ಅಪೊಸ್ತಲೊ 5:42 - ಕ್ಹುದಾನಿ ಕ್ಹರಿನಿ ವಾಕ್ಯಾ

⁴² ಮ್ಹೊಟಾ ಸಭೆನಾ ಕ್ಹಾಮಾ ಗೈನ, ಹರಯಕ್ಕ ದಿನ ಚು಼ಕ್ಯಾವಾಚಿ ದೆವಾಲಯಮಾ ಬಿ ವರಿ ಘರ ಘರಮಾ ಉಪದೆಶ ಕರತ್ತಾ ಕ್ರಿಸ್ತ ಥಯಲ ಯೆಸುನಾ ಹುತಿ ಚೊ಼ಕು ಸುರ್ವಾತ್ತಾ ಕತ್ತಾ ವ್ಹತ್ತಾ.

ಅಪೊಸ್ತಲೊ 5:42 ပူးပေါင်းရင်းမြစ်များ

ಲುಕ ಬರ್ದಲ ಸುವಾರ್ತಾ 21:37

ಯೆಸು ತೆ ದಿನೊಮಾ ದಿನ್ನ ಕ್ಹಾರಿ ದೆವಾಲಯಮಾ ಮನಕ್ಹೊನೆ ಉಪದೆಶ ಕತೊತೊ. ವರಿ ರಾತ ಕ್ಹಾರಿ ಒಲಿವ ತೆಲನಾ ಝಾಡನಾ ಡೊಂಗರಪರ ರ‍್ಹತೊತೊ.

ಲುಕ ಬರ್ದಲ ಸುವಾರ್ತಾ 22:53

ದಿನ್ನೆ ಬಿ ತುಮಾರಾ ಕ್ಹಾತೆ ದೆವಾಲಯಮಾ ವ್ಹತ್ತೊ. ತುಮೆ ಮನೆ ತ್ಯಾ ಕಾ ಧರ‍್ಯಾ ನೈ? ತೆನೈಸೊ ಆಜ಼ ತಮಾರೊ ದಿನ್ನ ವ್ಹೈ. ಎ ಅಂದಕಾರನೊ ರಾಜ್ಯ ವ್ಹೈ. ಕದ್ಯೊ.

ಅಪೊಸ್ತಲೊ 11:20

ಎ ವಿಶ್ವಾಸಿಯೊಮಾ ದಕ್ಹಾ ಜ಼ನಾ ಸೈಪ್ರನ್ ವರಿ ಸಿರೆನ್ ಜ಼ಗಾವಾಲಾ ವ್ಹತ್ತಾ. ಎ ಮನಕ್ಹೊ ಅಂತಿಯೊಕ್ಯನೆ ಆಯಲ್ಪರ ತ್ಯುನೆ, ಪ್ರಭು ಥಯಲ ಯೆಸುನಿ ವಿಷಯಮಾ ರ‍್ಹಯಲ ಸುವಾರ್ತೆ ತ್ಯಾನಾ ಗ್ರಿಕ ಮನಕ್ಹೊನೆಬಿ ತಿಳಸಾಯಾ.

ಅಪೊಸ್ತಲೊ 13:32

"ಕ್ಹುದಾ ಅಪ್ನಾ ಪಿತೃವೊನೆ ಕರಲ ವಾಗ್ದಾನನಾ ವಿಷಯಮಾ ರ‍್ಹಯಲ ಸುವಾರ್ತೆ ಹಮೆ ತುಮೊನೆ ಕೈಯೆಸ.

ಅಪೊಸ್ತಲೊ 17:18

ತೆನೈತೊ ಎಪಿಕೊರಿಯೊನೆ ಸ್ತೊಯಿಕರೊನೆ ಕವಾಲಾ ತತ್ವ ವಿಚಾರವಾಲಾ ದಕ್ಹಾಜ಼಼ನಾ ತಿನಾ ಕ್ಹಾತೆ ವಾದಾ ಕರಾಡಾತಾ. ತ್ಯಾ ರಹೆಲ ದಕ್ಹಜ಼ನಾ ತೆ ಸು ವಾತ ಕವಾನೆ ಕೊಶಿಶ ಕರಾಡ್ಯೊಸ ಕೈನ ಕದ್ಯಾ. ತೆ ಯೆಸುನಾ ಹುತಿ ವರಿ ಮರಿನ ಜುತೊ ಥಯಲ ಹುತಿ ಕವಡೊಸ ಕೈನ ವರಿ ತೆ ಭಾರ ಗಾಮಾನಾ ದೆವಸ್ಥಾನವೊನಾ ಬಗೆ ಪ್ರಚಾರ ಕರಾವಾಲೊ ದಿಕ್ಹಾಡೊಸ ಕೈನ ಬಿಜಾ಼ ದಕ್ಹಾಜ಼಼ನಾ ಕವಾಡ್ಯಾತಾ.

ಅಪೊಸ್ತಲೊ 17:3

ತೆ ವಾಕ್ಯನು ಅರ್ಥ ತಿಳಸಾಯಾ. ಕ್ರಿಸ್ತ ತರಾಸ ಕ್ಹಯಿನ ಮರಿನ ಉಟಿನ ಆವಾನು ಜ಼ರುರತ ಛೆ ಕೈನ ಮಿ ತಮನೊನೆ ಪ್ರಸಿದ್ದಿಪಡಿಸಾನಾ ಹುತಿ ಯೆಸು ತೆ ಕ್ರಿಸ್ತ ವ್ಹೈ ಕೈನ ಸ್ಥಿರಪಡಿಸ್ಯಾ.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ಅಪೊಸ್ತಲೊ 20:20

ಮಿ ತುಮಾರಿ ಮನಕ್ಹೊನಾ ಕ್ಹಾಮೊ ತಮನೊನೆ ಚೊ಼ಕಾನಿಕ್ಹು ಕವಾಕ್ಹು, ಘರ ಘರಮಾ,ಐನ ತಮನೊನೆ ಸಹಾಯ ಕರಾನು ಉಪದೆಶ ಕವಾನಿಕ್ಹು ಪಾಚೊ಼ ಸರಕ್ಯಾವಾಚಿ

ಅಪೊಸ್ತಲೊ 4:20

ಹಮೆತೊ ಗಪ್ಪ ನೈ ರ‍್ಹೆ ಸಕ್ತಾ. ಹಮೆ ದೆಕಲ ವರಿ ಐಕಲ ಸಂಗತಿಯೊನಾ ಹುತಿ ಮನಕ್ಹೊನೆ ಕೌಜ಼" ಕೈನ ಉತ್ತರ ದಿದ್ಯಾ.

ಅಪೊಸ್ತಲೊ 4:29

ಪ್ರಭು, ತ್ಯುನೆ ಕವಾನು ಐಕ. ತ್ಯುನೆ ಹಮೊನೆ ಭುಚ್ಕಾಡಾನೆ ಕೊಶಿಶ ಕರಾಡಾಸ! ಪ್ರಭು ಹಮೆ ತಾರಾ ಸೆವಕೊ ವ್ಹೈ. ತಾರಿ ವಾಕ್ಯಾ ಭೆ ವಾಚಿ ಕವಾನೆ ತುಜ಼಼ ಹಮೊನೆ ಮದತ ಕರ.

ಅಪೊಸ್ತಲೊ 8:35

ತಿನಾಹುತಿ ಫಿಲಿಪ್ಪ ತಿನೆ ಯೆಶಾಯನಾ ಬುಕ್ಕಕಂತೊ ಧರಿನ ಯೆಸು ಸ್ವಾಮಿನಾ ವಿಷಯಮಾ ಹರಿಯಕ್ಕ ತಿಳಸಾಯೊ.

ಅಪೊಸ್ತಲೊ 8:5

ಪಿಲಿಪ್ಪ ಸಮಾರ್ಯಾ ಕವಾನಾ ಗಾಮೆ ಗೈನ ಕ್ರಿಸ್ತನಾ ಹುತಿ ತ್ಯಾ ರ‍್ಹಯಲ ಮನಕ್ಹೊಕನ ಸುವಾರ್ತೆ ಕವಾಡೊತೊ.

ಅಪೊಸ್ತಲೊ 9:20

ತೆ ತೆಳಾಮಾಜ಼ ಸಬಾಮಂದಿರೊಮಾ ಯೆಸುನಾ ಹುತಿ ತೆಜ಼ ಕ್ಹುದಾನೊ ದಿಕ್ರೊ ವ್ಹೈ ಕವಾನು ಶುರು ಕರ‍್ಯೊ.

1 ಕೊರಿಂಥ 2:2

ಮಿ ತುಮಾರಾ ಕ್ಹಾತೆ ರ‍್ಹತಾಮಾ ಯೆಸು ಕ್ರಿಸ್ತನಾ ವರಿ ತಿನಿ ಶಿಲುಬಿ ಪರ ಥಯಲ ಮೌತನೆ ಛೊಡಿನ ಬಿಜಾ಼ ಕ್ಹಾರಾ ವಿಷಯನೆ ಇಕ್ಹರಾನೆ ಪೈಸ್ಲೊ ಕರ‍್ಯೊ.

ಗಲಾತ್ಯ 1:16

ತಿನಾ ದಿಕ್ರಾನಾ ಹುತಿ ರ‍್ಹಯಲ ಸುವಾರ್ತೆ ವಿಶ್ವಾಸ ನೈ ರ‍್ಹಯಲ ಮನಕ್ಹೊನೆ ಕೌ ಕೈನ ಕ್ಹುದಾನಿ ಚಿತ್ತ ವ್ಹತ್ತಿ. ತಿನಾಹುತಿ ಕ್ಹುದಾ ತಿನಾ ದಿಕ್ರಾನೆ ಮನೆ ದೆಕಾಡ್ಯೊ. ತೆ ಮನೆ ಬಲಾತಾಮಾ ಮಿ ಕಿನೆಜ಼಼ ಪುಚ್ಯೊ ನೈ.

ಗಲಾತ್ಯ 6:14

ತೆಯ್ಯೊ ವಿಷಯನಾ ಹುತಿ ಮಿ ಮ್ಹೊಟೊ ಥಾತೊಜ಼ ನೈ. ಮಿ ಹೆಮ್ಮೆ ಪಡ್ದಾನೆ ಮನೆ ರ‍್ಹಯಲ ಯಕ್ಕಜ಼ ಕಾರಣ ಸು ವ್ಹೈ ಕದ್ಯಾಮ ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಿ ಶಿಲುಬೆಜ಼ ವ್ಹೈ. ಶಿಲುಬಿಪರ ಯೆಸುನೆ ಥಯಲ ಮರಣನಾ ಹುತಿ ಜಗತ ಮಾರಾ ಪಾಲೆ ಮರಿ ಗಯ್ಯುಸ. ಮಿ ಬಿ ಜಗತ್ನಾ ಪಾಲೆ ಮರಿಗಯೊ.

2 ತಿಮೊತಿ 4:2

ಸುವಾರ್ತೆ ಮನಕ್ಹೊನೆ ತಿಳಸಾ. ದಿನ್ನೊ ಚೊ಼ಕಾ ರ‍್ಹೈತುಬಿ ನೈ ಚೊ಼ಕಾ ರ‍್ಹೈತುಬಿ ಬೊಧನೆ ಅಗೊ ಬಡಾತೊಜಾ಼. ಮನಕ್ಹೊ ಕರಾನು ತ್ಯುನೊನೆ ತಿಳಸಾ. ತ್ಯುನೆ ತಪ್ಪ ಕರ‍್ತಾಮಾ ತೆ ತ್ಯುನೊನೆ ದೆಕಾಡಿನ ದೆ ವರಿ ತ್ಯುನೊನೆ ಪ್ರೊತ್ಸಾಹ ಕರ ತ್ಯುನೊನೆ ಭುಚ್ಕಾ಼ಡ, ತ್ಯುನೊನೆ ಪ್ರೊತ್ಸಾಹ ಕರ ಎ ಕ್ಹಾರು ಹುಷಾರಕ್ಹು ವರಿ ತಾಳ್ಮೆಕ್ಹು ಕರ.