೊ.

ಮತ್ತಾಯ 15:19

ಕಾಕದ್ಯಾಮ ಮನಸಮಾತು ಕೆಟ್ಟ ವಿಚಾರೊ, ಖಲಾಸ ಕರಾನು, ವ್ಯಬಿಚಾರ, ಜಾರತ್ವ, ಚೊ಼ರಿ, ಸುಳ್ಳ ಸಾಕ್ಷಿ ವರಿ ದುಶಣೆ ಹೊರಾಟ ಆವಸ.

ಅಪೊಸ್ತಲೊ 1:18

ಎ ಮೊಸನು ಕಾಮ ಕರಾನೆ ಯುದನೆ ದೊಕ್ಡಾ ದಿದ್ಯಾತಾ. ತೆ ದೊಕ್ಡಾಕ್ಹು ಯಕ್ಕ ಖೆತರ ತಿನಾಹುತಿ ಲಿದ್ಯಾ. ತೆನೈಸೊ ಯುದ ಮಾತು ಹೆಟು ಕರಿನ ಪಡಲ್ಪರ ತಿನು ಪೆಟ ಫುಟಿ ಗೈಯು. ತಿನಾ ಕ್ಹಾರಾ ಅತ್ತೊಡಾ ಭಾರಾ ಆಯಾ.

ಅಪೊಸ್ತಲೊ 10:45

ಪೆತ್ರಾನಾ ಕ್ಹಾತೆ ಆಯಲ ಯೆಹುದಿನಾ ವಿಶ್ವಾಸಿಯೊ ಥಂಡಾ ಥಯಾ. ಯೆಹುದಿ ನೈಸೊ ಮನಕ್ಹೊನೆಬಿ ಪವಿತ್ರ ಆತ್ಮಾನಿ ವರಾ ಉತ್ರಿನ ಆಯಲ ದೆಕಿನ ತ್ಯುನೆ ಘಾಬ್ರಾ ಥಯಾ.

ಅಪೊಸ್ತಲೊ 11:17

ಪ್ರಭು ಥಯಲ ಯೆಸು ಕ್ರಿಸ್ತಮಾ ಬರೊಕ್ಹೊ ಮ್ಹೆಲಲ ಅಪೊನೆ ದಿದಲ ವರಾನೆಜ಼ ಕ್ಹುದಾ ಎ ಮನಕ್ಹೊನೆ ದಿದ್ಯೊ. ಇಮ್ಮ ರ‍್ಹತಾಮಾ ಮಿ ಕ್ಹುದಾನು ಕಾಮ ಹುಬ್ರಾಡಾನೆ ಸಾಧ್ಯ ನ್ಹೊತು "ಕದ್ಯೊ.

ಅಪೊಸ್ತಲೊ 2:38

ಪೆತ್ರಾ ತ್ಯುನೊನೆ"ತುಮೊಮಾನೊ ಹರಯಕ್ಲೊ ತುಮಾರಾ ಪಾಪೊನಾ ಹುತಿ ಪಶ್ಚಾತಾಪ ಪಡಿನ ಕ್ಹುದಾನಾ ಬಗಲ ಫರೊ ಯೆಸು ಕ್ರಿಸ್ತನಾ ನಾಮಮಾ ಬಾಪ್ತಿಸ್ಮ ಕರೈಲಿವೊ. ತೆಳಾಮಾ ಕ್ಹುದಾ ತುಮಾರಾ ಪಾಪೊ ಮಾಫ ಕರಸ. ತೆನೈಸೊ ಕ್ಹುದಾ ವಾಗ್ದಾನ ಕರಲ ಪವಿತ್ರ ಆತ್ಮಾನೆ ವ್ಹಂದಿಲಿವೊಶಿ.

ಅಪೊಸ್ತಲೊ 8:19

ವರಿ "ಮಿ ಕಿನಾ ಮಾತಾಪರ ಹತ ಮ್ಹೆಲುಸ ತ್ಯುನೆ ಪವಿತ್ರ ಆತ್ಮಾನಿ ವರಾ ಮಳು ಕೈನ ಮನೆ ತೆವೊ ಅದಿಕಾರ ದಿವೊ ಕೈನ ತ್ಯುನೊನೆ ಕದ್ಯೊ.

ಅಪೊಸ್ತಲೊ 8:22

ತಿನಾ ಹುತಿ ತು ತುಕನ ರ‍್ಹಯಲ ಕೆಟ್ಟತನಾ ಛೊಡಿನ ತು ಕರಲ ಪಾಪೊನೆ ಪಶ್ಚಾತಾಪ ಪಡಿನ ಕ್ಹುದಾ ಬಗಲ ಫರ ಕರ್ತಾ ತಾರಾ ಮನಸ್ಮಾ ರ‍್ಹಯಲ ವಿಚಾರೊನೆ ಮಾಫ ಕರಸ ತಿಕನ ಮಾಂಗಿಲೆ.

1 ತಿಮೊತಿ 6:9

ತೆನೈಸೊ ಸೌಕಾರ ಥೌಸ ಕವಾಲಾ ತ್ಯುನೊನೆ ತ್ಯುನೆಜ಼ ತ್ರಾಸನೆ ಗುರಿ ಕರಲಿವಸ. ತ್ಯುನೆ ಪಾಕ್ಹೊ ಘಾಲಿದಲವಾಲಾ ಥಯಾಸ. ತ್ಯುನೆ ಕೆಟ್ಟ ಆಸೊಮಾ ಪಡಸ. ತೆ ಮನಕ್ಹೊನೆ ಹಾಳ ಕರಿನ, ವರಿ ಬರಬಾದ ಕರಸ.

ಯಾಕೊಬ 5:3

ತುಮಾರು ಕ್ಹೊನು, ರುಪ್ಪು ಜಂಗ ಲಾಗಿನ ಮಾತಿನೆ ಸಂವಾ ಥಯಾಸ. ತ್ಯುನು ಜಂಗ ತುಮೊನೆ ವಿರುದ್ದ ಸಾಕ್ಷಿ ಥೈನ, ಆಗ ಲಿಂಗತ ತುಮಾರಾ ಮಾಕ್ಹನೆ ಬಾಳಿ ಪಡಸ. ಅಂತ್ಯ ಕಾಲ ಅಯುತುಬಿ ಆಸ್ತಿ ಜ಼ಮಾ ಕರಿಲಿನ ಮ್ಹೆಲಿ ಲಿದ್ಯಾಸ.

ಪ್ರಕಟನೆ 18:15

"ತೆ ವ್ಯಾಪಾರಿಯೊ ತಿನೊ ತ್ರಾಸ ದೆಕಿನ ಭುಚಿ಼ಕಿನ ತಿಕಂತಾ ಘನ್ನಾ ದುರ ಗೈನ ಹುಬ್ರವಸ. ತೆ ಕ್ಹಾರು ಸಾಮನ ತಿನಿ ಇಕ್ಕಿನ ಸೌಕಾರ ಥಯಲವಾಲೊ ಇವ್ನೆಜ಼ ವ್ಹೈ.