ಅಪೊಸ್ತಲೊ 7:8 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁸ ಕ್ಹುದಾ ಅಬ್ರಹಾಮನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರ್ಲಿದ್ಯೊ. ತೆ ವಡಂಬಡಿಕೆ ವಳಕ ಖತ್ನಾ ವ್ಹೈ. ಇಮ್ಮ ರ‍್ಹತಾಮಾ ಅಬ್ರಹಾಮನೆ ಯಕ್ಕ ಪಟ್ಟೊ ಥಯೊ. ತೆ ಪಟ್ಟಾನೆ ಆಟ್ವಾ ದಿನ್ನೆ ಖತ್ನಾ ಕರ‍್ಯಾ. ತಿನಾ ದಿಕ್ರಾನು ನಾಮ ಇಸಾಕ ವ್ಹೈ. ಇಸಾಕಬಿ ತಿನಾ ದಿಕ್ರಾನೆ ಖತ್ನಾ ಕರ‍್ಯೊ. ವರಿ ಯಾಕೊಬ ತಿನಾ ಕ್ಹಾರಾ ಪಟ್ಟಾವೊನೆ ಖತ್ನಾ ಕರಾಯೊ. ಎಜ಼ ಬಾರಾ ಪಟ್ಟಾವೊಖು ಬಾರಾ ಕ್ಹಾಂದಾನೊ ಥಯಾ.

ಅಪೊಸ್ತಲೊ 7:8 ပူးပေါင်းရင်းမြစ်များ

ಮತ್ತಾಯ 1:2

ಅಬ್ರಹಾಮ ಇಸಾಕನೊ ಬಾ ವ್ಹೈ. ಇಸಾಕ ಯಾಕೊಬನೆ ಪಡ್ದಿಲಿದ್ಯೊ. ಯಾಕೊಬ ಯಹುದನೆ ವರಿ ತಿನಾ ಭಾಯೊನೆ ಪಡ್ದಿಲಿದ್ಯೊ.

ಯೊಹಾನ 7:22

ಮೊಶೆ ತುಮೊನೆ ಸುನ್ನತಿ ಹುತಿ ಆಗನ್ಯಾ ದಿದ್ಯೊತೊ. ತೆನೈಸೊ ಕ್ಹರಿನಿಜ ಸುನ್ನಿತಿ ಕವಾನಿ ಸಂಸ್ಕಾರ ತುಮೊನೆ ದಿದಲವಾಲೊ ಮೊಶೆ ನ್ಹವೈ. ತಿತ್ತಿಬಿ ಪೈಲಾಜ ರ‍್ಹಯಲ ತುಮಾರಾ ಪಿತೃಕ್ಹು ಎ ಸಂಸ್ಕಾರ ಆಯುಸ. ತಿನಾಹುತಿ ಕೆಳಾಮಾಬಿ ಯಕ್ಕೆಮ ತುಮೆ ಸಬ್ಬತ ದಿನ್ಮಾ ಬಚ್ಚಾವೊನೆ ಸುನ್ನತಿ ಕರಾವೊಸಿ.

ಅಪೊಸ್ತಲೊ 2:29

"ಮಾರಾ ಭಾಯೊ ಭೆನ, ಅಪ್ನೊ ಮುಲ ಪಿತೃ ಥಯಲ ದಾವಿದನಾ ವಿಷಯಮಾ ಮಿ ತುಮೊನೆ ಕ್ಹರಿಜ಼ ಕೌಸ. ತೆ ಮರಿ ಗಯೊ ವರಿ ತಿನಿ ಸಮಾದಿ ಥೈ. ತಿನಿ ಸಮಾದಿ ಅಪ್ನಾ ವಚ್ಮಾ಼ ಎ ದಿನ್ನ ಲಕ್ಕಾ ಛೆ.

ರೊಮಾಪೂರ 4:10

ವರಿಬಿ ಎ ಕೆಳಾಮಾ ಥಯು? ಕ್ಹುದಾ ಅಬ್ರಹಾಮನೆ ವಪ್ಪಿಲಿದಲ ತಿನೆ ಸುನ್ನತಿ ಥಾವಾತಿ ಅಗ್ದುರಜ಼ ವ್ಹೈಸು ಸುನ್ನತಿ ಥಯಲ್ಪರ ವ್ಹೈ? ಕ್ಹುದಾ ತಿನೆ ವಪ್ಪಿಲಿದಲ ಸುನ್ನತಿ ಥಾವಾತಿ ಅಗ್ದುರಜ಼ ವ್ಹೈ.

ಗಲಾತ್ಯ 3:15

ಮಾರಾ ಭಾಯೊ ವರಿ ಭೆನೊ, ಮಿ ತುಮೊನೆ ಯಕ್ಕ ಉದಾಹರಣ ದ್ಯುಸ. ಯಕ್ಲೊ ಬಿಜೆಕ್ಲಾನಾ ಕ್ಹಾತೆ ವಪ್ಪಂದ ಕರಾನಾ ಹುತಿ ವಿಚಾರ ಕರೊ. ತೆ ವಪ್ಪಂದ ಘನ್ನು ಥಾತಾಮಾ ತೆ ಬಂದಕರಾನೆ ಥಾತುನೈ ವರಿ ತಿಮಾ ಕಿನೆಜ಼಼ ಸುಜ಼ ಮಳಾವಾನೆ ಥಾತು ನೈ.

ಗಲಾತ್ಯ 3:17

ಮಿ ಕವಾನು ಸುವೈ ಕದ್ಯಾಮ, ಕ್ಹುದಾ ಅಬ್ರಹಾಮ್ನಾ ಕ್ಹಾತೆ ಯಕ್ಕ ವಡಂಬಡಿಕೆ ಕರಲಿನ ತೆ ಘಟ್ಟ ಕರ‍್ಯೊ. ತಿನಾಹುತಿ 430 ಥಯಲ್ಪರ ಆಯಲ ಧರಮಶಾಸ್ತ್ರ ಅಬ್ರಹಾಮನೆ ಕ್ಹುದಾ ಕರಲ ವಾಗ್ದಾನ ಬಂದ ಕರಾನೆ ಥಾತು ನೈ ಬದಲಿ ಕರಾನೆ ಥಾತು ನೈ.

ಇಬ್ರಿಯ 7:4

ಮೆಲ್ಕಿಜೆದೆಕ ಕೆಕ್ಲೊ ಮ್ಹೊಟೊ ವ್ಹೈ ಕವಾನು ತುಮೆ ದೆಕೊಶಿ. ಅಪ್ನೊ ಮೂಲ ಪಿತೃ ಥಯಲ ಅಬ್ರಹಾಮ, ಯುದ್ದಮಾ ಝಿತ್ತಲಮಾನು ದಕ್ಹವಾ ಯಕ್ಕ ಭಾಗ ತಿನೆ ದಿದ್ಯೊ.