ಅಪೊಸ್ತಲೊ 6:7 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁷ ವರಿ ಕ್ಹುದಾನಿ ವಾಕ್ಯಾ ಘನ್ನಾ ಮನಕ್ಹೊಕನ ಫೈಲತಿ ಗೈ, ಯೆರುಸೆಲೆಮಾ ರ‍್ಹಯಲ ಶಿಷ್ಯಾವೊನು ಗುಂಪ ಮ್ಹೊಟು ಥಾತು ಚಾ಼ಲ್ಯು. ಘನ್ನಾ ಯೆಹುದಿಯೊನಾ ಯಾಜಕೊ ಯೆಸು ಕ್ರಿಸ್ತಪರ ಬರೊಕ್ಹೊ ಮುಕ್ಯಾ.

ಅಪೊಸ್ತಲೊ 6:7 ပူးပေါင်းရင်းမြစ်များ

ಮತ್ತಾಯ 19:30

ತೆನೈಸೊ ಪೈಲಾತಾ ರ‍್ಹಯಲವಾಲಾ ಘನ್ನಾ ಮನಕ್ಹೊ ಲಾಸ್ಟನಾ ಥಾವಸ ವರಿ ಲಾಸ್ಟನಾ ಘನ್ನಾ ಮನಕ್ಹೊ ಪೈಲಾನಾ ಥಾವಸ.

ಲುಕ ಬರ್ದಲ ಸುವಾರ್ತಾ 2:34

ಪಾಚಲ್ತೊ ಸಿಮೊನ ಆಶಿರ್ವಾದ ದಿನ್ನ ಮರಿಯಳನೆ "ದೆಕ ಎ ಪಟ್ಟಾನಾ ಹುತಿ ಇಸ್ರಾಯಲನಾ ಘನ್ನಾ ಜ಼ನಾ ಪಡಸ ಘನ್ನಾ ಜ಼ನಾ ಉಟಸ. ದಕ್ಹಾ ಜ಼ನಾ ತಿನೆ ನೈ ವಪ್ಪಿಲೆತಾ. ಎ ಕ್ಹುದಾಕಂತೊ ಆಯೊಸ ಕವಾನು ವಳಕ ಥಾವಸ.

ಯೊಹಾನ 12:42

ತೆನೈಸೊ ಘನ್ನಾ ಮನಕ್ಹೊ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ಘನ್ನಾ ಯೆಹುದಿಯೊನಾ ನಾಯಕೊಬಿ ಯೆಸು ಪರ ಬರೊಕ್ಹೊ ಮ್ಹೆಲ್ಯಾ. ತೆನೈಸೊ ತ್ಯುನೆ ಫರಿಸಾಯರೊನೆ ಭುಚಿ಼ಕಿನ ತ್ಯುನೊ ಬರೊಕ್ಹೊ ದೆಕಾಡಿನ ದಿದ್ಯಾ ನೈ. ತ್ಯುನೊನೆ ಫರಿಸಾಯರೊ ಸಭಾಮಂದಿರತಾ ಭಾರಾ ಘಾಲಸ ಕೈನ ಭುಚುಕ ತ್ಯುನೊನೆ ವ್ಹತ್ತು.

ಅಪೊಸ್ತಲೊ 12:24

ಕ್ಹುದಾನಿ ಸಂದೆಶ ಫೈಲಾಡಿತಿ ವರಿ ಘನ್ನಾ ಘನ್ನಾ ಮನಕ್ಹೊನಾ ಉಪ್ಪರ ಪ್ರಭಾವ ಪಡಾಡುತು. ಇಕ್ಹು ವಿಶ್ವಾಸಿಯೊನು ಸಮುದಾಯ ಮ್ಹೊಟು ಥಾವಾನು ಶುರು ಥಯು.

ಅಪೊಸ್ತಲೊ 13:8

ತೆನೈಸೊ ಮಾಟಾ ಮಂತ್ರಾ ಕರಾಲೊ ರ‍್ಹಯಲ ಎಲಿಮ ಬಾರ್ನಬ ವರಿ ಸೌಲಾನೆ ವಿರುದ್ಧ ವ್ಹತ್ತೊ. ಗ್ರಿಕ ಭಾಶಾಮಾ ಎಲಿಮ ಕೈನ ಬಲಾತಾತಾ. ರಾಜ್ಯಪಾಲ ಯೆಸುಪರ ಬರೊಕ್ಹೊ ನೈ ಮ್ಹೆಲೆ ಲಿಂಗತ ಕರಾನೆ ಎಲಿಮ ಕೊಶಿಶ ಕರಾಡೊತೊ.

ಅಪೊಸ್ತಲೊ 14:22

ಯೆಸುನಾ ಶಿಷ್ಯಾವೊನೆ ಘಟ್ಟ ಕರಿನ, ಬರೊಕ್ಹಾಮಾ ಘಟ್ಟ ಥೈನ ರ‍್ಹವಾನೆ ತ್ಯುನೊನೆ ಪ್ರೊತ್ಸಾಹ ಕರ‍್ಯಾ"ಹಮೆ ಕ್ಹುದಾನಿ ರಾಜ್ಯನೆ ಘನ್ನಾ ತ್ರಾಸೊನಾ ಮುಲಕ ಜಾ಼ವಾನಾ ಛೆ "ಕೈನ ಬೊದನೆ ಕರ‍್ಯಾ.

ಅಪೊಸ್ತಲೊ 19:20

ತೆ ರಿತಿಮಾಜ಼ ಕರ್ತಾನಿ ವಾಕ್ಯ ಘನಿ ಬಡತಿ ತಾಕತವರ ಥೈ.

ಅಪೊಸ್ತಲೊ 2:47

ತ್ಯುನೆ ಕ್ಹುದಾನೆ ಸ್ತುತಿ ಕತಾರ‍್ಹತಾತಾ ವರಿ ಕ್ಹಾರಾ ಮನಕ್ಹೊ ತಿನೆ ಪಸಂದ ಕತಾರ‍್ಹತಾತಾ ದಿನ್ನೆಬಿ ಘನ್ನಾ-ಘನ್ನಾ ಮನಕ್ಹೊ ರಕ್ಷಣೆ ವ್ಹಂದಿಲೆತಾತಾ; ಪ್ರಭು ತ್ಯುನೊನೆ ಕ್ಹಾರಾವೊನೆ ಸಭೆನೆ ಮಳಾತೊತೊ.

ಅಪೊಸ್ತಲೊ 21:20

ತ್ಯುನೆ ಕ್ಹಾರಾ ತೆ ಐಕಿನ ಕ್ಹುದಾನಿ ಸ್ತುತಿ ಕರ‍್ಯಾ. ತೆಳಾಮಾ ತ್ಯುನೆ ತಿನೆ ; ಹಜಾರೊ ಯೆಹುದಿಯೊ ಮನಕ್ಹೊ ವಿಸ್ವಾಸಿ ಥಯಾಸ ಕೈನ ತಮೆ ದೆಕಾಡಾತ್ತಾ. ತ್ಯುನೆ ಕ್ಹಾರಾ ಧರಮಶಾಸ್ತ್ರಮಾನಾ ಮನಕ್ಹೊ ಥಯಾಥಾ.

ಅಪೊಸ್ತಲೊ 6:1

ಯೆಸುನಾ ಶಿಷ್ಯಾ ಹೆಚ್ಕಿ಼ ಥಾವಾಡಾತಾ. ತೆನೈಸೊ ತೆ ಟೈಮಮಾ ಗ್ರಿಕನಾ ಮನಕ್ಹೊ ವರಿ ಇಬ್ರಿಯನಾ ಶಿಷ್ಯಾ ಚಾ಼ಡಿ ಕದ್ಯಾ. ತೆ ಸು ವ್ಹೈ ಕದ್ಯಾಮ ತ್ಯುನೆ ಮಾಟಿಮರಲವಾಲಿಯೊನೆ ಆರಾಕಿ ಶಿದಾ ನೈ ಕರತಾ ಕೈನ ವರಿ ತಿವ್ನೊ ವಾಟೊ ತ್ಯುನೊನೆ ನೈ ದೆತಾ ಕೈನ ಬೊಲ್ಯಾಡಾತಾ.

ರೊಮಾಪೂರ 1:5

ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.

ರೊಮಾಪೂರ 16:26

ತೆನೈಸೊ ರಹಸ್ಯ ರ‍್ಹಯಲ ತೆ ಸತ್ಯನೆ ಹಮ್ನಾ ತುಮೊನೆ ದೆಕಾಡ್ಯಾಸ. ವರಿ ತೆ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಆಜ್ಞಾ ಕರಲ ಎಜ಼ ವ್ಹೈ. ಕ್ಹಾರಾ ಮನಕ್ಹೊ ಬರೊಕ್ಹೊ ಕರಿನ ಕ್ಹುದಾನೆ ವಿಧೆಯ ಥೌ ಕೈನ ರಹಸ್ಯ ರ‍್ಹಯಲ ಎ ಸತ್ಯನೆ ಕ್ಹಾರಾ ಮನಕ್ಹೊನೆ ತಿಳಸಾಯಲ ಛೆ. ಕ್ಹುದಾ ಹರ ಹಮೆಶಾ ಜಿವ್ತೊ ರ‍್ಹವಸ.

ಗಲಾತ್ಯ 1:23

"ಎ ಮನಕ್ಹ ಹಮೊನೆ ತ್ರಾಸ ಕರ್ತೊತೊ. ತೆನೈಸೊ ಹಮ್ನಾ ತೆ ಹಾಳ ಕರಾನೆ ಕೊಶಿಶ ಕರಲ ಬರೊಕ್ಹಾನಾ ಹುತಿ ಮನಕ್ಹೊಕನ ಕವಾಡ್ಯೊಸ" ಕವಾನು ಯಕ್ಕಜ಼ ತ್ಯುನೆ ಐಕ್ಯಾತಾ. ಮಾರಾಹುತಿ ಕ್ಹುದಾನೆ ಮಹಿಮಾ ಕರ‍್ಯಾ.

ಗಲಾತ್ಯ 6:10

ಕಿನೆಬಿ ಚೊ಼ಕು ಕರಾನೆ ಮೌಕೊ ರ‍್ಹತಾಮಾ ಅಪೆ ಕರುಜ಼. ತ್ಯವಾಮಾ ಯಕ್ಕಜ಼ ಘರವಾಲಾ ಲಿಂಗತ ರ‍್ಹಯಲ ವಿಶ್ವಾಸಿಯೊನಾ ಹುತಿ ಅಪೆ ಖಾಸ ಕರಿನ ಧ್ಯಾನ ದ್ಯು.

ಕೊಲೆಸ್ಸೆ 1:6

ತಮೆ ಸುವಾರ್ತೆ ಐಕಿ ಕ್ಹುದಾನಿ ಮರಗಾನಿ ಕ್ಹರಿ ತಿಳ್ದಿಲಿದಲಕ್ಹು ಸುವಾರ್ತೆ ತುಮೊಮ್ಮಾ ಘನಿ ಥಾವಾಡಿಸ ವರಿ ಮನಕ್ಹೊನೆ ಆಶಿರ್ವಾದ ಥೈನ ರ‍್ಹೈಯುಸ. ತಿನಾಲಿಂಗತಜ಼ ದುನಿಯಾಮಾ ಕ್ಹಾರಿ ಜ಼ಗಾಬಿ ಸುವಾರ್ತೆ ಘನಿ ಥಾವಾಡಿಸ ವರಿ ಆಶಿರ್ವಾದ ಥೈನ ರ‍್ಹವಸ.

2 ಥೆಸಲೊನಿಕ 1:8

ಪ್ರಭು ಯೆಸು ಕ್ರಿಸ್ತ ಸ್ವರಗತೊ ಆಗನಿ ಜ್ವಾಲಾನಾ ಕ್ಹಾತೆ ಆತಾಮಾ ಸುವಾರತೆನೆ ನೈ ವಿಧೆಯ ಥಯಲವಾಲಾವೊನೆ ವರಿ ಇನ್ಕಾರಲ ವಾಲಾವೊನೆ ಶಿಕ್ಷಾ ದಿವಸ.

2 ತಿಮೊತಿ 2:9

ಎ ಕಾರಣಕ್ಹು ತ್ರಾಸ ಖಾವಾಡೊಸ. ಕೆಟ್ಟ ಮನಕ್ಹ ಲಿಂಗತ ಬೆಡಿಯೊಕ್ಹು ಭಂದೈ ಗಯೊಸ. ರ‍್ಹೈತುಬಿ ಕ್ಹುದಾನಾ ವಾಕ್ಯಾನೆ ಬಂಧನ ನತ್ತಿ.

ಇಬ್ರಿಯ 11:8

ಕ್ಹುದಾ ತೆ ದಿವ್ಸ ಕೈನ ಕದಲ ವಾಗ್ದಾನ ಕರಲ ಜ಼ಗಾಕನ ಜಾ಼ವಾನಾ ಹುತಿ ಅಬ್ರಹಾಮನೆ ಬಲಾಯೊ. ತೆ ಜ಼ಗಾ ಅಬ್ರಹಾಮನೆ ಕಿಜ್ಗಾ಼ ಛೆ ಕವಾನು ಗ್ವತ್ತ ನ್ಹೊತು. ಅಬ್ರಹಾಮಮಾ ಬರೊಕ್ಹೊ ರ‍್ಹಯಲಹುತಿ, ಕ್ಹುದಾನೆ ವಿಧೆಯ ಥೈನ ತೆ ಜ಼ಗಾಪರ ಜಾ಼ವಾನೆ ತಯ್ಯಾರ ಥಯೊ.

ಇಬ್ರಿಯ 5:9

ಅಮ್ಮ ತೆ ಪರಿಶುದ್ಧ ವ್ಹತ್ತೊ. ಕ್ಹುದಾನೆ ವಿದೆಯ ಥಾವಾನಾ ಕ್ಹಾರಾ ಮನಕ್ಹೊ ಹಮೆಶಾ ರ‍್ಹಯಲ ರಕ್ಷಣೆ ವ್ಹಂದಿಲಿವಾನೆ ತೆಜ಼ ಕಾರಣ ವ್ಹೈ.

ಯುದ ಬರ್ದಲ ಪತ್ರ 1:20

ತೆ ನೈಸೊ ಮಯಾನಾ ಭಾಯೊ, ತುಮೊಮಾ ರ‍್ಹಯಲ ಪರಿಶುದ್ದ ಬರೊಕ್ಹಾನಾ ಮುಲಕ ಪವಿತ್ರ ಆತ್ಮಾ ಭರಿತ ಥೈನ ಪ್ರಾಥನಾ ಕರೊ.

ಯುದ ಬರ್ದಲ ಪತ್ರ 1:3

ಮಯಾನಾ ದೊಸ್ತೊ, ಅಪೆ ಕ್ಹಾರಾ ವಾಟಿಲಿವಾನಿ ಮರ್ಗಾನಾ ಹುತಿ ತುಮೊನೆ ಬರ್ದು ಕೈನ ಮಿ ಘನ್ನೊ ಆಸ ಕರ‍್ಯೊತೊ.ತೆ ನೈಸೊ ವರಿ ಯಕ್ಕ ವಿಶಯನಾ ಹುತಿ ಮಿ ಬರ್ದಾನು ಜರುರತ್ತ ಛೆ ಕೈನ ಛೆ ಕೈನ ತಿಳದಿಲಿದ್ಯೊ. ಕ್ಹುದಾ ತಿನಾ ಪರಿಶುದ್ಧ ಮನಕ್ಹೊನೆ ದಿದಲ ಬರೊಕ್ಹಾನಾ ಹುತಿ ತುಮೆ ಪ್ರಯಾಸ ಪಡ್ದಿನ ಹೊರಾಡಾನಾ ಲಿಂಗತ ಮಿ ತುಮೊನೆ ಪ್ರೊತ್ಸಾಹ ಕರಾನಾ ಹುತಿ ಮನಸ ಕರುಸ. ಕ್ಹುದಾ ಅಪೊನೆ ಬರೊಕ್ಹೊ ಯಕ್ಕಸಲಾ ದಿದ್ಯೊಸ. ತೆ ಕ್ಹಾರಾ ಕಾಲಮಾಬಿ ಚೊ಼ಕು ಛೆ.