ಅಪೊಸ್ತಲೊ 5:9 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁹ ತೆಳಾಮಾ ಪೆತ್ರಾ ತಿನೆ ತು ವರಿ ತಾರೊ ಮಾಟಿ ಪ್ರಬುನಿ ಆತ್ಮನೆ ಪರಿಕ್ಷಾ ಲಿವಾನೆ ಕಾ ವಪ್ಪಿಲಿದ್ಯಾ? ದೆಕ ತಾರಾ ಮಾಟಿನೆ ಸಮಾದಿ ಕರಿನ ಐಯಲ ಮನಕ್ಹೊ ಬಾಕಲ ಕನ ಆಯಾಸ ತ್ಯುನೆ ತುನೆ ತಿನಾ ಲಿಂಗತಜ಼ ಉಚೆ಼ಲಿನ ಜಾ಼ವಸ ಕದ್ಯೊ.

ಅಪೊಸ್ತಲೊ 5:9 ပူးပေါင်းရင်းမြစ်များ

ಮತ್ತಾಯ 4:7

ತೆ ವಾತೆ ಯೆಸು ತಾರಾ ಕ್ಹುದಾ ಥಯಲ ಕರ್ತಾನೆ ಪರಿಕ್ಷಾ ಕರು ನೈ ಕೈನ ಬಿ ಬರ್ದಲ ಶೆ.

ಲುಕ ಬರ್ದಲ ಸುವಾರ್ತಾ 16:2

ತಿನಾಹುತಿ ತೆ ಸೌಕಾರ ತಿನಾ ಆಳನೆ ಬಲೈನ, ತಾರಾ ಹುತಿ ಮನೆ ಸುದ್ದಿ ಐಸ. ಕದ್ಯೊ. ಮಾರಾ ದೊಕ್ಡಾ ತು ಶಾನಾ ಹುತಿ ಖರಚ್ಯೊ ಕರ‍್ಯೊಸ ಕೈನ? ತು ಮನೆ ಲೆಕ್ಕೊ ದೆ ತು ಕೆ. ಇತ್ತಿ ಉಪ್ಪರ ಮಿ ಕರಾನು ವ್ಯಾಪಾರ ತು ನಕೊ ದೆಕಿಲಿವ, ಕದ್ಯೊ

ಅಪೊಸ್ತಲೊ 15:10

ಇಮ್ಮ ರ‍್ಹತಾಮಾ, ಯೆಹುದಿಯೊ ನೈಸೊವಾಲಾ ಭಾಯೊನಾ ಖಾಂದಾನಾ ಉಪ್ಪರ ವಜ಼್ಜು ಕಾ ಘಾಲೊಶಿ? ತುಮೆ ಕ್ಹುದಾನೆ ಶಿಟ್ಟ ಕರು ಕೈನ ಕೊಶಿಶ ಕರಾಡಾಸು? ಹಮೊನೊ ರ‍್ಹಂದೆ ಹಮಾರಾ ಪಿತೃನೆ ರ‍್ಹಂದೆ ತೆ ವಜ್ಜು ಉಚಾವಾ ವರಕ್ಹು ತಾಕತ ನ್ಹೊತಿ!

ಅಪೊಸ್ತಲೊ 5:6

ದಕ್ಹಾ ಜಾಂಜಿಮಾನೊ ಐನ ತಿನು ಅಂಗ ಪ್ಹಡ್ಕಾಮಾ ಸುತ್ತಿನ ತ್ಯುನೆ ತೆ ಅಂಗನೆ ಉಚೈಲಿನ ಮಜಾ಼ರಮಾ ಮ್ಹೆಲ್ಯಾ.

ರೊಮಾಪೂರ 10:15

ಇನೆ ಕರೆಟ್ಟ ಚೊ಼ಕಿ ಸುವಾರ್ತೆ ಕವಾಲಾವೊನಾ ಪಗೊ ಕೆಕ್ಲಾಕಿ ಚೊ಼ಕಾ ಶೆ ಕೈನ ಬರ್ದಲ ಶೆ. ತಿಮ್ಮ ರ‍್ಹಯುತಬಿ ಚೊ಼ಕಿಯೊ ವಾತ ಕ್ಹಾರಾ ಜ಼ನಾ ಐಕ್ತಾ ನೈ.

ರೊಮಾಪೂರ 3:19

ಹಮೊನೆ ಹಮ್ನಾ ಗ್ವತ್ತ ಛೆ ನಿಯೊಮೊಮಾ ಸು ಕದ್ಯಾಸ. ಎ ನಿಯಮೊನಾ ಅದಿನಮಾ ಕುನ ಛೆ ತಿನೆ ತ್ಯುನೊನೆ ಧರಮಶಾಸ್ತ್ರನೆ ಅದಿನ ಥೈನ ರ‍್ಹವಾಲಾ ತ್ಯುನಾ ವಿಷಯಮಾ ಧರಮಶಾಸ್ತ್ರ ಎ ಸಂಗತಿಯೊ ಕವಾಡ್ಯುಸ. ಇನಾಹುತಿ ಹರಯಕ್ಕ ಮ್ಹೊಡು ಭಂದೈನ ವರಿ ಕ್ಹಾರಿ ಜಗತ್ತ ಕ್ಹುದಾನಿ ನ್ಯಾಯನಾ ಫೈಸ್ಲಾನೆ ಯೊಗ್ಯ ವ್ಹೈ ಕೈನ ದಿಕ್ಹಸ.

1 ಕೊರಿಂಥ 10:9

ತ್ಯುನಾ ಬಗಲನಾ ದಕ್ಹಾ ಜ಼ನಾ ಪ್ರಭುನೆ ಪರಿಕ್ಷಾ ಕರ‍್ಯಾ. ತಿನಾಹುತಿ ಕ್ಹಾಪೊಕ್ಹು ನಾಶ ಥಯಾ. ತ್ಯುನಾ ಲಿಂಗತ ಪ್ರಭುನೆ ಪರಿಕ್ಷಾ ಕರಾನು ಅಪೊನೆ ನಕೊ.